Baaghi TV

Tag: باجوڑ

  • سیاسی لبادہ اوڑھنے والے ملک دشمنوں کی نشاندہی کی جائے، رانا تنویر

    سیاسی لبادہ اوڑھنے والے ملک دشمنوں کی نشاندہی کی جائے، رانا تنویر

    قومی اسمبلی کا اجلاس سپیکر کی زیر صدارت ہوا،

    وفاقی وزیر برائے تعلیم رانا تنویر حسین نے قومی اسمبلی کے اجلاس میں اظہار خیال کرتے ہوئے کہا کہ باجوڑ خودکش حملے کی پر زور مذمت کرتے ہیں،غم اور دکھ کی اس گھڑی جمعیت علمائے اسلام کے ساتھ کھڑے ہیں،دہشتگردی کی اس جنگ میں ہزاروں سے زائد پاکستانی جانوں کا نذرانہ پیش کر چکے ہیں،ان واقعات کو رونما ہونے سے اب تک نہیں روکا جا سکا،2014 میں جب چین کے صدر پاکستان آئے تھے تب بھی کچھ ملک دشمن قوتوں نے پاکستان کو سیاسی و معاشی طور پر غیر مستحکم بنانے کی کوشش کی،اس ایوان سے گزارش کرتا ہوں کہ ایسی غیر دشمن قوتوں اور عناصر کے پیچھے جو ذہنیت اور سوچ ہے اس کی نشاندھی کی جائے۔ایک ایسا لائحہ عمل اختیار کیا جائے جس سے پاکستان اس دہشتگردی کے مسئلے سے نبرد آزما ہو سکے اور ایسی ملک دشمن قوتوں کی نشاندہی کی جا سکے جنہوں نے سیاسی لبادہ اوڑھا ہوا ہے۔

    رکن قومی اسمبلی شیخ روحیل اصغر نے قومی اسمبلی کے اجلاس سے اظہار خیال کرتے ہوئے کہا کہ کب تک دہشتگردی کا افسوس کرتے رہیں گےاور کب تک ہم لاشیں اٹھاتے رہیں گے؟9 مئی کا واقعہ ایک ادارے کو کمزور کرنے کی سازش تھی جس سے پاکستان کمزور ہوا، جس ادارے نے ہماری حفاظت کا ذمہ لیا اس کو تباہ کرنے کی سازش کی گئی، باجوڑ کا واقعہ نو مئی کے واقعے کی کڑی ہے، وزیر قانون قومی اسمبلی میں قرارداد پیش کریں،آج وقفہ سوالات کو مؤخر کیا جائے اور گزشتہ روز ہونے والے واقعے پہ بحث کی جائے۔

    رکن قومی اسمبلی قادر خان مندوخیل نے قومی اسمبلی کے اجلاس میں "اسلام آباد کے سیکڑ G-14 کے ذیلی سیکڑ ون اور ٹو میں حاصل کردہ 4880 کنال اراضی کے مکینوں کو مارکیٹ ریٹ کے مطابق معاوضے کی عدم ادائیگی” پر اظہار تشویش کیا،ڈپٹی اسپیکر قومی اسمبلی زاہد اکرم درانی نے قادر خان مندوخیل کے توجہ دلاؤ نوٹس میں سیکٹر جی /14 کے زیلی سیکٹرز کی زمین کے رہائشیوں کو موجودہ مارکیٹ ریٹ کے مطابق معاوضہ نہ دینے پر رولنگ جاری کی ،رکن قومی اسمبلی قادر خان مندوخیل کے "اسلام آباد کے سیکڑ G-14 کے ذیلی سیکڑ ون اور ٹو میں حاصل کردہ 4880 کنال اراضی” کے حوالے سے توجہ دلاو نوٹس پر پارلیمانی سیکرٹری محمود شاہ نے جواب دیتے ہوئے کہا کہ 2005 میں اسلام آباد سیکٹر G-14 کی زمین کے بدلے میں معاوضہ دیا گیا اور 2019 میں بھی ان بلڈنگز کی قیمت ادا کی گئی۔ یہ قیمت اس وقت کے مارکیٹ ریٹ سے زیادہ تھی اور کابینہ کے فیصلے کے مطابق ان افراد کو ایک ایک پلاٹ بھی دیا گیا۔1200 افراد وفات پا گئے جس کی وجہ سے یہ مسئلہ دیر کا شکار ہوا،دو سال پہلے عدالت نے کمیٹی تشکیل دی تھی اور اس کمیٹی نے بھی یہ فیصلہ دیا تھا کہ مالکان کو ادا کی گئی رقم مارکیٹ سے زیادہ تھی،

    ڈپٹی اسپیکر قومی اسمبلی زاہد اکرم درانی نے پرانے اسلحہ لائسنس کی رینیول سے متعلق رولنگ دی،ڈپٹی اسپیکر قومی اسمبلی نے وزات داخلہ کو متنبہ کرتے ہوئے کہا کہ پرانے اسلحہ لائسنس کینسل نہیں ہونگے اور ان کی رینیول کا طریقہ کار وضع کیا جائے گا۔

    ممبر قومی اسمبلی ،وفاقی وزیر برائے مواصلات مولانا اسد محمود نے قومی اسمبلی کے اجلاس میں گزشتہ روز باجوڑ میں ہونے والے خود کُش حملے کی پُرزور مذمت کرتے ہوئے کل کے دردناک اور اذیت ناک واقعے میں شہید ہونے والوں کے لواحقین سے اظہارِ تعزیت کیا اور شہداء کے درجات کی بلندی ،پسماندگان کے لئے صبر جمیل اور زخمیوں کی جلد صحت یابی کے لیے دعا کی،جمیعت علماء اسلام پاکستان کے رہنماء مولانا اسد محمود نے قومی اسمبلی کے اجلاس میں اظہارِ خیال کرتے ہوئے کہا کہ کل ایسا واقعہ پیش آیا جس نے پورے ملک کو افسردہ اور رنجیدہ کر دیا ،یہ حملہ پاکستان پر حملہ ہے، پاکستان کے امن پر حملہ ہے، جمہوریت پر حملہ ہے ، معیشت پر حملہ ہے، یہ بے گناہ مسلمانوں اور امت مسلمہ پر حملہ ہے۔
    بیان نہیں کیا جا سکتا کہ وہاں موجود لوگ کس کرب میں مبتلا ہوئے ہیں ایک ایک خاندان کے تین تین لوگ شہید ہوئے ہیں

