پولیس نے ایم کیو ایم لندن سے تعلق رکھنے والے ٹارگٹ کلر کو مبینہ مقابلے کے بعد گرفتار کرلیا۔
باغی ٹی وی کے مطابق کراچی کے علاقے کورنگی میں اینٹی اسٹریٹ کرائم ٹاسک فورس کا ملزمان سے مقابلہ ہوا، پولیس کے مطابق فائرنگ کے تبادلے کے بعد دو ملزمان زخمی حالت میں گرفتار ہوئے۔پولیس کا کہنا ہے کہ گرفتار ملزمان کی شناخت آصف عرف گوگا اور نواز کے ناموں سے ہوئی ہے، گرفتار زخمی ملزم آصف عرف گوگا کا تعلق ایم کیو ایم لندن سے ہے، ملزم آصف ٹارگٹ کلنگ، قتل، چوری، ڈکیتی وارداتوں میں ملوث ہے۔پولیس حکام کے مطابق ملزم نے کورنگی صنعتی ایریا میں پولیس افسر کو قتل کرنے کی کوشش کی تھی، ملزم آصف کی فائرنگ سے پولیس افسر شدید زخمی ہوا تھا۔حکام کا کہنا ہے کہ گرفتار ملزم کورنگی مہران ٹان میں 8 رکنی ڈکیت گینگ چلا رہا تھا، ملزم اپنے گینگ کے کارندوں کو ڈکیتی وارداتوں کیلئے اسلحہ فراہم کرتا تھا۔پولیس نے مزید بتایا کہ ملزم ساتھیوں کے ہمراہ کورنگی صنعتی ایریا اور ندی سے گزرنے والے شہریوں کو لوٹتا تھا، گرفتار ملزم کے خلاف مقدمہ درج کرکے مزید تحقیقات شروع کردی ہیں۔
لنڈی کوتل: لیڈز پبلک ہائی سکول میں 95 طلبہ و طالبات کی دستار بندی کی روح پرور تقریب
ڈیرہ غازی خان: قبضہ مافیا کے خلاف گرینڈ آپریشن، 50 سال بعد سرکاری اراضی واگزار