Tag: باغی ٹی وی

باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ حمیرااصغر کی پراسرار طریقے سے لاش ملی ہے، پولیس نے کہہ دیا کہ ایک مہینہ پرانی لاش ہے، لواحقین سامنے نہیں آ رہے، میں نے کچھ لوگوں سے باتیں کیں، چند گھنٹے میں مجھے وہ پتہ چل گیا جو پولیس کو نہیں پتہ، اس کی موت پچھلے سال اکتوبر میں ہوئی ہے،میں یہ بڑا سوچ کر کہہ رہا ہوں، اکتوبر یا ستمبر کے آخر میں موت ہوئی ہے، اسکے بعد کا کسی کو پتہ نہیں تھا لواحقین نے لاش لینے سے انکار کر دیا، سامنے کوئی نہیں آ رہا تو پولیس نے کہا مٹی ڈالو کیس ختم کرو کیونکہ اس کیس میں انکم تو ہو نہیں رہی

مبشر لقمان آفیشیل یوٹیوب چینل پر اپنے وی لاگ میں مبشر لقمان کا کہنا تھا کہ کچھ لوگوں نےکہا کہ ہم ویڈیو شیئر کرتے ہیں جس پر میں نے کہا کہ مجھے ویڈیو نہ شیئر کریں، کوئی بھی ماں باپ اس طرح کی خبر سن کر ڈپریشن کا شکار ہو جاتا ہے،بجائے اس کے کہ ہم ویڈیو دیکھتے رہیں،حمیرا پچھلے دس سالوں سے کچھ سٹوڈیو میں آنا جانا تھا ایکٹنگ کر رہی تھی، لوگ کہتے تھے کہ اس کو شوق تھا لیکن بیچاری شاید لمیٹڈ تھی اپنی سکلز میں،اور اس کو بڑے موقع نہیں ملے، زندگی کا بڑا موقع تماشا میں ملا، پہلی باری فیم سامنے آیا اور لوگ اس کو جاننا شروع ہو گئے، ابھی بھی جب اس کی موت کی خبریں سامنے آئی ہیں تو تماشا میں لڑائی کی ویڈیو پھر وائرل ہو رہی ہے

مبشر لقمان کاکہنا تھا کہ حمیرا کے باپ نے کہہ دیا کہ میں نے قطع تعلق کر دیا تھا لاش بھی نہیں لینی، میں کیا کہوں اسکے لئے میرے پاس لفظ نہیں،پتھر صفت انسان ہو گا یہ، انسان کے گھرمیں‌ رہنے والے جانور کی موت ہو جائے تو بندہ ہل جاتا ہے بجائے اس کے کہ اپنا خون جدا ہو اور انسان ایسا کرے، قطع تعلقی کہ وجہ اداکار بننا ہی ہو سکتا ہے، اگر وہ چلی گئی تو اس نے کتنی مشکلیں جھیلیں ،اگر کسی سے تعلق ہوتا تو نوبت ہی نہ آتی،اسکو سر چھپانے کی اور جگہ ملتی، اس نے اپنے آخری رابطوں میں دوستوں سے کہا تھا کہ میں آج کل بہت پریشان ہوں، اسکو شاید کہیں سے دھمکیاں مل رہی تھیں.

باغی ٹی وی کی تیرہویں سالگرہ کی تقریبات کا سلسلہ جاری ہے

باغی ٹی وی کی 13 وی سالگرہ کے موقع پر لاہور میں کیک کاٹنے کی تقریب منعقد کی گئی،کھرا سچ کے دفتر 365 نیوز کے ڈائریکٹر نیوز و کرنٹ افیئرز سینئر صحافی محمد عثمان کے ہمراہ مہمانوں نے کیک کاٹا، سی ای او باغی ٹی وی ، سینئر صحافی و اینکر پرسن مبشر لقمان اچانک اسلام آباد روانگی کی وجہ سے تقریب میں شریک نہ ہو سکے،کیک کاٹنے کی تقریب میں مرکزی مسلم لیگ کے ترجمان تابش قیوم،معروف لکھاری،دانشور ریاض احمد احسان،آل پاکستان رائیٹرز ویلفیئر ایسوسی ایشن کے بانی ایم ایم علی، لکھاری و مصنف اعجاز الحق عثمانی، ایڈیٹر باغی ٹی وی ممتاز اعوان، ایگزیکٹو پروڈیوسر کھرا سچ نوید شیخ،محمد عبداللہ، حنظلہ عماد سمیت دیگر شریک ہوئے،شرکاء نے سینئر صحافی و اینکر پرسن سی ای او باغی ٹی وی مبشر لقمان کو مبارکباد دی اور نیک خواہشات کا اظہار کیا،

