Tag: این ٹی ڈی سی

لاہور: ملک میں گزشتہ روز ہونے والے بریک ڈاؤن کے بعد تاحال تمام پاور پلانٹس بحال نہ ہوسکے 24 گھنٹوں کے بعد بھی خرابی کا پتا نہ لگایا جاسکا۔

باغی ٹی وی : نیشنل گرڈ سے بلوچستان کے 20 اضلاع کو بجلی کی فراہمی 12 گھنٹے بند رہنے کے بعد جزوی طور پر تو بحال ہوگئی بلوچستان کے 28اضلاع میں نیشنل گرڈ سے بجلی کی فراہمی صبح سوا 9 بجے منقطع ہوئی تھی-

حکومت کا ملک بھر میں بجلی مکمل بحال کرنیکا دعویٰ مگر کئی علاقے تاحال بھی بجلی…

اوچ، سبی اور دادو خضدار ٹرانسمیشن لائنوں کی بحالی کے بعد کوئٹہ سمیت صوبے کے 20 اضلاع میں 12 گھنٹے بعد بجلی کی فراہمی بحال کردی گئی اس کے باوجود صوبے کے دیگر 8 اضلاع میں رات گئے تک بجلی کی فراہمی بحال نہ ہوسکی بجلی کے طویل بریک ڈاون کی وجہ سے موبائل فون اور لینڈ فون سروس بھی متاثر ہوئی۔

تمام تر صورتحال پر کیسکو حکام کا کہنا ہے لورالائی اور ڈیرہ غازی خان ٹرانسمیشن لائن بحال ہونے کے بعد صورتحال نارمل ہوسکے گی۔

دوسری جانب نیشنل ٹرانسمیشن اینڈ ڈسپیچ کمپنی( این ٹی ڈی سی ) کے ذرائع کا کہنا ہے کہ 10 سال کے دوران یہ بجلی کا 16واں بڑا بریک ڈاؤن ہے، جس کے باعث گرڈاسٹیشنز پر فریکوئنسی ایشوبرقرار ہے۔ تمام پاورپلانٹس ابھی تک فعال نہیں ہوسکے ہیں اور ملک میں بجلی کاساڑھے 4 ہزار میگاواٹ شارٹ فال برقرار ہے۔

این ٹی ڈی سی کا کہنا ہے کہ پاورپلانٹس سے بجلی آہستہ آہستہ سسٹم میں واپس آرہی ہے جس کی وجہ سے شہروں میں4 اور دیہی علاقوں میں 12گھنٹے لوڈشیڈنگ جاری ہے تاہم دوپہر3 بجےکے بعد صورتحال واضح ہوجائےگی –

سی ای او کے الیکٹرک کو گرفتار کرکے کمیٹی میں حاضر کیا جائے،حکم

دوسری جانب پاور ڈویژن کے مطابق ملک کےجنوبی ٹرانسمیشن سسٹم میں حادثاتی خرابی آئی جس سے پاورپلانٹس مرحلہ وارٹرپ ہو رہے ہیں، بجلی کی سپلائی میں رکاوٹ آرہی ہے، خرابی دور کرکے بجلی جلد بحال کردی جائےگی-

علاوہ ازیں واپڈ ذرائع کا کہنا ہے کہ گڈو تھرمل پاور میں فنی خرابی کے باعث تمام 6 یونٹ ٹرپ کرگئےہیں اور 832 میگاواٹ بجلی سسٹم سے نکل گئی ہے، جیکب آباد، شکارپور، سبی، دادو، راجن پور، رحیم یار خان اور گھوٹکی کو بجلی کی فراہمی معطل ہے۔

ترجمان لیسکو کے مطابق جنوبی پنجاب میں فالٹ سے لیسکوسسٹم پرعارضی لوڈ پڑا تھا، این ٹی ڈی سی سسٹم میں فالٹ سے 2 گرڈاور 20 فیڈرزبندہوگئے تھے جنہیں لوڈ مینجمنٹ کے ذریعے بحال کردیا گیا ہے-

ملک بھر کے مختلف علاقوں میں بجلی کی فراہمی معطل