اسلام آباد و گردونواح اورمختلف شہروں میں وقفے وقفے سے بارش کا سلسلہ شروع ہو گیا۔
محکمہ موسمیات کے مطابق شہراقتداروفاقی دارالحکومت میں 15،14 اور16 مارچ کے دوران موسلا دھار بارش ہوسکتی ہے۔اس کے علاوہ مری، نتھیا گلی، گلیات، کاغان وناران، سکردو، گلگت بلتستان اور دیگر پہاڑی علاقوں میں شدید برفباری کا بھی امکان ہے۔ڈپٹی ڈائریکٹرمیٹ انجم نذیر ضیغم کا کہنا ہے کہ کراچی میں گرمی کی شدت برقرار ہے،آج بھی درجہ حرارت 39 ڈگری سینٹی گریڈ ریکارڈ کیا گیا۔ڈپٹی ڈائریکٹرمیٹ انجم نذیرضیغم نے بتایا کہ کراچی میں آج سے موسم بہتر ہونے کا امکان ہے۔
دوسر ی جانب این ایچ اے نے لینڈ سلائیڈنگ سے بند شاہراہ قراقرم کو ٹریفک کیلئے بحال کردیا۔وفاقی وزیر مواصلات کو رپورٹ پیش کی گئی رپورٹ کے مطابق پھنسے ہوئے مسافروں کو بھی ریلیف مل گیا، 3 ٹیموں نے مسلسل کام جاری رکھا، شاہراہ قراقرم پر ٹریفک کی روانی شروع کردی گئی۔ترجمان این ایچ اے نے بتایا کہ وفاقی وزیر مواصلات عبدالعلیم خان کو ہر لمحہ صورتحال سے باخبر رکھا گیا، بہت جلد شاہراہ قراقرم کو دونوں اطراف سے کھول دیا جائے گا۔
وزیراعلیٰ سندھ سے وزیر فشریز کی ملاقات ،مختلف امور پر بریفنگ
ٹرین حملے پر آپریشن ہورہا ،بیان بازی سے گریز کرنا چاہئے، رانا ثناء اللہ