اس موقع پر سی ای او باغی ٹی وی ،سینئر صحافی و اینکر پرسن مبشر لقمان نے ویڈیو لنک کے ذریعے خطاب کرتے ہوئے تمام شرکا کا شکریہ ادا کیا اور کہا کہ باغی ٹی وی کا آغاز اس وقت کیا تھا جب ہمارا مؤقف کوئی چھاپنے کو تیار نہیں تھا، ہمارے خلاف خبریں نشر ہوتیں لیکن ہمارامؤقف نہیں لیا جاتا تھا اس وجہ سے باغی ٹی وی کا آغاز کیا اور آج 13 برسوں تک کامیابی سے سفر جاری ہے، مبشر لقمان کا کہنا تھا کہ باغی ٹی وی کی ایڈیٹوریل پالیسی انتہائی واضح اور پاکستانیت پر مبنی ہے،ہم سب کی خبریں شائع کرتے ہیں تا ہم کسی بھی مذہب فرقے کے خلاف کوئی خبر شائع نہیں کی جاتی، مبشر لقمان کا مزید کہنا تھا کہ باغی ٹی وی پاکستان کے ڈیجیٹل میڈیا میں ایک بڑا نام ہے اور باغی ٹی وی نے اپنے آپ کو منوایا ہے، باغی ٹی وی مزید ترقی کرے گا، اس میں باغی ٹی وی کی ٹیم کا کردار انتہائی اہم ہے، مبشر لقمان نے باغی ٹی وی کی ٹیم ایڈیٹر ممتاز اعوان، ایڈیٹر باغی ٹی وی انگلش سنیہ حسن، سوشل میڈیا ہیڈ عبداللہ آصف، ازلفہ عبداللہ، نور فاطمہ، انچارج نمائندگان باغی ٹی وی ڈاکٹر غلام مصطفیٰ بڈانی سمیت تمام ٹیم کے کردار کو سراہا اور کہا کہ علاقائی نمائندے بھی باغی ٹی وی میں اہم کردار ادا کر رہے ہیں، اندرون سندھ، جنوبی پنجاب ، خیبر پختونخوا کے کئی شہروں میں باغی ٹی وی کے نمائندگان موجود ہیں، مبشر لقمان کا مزید کہنا تھا کہ باغی ٹی وی پانچ زبانوں میں کام کر رہا ہے، اردو، انگلش،چائنیز، پشتو، دری، اور یہ اعزاز صرف باغی ٹی وی کو ہی حاصل ہے ،پاکستان میں کوئی بھی میڈیا کا ادارہ پانچ زبانوں میں کام نہیں کر رہا،مبشر لقمان کا مزید کہنا تھا کہ میں تقریب میں شریک ہونے والے تمام مہمانوں کا شکریہ ادا کرتا ہوں.

اس موقع پر ڈائریکٹر نیوز و کرنٹ افیئرز محمد عثمان نے بہترین کارکردگی پر ٹیم کے اراکین اور لکھاریوں کو سرٹفکیٹ دیئے، آل پاکستان رائیٹرز ویلفئر ایسوسی ایشن کے بانی ایم ایم علی، مصنف و لکھاری اعجاز الحق عثمانی کو بہترین لکھاری کا سرٹفکیٹ دیا گیا، باغی ٹی وی کی ٹیم کے اراکین ممتاز اعوان، سنیہ حسین،نوید شیخ، محمد عبداللہ، جویریہ ،سعد فاروق، نور فاطمہ،ڈاکٹر غلام مصطفیٰ بڈانی،محمد نعمان کو سرٹفکیٹ دیا گیا، سال 2024 میں علاقائی نمائندگان کی جانب سے بہترین کارکردگی پر اوچ شریف بہاولپور سے باغی ٹی وی کے نمائندہ کو "رپورٹر آف دی ایئر” کا سرٹفکیٹ جاری کیا گیا،تقریب کے اختتام پر ایڈیٹر باغی ٹی وی ممتاز اعوان نے معزز مہمانوں کا شکریہ ادا کیا.

