لاہور: پاکستان ریلوے کے سی ای او نے کہا ہے کہ لاہور اور کراچی کے درمیان گرین لائن طرز کی ایک نئی ٹرین چلائی جائے گی-
باغی ٹی وی : ای کچہری کے دوران عوام کے سوالات کے جوابات دیتے ہوئے چیف ایگزیکٹو آفیسر پاکستان ریلوے عامر علی بلوچ نے کہا کہ ریلوے کی اولین ترجیح مسافروں کو بہتر سفری سہولیات فراہم کرنا ہے اور خوش آئند بات یہ ہے پاکستان ریلوے کے پاس اب جدید ٹیکنالوجی موجود ہے جس کی مدد سے مقامی سطح پر نئی کوچز تیار کی جا رہی ہیں، جس کے بعد ریلوے کو بیرون ملک سے کوچز درآمد کرنے کی ضرورت نہیں رہے گی، پاکستان ریلوے نے بولان ایکسپریس کا آپریشن صرف 45 دنوں کے اندر اپنے وسائل سے بحال کیا، مزید یہ کہ بارشوں سے متاثرہ ریلوے ٹریک اور پل بھی ریلوے اپنے وسائل سے ہی مرمت کر رہا ہے۔
فیصل آباد میں ریلوے زمینوں پر قبضے کے حوالے سے ایک سوال کے جواب میں، سی ای او نے تجاوزات اور قبضہ مافیا سے ریلوے زمین کو واگزار کروانے کے لیے ڈی ایس لاہور کو بھی فوری ہدایات جاری کیں ، انہوں نے عوام سے بھی گزارش کی کہ وہ ٹرینوں میں صفائی کا خصوصی خیال رکھیں۔
ای کچہری میں مجموعی طور پر 35 ہزارسے زائد افراد شریک ہوئے جبکہ تقریباً ساڑھے 6ہزار کمنٹس موصول ہوئے۔
ضلع کرم میں ریلیف ایمرجنسی نافذ
سعودی عرب نے افغانستان میں اپنے سفارتی مشن کا آغاز کردیا
ٹرمپ کا امریکا میں ٹک ٹاک کو کام کرنے کی اجازت دینے کا عندیہ
لاہور ہائیکورٹ میں موسم سرما کی تعطیلات کا اعلان
