Tag: بالی وڈ

بالی وڈ‌ کے بگ بی امیتابھ بچن کی اب کوئی آواز اور ان نام ان کی اجازت کے بغیر استعمال نہیں کر سکے گا. اب امیتابھ بچن کے پاس رائٹس موجود ہیں جن کے تحت ان کی آواز ان کا نام ان کی اجازت کے بغیر کوئی بھی استعمال نہیں‌کر سکے گا . تفصیلات کے مطابق امیتابھ بچن کو یہ شکایت ہے کہ ان کا نام اور ان کی آواز کئی کمپنیاں بغیر اجازت سے کافی برس سے استعمال کررہی ہیں اور اسی شکایت کو لیکر وہ پہنچ گئے عدالت .انہوں نے دہلی ہائی کورٹ میں درخواست دائر کی اور یوں اپنی شکایت درج کروا دی . انہوں نے عدالت سے استدعا کی کہ انہیں اپنے حق میں تشہیر اور پرسنیلٹی رائٹس چاہیں. دہلی ہائی کورٹ نے میگا اسٹار امیتابھ بچن کی طرف سے دائر درخواست پر انہیں عبوری راحت دے دی ہے. اب ان کا نام ان

کی تصویر ان کی آواز بغیر اجازت کوئی نہیں استعمال کر سکے گا.جسٹس نوین چاولہ کی بنچ نے امیتابھ بچن کے نام، آواز کے استعمال پر پابندی لگاتے ہوئے کہا کہ اس بات سے اختلاف نہیں کیا جا سکتا کہ امیتابھ بچن ایک معروف شخصیت ہیں اور مختلف اشتہارات میں ان کا نام اور آواز بھی استعمال ہوتی ہے۔جسٹس چاولہ نے اتھارٹی اور ٹیلی کام ڈپارٹمنٹ کو امیتابھ بچن کے نام، تصاویر کو فوری طور پر ہٹانے کے احکامات جاری کر دئیے ہیں اور انٹرنیٹ سروس والوں سے بھی کہا ہے کہ وہ ہ ان آن لائن لنکس کو ہٹا دیں جو امیتابھ بچن کے ذاتی حقوق پر ضرب لگا رہے ہیں.

گزشتہ روز کارتک آریان کی برتھ ڈے تھی ان کے مداحوں نے سوشل میڈیا پر اداکار کو دیں مبارکبادیں. کارتک آریان بالی وڈ کے وہ فنکار ہیں جنہوں نے کم عرصے میں اپنی پہچان بنائی ہے. کارتک آریان کی سالگرہ کے موقع ہم آپ کو ان کی 5 سپر ہٹ فلمیں یاد کروارہے ہیں. پہلے نمبر پر ہے بھول بھلیاں ٹو یہ فلم 2007 کی فلم بھول بھولیا کا سیکوئل ہے یہ ایک کامیڈی ہارر فلم ہے جس میں کارتک آریان نے بہترین اداکاری کی ہے، ان کی اس فلم کو شائقین کے ساتھ ساتھ ناقدین نے بھی بے حد سراہا، انیس بزمی کی ہدایت کاری میں بننے والی اس فلم میں تبو اور کیارا ایڈوانی بھی ہیں۔ دوسرے نمبر پر ہے فلم دھماکا، یہ کارتک آریان کی بہترین فلموں میں سے ایک ہے۔ نیٹ فلکس پر 2021 میں ریلیز ہونے والی یہ فلم رام مادھوانی

نے لکھی اور انہوں نے ہی اس ہدایت کاری بھی کی. تیسرے نمبر پر ہے فلم سونو کے ٹیٹو کی سویٹی، کارتک آریان کے ساتھ اس فلم میں سنی سنگھ، اور نصرت بھروچا نے کام کیا اور یہ ایک بلاک بسٹر تھی اور 2018 میں اس فلم نے کمال بزنس کیا تھا . چوتھے نمبر پر ہے فلم لوکا چھپی.اس فلم میں کارتک نے گڈو کا کردار کیا تھا اس فلم نے بھی باکس آفس پر دھوم مچائی اور کارتک کی اداکاری کو بہت سراہا گیا. پانچویںنمبر پے فلم پیار کا پنچنامہ، یہ کارتک کی مقبول ترین فلموں میں سے ایک ہے ، یہ فلم ان کو لائم لائٹ میں‌لائی.

بالی وڈ اداکارہ شلپا شیٹی اور راج کندرا بالی وڈ کی سب سے خوبصورت جوڑیوں میں سے ایک ہیں۔ دونوں ایک دوسرے کے ساتھ بے حد محبت کرتے ہیں دونوں نے کڑے مشکل وقت میں ایک دوسرے کا ساتھ دیا. شلپا شیٹی اکثر اپنے شوہر اور فیملی کے حوالے سے سوشل میڈیا پر پوسٹیں شئیر کرتی ہیںان کی پوسٹیں دیکھ کر اندازہ ہوتا ہے کہ اداکارہ اپنی فیملی کے ساتھ بہت محبت کرتی ہے. آج شلپا اور راج کندرا کی شادی کی 13 ویں سالگرہ ہے اس موقع پر شلپا شیٹی نے اپنے انسٹاگرام ہینڈل پر ایک وڈیو شئیر کی اس وڈیو میں دونوں کی خوبصورت تصاویر کو دیکھا جا سکتا ہے. اداکارہ نے اپنے شوہر راج کندرا کا شکریہ ادا کیااور کہا اپ نے میری زندگی بدل دی اور میری زندگی کو خوبصورت بنانے کے لئے بہت شکریہ. یاد

