Tag: ایکسپو

پنجاب کے صوبائی وزراء نے چین کے صوبے ننشیا کے دارالحکومت ین چوان میں چین عرب ممالک ایکسپو کی افتتاحی تقریب میں شرکت کی-صوبائی وزراء ایس ایم تنویر،اظفر علی ناصر اور ابراہیم حسن مراد نے چین عرب ممالک ایکسپومیں پاکستان کے پویلین سمیت دیگر پویلین کا دورہ کیا -چین عرب ممالک ایکسپو میں 60 سے زائد ممالک کے مندوبین نے شرکت کی -صوبائی وزراء نے پاکستانی پویلین پر رکھی اشیاء میں گہری دلچسپی کا اظہار کیا-صوبائی وزراء ایکسپو میں دیگر ممالک کے لگائے گئے سٹالز پر بھی گئے-صوبائی وزیر ایس ایم تنویر نے کہا کہ تجارت اور معاشی تعلقات بڑھانے کے لئے اس طرح کی ایکسپو کلیدی کردار ادا کرتی ہیں۔ صوبائی وزیر اظفر علی ناصر نے کہا کہ چین عرب ایکسپو میں پنجاب حکومت کے وفد کی خصوصی شرکت اعزاز ہے۔ صوبائی وزیر ابراہیم حسن مراد نے کہا کہ اس ایکسپو میں شریک دیگر ممالک کے وفود سے اقتصادی تعلقات بڑھانے پر مفید گفتگو ہوئی ہے

وزیر اعلی محسن نقوی کا ین چوان میں ننشیا میڈیکل یونیورسٹی کا دورہ
نگران وزیر اعلیٰ پنجاب محسن نقوی نے چین کے صوبہ ننشیا کے دارلحکومت ین چوان میں ننشیا میڈیکل یونیورسٹی کا دورہ کیا- ننشیا میڈیکل یونیورسٹی کے وائس چانسلر اور فیکلٹی کے سینئر ڈاکٹرز نے ننشیا میڈیکل یونیورسٹی میں تعلیم اور ریسرچ کے بارے میں بریفنگ دی-وزیر اعلی محسن نقوی نے ننشیا میڈیکل یونیورسٹی کے مختلف شعبوں کا معائنہ کیا اور میڈیکل ایجوکیشن کے نظام کا مشاہدہ کیا -وزیر اعلی محسن نقوی نے میڈیکل یونیورسٹی میں ریسرچ اینڈ ڈویلپمنٹ کے شعبے کا خصوصی جائزہ لیا -وزیر اعلی محسن نقوی نے ننشیا میڈیکل یونیورسٹی کے فیکلٹی ممبران سے ملاقات کی -وزیر اعلی محسن نقوی نے ننشیا میڈیکل یونیورسٹی میں زیر تعلیم پاکستانی طلبہ سے بھی ملاقات کی -وزیر اعلی محسن نقوی نے ننشیا میڈیکل یونیورسٹی میں شعبہ طب کی تعلیم کے حوالے سے جدت پسندی کی تعریف کی-وزیر اعلی محسن نقوی نے گفتگو کرتے ہوئے کہا کہ میڈیکل ایجوکیشن میں جدت لانا وقت کا تقاضا ہے۔ننشیا میڈیکل یونیورسٹی میں میڈیکل ریسرچ کے حوالے سے شاندار کام ہو رہا ہے۔ننشیا میڈیکل یونیورسٹی کے ساتھ مل کر پنجاب میں میڈیکل ایجوکیشن کا معیار بلند کریں گے۔ وزیر اعلی محسن نقوی نے کہا کہ دورہ چین صرف وزٹ نہیں بلکہ باہمی تعاون کو تیزی رفتاری سے عوام کی بہتری کیلئے استعمال کیا جائے گا-چیف سیکرٹری زاہد اخترزمان،ننشیا حکومت کے اعلی حکام اور پاکستانی سفارت خانے کے افسران بھی ہمراہ تھے