  • خیبرپختونخوا میں عوامی اجتماعات پر پابندی عائد

    خیبرپختونخوا میں عوامی اجتماعات پر پابندی عائد

    خیبر پختونخوا حکومت نے عوامی اجتماعات پر پابندی عائد کردی محکمہ داخلہ نے ڈپٹی کمشنرز کو مراسلہ جاری کردیا۔

    باغی ٹی وی: باجوڑ میں جے یو آئی ورکرز کنونشن پر خودکش حملے کے بعد خیبرپختونخوا حکومت نے صوبے بھر میں عوامی اجتماعات پر پابندی عائد کردی محکمہ داخلہ کی جانب سے ڈویژنل کمشنرز اور ڈپٹی کمشنرزکو مراسلہ ارسال کردیا گیامراسلےکےمطابق ڈپٹی کمشنرز کی پیشگی اجازت کے بغیر کسی بھی جگہ عوامی اجتماع پر پابندی عائد ہو گی تمام حکام کو سختی سے فوری عمل درآمد کروانےکی ہدایات جاری کی گئیں۔

    مراسلے میں ڈویژنل کمشنرز اور ڈپٹی کمشنرز کو ہدایات دی گئیں کہ عوامی اجتماعات سمیت جلسے ، جلوسوں پر بھی پابندی عائد ہو گی، جبکہ اجازت ملنے کی صورت میں بھی سیکیورٹی اقدامات پر عمل درآمد نہ کرنے پر اجتماع کی اجازت نہ دی جائے،مراسلے کے مطابق امن و امان کی سنگین صورت حال اور دہشتگردی کے بڑھتے ہوئے واقعات کے پیش نظر اقدام اٹھایا گیا۔

    قطر میں افغان طالبان کی دو سال بعد امریکی حکام سے ملاقات

    دوسری جانب خیبرپختونخوا میں ایک مرتبہ پھر دہشتگردی نے سر اٹھانا شروع کردیا جہاں گزشتہ ایک سال کے دوران دہشتگردی کے660 سے زیادہ چھوٹے بڑے واقعات میں سیکڑوں افراد جان کی بازی ہار گئے۔

    رپورٹ کے مطابق دہشتگردی کے سب سے زیادہ 140 واقعات شمالی وزیرستان میں ہوئے جبکہ ڈی آئی خان میں 81، جنوبی وزیرستان میں 49، پشاور اور باجوڑ میں دہشتگردی کے 56 ، 56 واقعات رپورٹ ہوئےپشاور پولیس لائنز میں ہونے والا خود کش دھماکا دہشتگردی کا سب سے بڑا واقعہ تھا جس میں 90 سے زیادہ افراد شہید ہوئے یوں مجموعی طور پر دہشتگردی کے واقعات میں 500 سے زیادہ افراد اپنی جانوں سے ہاتھ دھو بیٹھے جب کہ سیکڑوں زخمی ہوئے۔

    ڈی جی خان :سانحہ باجوڑ کے ذمہ داروں کو کیفر کردار تک پہنچایا جائے-عبدالسلام ناصر

    دوسری جانب محکمہ انسداد دہشتگردی نے گزشتہ 6 ماہ کے دوران دہشتگردوں کے خلاف1100سے زیادہ آپریشنز کیے، اس دوران 140 دہشت گرد مارے گئے جب کہ 400سے زیادہ شدت پسندوں کو گرفتار کیا گیا۔

  • باجوڑ دھماکے کا مقدمہ تھانہ سی ٹی ڈی میں درج

    باجوڑ دھماکے کا مقدمہ تھانہ سی ٹی ڈی میں درج

    باجوڑ دھماکے کا مقدمہ تھانہ سی ٹی ڈی میں درج کر لیا گیا

    باجوڑ دھماکے کا مقدمہ نامعلوم دہشتگردوں کیخلاف درج کیا گیا ہے، درج مقدمے میں انسداد دہشتگردی سمیت مختلف دفعات شامل کی گئی ہیں، درج ایف آئی آر کے متن کے مطابق جے یو آئی کے کنونشن میں 300 سے 350 افراد شریک تھے، دوران پروگرام چار بج کر 10 منٹ پر خود کش دھماکا ہوا، دھماکے کے زخمیوں اور مرنیوالوں کو ہسپتال بھجوایا گیا

    باجوڑ دھماکہ ، واقعے کی ابتدائی تحقیقات مکمل
    باجوڑ دھماکہ ، واقعے کی ابتدائی تحقیقات مکمل کر لی گئیں، ابتدائی تحقیقات کے مطابق پولیس ذرائع کا کہنا ہے کہ ورکر کنونشن کا سیکیورٹی آڈر نہیں جاری ہوا تھا،ورکرز کنونشن میں سیکیورٹی لیپس کے حوالے سے رپورٹ طلب کر لی گئی، سیاسی اجتماع سے متعلق اعلی پولیس حکام کو اطلاع نہیں دی گئی،ورکرز کنونشن کی اجازت ،سکیورٹی پلان میں غفلت پر بھی تحقیقات جاری ہیں،خیبرپختونخوا حکومت کو واقعے کی ابتدائی رپورٹ دے دی گئی