باغی ٹی وی کے سی ای او مبشر لقمان نے 13برس قبل باغی ٹی وی کا آغاز کیا جس کا سفر اب بھی کامیابی سے جاری و ساری ہے ،ڈیجیٹیل میڈیا کے سب سے بڑے ادارے باغی ٹی وی نے کامیابیوں کے ساتھ اپنے قیام کے 13 سال مکمل کرلیے ہیں‌،باغی ٹی وی کے قیام کا مقصد کرپشن ، جہالت ، ظلم اور زیادتی کے خلاف جدوجہد کرنا اوران برائیوں کے خاتمے کے لیے معاشرے کی آوازکو بلند کرنا اوراسے مناسب فورم پر پیش کرنا تھا اورہے بھی اور رہے گا بھی، باغی ٹی وی نے جہاں ان برائیوں کے خلاف جدوجہد جاری رکھی وہاں حق ، سچ ، مظلوم کی مدد اوردنیا سے جہالت ختم کرنےکے لیے اپنا بھرپورکردار ادا کیا جسے دنیا تسلیم بھی کرتی ہے،اس کے ساتھ ساتھ "باغی ٹی وی ” نے معاشرے کی دیگر اہم مسائل کو بھی اجاگر کیااس دوران بہت سی رپورٹس پرسرکاری حکام ، سرکاری اداروں نے کارروائیاں کیں-

اردو ۔انگلش. پشتو.دری، چائنیز پانچ زبانوں میں باغی ٹی وی کی نشریات چل رہی ہیں ،باغی ٹی وی کا یوٹیوب چینل دنیا بھر میں مقبول ہے ۔ہر سال رمضان المبارک میں باغی ٹی وی یوٹیوب چینل پر لاہور کی تاریخی بادشاہی مسجد سے نماز تراویح لائیو نشر کی جاتی ہیں۔ تحریک لبیک کے احتجاج کی کوریج کرنے پر حکومت کی جانب سے دھمکیوں کے باوجود باغی ٹی وی نے کوریج جاری رکھی ۔حکومت کی جانب سے تحریک لبیک کی کوریج کی ویڈیوباغی ٹی وی کے یوٹیوب سے ڈیلیٹ بھی کروائی گئی ہیں ۔تحریک لبیک کی کوریج کی وجہ سے باغی ٹی وی ٹویٹر کا بلیو ٹک بھی ختم کروایا گیا ہے-

باغی ٹی وی نام کی مناسبت سے معاشرے میں ہونے والی نا انصافیوں ظلم جبر کے خلاف بغاوت کا علم بلند کیے ہوئے ہے۔ ریاست پاکستان کی طرف اٹھنے والی ہر انگلی کو باغی ٹی وی صحافتی میدان میں ہر وقت جواب دینے کے لیے تیار ہے یہی وجہ ہے کہ مودی سرکار نے بھی باغی ٹی وی کا ٹویٹر اکاؤنٹ بند کروانے کی کوشش کی بلکہ درجنوں بار مودی سرکار کے زیر اثر ہیکرز کی جانب سے باغی ٹی وی کی ویب سائٹ ہیک کرنے کی ناکام کوشش بھی کی گئی-

باغی ٹی وی کی تیرہویں سالگرہ کے موقع پر سیاسی و سماجی رہنماؤں کی جانب سے مبارکباد کے پیغامات دیئے گئے، روئیت ہلال کمیٹی کے چیئرمین وتاریخی بادشاہی مسجد کے امام مولانا عبدالخبیر آزاد،مرکزی مسلم لیگ کے ترجمان تابش قیوم،مسلم لیگ ن کی رہنما،سابق رکن اسمبلی مہوش سلطانہ، سابق سیکرٹری لاہور پریس کلب عبدالمجید ساجد، دعوت اسلامی کے میڈیا ڈیپارٹمنٹ کے ہیڈ عثمان عطاری، اسلام آباد سے سینئر صحافی پروفیسر طاہر نعیم ملک،کراچی سے ملک ضمیر،ہیلپنگ ہینڈ کے میڈیا ہیڈ سید عابد بخاری،آل پاکستان رائیٹرز ویلفیئر ایسوسی ایشن کے بانی ایم ایم علی،ڈرامہ رائیٹر، آل پاکستان رائیٹرز ویلفئر ایسوسی ایشن کی سینئر ناب صدر ریحانہ عثمانی،اپوا کی ممبر نرگس نور، المصطفیٰ ٹرسٹ کے رکن محمد نواز کھرل،حامد رضا،مرکزی مسلم لیگ کےخوشاب سے رہنما ،سید جوادہاشمی،لاہور سے صحافی جان محمد رمضان، دارالسلام کے میڈیا ہیڈ ارشاد احمد ارشد، ڈسٹرکٹ یونین آف جرنلسٹ ضلع تلہ گنگ کے چیئرمین ملک امتیاز لاوہ، تلہ گنگ پریس کلب کے وائس چیئرمین ملک ارشد کوٹگلہ،سمیت دیگر نے مبارکباد کے پیغامات بھجوائے اور نیک تمناوں کا اظہار کرتے ہوئے کہا کہ باغی ٹی وی نے معاشرے میں حقیقی اور مثبت صحافت کو فروغ دیا جس کا سہرا مبشر لقمان کے سر جاتا ہے، امید کرتے ہیں کہ باغی ٹی وی کا سفر کامیابی سے جاری و ساری رہے گا.