وزیر اعلی محسن نقوی کا دورہ چین، پنجاب اورننشیا کے درمیان 2 معاہدے، ساہیوال اور بہاولپور چینی شہروں کے سسٹر سٹیز قرار
نگران وزیر اعلی پنجاب محسن نقوی کے دورہ چین پر پنجاب اور ننشیا کی حکومت کے درمیان 2 معاہدے کئے گئے-چین کے صوبہ ننشیا کے دارالحکومت ین چوان میں ساہیوال اور چین کے شہر ووژونگ اور بہاولپور اور زونگ وئی کو سسٹر سٹیز قرار دینے کا معاہدہ ہوا-تقریب میں ساہیوال،بہاولپوراور ووژونگ، زونگ وئی کو سسٹر سٹیز قرار دینے کے معاہدے کی دستاویزات پر دستخط کئے گئے-پنجاب حکومت کی طرف سے صوبائی وزیر صنعت و زراعت ایس ایم تنویر نے سسٹر سٹیز کے معاہدوں پر دستخط کئے -تقریب میں صوبائی وزراء ایس ایم تنویر، اظفر علی ناصر، ابراہیم حسن مراد،سیکرٹری فنانس مجاہد شیر دل اور ننشیا کے اعلیٰ حکام نے شرکت کی-معاہدوں کے تحت ساہیوال او ربہاولپور کے چینی شہرو ں سے روابط برقرار رکھنے او ردوستانہ تعلقات کے فروغ پر اتفاق کیا- باہمی معاہدوں کے مطابق باہمی افہام و تفہیم بڑھانے کے ساتھ ساتھ وفود کے تبادلوں اور تعاون کو فروغ دیا جائے گا-سسٹر سٹیز معیشت اور تجارت، سائنس اور ٹیکنالوجی میں باہمی معاونت کریں گے-سسٹر سٹیز تعلیم، زراعت، ہیلتھ، ثقافت اور سیاحت کے فروغ کے لئے تعاون کریں گے-سسٹر سٹیز کے سرکردہ حکام اور متعلقہ محکمے باہمی دورے اورمہارتوں کا تبادلہ کریں گے- دوستانہ تعلقات کو فروغ دینے کے لیے تمام شعبوں میں اشتراک کار کیاجائے گا-وزیر اعلی پنجاب محسن نقوی نے معاہدوں کا خیرمقدم کیااور پاک چین تعلقات کے حوالے سے خوش آئند قرار دیا -وزیر اعلی پنجاب محسن نقوی نے ننشیا کے پارٹی سیکرٹری اور اعلی حکام کا شکریہ ادا کیا -وزیر اعلی محسن نقوی نے کہا کہ پنجاب اور چینی صوبے ننشیا کے باہمی تعلقات کے استحکام اور فروغ کے لئے اہم سنگ میل ہے- اس معاہدے کے ثمرات سے پنجاب کے عوام مستفید ہوں گے۔صوبائی وزیر ایس ایم تنویر نے کہا کہ ساہیوال اور بہاولپور کا ننشیا کے 2جدید ترین شہروں کے ساتھ سسٹر سٹیز کا معاہدہ شاندار ثمرات کا باعث ہوگا۔ صوبائی وزیر اظفر علی ناصر نے کہا کہ سسٹر سٹیز کے معاہدے سے مختلف شعبہ ہائے زندگی میں تعاون کے دروازے کھلیں گے۔ صوبائی وزیر ابراہیم مراد نے کہا کہ دورہ چین کے درمیان سسٹر سٹیز معاہدہ اہم کامیابی کے مترادف ہے

صوبائی وزیر خزانہ پنجاب سردار اویس احمد خان لغاری کا کہنا ہے کہ پاکستان ایگری ایکسپو2022 زرعی برآمدات میں اضافہ کے لئے ایک اہم پلیٹ فارم ثابت ہو گی۔موجودہ حکومت زرعی شعبہ کوعالمی سطح پر مارکیٹ ڈریون سٹریٹجی کے مطابق بنانے کیلئے کوشاں ہے تاکہ ہماری ملکی زرعی برآمدات میں اضافہ ہو سکے اور ہمارے کاشتکار بھائیوں کو بھرپور منافع ملے .