    دوسری جانب باجوڑ دھماکے کی تحقیقات کے لئے قائم تحقیقاتی ٹیم نے جائے وقوعہ کا دورہ کیا، ایس پی سی ٹی ڈی باجوڑ امجد خان کا کہنا تھا کہ تحقیقاتی ٹیم نے شواہد اکھٹے کرلیے ہیں تحقیقاتی ٹیم نے زخمیوں کے بیانات بھی قلمبند کرلیے ہیں جبکہ جائے وقوعہ پر جیو فینسنگ کا عمل مکمل کرلیا گیا ہے

    علاوہ ازیں کور کمانڈر پشاور نے ڈسٹرکٹ ہیڈکوارٹر ہسپتال خار کا دورہ کیا اور دھماکے کے زخمیوں کی عیادت کی کور کمانڈر نے زخمیوں کے علاج کو یقینی بنانے کیلئے ہر ممکن مدد فراہم کرنے کی ہدایات دیں ،کور کمانڈرٔ پشاور اور آئی جی ایف سی نے جائے وقوعہ کا بھی دورہ کیا، کور کمانڈر اور آئی جی ایف سی کو کل ہونیوالے دھماکے سے متعلق بریفنگ دی گئی کور کمانڈر پشاورکا کہنا تھا کہ غم کی گھڑی میں ہم باجوڑ کے عوام کے شانہ بشانہ کھڑے ہیں۔

    باجوڑ دھماکہ،حکمرانوں کو استعفیٰ دینا چاہئے، سراج الحق
    پشاور: امیر جماعت اسلامی سراج الحق اور صوبائی امیر پروفیسر محمد ابراہیم خان نے خار ہسپتال باجوڑ کا دورہ کیا،اور ہسپتال میں بم دھماکہ کے زخمیوں کی عیادت کی،اس موقع پر سراج الحق کا کہنا تھا کہ دھماکوں سے کوئی جلسہ، مسجد، بازار اور جنازے محفوظ نہیں، ایک عرصے سے تسلسل سے یہ واقعات ہو رہے ہیں،سوال یہ ہے کہ پاکستان کے شہریوں کی حفاظت کس کی ذمہ داری ہے؟نگران انتظامیہ اپنے سیکرٹریٹ تک محدود ہے،وفاقی حکومت بھی اپنے آخری دنوں کی وجہ سے اپنے معاملات سمیٹنے میں مصروف ہے، بلوچستان اور خیبرپختونخوا سمیت اس پورے ریجن میں شدید بد آمنی اور پریشانی ہے۔نہ مسجد محفوظ ہے نا پولیس لائن، پشاور کے بعد باڑہ میں بھی پولیس لائن پر حملہ ہوا،افسوس کی بات ہے کہ ان واقعات پر نہ قومی اسمبلی اور سینیٹ میں بات ہوئی، نہ کابینہ میں، وزیراعظم نے ذمہ داری قبول کی نہ ہی وزیر اعلیٰ اور گورنر نے اپنی نا اہلی تسلیم کی، کسی اور ملک میں اتنا بڑا واقعہ ہوتا تو حکومت استعفیٰ دے دیتی، قوم سے معافی مانگتی اور ذمہ داری کا احساس کرتی،یہاں کسی لحاظ سے بھی حکومت نظر نہیں آ رہی، حکمران خود کو اور اپنے دفاتر کو محفوظ بنا رہے ہیں، صوبے کے گورنر اور وزیر اعلیٰ پوسٹنگ اور ٹرانسفر کے علاوہ کوئی کام نہیں کررہے،وہ اپنے صوبے کے تحفظ میں سو فیصد ناکام ہوگئے ہیں۔ انہیں استعفیٰ دے دینا چاہیے،خار ہسپتال کے عملے کو شاباش اور خراجِ تحسین پیش کرتا ہوں، سعملے نے فوری طور پر زخمیوں کو ہسپتال منتقل کیا،

    باجوڑ میں جے یو آئی کے ورکر کنونشن میں دھماکا
    قرآن پاک کی بے حرمتی روکنےکی کوشش کرنیوالی خاتون پر چوری کے الزامات
    حالیہ مون سون بارشوں کی تباہ کاریاں، این ڈی ایم اے کی رپورٹ جاری
    قرآن پاک کی بے حرمتی روکنےکی کوشش کرنیوالی خاتون پر چوری کے الزامات
    حالیہ مون سون بارشوں کی تباہ کاریاں، این ڈی ایم اے کی رپورٹ جاری

  • باجوڑ خودکش دھماکہ، مزید 3 زخمی دم توڑگئے

    باجوڑ خودکش دھماکہ، مزید 3 زخمی دم توڑگئے

    باجوڑ خودکش دھماکے کے مزید 3 زخمی دم توڑ گئے جس کے بعد جاں بحق افراد کی تعداد 46 ہوگئی۔

    باغی ٹی وی: ڈسٹرکٹ ہیلتھ آفیسر نے دھماکے کے مزید تین زخمیوں کے دم توڑنے کی تصدیق کرتے ہوئے کہا کہ دھماکے میں 90 سے زائد زخمی مختلف اسپتالوں میں زیرعلاج ہیں، 38 میتیں شناخت کے بعد ورثا اپنے ساتھ لے گئے جب کہ 8 لاشیں ناقابل شناخت ہونے کے باعث اسپتال میں رکھی ہیں۔

    ترجمان لیڈی ریڈنگ اسپتال کے مطابق لیڈی ریڈنگ اسپتال میں باجوڑ دھماکے کے 16 زخمی زیرعلاج ہیں جن میں سے بیشترکی حالت تسلی بخش ہے اور ایک زخمی آئی سی یو میں ہے۔

    سعودی وزارت خارجہ کی جانب سے باجوڑ خودکش دھماکے کی مذمت کی،سعودی وزارت خارجہ کا کہنا ہے کہ سعودی عرب دہشت گردی کے واقعے کی شدید الفاظ میں مذمت کرتا ہے، خودکش حملے میں قیمتی جانوں کے ضیاع پر افسوس ہوا،سعودی وزارت خارجہ نے کہا کہ دہشتگردی کے واقعے میں جاں بحق افراد کے لواحقین سے اظہار تعزیت کرتے ہیں، دھماکے میں زخمی ہونے والوں کی جلد صحت یابی کے لئے دعا گو ہیں پاکستان اور اس کی عوام کے ساتھ دکھ کی اس گھڑی میں اظہار یکجہتی کرتے ہیں۔


