پاکستان تحریک انصاف (پی ٹی آئی) کے رہنما بجاش خان نیازی اپنی ہی جماعت کے سینئر رہنما حماد اظہر کے مقابلے میں سامنے آگئے ہیں۔
بجاش خان نیازی کا کہنا ہے کہ حماد اظہر نے 2013ء میں این اے 129 سے الیکشن لڑا اور 2018ء میں کامیابی کے بعد حلقے سے غائب ہو گئے، جبکہ 9 مئی 2023ء کے بعد بھی وہ دوبارہ سامنے نہیں آئے۔ان کا مزید کہنا تھا کہ حماد اظہر اس حلقے میں خاندانی سیاست کر رہے ہیں، انہوں نے اپنے اور اپنے کزن کے کاغذات نامزدگی جمع کرائے ہیں۔ کیا پی ٹی آئی کے پاس میاں اظہر خاندان کے علاوہ کوئی امیدوار نہیں؟
بجاش خان نیازی نے کہا کہ حماد اظہر یہ دعویٰ کرتے ہیں کہ بانیٔ پی ٹی آئی نے انہیں ٹکٹ دیا ہے، لیکن بانیٔ پی ٹی آئی کی تو اڈیالہ جیل میں کسی سے ملاقات نہیں ہو رہی۔ انہوں نے خود کو این اے 129 سے پی ٹی آئی کا حقیقی امیدوار قرار دیا۔ان کا کہنا تھا کہ میں کارکنوں سے درخواست کرتا ہوں کہ وہ مجھے ووٹ دیں، کیونکہ حماد اظہر کارکنوں کی حق تلفی کر کے یہ نشست ن لیگ کو تحفے میں دے رہے ہیں۔
اسرائیلی فضائی حملے میں حوثی وزیراعظم شہید، تصدیق ہو گئی
متاثرین کو اسکولوں میں منتقل ، ریلیف آپریشن میں کمی نہ آئے: مریم نواز