سردار اویس احمد خان لغاری نے ایکسپو سینٹر جوہر ٹاؤن لاہور میں دو روزہ زرعی نمائش ” پاکستان ایگری ایکسپو2022 "کے افتتاح کے موقع پر میڈیا سے گفتگو کرتے ہوئے کہا کہ موجودہ حکومت زراعت کی ترقی کیلئے بھرپور اقدامات کر رہی ہے۔ موجودہ حکومت نے مالی مشکلات کے باوجودہ مالی سال 2022-23 کے بجٹ میں زرعی ترقی اور کاشتکاروں کی خوشحالی کیلئے53 ارب19 کروڑ روپے مختص کیے ہیں جس میں سے زرعی اجناس کی پیداوار میں اضافہ کے لئے 3 ارب65 کروڑ روپے کی خطیر رقم مختص کی گئی ہے۔

انھوں نے مزید کہا کہ موجودہ حکومت زرعی برآمدات میں اضافہ کے لئے مسلسل اقدامات کر رہی ہے۔یہ نمائش پاکستانی زرعی مصنوعات اور ہائی ویلیو ایگریکلچر کو بین الاقوامی سطح پر فروغ دینے میں معاون ثابت ہوگی جس سے ملکی زرعی برآمدات میں اضافہ ہوگااور یہ نمائش برآمد کنندگان کیلئے انتہائی فائدہ مند ثابت ہو گا۔

اس موقع پر سیکرٹری زراعت پنجاب کیپٹن(ر) اسد اللہ خان نے کہا کہ محکمہ زراعت پنجاب نے پاکستانی زرعی مصنوعات کے فروغ اور برآمدات میں اضافہ کے لئے اس نمائش کا انعقاد کیا ہے جس میں ملکی و غیر ملکی کمپنیوں نے150 سٹالزلگائے ہوئے ہیں جبکہ 12مختلف ممالک سے70غیر ملکی وفود اورقریباً 2ہزار سے کاشتکاروں اس نمائش میں شریک ہیں۔

پاکستان ایگری ایکسپو2022 میں بہتر کاروباری روابط کے لئے بزنس ٹو بزنس میٹنگ کے مواقع بھی موجود ہیں۔ اس نمائش سے عالمی منڈیوں میں پاکستانی زرعی مصنوعات کی مانگ میں اضافہ ہوگا جس سے ہماری برآمدات بڑھیں گی اور ملکی معیشت مستحکم ہوگی۔انھوں نے مزید کہا کہ اس نمائش سے قبل محکمہ زراعت ایسی سات نمائشوں کا انعقاد کروا چکا ہے جس میں مجموعی طور پر15 ممالک سے100 وفود نے شرکت کی اور ان نمائشوں کے ذریعے پاکستانی برآمدات میں 10.2 ملین ڈالرز کا اضافہ ہوا تھا۔

پاکستان ایگری ایکسپو2022 کی افتتاحی تقریب میں اسپشل سیکرٹری زراعت(مارکیٹنگ) پنجاب وقار حسین، ایڈیشنل سیکرٹری زراعت (پلاننگ) شریں ناز،ڈائریکٹر جنرل زراعت (توسیع)ڈاکٹر انجم علی،ڈائریکٹر جنرل زراعت (اصلاح آبپاشی) ملک محمد اکرم اور ڈائریکٹر زرعی اطلاعات پنجاب محمد رفیق اختر سمیت دیگر اعلیٰ افسران نے شرکت کی۔اس نمائش میں کاشتکاروں کی آگاہی کے لئے سیمینار کا انعقاد بھی کیا گیا۔یہ دو روزہ نمائش کل تک جاری رہے گی

دو روزہ مصنوعی ذہانت انفارمیشن اور ٹیکنالوجی ایکسپو کا آغاز راولپنڈی چیمبر آف کامرس کے زیر اہتمام ہوا۔