    قبل ازیں افغانستان میں برسر اقتدار طالبان حکومت نے باجوڑ دھماکے کی شدید مذمت کی ہے طالبان حکومت کے مرکزی ترجمان ذبیح اللہ مجاہد نے اپنے بیان میں کہاکہ امارت اسلامیہ خیبرپختونخوا کے علاقے باجوڑ میں جمعیت علمائےاسلام کے پروگرام میں ہونےوالے دھماکے کی مذمت کرتی ہےافغان حکومت متاثرہ خاندانوں کے ساتھ اپنی گہری تعزیت کا اظہار کرتی ہے ، زخمیوں کی جلد صحت یابی کیلئے دعاگو ہیں،ایسے جرائم کسی طور بھی جائز یا قابل توجیہہ نہیں ہیں۔

    باجوڑ دھماکے میں 35 افراد جاں بحق اور 80 سے زائد زخمی


    امریکا نے باجوڑ میں جمعیت علمائے اسلام (ف) کے کنونشن میں ہونیوالے دھماکے کی شدید مذمت کی اور جانی نقصان پر افسوس کا اظہار کیا ہے اسلام آباد میں امریکی سفارتخانہ نے پاکستان کے ضلع باجوڑ میں ہونے والے المناک دھماکے میں جاں بحق افراد کے لواحقین کیساتھ گہری تعزیت کا اظہار کیا ہے۔

    امریکی سفارتخانے کی جانب سے ٹویٹر پر جاری پیغام میں کہا گیا کہ ہم اس گھناؤنے فعل جس میں بے گناہ جانوں کا ضیائع اور بہت سے لوگوں کو نقصان پہنچا ہےکی پرزور مذمت کرتے ہیں پرامن اور جمہوری معاشرے میں ایسی دہشت گردی کی کوئی جگہ نہیں ہے۔ ہم اس مشکل وقت میں پاکستانی عوام کے ساتھ یکجہتی کے ساتھ کھڑے ہیں ہم دہشت گردی سے نمٹنے اور اس کے شہریوں کے تحفظ کو یقینی بنانے میں پاکستان کی کوششوں کی حمایت کرنے کے اپنے عزم کا اعادہ کرتے ہیں۔

    باجوڑ میں جے یو آئی کے ورکر کنونشن میں دھماکا

    واضح رہے کہ گزشتہ روز اتوار کو ضلع باجوڑ کے صدر مقام خار میں جمعیت علمائے اسلام (جے یو آئی) کے ورکرز کنونشن میں دھماکے سے 43 افراد جاں بحق جبکہ 150 سے زائد زخمی ہوگئےجاں بحق ہونے والوں میں جے یو آئی تحصیل خار کے امیر مولانا ضیاء اللہ جان اور تحصیل ناواگئی کے جنرل سیکرٹری حمیداللہ حقانی بھی شامل ہیں جبکہ دھماکے میں جیو نیوز کے کیمرہ مین سمیع اللہ بھی شدید زخمی ہیں۔

    انسپکٹر جنرل (آئی جی) پولیس خیبرپختونخوا اختر حیات خان نے دھماکا خودکش قرار دے دیا دھماکے میں 10کلوگرام بارودی مواد استعمال کیا گیا، جائے وقوعہ سے بال بیئرنگ برآمد ہوئے ہیں خیبر پخوانخوا کے ضلع باجوڑ میں ہونے والے خوکش دھماکے سے متعلق محکمہ انسداد دہشتگردی نے شواہد اکٹھے کئے پولیس کے مطابق ابتدائی تحقیقات میں پتاچلا ہے کہ واقعہ میں کالعدم تنظیم داعش ملوث ہے ڈسٹرکٹ پولیس آفیسر نذیر خان کا کہنا ہےکہ باجوڑ دھماکے کے بعد تین مشکوک افراد کو حراست میں لیاگیا ہے۔

    پولیس کا کہنا ہے کہ خودکش حملہ آور کے متعلق معلومات حاصل کی جارہی ہیں جبکہ دھماکے کی جگہ کی جیو فینسنگ بھی جا ری ہے۔ بم ڈسپوزل یونٹ (بی ڈی یو) کی ٹیموں نے بھی دھماکے کی جگہ سے نمونے حاصل کیے ہیں سی سی ٹی وی اور کیمرا فوٹیج بھی حاصل کی جا رہی ہیں۔دھماکے سے متعلق سی ٹی ڈی کا عملہ مزید تحقیقات میں مصروف ہے۔

    باجوڑ؛ جے یو آئی کنونشن دھماکہ میں جانبحق ہونے والوں کی تعداد 35 ہوگئی

    جمعیت علمائے اسلام خیبرپختونخوا کے ترجمان عبدالجلیل جان نے بتایاکہ ورکرز کنونشن میں 4 بجے کے قریب مولانا لائق کی تقریرکے دوران دھماکا ہواایم این اے مولانا جمال الدین اورسینیٹر عبدالرشید بھی کنونشن میں موجود تھے جبکہ تحصیل خار کے امیرمولانا ضیاء اللہ دھماکے میں جاں بحق ہوئے۔

    دوسری جانب جمعیت علمائے اسلام کے سربراہ مولانا فضل الرحمان نے باجوڑ میں ورکرز کنونشن میں دھماکے پر افسوس کا اظہار کیا اور وزیراعظم، وزیراعلیٰ کے پی سے واقعے کی انکوائری کا مطالبہ کیا انہوں نے اپیل کی کہ جے یو آئی کے کارکنان اسپتال پہنچ کر خون کے عطیات دیں مولانا فضل الرحمان نے کارکنوں کو تلقین کی کہ جے یو آئی کے کارکن پرامن رہیں۔

