Tag: اینٹی کرپشن پنجاب

اینٹی کرپشن پنجاب نے جعلی بھرتی کیس میں سیکرٹری پنجاب اسمبلی رائے ممتاز حسین کوگرفتارکرلیا۔

باغی ٹی وی: ترجمان اینٹی کرپشن کے مطابق پرویز الٰہی نے پنجاب اسمبلی میں گریڈ 17 پر 12 غیرقانونی بھرتیاں کیں، پنجاب اسمبلی میں اُمیدواروں کو ریکارڈ میں ردوبدل کر کے بھرتی کیا گیا اور بھرتی کے عمل میں گھپلوں کے لیے جعلی ٹیسٹنگ سروسز کی خدمات لی گئیں۔

چودھری پرویز الہی کو دونوں مقدمات میں بری کردیا گیا

ترجمان نے بتایا کہ اینٹی کرپشن انکوائری میں پنجاب اسمبلی میں جعلی بھرتیاں ثابت ہوئیں جس کی بنیاد پر سیکرٹری پنجاب اسمبلی رائے ممتاز کو گرفتار کرلیا گیا،رائے ممتاز نے پرویز الٰہی کے ساتھ مل کرپنجاب اسمبلی میں جعلی بھرتیاں کیں۔

خیال رہے کہ اینٹی کرپشن پنجاب نے گوجرانوالا کی عدالت سے دو کیسز میں بری ہونے کے بعد پرویزالٰہی کو پنجاب اسمبلی میں جعلی بھرتیوں کے کیس میں گرفتار کرلیا ہے۔

گوجرانوالا : بریت کے بعد پرویز الہیٰ ایک اور مقدمے میں گرفتار

اس حوالے سے مونس الٰہی نے سوشل میڈیا پربیان جاری کرتےہوئےلکھا کہ پہلےکرپشن کرپشن کی رٹ لگائی ہوئی تھی، لاہورکےایک اور گوجرانوالہ کے دونوں کیسز میں پرویز الٰہی بری ہو گئے،اب پنجاب اسمبلی کی بھرتیوں کے بھونڈے کیس میں پرویز الٰہی کو گرفتار کیا گیا ہےصرف انتقامی ایجنڈے کے تحت مقدمات درج ہو رہے ہیں، پرویز الٰہی عدلیہ سےسرخرو ہو رہے ہیں۔

لاہور: اینٹی کرپشن پنجاب نے ضمانتی دستاویزات وصول ہونے کے بعد چوہدری پرویز الہیٰ کو 6 مئی تک گرفتار نہ کرنے کا فیصلہ کیا ہے۔

باغی ٹی وی: اینٹی کرپشن ذرائع کے مطابق پرویز الہیٰ کے وکلا کی جانب سے اینٹی کرپشن میں عدالت کی جانب سے ملنے والی ضمانت کے کاغذات جمع کرادیے گئے ہیں جس کی اینٹی کرپشن حکام نے تصدیق کرلی جس کے مطابق عدالت نے پرویز الہیٰ کو 6 مئی تک عبوری ضمانت دی ہے۔ اینٹی کرپشن کے ذرائع کا کہنا ہے کہ کاغذات موصول ہونے تک پی ٹی آئی کے صدر کو 6 مئی تک گرفتار نہ کرنے کا فیصلہ کیا ہے۔

پولیس چھاپہ،کوئی نہ آیا، پولیس کے جاتے ہی پرویز الہیٰ سے یکجہتی کیلئے گھر کا …

ذرائع نے بتایا کہ چوہدری پرویز الہیٰ کے خلاف اینٹی کرپشن پنجاب میں انویسٹی گیشن قانون کے مطابق جاری رہے گی سابق وزیر اعلی پنجاب کے گھر سے گرفتار ہونیوالے افراد پولیس کی حراست میں ہیں، حراست میں لیے گئے افراد کے خلاف پولیس اور اینٹی کرپشن ٹیم پر پیٹرول بم پھینکنے اور پتھراؤ کا مقدمہ درج ہے۔

واضح رہے کہ چوہدری پرویز الہیٰ کے خلاف پولیس آپریشن لاہور ہائیکورٹ میں چیلنج کردیا گیا تھا پرویز الٰہی کے بیٹے راسخ الہی کی جانب سے لاہور ہائیکورٹ میں دائر درخواست میں پنجاب حکومت، اینٹی کرپشن اور پولیس کو فریق بنایا گیادرخواست میں موقف اختیار کیا گیا ہے کہ پرویز الٰہی کی لاہور ہائیکورٹ سے حفاظتی ضمانت منظور ہوچکی ہے۔ ضمانت کے باوجود ظہور الٰہی کے گھر پر آپریشن کیا گیا اور ہراساں کیا گیا۔

