Tag: اے آر رحمان

چنئی: بھارت کے نامور موسیقار اے آر رحمان اسپتال میں داخل ہوگئے –

باغی ٹی وی : بھارتی میڈیا رپورٹس کے مطابق مقبول میوزک کمپوزر اے آر رحمان کو اتوار کی صبح سینے میں درد کے باعث چنئی کے گریمس روڈ پر واقع ایک نجی اسپتال میں داخل کرایا گیا ہے انہیں صبح 7:30 بجے کے قریب ہسپتال لے جایا گیا، جہاں ڈاکٹروں نے ان کے ای سی جی اور ایکو کارڈیوگرام سمیت مختلف ٹیسٹ کئے۔

اسپتال کے قریبی ذرائع نے عندیہ دیا ہے کہ ان کا انجیوگرام بھی ہوسکتا ہے ماہر ڈاکٹروں کی ایک ٹیم آسکر ایوارڈ یافتہ موسیقار کی دیکھ بھال کر رہی ہے۔

اسپیس اسٹیشن پر پھنسے خلا بازوں کی واپسی کا سفر دشوار اور تکلیف دہ ثابت ہوسکتا ہے

واضح رہے کہ گزشتہ ماہ اے آر رحمان نے چنئی میں اپنے کنسرٹ میں برطانوی گلوکار ایڈ شیران کے ساتھ پرفارم کیا تھا۔ ایک ہفتہ بعد انہیں بالی ووڈ فلم چاوا کے میوزک لانچنگ کو موقع پر بھی دیکھا گیا تھا۔

ہندوستان ٹائمز کی رپورٹ کے مطابق اے آر رحمن کی سابقہ ​​اہلیہ سائرہ بانو بھی حال ہی میں اچانک طبی مسئلہ کے باعث ہسپتال میں داخل ہوئی تھیں ان کی سرجری کرنی پڑی اس خبر کی تصدیق ان کے وکیل وندنا شاہ کی جانب سے کی گئی تھی۔

آزاد کشمیر : ضلع حویلی میں کوسٹر کھائی میں گرنے سے 5 افراد جاں بحق

واضح رہے سائرہ بانو اور اے آر رحمان نے شادی کے تقریباً 29 سال بعد 19 نومبر 2024 کو علیحدگی کا اعلان کیا تھا۔

ممبئی: آسکر ایوارڈ یافتہ بھارتی موسیقار اے آر رحمان نے اہلیہ سے طلاق کی خبروں پر افواہیں پھیلانے والوں کو ہتک عزت کے نوٹسز بھجوا دیئے۔

باغی ٹی وی : بھارتی موسیقار اے آر رحمان اور ان کی اہلیہ سائرہ بانو نے تقریباً شادی کے 30 سال بعد علیحدگی کا فیصلہ کیا ہے اور ان کے وکیل وندنا شاہ نے کہا ہے کہ یہ ایک مشترکہ اور باہمی رضامندی پر مبنی فیصلہ ہے، اے آر رحمان کی طلاق کے کچھ ہی گھنٹوں بعد ان کی بینڈ کی گٹارسٹ موہنی ڈے نے بھی اپنے شوہر سے علیحدگی کا اعلان کر دیا-

اس خبر کے بعد بھارتی میڈیا اور یوٹیوبرز کو ریٹنگ کے حصول کےلیے ایک نیا موضوع ہاتھ آگیا ہےاور ویوز کے لیے افواہیں اور قیاس آرائیاں کی جا رہی ہیں کہ اے آر حمان اوران کی بینڈ کی گٹارسٹ موہنی ڈے کا آپس میں تعلق ہے، تاہم موہنی ڈے نے اس کی سختی سے تردید کردی۔

اے آر رحمان افواہیں پھیلانے والوں پر سخت برہم ہیں جن کے خلاف انہوں نے سخت کارروائی کا فیصلہ کرلیا بھارتی میڈیا کے مطا بق اے آر رحمان نے ان تمام لوگوں کو قانونی نوٹس جاری کردیا ہے جو انہیں اور ان کے خاندان کو نشانہ بناتے ہوئے ہتک آمیز اور "قا بل اعتراض” مواد پھیلا رہے ہیں۔