    جبکہ صدر عارف علوی، وزیرِ اعظم شہباز شریف، وزیر خارجہ بلاول بھٹو زرداری، سابق صدر آصف زرداری، مسلم لیگ ن کے قائد نواز شریف، مریم نواز اور مولانا فضل الرحمان کی جانب سے باجوڑ دھماکے کی شدید مذمت کی گئی ہے۔

    دریائے ستلج میں نچلے درجے کا سیلاب،متعدد آبادیاں زیر آب،مزید بارشوں کی پیشگوئی

  • باجوڑ؛ جے یو آئی کنونشن دھماکہ میں جانبحق ہونے والوں کی تعداد 35 ہوگئی

    باجوڑ؛ جے یو آئی کنونشن دھماکہ میں جانبحق ہونے والوں کی تعداد 35 ہوگئی

    باجوڑ کے صدر مقام خار میں خود کش دھماکا ہوا، جس میں جے یو آئی خار کے امیر مولانا ضیااللہ جان اور تحصیل ناواگئی کے جنرل سیکٹری مولانا حميد اللہ سمیت 44 افراد جاں بحق جبکہ متعدد افراد زخمی ہوگئے ہیں۔ آئی جی خیبرپختوانخوا اختر حیات خان نے ”آج نیوز“ کو تصدیق کی ہے کہ خار میں جے یو آئی ورکرز کنونش میں ہونے والا دھماکا خودکش تھا۔ جبکہ نجی ٹی وی سے گفتگو کرتے ہوئے آئی جی اختر حیات کا کہنا تھا کہ دھماکے کے بعد خودکش بمبار کے اعضا مل گئے ہیں، جب کہ مزید تحقیقات جاری ہیں۔

    ڈپٹی سیکرٹری انفارمیشن جے یو آئی فاٹا خالد جان داوڑ کے مطابق دھماکے میں جے یو آئی خار کے امیر مولانا ضیااللہ جان بھی شہید ہوگئے ہیں۔ جب کہ تحصیل ناواگئی کے جنرل سیکٹری مولانا حميد الله بھی شہید ہونے والوں میں شامل ہیں۔ عینی شاہدین کے مطابق دھماکا اسٹیج کے قریب ہوا اور مولانا ضیاء اللہ جان اسٹیج پر موجود تھے کہ دھماکا ہوگیا۔ مولانا ضیاء اللہ جان پر اس سے قبل بھی حملہ ہوچکا تھا، وہ کالعدم داعش کی ہٹ لسٹ میں تھے۔ جے یو آئی کے مطابق اس سے قبل دہشت گرد جے یو آئی کے 22 رہنماؤں کو نشانہ بنا چکے ہیں جن میں مفتی سلطان محمد، قاری الیاس، مفتی شفیع اللہ، مولانا شفیع اللہ اور قاری عبدالسلام شامل ہیں۔

    وزیراعظم شہباز شریف نے خیبرپختونخوا میں باجوڑ میں جے یو آئی کے ورکرز کنونشن میں ہونے والے دھماکے کی شدید الفاظ میں مذمت کرتے ہوئے پسماندگان سے افسوس اور قیمتی جانوں کے ضیاع پر گہرے دکھ کا اظہار کیا ہے۔ انہوں نے کہا کہ مولانا فضل الرحمان سے واقعہ پر افسوس کرتے ہیں، شہید ہونے والوں کے لیے مغفرت اور اہل خانہ کو اللہ صبر جمیل عطاء فرمائے۔

    وزیراعظم نے ہدایت دیتے ہوئے کہا کہ دھماکے میں زخمی ہونے والے افراد کو بہترین طبی سہولیات فراہم کی جائیں، واقعے کی مکمل تحقیقات کرکے ذمہ داران کی نشاندہی کی جائے۔ جبکہ بم دھماکے پر رد عمل دیتے ہوئے امیر جے یو آئی (ف) فضل الرحمان نے کہا کہ جےیوآئی کے ورکر کنونشن کے دوران دھماکے پر شدید دکھ اور افسوس کا اظہار کرتے ہیں، وزیراعظم شہباز شریف اور وزیراعلیٰ خیبرپختونخوا سے افسوسناک واقعہ کی انکوائری کا مطالبہ کرتے ہیں۔

    انہوں نے مزید لکھا کہ اللہ تعالی شہداء کے درجات بلند فرمائے، زخمیوں کی صحت یابی کیلئے دعاء گو ہیں، کارکنوں کو پیغام ہے کہ جلد ہسپتال پہنچ کر خون کے عطیات دیں۔ پی ڈی ایم کے سربراہ نے مزید کہا کہ جے یو آئی کے کارکنان پر امن رہے، وفاقی و صوبائی حکومت زخمیوں کو بہترین علاج فراہم کرے۔

    ترجمان ریسکیو 1122 بلال فیضی کے مطابق باجوڑ کے صدر مقام خار کے علاقے نادرہ آفس کے سامنے دھماکے کے باعث 35 افراد شدید زخمی ہوئے ہیں۔ امدادی کارروائیاں جاری ہیں۔ تمام سٹاف ہسپتال میں موجود ہے۔ ریسکیو حکام کے مطابق تمام شدید زخمیوں کو فوری طور پر ہسپتال منتقل کر دیا گیا ہے۔ جہاں پر چند زخمیوں کی حالت تشویشناک بتائی جا رہی ہے۔ جمعیت کے حکام نے اپیل کی ہے کہ تمام لوگ خون دینے کے لیے خار ہسپتال پہنچ جائیں۔ تاہم دوسری طرف سکیورٹی فورسز نے فوری طور پر دھماکے کے بعد جگہ کو گھیرے میں لیکر سرچ آپریشن شروع کر دیا ہے۔