باغی ٹی وی کی رپورٹ کے مطابق راولپنڈی میں چیمبر آف کامرس کے زیر اہتمام دو روزہ مصنوعی ذہانت اور انفارمیشن ٹیکنالوجی ایکسپو کا آغاز ہو گیا

ساتھ ایک اور اہم خبر یہ کہ ٹیکنالوجی، روبوٹس، ڈرون ٹیکنالوجی، لاجسٹک، طبی سامان اور یونیورسٹیز کی جانب سے آئی ٹی ایکسپو دوروز جاری رہے گی
اس مقصد کیلئے وفاقی وزیر سیفران سینیٹر طلحہ محمود نے صدر راولپنڈی چیمبر ندیم اے رؤف کے ہمراہ ایکسپو کا افتتاح کیا۔
اس میں بہت اہم شخصیات نے بھی شرکت کی جس میں ڈین آف ایمبیسڈر ترکمانستان کے سفیر، اتد جان مولاموف، چیف کمشنر ان لینڈ ریونیو محمد اقبال کی بھی خصوصی شرکت شامل تھی۔

اس خاص موقع پر سی ای او IGNITE، سابق صدور آر سی سی آئی، سینئر نائب صدر عاصم ملک، نائب صدر طلعت اعوان، چیئرمین ایکسپو راجہ عامراقبال کی شرکاء کو بریفنگ بھی دی گئی۔

*مہمان خصوصی وفاقی وزیر سنیٹر طلحہ محمود کا ایکسپو تقریب سے خطاب*
انہوں سب سے پہلے اپنے خطاب میں کہا کہ حکومت کی اولین ترجیح کاروباری برادری کے لیے آسانیاں پیدا کرنا ہے،اور یہ حکومت کی اولین ترجیحات میں شامل ہے۔

پھر ان کا کہنا تھا کہ آئی ٹی کا شعبہ اہم ہے، ایکسپورٹ بڑھانے کے لیے آئی ٹی کے شعبے کی ترقی کے لیے کئی اقدامات اٹھائے جا رہے ہیں۔ سنیٹر طلحہ محمود نے آئی ٹی کے شعبے کی اہمیت کا بتایا۔

مزید کہا کہ کانفرنس اور ایکسپو انعقاد پر راولپنڈی چیمبر مبارکباد کا مستحق ہے، سنیٹر طلحہ محمود نے راولپنڈی چمبر کو مبارکباد کا مستحق قرار دیا۔

نجی شعبے کے حوالے سے طلحہ محمود کا کہنا تھا کہ نجی شعبے کو آگے آ کر حکومت کا ہاتھ بٹانا چایئے، بزنس اور ایجوکیشن کا آپس میں گہرا رشتہ ہے،
انڈسٹری ایکیڈیمیہ کو ترقی دے کر ہی ملک خوشحالی کی طرف جا سکتا ہے، طلحہ محمود نے ملک کی خوش حالی اور ترقی کے حوالے سے بھی بات کی۔ان کا کہنا تھا کہ میں حکومت اور تاجر برادری کے درمیان پل کا کردار ادا کروں گا۔پاکستان قدرتی ذخائر سے مالامال ہے۔انہوں نے اس حوالے سے کہا کہ مناسب مینجمنٹ کی ضرورت ہے، ملک دوست پالیسیوں کے لیے چیمبر اپنی تجاویز دے ۔۔

*صدر چیمبر ندیم اے رؤف کا خطاب*

صدر چیمبر ندیم اے روف نے اپنے خطاب میں کہا کہ آئی ٹی کے شعبے میں پاکستان کی سالانہ ایکسپورٹ چار ارب ڈالر کے قریب ہیں جبکہ بھارت کئی گنا آگے جاچکا ہے،ہمیں دنیا میں آئی ٹی کے میدان میں مقابلہ کے لئیے اہم اقدامات اٹھانے ہونگے ۔۔۔۔ندیم اے رؤف