پولیس پرویز الہٰی کو گرفتار کرنے میں ناکام،مخبری کس نے کی؟ چودھری سالک بول پڑے

درخواست میں لاہور ہائیکورٹ سے چوہدری پرویز الہیٰ کی حفاظتی ضمانت کی معیاد مکمل ہونے تک ان کی گرفتاری روکنے، ظہور الہیٰ روڈ کلئیر کرنے اور پولیس کو ہٹنے کا حکم جاری کرنے کی استدعا کی گئی-

دوسری جانب وفاقی وزیر خزانہ اسحاق ڈار نے تحریک انصاف کے وائس چیئرمین اور مذاکراتی ٹیم کے سربراہ شاہ محمود قریشی سے رابطہ کرکے چوہدری پرویز الہیٰ کے گھر پولیس کے حملے پر افسوس کا اظہار کیا ہے۔

وزیر خزانہ اسحاق ڈار نے تحریک انصاف کے صدر چوہدری پرویز الٰہی کے گھر پر دھاوے اور چادر چار دیواری کی پامالی پر افسوس کا اظہار کرتے ہوئے واضح کیا کہ چوہدری پرویزالٰہی کے گھر پر حملے سے وفاقی حکومت کا کوئی تعلق نہیں، یہ کارروائی نگران پنجاب حکومت کی جانب سے کی گئی ہے، تحریک انصاف کے جذبات سے اپنی قیادت کو آگاہ کریں گے، اس سلسلے میں جلد تحریک انصاف سے دوبارہ رابطہ کریں گے۔

عمران خان کی تین مئی تک عبوری ضمانت منظور

جبکہ شاہ محمود قریشی نے وزیر خزانہ اسحاق ڈار کو چوہدری پرویز الٰہی کے گھر پر غیرقانونی حملے پر تحریک انصاف اور چوہدری پرویز الٰہی کے خاندان کے جذبات سے آگاہ کیا۔

لاہور: پنجاب انسٹی ٹیوٹ آف کارڈیالوجی میں اربوں روپے کی کرپشن اور رشوت کے معاملے پر ڈاکٹر یاسمین راشد کے خلاف انکوائری شروع کردی گئی ہے۔

باغی ٹی وی : اینٹی کرپشن کے جاری کردہ نوٹیفکیشن کے مطابق اینٹی کرپشن اسٹیبلشمنٹ پنجاب نے سابق صوبائی وزیراور پی ٹی آئی پنجاب سینٹرل کی صدر صحت ڈاکٹر یاسمین راشد کے خلاف انکوائری کے سلسلے میں انہیں 4 اپریل کو دوپہر 12 بجے طلب کرلیا-

دیگراضلاع اور صوبوں کے شہری بھی لاہور سے ڈرائیونگ لائسنس بنوا سکیں گے

پی ٹی آئی رہنما ڈاکٹر یاسمین راشد پر پارکنگ، کینٹین اور صفائی کے ٹھیکوں میں رشوت لینے کا الزام ہے ایگزیکٹیو ڈائریکٹر پی آئی سی اور ایم ایس پر ڈاکٹر یاسمین راشد کو کروڑوں روپے رشوت دینے اور ان کے خرچے اٹھانے کا الزام ہے۔

اینٹی کرپشن نے ایگزیکٹیو ڈائریکٹر پی آئی سی ڈاکٹر بلال محی الدین، ایم ایس ڈاکٹر محمد تحسین، اے ایم ایس پرچیز ڈاکٹر شکیل ، اے ایم ایس اسٹور فارمیسی ڈاکٹر مسعود نواز کو بھی اینٹی کرپشن نے ڈاکٹر یاسمین راشد کےہمراہ طلب کیا ہےملزمان پر سینٹرل پرچیز میں مہنگے داموں اسٹنٹ خرید کر سرکاری خزانے کو ایک ارب روپے سے زائد کا نقصان پہنچانے کا الزام ہے۔

امید ہے انصاف کے تقاضے پورے کیے جائیں گے ،عطا تارڑ

ملزمان پر رواں مالی سال پیپرا رولز کی خلاف ورزی کرکے اسٹنٹس کی خریداری میں بھاری کمیشن لینے کا بھی الزام ہے علاوہ ازیں بائی پاس آپریشن میں استعمال ہونے والا سامان بھی مہنگے داموں خریدنے کا الزام ہے۔ پی آئی سی انتظامیہ پر دل کی بیٹریوں سمیت پی آئی سی کے اسٹور سے کروڑوں روپے مالیت کا سامان چوری کروانے کا الزام بھی ہے-

ڈی جی اینٹی کرپشن پنجاب کا کہنا ہے کہ فرخ گوگی کیخلاف درج تمام مقدمات کی نئےسرے سے انکوائری کا آغاز کیا جائے گا-