اے آر رحمان نے ایکس پر بیان میں کہا کہ میری قانونی ٹیم کی طرف سے تمام تہمت لگانے والوں کو نوٹس جاری کردیا گیا ہے جس میں اس طرح کے مواد کو ہٹانے کے لیے 24 گھنٹے کی مہلت دی گئی ہے، جس کی عدم تعمیل پر قانونی کارروائی کا سامنا کرنا پڑے گا، نفرت پھیلانے والوں کو مطلع کیا جاتا کہ اگلے ایک گھنٹے کے اندر اندر قابل اعتراض مواد کو ہٹا دیں اور اس کام کےلیے زیادہ سے زیادہ 24 گھنٹے کی مہلت ہے۔

اے آر رحمان اور سائرہ 1995 میں شادی کے بندھن میں بندھے تھے اور ان کے تین بچے ہیں جن میں دو بیٹیاں خدیجہ اور رحیمہ جب کہ ایک بیٹا امین ہیں۔

ممبئی: بھارتی موسیقار اللہ رکھا رحمان (اے آر رحمان ) نے انکشاف کیا تھا کہ انہوں نے روحانی راستے کی تلاش میں اسلام قبول کیا اور انہیں اس فیصلے سے بے حد سکون ملا-

باغی ٹی وی: بھارتی موسیقار اے آر رحمان نے 23 سال کی عمر میں اسلام قبول کیا تھا بھارتی میڈیا کو سن 2000 میں دیئے گئے انٹرویو میں اے آر رحمان نے انکشاف کیا تھا کہ انہوں نے روحانی راستے کی تلاش میں اسلام قبول کیا اور انہیں اس فیصلے سے بے حد سکون ملا، ایک صوفی ہستی نے ان کے والد کا کینسر کا علاج کیا تھا اور ان ہی صوفی شخصیت کے اثرات نے انہیں اسلام کی طرف مائل کیا اور انہوں نے 1980 میں اسلام قبول کرلیا-

دائرہ اسلام میں داخل ہونے کے بعد اے آر رحمان کثیر العقائد پر مبنی گھرانے میں مقیم رہے ، اے آر رحمان کی والدہ ہندو مذہب پر عمل کرتی تھیں جب کہ ان کے گھر میں دیگر عقائد کی کتابیں اور تصاویر رکھی ہوتی تھیں،اللہ رکھا رحمان کا اصل نام دلیپ کمار راجگوپالا ہے جو 6 جنوری 1967 کو مدراس میں پیدا ہوئے، ان کے والد آر کے شیکھر کا تعلق مدلیار خاندان سے تھا جنہوں نے تامل اور ملیالم فلموں کے لیے بطور موسیقار اور کنڈیکٹر کے طور پر کام کیا۔

والدین کی 29 سال بعد طلاق،اے آر رحمان کے بچوں کا ردعمل

ایک انٹرویو میں اے آر رحمان نے اپنے نام کی تبدیلی پر بتایا تھا کہ ان کی والدہ نے ان کیلئے ’ اللہ رکھا ‘ کا نام کا خواب میں دیکھا تھا جس کے بعد انہوں نے اللہ رکھا کا انتخاب کیاجب کہ ’رحمان‘ خاندان کے دیگر افراد نے تجویز کیا تھا مجھے اپنا پیدائشی نام کبھی پسند نہیں آیاتھا، لیجنڈری اداکار دلیپ کمار کو تو اپنے نام پر کوئی اعتراض نہیں تھا لیکن یہ نام میری اپنی تصویر کے ساتھ نہیں جچتا تھا۔

واضح رہے کہ لیجنڈری موسیقار اے آر رحمان اور ان کی اہلیہ سائرہ بانو آج کل شادی کے 29 سال بعد ایک دوسرے سے علیحدگی کے باعث‌ شہہ سرخیوں میں ہیں ، اے آر رحمان نے 12 مارچ 1995 کو سائرہ بانو سے شادی کی تھی اور جوڑے کے تین بچے ہیں۔

اے آر رحمان اور ان کی اہلیہ کے درمیان علیحدگی کا اعلان

ممبئی: معروف موسیقار اللہ رکھا المعروف اے آر رحمان کی اہلیہ نے شادی کے 29سال بعد علیحدگی کا اعلان کردیا۔

باغی ٹی وی : لیجنڈری میوزک کمپوزر اے آر رحمان اور ان کی اہلیہ سائرہ نے اپنی علیحدگی کا اعلان کر دیا ہے، سوشل میڈیا پر آنے والی خبروں کے مطابق، تقریباً تین دہائیوں پر محیط ازدواجی زندگی ختم ہو گئی ہے۔