قبل ازیں باغی ٹی وی کی 13 ویں سالگرہ کے موقع پر قصور،گوجرانوالہ، سیالکوٹ،ڈیرہ غازی خان، لنڈی کوتل،تلہ گنگ، ٹھٹھہ،تنگوانی، میرپور ماتھیلو و دیگر شہروں میں کیک کاٹا گیا.

تلہ گنگ:باغی ٹی وی کی 13ویں سالگرہ پر شاندار تقریب کا انعقاد

باغی ٹی وی، ہمارا محسن

گوجرانوالہ: باغی ٹی وی کی 13ویں سالگرہ کی تقریب منعقد، کیک کاٹا گیا

ڈیرہ غازی خان: باغی ٹی وی کی 13ویں سالگرہ کا شاندار انعقاد

میرپور ماتھیلو: باغی ٹی وی کی 13ویں سالگرہ کی تقریب کا انعقاد

ٹھٹھہ: باغی ٹی وی کی 13ویں سالگرہ کا کیک عوامی پریس کلب مکلی میں کاٹا گیا

گوجرہ: باغی ٹی وی کی 13ویں سالگرہ پر عبدالرحمن جٹ کو اعزاز

قصور: باغی ٹی وی کی 13ویں سالگرہ کی تقریب، کیک کاٹا گیا

سیالکوٹ: باغی ٹی وی کی 13ویں سالگرہ بیورو آفس میں منائی گئی

سرائیکی ادب کے پروفیسر ڈاکٹر الطاف ڈاھر کو باغی ٹی وی کی جانب سے خدمات کے اعتراف میں سرٹیفکیٹ

لنڈی کوتل پریس کلب میں باغی ٹی وی کی 13ویں سالگرہ کی تقریب منعقد ہوئی

تنگوانی: باغی ٹی وی کی 13ویں سالگرہ کا پریس کلب میں کیک کاٹاگیا

باغی ٹی وی کی 13ویں سالگرہ، ایک یادگار سفر،تحریر :نورفاطمہ

باغی ٹی وی،ڈیجیٹل میڈیا کا معتبر اور بااثر پلیٹ فارم،سالگرہ مبارک،تحریر:حنا سرور

باغی ٹی وی،پاکستان کی نظریاتی سرحدوں کا محافظ، تحریر: ملک ارشد کوٹگلہ

باغی ٹی وی کا کامیاب سفر،13ویں سالگرہ

صحافت کے سرخیل کو 62 ویں اور باغی ٹی وی کو 13 ویں سالگرہ مبارک،تحریر:شاہد نسیم چوہدری

میں پیسے سے کیوں پیار کرتا ہوں جس کی وجہ سے کامیابی کے نئے نئے راستے کھلتے ہیں، ٹیڈ ٹاک پلیٹ فارم 2025 میں زندگی کے مقاصد کی تکمیل میں ذہنی اصولوں پر بات کرتے ہوئے سینئر اینکر پرسن مبشر لقمان کا کہنا تھا کہ دنیا پیسے کی دوڑ میں مصروف ہے لیکِن ہم ایسے کاموں میں مصروف عمل ہیں کہ دنیا کی جدید ٹیکنالوجی کے استعمال کو نظر انداز کر رہے ہیں۔ ایلیٹ کلاس آج بھی ماں کی مامتا جیسے اشتہاروں کے ذریعے لوگوں کو بلیک میل کرتے ہیں، معاشرے کو بیہودہ سکرپٹ کے ذریعے ایسا ڈرامہ دیا جا رہا ہے کہ وہاں تخلیقاتی ذہن کا تصور ہی پیدا نہیں ہوتا۔