باغی ٹی وی: نجی خبررساں ادارے جیو سے گفتگومیں اینٹی کرپشن پنجاب کے ڈائریکٹر جنرل (ڈی جی) سہیل ظفرچٹھہ نے کہا ہے کہ فرخ گوگی کےخلاف درج تمام مقدمات کی نئےسرے سے انکوائری کا آغاز کردیاگیا،فرح گوگی نے اثر و رسوخ سےزرعی زمین سستےداموں فروخت کرائی تھی،ان کا کیس ایف آئی اے کو بھی بھجوایاجائےگا-

انہوں نے بتایا کہ شیخ رشید کے خلاف انکوائری کو بھی ری اوپن کر دیا گیا ہے شیخ رشید نے رنگ روڈ اسکینڈل میں سڑک کا رُخ اپنی زمین کی طرف کرایاتھا اور اس طرح اپنی زمین کی قیمت بڑھائی تھی۔

انہوں نےبتایا کہ سابق وزیر اعلیٰ پنجاب چوہدری پرویز الٰہی کےدورمیں ہونے والےترقیاتی کاموں کا تمام ریکارڈ طلب کرلیا پی ٹی آئی دورکےترقیاتی منصوبوں کا ریکارڈ بھی پنجاب بھر کے کمشنرز سےمانگ لیا گیا ہے،پنجاب بھر کی تمام ہاؤسنگ سوسائٹیز کا ریکارڈ بھی طلب کر لیا گیا ہے اور دیکھاجا رہا ہے عثمان بزدار، پرویز الٰہی نے کتنی ہاؤسنگ سوسائیٹیز کو ریلیف دیا-

ظفر چٹھہ نے کہا کہ رنگ روڈ اسکینڈل کی فائل بھی دوبارہ انکوائری کیلئے اوپن کر دی گئی ہےپی ٹی آئی حکومت کے سینیئر افسران کو انکوائری میں ریکارڈ سمیت بُلا لیا گیاجو افسر اینٹی کرپشن سےتعاون نہیں کرتا اسے گرفتار کیا جائے گا انکوائریاں اور گرفتاریاں آئندہ ہفتے شروع کی جا سکتی ہیں، محمود الرشید، راجہ بشارت، مراد راس، یاسمین راشد اور دیگر وزرا کے محکموں کا ریکارڈ بھی طلب کیا ہے۔

ذرائع کے مطابق مارچ کے پہلے ہفتے سے کرپشن میں ملوث افسران اور سابق وزرا کی گرفتاریاں متوقع ہیں۔

اینٹی کرپشن پنجاب کاایکشن، ملتان، مظفر گڑھ اور پاک پتن سے رشوت خور سرکاری ملازمین سمیت 3 افراد کو گرفتار کر لیا.اینٹی کرپشن پنجاب نے گریڈ 16 کے اسسٹنٹ کو پاک پتن سے رنگے ہاتھوں گرفتار کیا۔

ملزم محمد اکرم ایڈیشنل ڈپٹی کمشنر پاک پتن کے ریڈر کے طور پر تعینات تھا۔ محمد اکرم کو شہری سے 20 ہزار روپے بطور رشوت وصول کرتے ہوئے گرفتار کیا گیا۔ ملزم سے رشوت کے پیسوں کے نشان ذدہ نوٹ بھی بر آمد کر لئے گئے ہیں۔

ملزم کے خلاف تعزیرات پاکستان اور انسداد بد عنوانی قانون کی مختلف دفعات کے تحت مقدمہ درج کیا گیا ہے جبکہ ملتان سے پٹواری محمد کلیم کامران کو گرفتار کیا گیا ہے ،ملزم محمد کلیم کو عدالت سے ضمانت قبل از گرفتاری خارج ہونے پر گرفتار کیا گیا۔ پٹواری محمد کلیم نے مقدمہ میں نامزد دیگر ملزمان محمد قاسم، محمد عمر، محمد حسین اور جندوڈہ کے نام پر سرکاری زمین منتقل کی۔ ملزمان نے پرت پٹوار اور سرکار میں دروبدل کرکے زمین کو جعلسازی سے فروخت کیا۔

اینٹی کرپشن پنجاب نے مظفر گڑھ سے ملزم نذیر احمد کوبھی حراست میں لے لیا۔ ملزم نے مدعی مقدمہ کے والد کی 13 کنال زمین جعلی انگوٹھے کا نشان لگا کر اپنے نام منتقل کروائی۔
نزیر احمد نے پٹواری کے منشی عبدالرزاق کی مدد سے ملکیت کے انتقال کا پرت سرکار تبدیل کروایا جبکہ مقدمہ میں نامزد منشی عبدالرزاق کو بھی گرفتار کیا جا چکا ہے۔