پاکپتن میں بابا فرید الدین گنج شکر کے دربار پر دولہا، دلہن کی شوٹنگ کی ویڈیو وائرل ہوگئی۔
باغی ٹی وی : اوقاف حکام کی مجرمانہ غفلت،دربار بابا فرید کے تقدس کی دھجیاں بکھیر دی گئی دربار بابا فرید کے صحن میں نئی نویلی دلہن کے رقص کی شوٹنگ حکام کی غفلت کا منہ بولتا ثبوت ہے-
سلمان خان مارول اسٹوڈیوز کی نئی فلم ’’گارڈین آف گلیکسی 3‘‘میں نظر آئیں گے؟
وائرل ہونے والی ویڈیو کلپ میں دلہن کے سفید لباس میں ملبوس ماڈل کو دائروں میں گھومتے ہوئے دیکھا جا سکتا ہے جبکہ کیمرہ مین سمیت کچھ اور لوگ بھی اردگرد موجود ہیں کیمرہ مین اور دلہا دلہن کے بارے میں ابھی تک کو ئی معلومات سامنے نہیں آئیں-
ذرائع کے مطابق نوبہایا جوڑا کے ویڈیوز کی شوٹنگ اندرون دربار تقریبا ایک گھنٹہ جاری رہی۔واقعہ کی سی سی ٹی وی فوٹیج سوشل میڈیا پر اپ لوڈ ہونے کے بعد مذہبی حلقوں میں غم و غصہ پھیل گیا-
منی لانڈرنگ ریفرنس :حمزہ شہباز کی حاضری معافی کی درخواست منظور
ویڈیو سوشل میڈیا پر وائرل ہونے کے بعد صارفین کی تنقید پر پولیس بھی حرکت میں آگئی غفلت برتنے پر پولیس انسپکٹر سمیت تین اہلکار معطل کردیئے گئے پولیس حکام کے مطابق واقعہ کا مقدمہ کیمرہ مین سمیت تین نامزد افراد اور نامعلوم دولہا دلہن کیخلاف درج کیا گیا ہے اور تحقیقات شروع کر دی گئی ہے-
ذرائع کے مطابق اوقاف حکام نے سینئر افسران کو بچانے کےلیے ایک نگران کو معطل کردیا-