سینئر صحافی و اینکر پرسن مبشر لقمان نے طالب علموں کو زر یعنی دولت کی اہمیت بیان کرتے ہوئے بتایا کہ زندگی میں پیسہ بہت ضروری ہے۔ اگر آپ کے پاس پیسہ نہیں ہے تو آپ اپنی ماں کا علاج نہیں کروا سکتے، آپ خوشیاں نہیں خرید سکتے، آپ اپنے بچوں کی بہتر روزگار کی سہولیات تلاش نہیں کر سکتے، لہذا زندگی میں پیسہ ہے تو آپ کی زندگی میں سکوں کی لہر دوڑنا شروع ہو جائے گی۔

یونیورسٹی آف انجینئرنگ اینڈ ٹیکنالوجی کی اس تقریب میں ” سنو کہانی میری زبانی ” لکھنے والی مصنفہ سعدیہ سرمد، اداکار افتخار احمد عرف افی سمیت دیگر ماڈلز موجود تھیں۔ ٹیڈ ٹاک پلیٹ فارم پر مستقبل کے معماروں یعنی طالب علموں نے خود سے تمام انتظامات مکمل کیے تھے۔ سینئر اینکر پرسن مبشر لقمان نے طالب علموں کی اس کاوش کی تعریف کرتے ہوئے مزاحیہ انداز میں کہا کہ اگر آپ کو ابھی اس پر شک ہے کہ پیسہ کیوں ضروری ہے تو اپنے اشرافیہ کو دیکھ لیں جو سب کچھ اپنی مرضی کا کرتے ہیں اگر آپ کو لگتا ہے کہ آپ کی خوبصورتی میں کوئی کمی ہے اور کوئی تم سے پیار نہیں کرے گی تو بیٹا یہ آپ کی سوچ درست نہیں آپ پیسہ اکٹھا کرنے کے قابل بن جاؤ پیار آنے والی خود کر لے گی۔

یونیورسٹی آف انجینئرنگ اینڈ ٹیکنالوجی کالا شاہ کاکو کیمپس میں ٹیڈ ٹاک پلیٹ فارم پر طالب علموں سے گفتگو کرتے ہوئے بتایا کہ زندگی صرف ایک ہی چیز کا نام ہے اور وہ فیصلہ کرنے کی صلاحیت ہے۔ اگر آپ میں فیصلہ کرنے کی صلاحیت نہیں ہے تو آپ اپنی زندگی میں ان قیمتی رنگوں سے محروم ہو جائیں گے جن کے خواب آپ نے کبھی دیکھے تھے۔

سینئر اینکر پرسن مبشر لقمان کی تقریر کا موضوع تھا ” وائے آئی لو منی ” یعنی مجھے پیسے سے پیار کیوں ہے ؟۔ مبشر لقمان نے وضاحت دیتے ہوئے کہا کہ پیسہ ہی وہ واحد چیز ہے جس کی وجہ سے آپ کی معاشرے میں عزت کی جاتی ہے۔ ان کا کہنا تھا کہ کچھ لوگ پیسے والوں سے سخت نفرت کرتے ہیں جو کہ غلط ہے ، جب بیمار ہوتے ہیں تو پیسے والے ملک ریاض کو ہی کال کرتے ہیں کہ میری والدہ یا والد ٹھیک نہیں ان کا علاج کروانے کیلئے مدد کریں۔ لہذا پیسے والوں پر تنقید نہیں بلکہ ان کی طرح پیسہ کمانے والے بنو۔ انہوں نے پاک کلام قرآن مجید کی آیات مبارکہ کا حوالہ دیتے ہوئے بتایا کہ اللہ تعالیٰ فرماتے ہیں کہ دعا کریں کہ یا اللہ پہلے میری دنیا بہتر بنا پھر میری آخرت۔ لہذا پیسہ دنیا کو بہتر کرنے کیلئے بھی ضروری ہے۔ مبشر لقمان نے اختتامی الفاظ میں حیران کن فیکٹ بتایا کہ ہم لوگ محنت کرتے کرتے مر جاتے ہیں لیکن اپنے اوپر پیسہ خرچ نہیں کرتے۔ اپنے اوپر پیسہ خرچ کرو اللّٰہ اور دے گا اس ذات پر یقین رکھو۔ انہوں نے اپنی زندگی کی کامیابی کی کہانی بھی بتائی، اور یہ بھی بتایا کہ میں اللہ سے دعا کرتا ہوں کہ یا اللہ میرے اخراجات یعنی خرچے بڑھا دے انہوں نے کہا میں یہ دعا اس لیے کرتا ہوں کہ اللہ نے رزق کا وعدہ کیا ہوا ہے لہذا جس نے خرچے بڑھانے ہیں وہ اس حساب سے مجھے یقین ہے کہ رزق بھی دے گا۔