    نجی ٹی وی سے گفتگو کرتے ہوئے جمعیت علمائے اسلام ف کے رہنما حافظ حمداللہ نے کہا کہ ہمارے پاس جو اطلاع ہے اس کے مطابق ہمارے 10 سے 12 ورکرز شہید ہو چکے ہیں اور کئی درجن زخمی ہیں۔دھماکے کی مذمت کرتے ہیں، اس کنونشن میں مجھے بھی جانا تھا لیکن میں ذاتی مصروفیت کی وجہ سے وہاں نہیں جا سکا۔ انہوں نے کہا کہ حافظ حمداللہ نے کہا کہ میں حملہ کرنے والوں کو پیغام دینا چاہتا ہوں کہ اگر وہ اسے جہاد کہتے ہیں تو یہ جہاد نہیں ہے، یہ فساد اور کھلم کھلا دہشت گردی ہے، یہ انسانیت پر حملہ ہے، پورے باجوڑ اور ریاست پر حملہ ہے۔میں ریاست اور ریاستی اداروں سے مطالبہ کرتا ہوں کہ اس دھماکے کی تحقیقات ہونی چاہیے، یہ پہلا واقعہ نہیں بلکہ بار بار ہوتا رہا ہے، اس سے پہلے بھی باجوڑ میں ہمارے مختلف سطح کے عہدیداروں کو شہید کیا گیا جس پر ہم نے پارلیمنٹ میں بھی آواز اُٹھائی لیکن آج تک کوئی شنوائی نہیں ہوئی۔

    باجوڑ میں جے یو آئی کے ورکر کنونشن میں دھماکا
    قرآن پاک کی بے حرمتی روکنےکی کوشش کرنیوالی خاتون پر چوری کے الزامات
    حالیہ مون سون بارشوں کی تباہ کاریاں، این ڈی ایم اے کی رپورٹ جاری
    قرآن پاک کی بے حرمتی روکنےکی کوشش کرنیوالی خاتون پر چوری کے الزامات
    حالیہ مون سون بارشوں کی تباہ کاریاں، این ڈی ایم اے کی رپورٹ جاری

    دوسری طرف پاکستان پیپلز پارٹی کے شریک چیئر مین اور سابق صدر آصف علی زرداری نے اپنے ایک بیان میں کہا ہے کہ جے یو آئی ف کے کنونشن میں ہونے والے دھماکے کی مذمت کرتے ہیں، دہشت گرد سب کے دشمن ہیں، سوات کی طرح پورے ملک کو دہشتگردی کی نرسریوں سے پاک کرنے کی ضرورت ہے، بم دھماکے میں زخمیوں کی جلد صحت یابی کیلئے دعا گو ہیں۔

    علاوہ ازیں اسپیکر قومی اسمبلی راجہ پرویز اشرف اور ڈپٹی اسپیکر زاہد اکرم درانی کی باجوڑ کے صدر مقام خار میں جمعیت علماء اسلام کے ورکرز کنونشن میں بم دھماکے کی مذمت کی ہے اور اسپیکر اور ڈپٹی اسپیکر کا دھماکے کے نتیجے میں ہونے والے جانی نقصان پر گہرے دکھ اور افسوس کا اظہار کیا ہے۔

    ایک مشترکہ بیان میں کہا کہ معصوم شہریوں کو دھشت گردی کا نشانہ بنانا انتہائی شرمناک فعل ہے، دھشت گرد اور ان بزدلانہ کارروائیوں میں ملوث عناصر انسانیت اور ملک کے دشمن ہیں ، پوری قوم دھشت گردی کے خاتمے کیلئے متحد ہے، دھشت گرد اپنے مذموم مقاصد کے حصول کے لئے بے گناہ شہریوں کی جانوں سے کھیل رہے ہیں اسپیکر اور ڈپٹی اسپیکر قومی اسمبلی کی اللہ تعالی سے دھماکے میں شہید ہونے والے کے درجات کی بلندی اور سوگوار خاندانوں کو اس ناقابل تلافی نقصان کو برداشت کرنے کے لئے حوصلہ اور ہمت عطا فرمانے کی دعا کی اور اسپیکر اور ڈپٹی اسپیکر قومی اسمبلی کی دھماکےمیں زخمی ہونے والوں کی جلد صحت یابی کے لئے بھی دعا کی ہے.

    ایران نے باجوڑ حملے کی شدید الفاظ میں مذمت کرتے ہوئے کہا ہے کہ ہم پاکستان کے ساتھ کھڑے ہیں۔ ایرانی وزارت خارجہ کے ترجمان نے خیبرپختونخوا کے ضلع باجوڑ میں جمعیت علمائے اسلام کے کنونشن میں ہونے والے مہلک دہشت گرد حملے کی شدید مذمت کی۔ جے یو آئی کے کنونشن میں دہشت گردانہ حملے کے بعد، ناصر کنعانی نے ایران کی حکومت اور عوام کی جانب سے پاکستان کی حکومت اور قوم سے تعزیت کرتے ہوئے اس کارروائی کی شدید الفاظ میں مذمت کی جس میں چالیس سے زائد افراد جاں بحق ہو چکے ہیں اور سینکڑوں افراد شدید زخمی ہیں۔

    انہوں نے کہا کہ آج دہشت گردوں نے ایک بار پھر ایک نئی مجرمانہ کارروائی کا ارتکاب کرکے ہمسایہ اور برادر ملک پاکستان میں اپنے پیاروں کے لیے بہت سے خاندانوں کو غمزدہ کردیا ہے۔ اپنی بات کو جاری رکھتے ہوئے کنعانی نے مزید کہا کہ ایران پاکستان کے ساتھ کھڑا ہے اور متاثرین کے خاندانوں کے ساتھ ہمدردی کا اظہار کرتا ہے۔ اس دہشت گردی کی کارروائی اور زخمیوں کی جلد صحت یابی کے لیے اللہ تعالیٰ سے دعا گو ہیں۔