سائرہ کی سرکاری وکیل وندنا شاہ اینڈ ایسوسی ایٹس کی جانب سے جاری کیے گئے بیان میں بتایا گیا کہ دونوں کے تعلقات میں جذباتی مسائل اور اختلافات پیدا ہو چکے ہیں، جنہیں حل کرنا ممکن نہیں رہا،ایک دوسرے کے لیے گہری محبت کے باوجود، کشیدگی اور مشکلات نے ان کے تعلقات میں ایک ایسی خلیج پیدا کر دی ہے جسے پُر کرنا اس وقت ممکن نہیں ہے،شادی کے کئی سالوں کے بعد، مسز سائرہ نے اپنے شوہر مسٹر اے آر رحمان سے علیحدگی کا مشکل فیصلہ کیا ہےسائرہ نے اس مشکل وقت میں عوام سے پرائیویسی اور ہمدردی کی درخواست کی ہے۔

رحمان اور سائرہ، جنہوں نے 1995 میں شادی کی، ان کے تین بچے خدیجہ، رحیمہ اور امین ہیں،اے آر رحمان اور سائرہ کی ارینج میرج ہوئی تھی، موسیقار نے ایک انٹرویو میں انکشاف کیا تھا کہ ان کی والدہ نے سائرہ سے شادی کرائی تھی۔

ممبئی: بھارت کے معروف موسیقار اے آر رحمان نے انکشاف کیا ہے کہ اُنہوں نے جوانی میں کئی بار خودکشی کرنے کا سوچا تھا-

باغی ٹی وی: بھارتی میڈیا کے مطابق اے آر رحمان نے ایک تقریب کے دوران طلباسے گفتگو کہا کہ میں جب نوجوان تھا تو مجھے خودکشی کے خیالات آتے تھے، مجھے اپنی زندگی بیکار لگتی تھی، میں نے کافی بار خودکشی کا بھی سوچا، اسی دوران میری والدہ نے مجھےایک نصیحت کی جس کی بدولت آج میں ایک کامیاب انسان بنا اور میں نےوہ نصیحت سُننے ےبعد کبھی خودکشی کا نہیں سوچا، میری والدہ نے مجھے کہا تھا کہ جب تم دوسروں کے لیے جینا شروع کروگے، تو تمہیں ایسے منفی خیالات نہیں آئیں گے، یہ سب سے خوبصورت نصیحت تھی جو میری والدہ کی طرف سے مجھے ملی۔

منگنی شدہ اداکارائیں میرے ساتھ کام کرنے سے منع کر دیتی تھیں،آغا علی

اُنہوں نے کہا کہ میں نے اپنی والدہ کی نصیحت پر عمل کرتے ہوئے دوسروں کے لیے جینا شروع کیا، میں نے اپنے اندر سے خود غرضی ختم کی تو آج میں اس مقام پر پہنچا ہوں، میں نے زندگی کا حقیقی مقصد سمجھا،جب آپ دوسروں کے لیے جیتے ہیں اور آپ خود غرض نہیں ہوتے، تو آپ کو زندگی کا مطلب معلوم ہوتا ہے، آپ دوسروں کو کھانا کھلا کر، اُن کے لیے چیزیں خرید کر اُن کے چہروں پر مسکراہٹ لاتے ہیں تو آپ کو بھی دل سے خوشی ہوتی ہے۔

پاکستانی اداکارہ کو قتل کی دھمکیاں

موسیقار نے کہا کہ ہر انسان ہی اپنی زندگی میں مشکل وقت کا تجربہ کرتا ہے، اُس وقت انسان مایوسی کی لپیٹ میں ہوتا ہے اور اُسے یہ لگتا ہے کہ بس اب سب کچھ ختم ہوگیا ہے، وہ انسان یہ بھول جاتا ہے کہ اس دنیا کی زندگی تو ایک مختصر سفر ہے، زندگی کی حقیقت یہی ہے کہ ہم عارضی طور پر مختصر وقت کے لیے اس دُنیا میں آئے ہیں اور ہم اپنا وقت مکمل ہونے پر اس دنیا سے چلے جائیں گے، لہٰذا ہمیں اپنے مستقبل کے لیے پریشان نہیں ہونا چاہیے کیونکہ یہ دنیا فانی ہے-

ڈرامہ "ہمسفر” میں پیسوں کی خاطر کام کیا،فواد خان