تین چینلز کا عمران کی رہائی کی خبر نشر کرناگہری سازش؟ مبشر لقمان کا سوال

مبشر لقمان کی 62ویں سالگرہ، کھرا سچ اور باغی ٹی وی کی جانب سے تقریب کا انعقاد

بے باک صحافت کی ایک روشن مثال،مبشر لقمان،سالگرہ مبارک

میدان صحافت میں جرات کی مثال،مبشر لقمان،سالگرہ مبارک

کھرا سچ کے میزبان،مبشر لقمان، کا واٹس ایپ چینل جوائن کریں

مبشر لقمان نے خوبصورت واقعہ کے ذریعے طالب علموں کو مخاطب کرتے ہوئے بتایا کہ پاکستان میں رواج بن چکا ہے کہ قانون کی پرواہ کرنے والا کو یہاں لٹکایا جاتا ہے اور جو قانون پاؤں تلے مسل دیتے ہیں ان کو ہیرو کا درجہ دیا جاتا ہے

باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ آج صبح صبح بڑی خبریں آ گئی ہیں، آج 190 ملین پاؤنڈ کیس کا فیصلہ ہونا تھا میں صبح اٹھ کر بیٹھ گیا تھا کہ 11 بجے تک فیصلہ آ جائے گا پتہ چلا کہ جج عدالت آ گئے اور اسکے بعد ساڑھے دس بجے واپس چلے گئے، غصے میں تھے اور کہا کہ دو دفعہ ملزم عمران کو بلایالیکن وہ نہیں آئے

مبشر لقمان آفیشیل یوٹیوب چینل پر اپنے وی لاگ میں مبشر لقمان کا کہنا تھا کہ چڑیل کا کہنا ہے کہ مذاکرات میں ایک نیاٹواسٹ آ گیا ہے،لیکن آج جب عدالت کی سماعت شروع ہوئی تو جج ناصر جاوید رانا کو کافی اضطراب تھا، انہوں نے دو تین بار ملزم عمران خان کو بلوایا لیکن عمران نہ آئے، اس وجہ سے فیصلہ مؤخر ہو گیا، اب 17 جنوری کو فیصلہ سنایا جائے گا،پی ٹی آئی وکلا کی ٹیم انہوں نے پریس کانفرنس کی اور کہا کہ یہ غلط بات ہے، ہمیں کل بتایا تھا کہ 11 بجے فیصلہ آنا ہے، ہم عدالت پہنچ رہے تھے، تو یہ پہلے کیسے اٹھ کر چلے گئے، ان کے ذہن میں کیا ہے،بشریٰ بھی راستے میں ہے اور عدالت ،جیل آ رہی ہیں،

مبشر لقمان کا کہنا تھاکہ یہ ایک ہائی پروفائل کیس ہے، اور اس کے اوپر پوری دنیا کی نظریں ہیں، پوری دنیا کے لوگ دیکھ رہے ہوں گے کہ کیا فیصلہ آنا، کیا کیا سزا ہو سکتی ممکنہ طور پر دونوں ملزمان کو،پھر سلمان اکرم راجہ نے اسی پریس کانفرنس میں بیرسٹر گوہر کے ساتھ بیان دیا ، اس میں سے آپ کو جواب بھی ملے گا،انہوں نے کہا کہ 15 تاریخ سے مذاکرات شروع ہونے وہ اہم ہیں ہم نہیں چاہتے کوئی ڈیل ہو،لیکن اصول کے مطابق ہونے چاہئے، اب لگتا ہے کہ فیصلہ مؤخر کرنے کا فیصلہ دونوں سائیڈوں سے ہے کہ 15 تاریخ کو دیکھ لیں کیا ہوتا ہے ،پہلی باری یہ بتانے لگا ہوں کہ اگر آپ پی ٹی آئی کے فالورز ہیں تو آپ کے لیے خبر ہے کہ شاید واقعی کچھ پیچھے ہو رہا ہے، اتنا آسان نہیں کہ دو دو دن کے وقفے سے فیصلہ مؤخر کریں پہلے دسمبر میں پھر جنوری کے پہلے ہفتے میں، پھر اب تیسری بار آج مؤخر ہونا، یہ ایسے نہیں ہو رہا، اسکا مطلب ہے کہ کوئی کھچڑی پک رہی ہے