    اسلام آباد میں امریکی سفارتخانے نے سماجی رابطے کی ویب سائٹ ٹویٹر پر لکھا کہ اسلام آباد میں امریکی سفارتخانہ شمال ضلع باجوڑ میں ہونے والے المناک دھماکے میں جانوں سے ہاتھ دھونے والے متاثرین کے خاندانوں اور پیاروں کے ساتھ تعزیت کا اظہار کرتا ہے۔ انہوں نے مزید لکھا کہ ہم تشدد کے اس گھناؤنے فعل کی پرزور مذمت کرتے ہیں، جس کے نتیجے میں بے گناہ جانیں ضائع ہوئیں اور بہت سے لوگوں کو نقصان پہنچا۔ پرامن اور جمہوری معاشرے میں ایسی دہشت گردی کی کوئی جگہ نہیں ہے۔ ہم اس مشکل وقت میں پاکستانی عوام کے ساتھ یکجہتی کے ساتھ کھڑے ہیں۔ امریکی سفارتخانے نے لکھا کہ ہم دہشت گردی سے نمٹنے اور اس کے شہریوں کے تحفظ کو یقینی بنانے میں پاکستان کی کوششوں کی حمایت کرنے کے اپنے عزم کا اعادہ کرتے ہیں۔

  • باجوڑ میں جے یو آئی کے ورکر کنونشن میں دھماکا

    باجوڑ میں جے یو آئی کے ورکر کنونشن میں دھماکا

    باجوڑ میں جمیعت علماء اسلام (جے یو آئی)کے ورکر کنونشن میں دھماکا ہو گیا جس کے نتیجے میں 10 افراد زخمی ہو گئے-

    باغی ٹی وی: پولیس کے مطابق دھماکے میں متعدد افراد کے زخمی ہونے کی بھی اطلاع ہے، دھماکا باجوڑ کے ہیڈ کوارٹر خار میں ہوا ریسکیو ذرائع کے مطابق دھماکے کے زخمیوں کو طبی امداد کے لیے اسپتال منتقل کر دیا گیا ہے۔

    ذرائع کا کہنا ہے کہ جس مقام پر دھماکا ہوا ہے وہاں جمیعت علمائے اسلام کا جلسہ جاری تھا، اور دھماکے میں درجنوں افراد زخمی ہوئے ہیں، جنہیں اسپتال منتقل کیا جارہا ہے، اور باجوڑ کے قریب تمام اسپتالوں میں ایمرجنسی نافذ کردی گئی ہے۔

  • غیرملکی خاتون کی آمد کی فیک خبر شئیر کرنے پرنوجوان گرفتار

    غیرملکی خاتون کی آمد کی فیک خبر شئیر کرنے پرنوجوان گرفتار

    سوشل میڈیا پر غیر ملکی خاتون کی آمد کی فیک خبر چلانے پر باجوڑ میں پولیس نے نوجوان کے خلاف مقدمہ درج کرکے اسے گرفتار کرلیا۔

    باغی ٹی وی: خیبرپختونخوا کے مختلف علاقوں میں غیر ملکی خواتین کی آمد اور ان کی شادیاں کرنے کی خبریں عروج پر ہیں،حالیہ دنوں میں بھارت، چین اور چلی کی خواتین پاکستانی لڑکوں کی محبت میں پاکستان آچکی ہیں گزشتہ روز باجوڑ کی تحصیل سالار زئی کے علاقے تلی کے رہائشی محمد گلاب نے اپنے دوست کے بارے میں مذاق کے طور پر پوسٹ کی تھی کہ ایک برطانوی دوشیزہ ایلا اپنے محبوب محمد اسحاق سے ملنے کیلئے سلارزے خونہ پہنچ چکی ہے۔

    آئینۂ خیال تھا عکس پذیر راز کا ،طور شہید ہو گیا جلوۂ دل نواز …

    خبر وائرل ہونے کے بعد پولیس غیر ملکی دوشیزہ کو سیکورٹی فراہم کرنے کیلئے ان کے گھر پہنچی تو معلوم ہوا کہ اس خبر میں کوئی صداقت نہیں۔ جس کے بعد پولیس نے محمد گلاب کے خلاف ایف آئی آر درج کرکے اس کو فوری طور پر گرفتار کرلیا اہل علاقہ نے محمد گلاب کی گرفتاری کی مذمت کرتے ہوئے کہا ہے کہ آج کل سوشل میڈیا کا دور ہے، طنز و مزاح کی خبریں چلنا روز کا معمول بن چکا ہے پولیس پہلے با وثوق ذرائع سے تصدیق کرے اور اپنے افسران بالا سے ہدایات لیکر کارروائی کرے اگر آئندہ ایسا کوئی واقعہ ہو تو پولیس کو چاہیے کہ علاقے کے مشران سے بھی تصدیق کرے تاکہ اہل علاقہ کیلئے مسائل کھڑے نہ ہوں۔

    سعودی عرب یوکرین جنگ کے حوالے سے مذاکرات کی میزبانی کرے گا

  • لوئر دیر میں کار کو حادثہ،باپ اور بیٹا جاں بحق

    لوئر دیر میں کار کو حادثہ،باپ اور بیٹا جاں بحق

    لوئر دیر رباط کے مقام پر گاڑی گہری کھائی میں گر کر حادثے کا شکار ہوئی، ،ریسکیو1122 کے مطابق حادثے میں 2 افراد جاںبحق اور 3 زخمی ہوئے،جاںبحق افراد کا ایک دوسرے سے باپ بیٹے کا تعلق ہے،
    ریسکیو کے مطابق میڈیکل ٹیم نے زخمیوں کو ایمبولینس میں ابتدائی طبی امداد فراہم کرتے ہوئے تیمرگرہ ہسپتال منتقل کر دیا ،ابتدائی اطلاعات
    کے مطابق فیلڈر گاڑی چترال سے باجوڑ جارہی تھی،جاں بحق ہونے والوں کے خائستہ خان اور عزت خان ہے جو باجوڑ کے رہنے والے تھے،
    جبکہ زخمی افراد میں جابر، انس اور حیات آللہ سکنہ باجوڑ شامل ہے،
    ،ریسکیو حکام کے مطابق گاڑی کو بھی ریکور کر لیا گیا ہے،جبکہ حآدثہ تیز رفتاری کے باعث پیش آیا ہے،

