پنجاب کے علاقے ننکانہ صاحب میں سکھ برادری کے روحانی پیشوا بابا گرونانک کا555جنم دن کی تقریبات میں شرکت کے لئے لاڑکانہ سے پانچ سو سے زائد یاتری خصوصی ٹرین سے ننکانہ صاحب کے لیے روانہ ہوگئے.
باغی ٹی وی کے مطابق یاتری جنم دن کے حوالے سے منعقدہ مذہبی رسومات میں حصہ لیں گے ۔بابا گرو نانک کے جنم دن کی خوشیوں میں شرکت کے لیے جانے والے یاتریوں میں خواتین اور بچوں کی بڑی تعداد موجود تھی جبکہ ہندو پنجائیت لاڑکانہ کے رہنماؤں کی جانب سے یاتریوں کو ریلوے اسٹیشن پر الوداع کیا گیا ۔ریلوے حکام کا کہنا ہے کہ خصوصی ٹرین روہڑی میں کراچی سے آنے والی سکھ یاتریوں کی خصوصی ٹرین کا حصہ بن جائے گی اور روہڑی سے پندرہ بوگیوں پر مشتمل خصوصی ٹرین آج رات ننکانہ صاحب کے لیے روانہ ہو کر کل صبح اپنی منزل پر پہنچے گی جبکہ سکیورٹی کے خاص انتظامات کیے گئے ہیں۔واضح رہے کہ بھارت میں پاکستان ہائی کمیشن نئی دلی نے سکھ یاتریوں کو 3000 سے زائد ویزے جاری کر دیے۔میڈیا رپورٹ کے مطابق ہائی کمیشن نے اعلامیے میں کہا ہے کہ ویزے 14 تا 23 نومبر بابا گرو نانک دیوجی کی سالگرہ تقریبات کے لیے جاری کیے گئے ہیں۔اعلامیے کے مطابق پاکستان کے ناظم الامور سعد احمد وڑائچ نے سکھ یاتریوں کو مبارک باد دی ہے۔پاکستانی ناظم الامور سعد وڑائچ کا کہنا ہے کہ یاتریوں کے لیے کامیاب یاترا کی خواہش ہے۔واضح رہے کہ یاتری و نگر کیرتن کے جلوس میں شرکت کریں گے جبکہ اکھنڈ پاٹ کی رسم سے شروع ہونے والی تقریبات بھوگ کی رسم کیساتھ اختتام پذیر ہو جائیں گی۔گوردوارہ جات اور اس سے ملحقہ راستوں پر سی سی ٹی وی کیمرے لگائے گئے ہیں ،گوردواروں کے داخلی راستوں پر واک تھرو گیٹ اور سکینر بھی لگائے گئے ہیں ۔ ، گوردواروں سے ملحقہ راستوں کو خار دار تاریں اور بیئرز لگا کر عام عوام کا داخل بند کیا گیا ہے ۔
چیف آف جنرل اسٹاف اویس دستگیر کی چینی آرمی کے کمانڈر سے ملاقات