مبشر لقمان کا مزید کہنا تھا کہ مذاکرات کے سلسلے میں عمران رہائی لیتے ہیں تو وہ انکی سیاسی موت ہے،عوام میں تو کہہ رہے کہ کارکنان کی رہائی چاہتے ہیں لیکن سچی بات یہ ہے کہ عمران رہائی کے لئے بیتاب ہے، مذاکراتی ٹیم کہتی ہے کہ ہمیں خان صاحب نے نہیں کیا لیکن ہم انکی رہائی کا مطالبہ ضرور کریں گے، ہو سکتا ہے کہ کوئی عبوری حکومت آئے اور اس کو اگلے ایک ڈیڑھ سال الیکشن لے جائے، وہ عبوری حکومت قومی حکومت کی شکل میں بھی ہو سکتی ہے، اس وقت جو حالات ہیں کوئی بھی جماعت اپوزیشن میں نہیں رہنا چاہتی، کوئی بھی جماعت،سب اقتدار میں آنا چاہتی ہیں،ن لیگ وہ اس وقت سب سے کمزور وکٹ پر ہے کیونکہ بلاول زرداری کی بڑی خواہش ہے کہ وہ وزیراعظم بن جائیں ،پیپلز پارٹی میں بھی بڑے لوگ ہیں جو کہہ رہے ہیں کہ بلاول وزیراعظم کے طور پر آ سکتے ہیں اب چڑیل جو خبر لےکر آئی وہ کہہ رہی کہ بلاول کے وزیراعظم بننے میں رکاؤٹ آصف زرداری ہیں،آصف زرداری اس وقت صدر پاکستان ہیں، بلاول اگر وزیراعظم بنتے ہیں تو آصف زرداری کو اپنی صدارت چھوڑنا پڑے گی، کیا عمر کے اس حصے میں پہنچ کر اپنی صدارت کو چھوڑیں گے، ذرا سا مشکل ہے، وہ اپنی ٹرم پوری کرنا چاہیں گے، بلاول کی وزیراعظم بننے کی خواہش کے سامنے کوئی رکاوٹ ہے تو وہ انکے گھر میں ہے،لیکن قومی حکومت کب بن سکتی ہے، اگلے ایک دو ماہ میں تو نہیں، کیونکہ مئی میں بجٹ آنا ہے، آئی ایم ایف جا کر ناک کی لکیریں رگڑنی ہیں،یقین دہانیاں کروانی ہیں جو بھی کچھ ہو گا، مئی یا جون، بجٹ آنےکے بعد ہو گا.اسکے لئے کافی لوگوں نے لابنگ شروع کر دی ہے،ایک سابق وفاقی وزیر نے ایک بڑا تھنک ٹینک بنا لیا،کس کے اشارے پر، دو موجودہ حکومت کےو فاقی وزرا بھی بڑے خواہشمند ہیں، فیصل واوڈا سندھ کے وزیراعلیٰ بننا چاہتے ہیں،وہ کوشش کر رہے ہیں، انکو پتہ ہے کہ اسکے علاوہ کوئی چانس نہیں ہے،

امریکہ کی کینیڈا کو دھمکی،اسرائیل اپنے مشن میں کامیاب

باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ میں کچھ دنوں سے ڈونلڈ ٹرمپ کو فالو کر رہاہوں، وہ روز نیا بیان دے رہے ہیں،کچھ لوگ اس کو مذاق سمجھ رہے لیکن ایسا کچھ بھی نہیں ہے، امریکہ میں جو صدر منتخب ہوتا ہے اسکے پیچھے بہت بڑا تھنک ٹینک ہوتا ہے، ذہین لوگ ہوتے ہیں جو اسکے لیے ڈیٹا جمع کرتے ہیں پھرپالیسی بیان آتا ہے