  • باجوڑ میں سکیورٹی فورسز کا آپریشن 3 دہشتگرد ہلاک

    باجوڑ میں سکیورٹی فورسز کا آپریشن 3 دہشتگرد ہلاک

    راولپنڈی: سکیورٹی فورسز نے باجوڑ میں آپریشن کر کے 3 دہشت گردوں کو ہلاک کر دیا۔

    باغی ٹی وی : پاک فوج کے شعبہ تعلقات عامہ آئی ایس پی آر کی جانب سے جاری بیان میں کہا گیا ہے کہ سکیورٹی فورسز نے باجوڑ کے علاقے عنایت قلعہ میں دہشتگردوں کی موجودگی کی مصدقہ اطلاع پر انٹیلی جنس بیسڈ آپریشن کیا۔

    آئی ایس پی آر کے مطابق سکیورٹی فورسز اور دہشت گردوں کے درمیان شدید فائرنگ کا تبادلہ ہوا، فائرنگ کے نتیجے میں شفیع سمیت 3 دہشت گرد ہلاک ہوئے، ہلاک دہشت گردوں کے قبضے سے اسلحہ اور گولہ بارود بھی برآمد ہوا۔

    پُرامن ممالک کی فہرست میں پاکستان کونسے نمبر پر؟

    پاک فوج کے شعبہ تعلقات عامہ کے مطابق دہشت گرد سکیورٹی فورسز کے خلاف کارروائیوں اور معصوم شہریوں کے قتل میں ملوث تھے، علاقے میں دہشتگردوں کے خاتمے کے لیے کلیئرنس آپریشن جاری ہے، علاقہ مکینوں نے دہشتگردی کے خاتمے کے لیے بھرپور تعاون کیا۔

    پیٹرولیم مصنوعات کی قیمتوں میں 20 روپے فی لیٹر تک اضافے کا امکان

  • بین المدارس کھیلوں کے مقابلے،ضلع مہمند کے کھلاڑیوں نے جیت اپنے نام کر دی

    بین المدارس کھیلوں کے مقابلے،ضلع مہمند کے کھلاڑیوں نے جیت اپنے نام کر دی

    پشاور میں جاری بین المدارس گیمز اختتام پذیر ہوگئے، ضلع مہمند کے کھلاڑیوں نے بہترین پرفارمنس کا مظاہرہ کرتے ہوئے والی بال اور قرات مقابلوں میں پہلی پوزیشن حاصل کرتے ہوئے جیت اپنے نام کر دی، سیکرٹری سپورٹس کیپٹن (ر) مشتاق احمد نے کھلاڑیوں میں انعامات تقسیم کئے، ان کے ہمراہ ڈائریکٹر سپورٹس ضم اضلاع پیر عبداللہ شاہ اور دیگر موجود تھے۔
    ڈائریکٹریٹ آف سپورٹس ضم اضلاع کے زیر اہتمام طہماس خان فٹبال سٹیڈیم پر منعقدہ فٹ بال فائنل میں ضلع خیبر نے سنسنی خیز مقابلے کے بعد سب ڈویژن کوہاٹ کو 6-5 سے شکست دیکر ٹرافی اپنے نام کی، قرات مقابلوں میں ضلع مہمند کے قاری محمد احسان نے پہلی پوزیشن حاصل کی۔
    پی ایس بی جمنازیم ہال میں منعقدہ والی بال فائنل میں ضلع مہمند نے سنسنی خیز مقابلے کے بعد سب ڈویژن پشاور کو تین دو سے شکست دیدی۔
    رسہ کشی فائنل میں باجوڑ نے نارتھ وزیر ستان کو تین صفر سے ہراکر پہلی پوزیشن حاصل کی۔
    اسلامیہ کالج گراؤنڈ پر منعقدہ کرکٹ فائنل میں سب ڈویژن پشاور نے باجوڑ کو 8 وکٹوں سے ہرایا باجوڑ نے ٹاس جیت کر پہلے بیٹنگ کرتے ہوئے 72 رنز بنائے، جواب میں پشاور نے دو وکٹوں کے نقصان پر ہدف پورا کیا۔
    انٹر مدارس اختتامی تقریب کے موقع پر سیکرٹری سپورٹس کپٹن(ر) مشتاق احمدنے کہا کہ ان گیمز کا مقصد مدارس کے طلباء کو کھیلوں کی سرگرمیوں کی جانب راغب کرنا اور ان کی حوصلہ افزائی کرنا ہے کیونکہ کھیل کود ذہنی اور جسمانی نشونما کے لئے بے حد ضروری ہے انہوں نے کہا کہ عام تاثر تھا کہ مدارس کے طلباء کھیل کود میں دلچسپی نہیں لیتے جو کہ ان گیمز میں کثیر تعداد میں طلباء کی شرکت نے یہ ثابت کردیا کہ مدارس کے طلباء کسی سے کم نہیں اور تعلمی سرگرمیوں کیساتھ ساتھ کھیل کود میں بھی اپنا لوہا منوا سکتے ہیں۔اس موقع پر انہوں نے کہا کہ علماء کرام کا مشکور ہوں جنہوں نے اس ایونٹ کو کامیاب بنانے میں تعاون کیا سیکرٹری سپورٹس نے کہا کہ مدارس کے طلباء کو دوسرے اداروں کے بچوں کی طرح بنیادی سہولیات میسر ہوگی اور مستقبل میں بھی بین الامدارس گیمز کا انعقاد کیا جائے گا ان کا کہنا تھا کہ ضم اضلاع کی طرح صوبے کے دیگر مدارس کے طلباء کے لئے بھی گیمز کا انعقاد کیا جائے گا۔