مبشر لقمان آفیشیل یوٹیوب چینل پر اپنے وی لاگ میں مبشر لقمان کا کہنا تھا کہ ٹرمپ جو بیان دے رہے ہیں اس میں سی آئی اے کا بھی ان پٹ ہوتا ہے،اور بھی اداروں کا، اب جو ٹرمپ کے بیانات آ رہے ہیں یہ صرف چار سال کے لئے نہیں ہیں، امریکہ ایک کروٹ لینے لگا ہے، اگلے 15 بیس سال دنیا پر اور خاص کر ہمارے ملک میں گہرے اثرات مرتب ہوں گے، میں جب اپنے ملک کو دیکھتا ہوں‌تو لوگ اس بات پر لڑ رہے کہ مریم نواز نے یو اے ای کی ولی عہد سے ہاتھ کیسے ملایا،کوئی یہ دیکھ رہا ہے کہ شیر افضل مروت، سلمان اکرم راجہ کی لڑائی کہاں تک جائے گی لیکن ہمیں احساس ہی نہیں اسرائیل کا گریٹر اسرائیل کا پلان پایہ تکمیل تک پہنچ گیا اور 2025 گریٹر اسرائیل کا فیز ٹو مکمل ہو گا جس میں جورڈن کا بیشتر حصہ آئے گا، یمن آئے گا اور کچھ اور علاقے آئیں گے، عرب ممالک کی صحت کو بھی کوئی فرق نہیں پڑتا، جو آنکھیں بند کر کے بیٹھا ہے اسکی آںکھیں کھل جائیں گی اور پھر وقت نہیں ملے گا،

ڈونلڈ ٹرمپ نے کہا کہ گلف آف میکسیکو کا نام میں نے گلف آف امریکہ رکھنا ہے، وہ امریکن تاریخ کو ری رائیٹ کر رہے ہیں، وہ چاہتے ہیں کہ اب اسکا نام آئے کہ یہ آدمی آیا اور امریکہ کو دوبارہ عظیم بنا دیا، ٹرمپ کو یہ پتہ ہے کہ چین کا ٹیرف کیا ہے، چائنہ کا ٹریڈ امریکہ کے ساتھ ٹریلین آف ڈالر میں ہے،اس کا 68 فیصد چائنہ کا ٹریڈ امریکہ کے ساتھ، باقی پوری دنیا کے ساتھ ہے، آج اگر امریکہ کوئی اس پر چابی کستا ہے تو چائنہ بلبلائے گا، امریکہ روس کو کہتا ہے کہ یوکرین میں جہاں تک آ گئے یہ علاقہ تمہارا، اس پر صبر کرو، تمہاری پابندیاں ختم کر رہے ،لڑائی ختم کرو اور چائنہ سے دور ہو جاؤ کیونکہ اس کو ہم نے سبق سکھانا ہے، پھر کیا ہو گا، ٹرمپ نے کینیڈا کو کہہ دیا ہے کہ کیوں نہ کینیڈا کو امریکہ کے ساتھ ملایا جائے، یہ مذاق کی باتیں نہیں،جب ہیڈ آف سٹیٹ بات کرتا ہے تو اسکے پیچھے بڑی سوچ ہوتی ہے، ٹرمپ نے کہا کہ پانامہ کینال کو لینا ہے،گرین لینڈ کو لینا ہے، گرین لینڈ ڈنمارک کے زیر اثر ہے، اب ڈنمارک میں خوف کی گھنٹیاں بجنا شروع ہو گئی ہیں.

مبشر لقمان کا کہنا تھا کہ پانامہ کینال اور گرین لینڈ کے لئے ٹرمپ کوشش کر ے گا وہاں امریکن ٹریڈ کر رہے ہیں، انکا خیال ہے کہ یہ بنانے کے پیسے ہم نے دیئے تھے،ٹرمپ کا خیال ہے کہ پانامہ پر قبضہ کریں اور چین کی ٹریڈ روک دیں،جو مرتا ہے مرے، گرین لینڈ کے اوپر بھی سیکورٹی کی بات ہوئی، کہا کہ امریکن سیکورٹی کو خطرہ ہے، اسکی کئی وجوہات ہیں ،جب صدر سیکورٹی کی بات کرے تو ہر امریکی اٹھ کربیٹھ جاتا ہے اور اس کی بات غور سے سنتا ہے،ٹرمپ نے اسرائیل کے لئے بھی کام کرنا ہے، فیز ٹو کے لئے تیار کرنا ہے، 2025 ٹرمپ کا ان چار چیزوں پر نکلے گا، 2026 میں لگتا ہے کہ ابتدائی چار ماہ میں ایران کی باری ہے کہ ہماری مرضی کے مطابق چلو، اسکے بعد پاکستان کی باری ہے، پاکستان کو انگوٹھے کے نیچے کرنا آسان ہے، ایک آئی ایم ایف قسط نہ ملے یا تاخیر ہو ،سعودی عرب تیل نہ دے تو پھر کیا ہو گا، محمد بن سلمان ٹرمپ کا بہترین دوست ہے، آپ بھول جائیں کہ محمد بن سلمان کے ساتھ کیا دوستی ہے کیسے تعلقات ہیں،کیونکہ ہماری اوقات نہیں ہے اس پردوستی جتانے کی،