رہے کہ راج کندرا فحش فلموں کے کیس میں پھنسے ہوئے ہیں. شلپا شیٹی روہت شیٹی کی کی سیریز ”انڈین پولیس فورس” کے ساتھ اپنا OTT ڈیبیو کرنے کے لئے تیار ہیں، اس سیریز میں وہ اداکار سدھارتھ ملہوترا کے ساتھ مرکزی کردار ادا کررہی ہیں شلپا آج کل مقبول ڈانس رئیلٹی شو ‘سپر ڈانسر’ کی جج ہیں .شلپا خود بھی بہت اچھی رقاصہ ہیں اور انہوں نے خود کو بہت اچھا مین ٹین بھی کیا ہوا ہے، شلپا یوگا کرتی ہیں اور ایکسرسائز پر بہت زیادہ توجہ دیتی ہیں تبہی یہ آج بھی جوان نظر آتی ہیں.

بالی وڈ‌ اداکارہ تبسم اب ہم میں نہیں رہیں، تبسم ہندوستانی اداکارہ، ٹاک شو کی میزبان اور یوٹیوبر تھیں.تبسم کے بیٹے ہوشنگ گوول نے اپنی والدہ کے انتقال کی خبر کی تصدیق کرتے ہوئے میڈیا کو بتایا کہ کچھ دن پہلے انہیں ایک ہسپتال میں داخل کرایا گیا تھا انہیں گیسٹرو کا مسئلہ تھا اور ہم وہاں چیک اپ کے لیے گئے تھے، انہیں‌ بس دل کا دورہ پڑا اور 18 نومبر کی رات 8.40 پر انتقال کر گئیں. انہوں نے 1947 میں چائلڈ ایکٹر بیبی تبسم کے طور پر اپنے کیریئر کا آغاز کیا۔ انہوں‌ نے نرگس، میرا سہاگ، مانجھدار، اور باری بھین سمیت کئی ہندی فلموں میں کام کیا۔ انہوں نے ہندوستانی تاریخی ڈرامہ فلم مغل اعظم میں بھی کردار ادا کیا۔ وہ 1972 میں ٹاک شو

پھول کھلے ہیں گلشن گلشن کی میزبانی کرنے والی پہلی ہندوستانی ٹیلی ویژن اینکر کے طور پر مشہور ہوئیں۔ تبسم 1944 میں ممبئی میں ایک مصنفہ اور مصنفہ اصغری بیگم اور ایودھیا ناتھ سچدیو کے ہاں پیدا ہوئیں۔ ان کی شادی وجے گوول سے ہوئی اور انہوں نے ایک بیٹا ہوشانگ گوول کو جنم دیا۔تبسم سوشل میڈیا پر کافی متحرک رہتی تھیں اور فلمی شخصیات کے حوالے سے تسلسل سے پروگرام کررہیں تھیں. ان کی دوستی مدھوبالا سے لیکر مادھوی ڈکشٹ تک کے ساتھ تھی.

بالی وڈ‌ کی معروف گلوکارہ نیہا ککڑ نے حال ہی میں ایک پروگرام میں شرکت کی اس پروگرام میں گوندا اور ان کی اہلیہ بھی موجود تھیں . نیہا ککڑ جب سٹیج پر آئیں تو وہ گوندا کو دیکھ کر بہت خوش ہوئیں اور انہوں نے اپنے بچپن کی یادوں کو تازہ کیا. انہوں نے کہا کہ میں گوندا کی فلمیں دیکھ دیکھ کر بڑی ہوئئ ہوں، میں اکثر دوپٹہ سر پہ لیکر بیٹھ جاتی تھی اور مجھ سے سب گھر والے پوچھا کرتے تھے کہ یہ دلہن کی طرح‌دوپٹہ لیکر کیوں بیٹھ جاتی ہوں کس کی دلہن ہو تو میں کہا کرتی تھی کہ گوندا کی دلہن ہوں یہ بات کہہ کر نیہا کی آنکھوں میں خوشی کے آنسو آگئے .اور

انہوں‌نے رونا شروع کر دیا اور کہا کہ میں سوچ بھی نہیں سکتی تھی کہ اس طرح سے گوندا کے ساتھ ایک دن سٹیج شئیر کروں گی. گوندا نے یہ سن کر نیہا کو گلے لگایا اور ان کے خوشی کے آنسو بھی صاف کئے. جبکہ گوندا کی اہلیہ نے کہا کہ یہ خوشی کے آنسو بتا رہے ہیں کہ نیہا گوندا کی کتنی بڑی پرستار ہیں.یاد رہے کہ نیہا ککڑ بالی وڈ کی معروف گلوکار ہیں اور اکثر وہ پروگرامز کو جج کرتی ہیں.نیہا کا شمار بالی وڈ کی بہترین گلوکارائوں میں ہوتا ہے جبکہ گوندا بالی وڈ‌کے سپر سٹار ہیں.

بالی وڈ کے کنگ شاہ رخ خان کے پرستار پوری دنیا میں‌پائے جاتے ہیں. مداح ان کو ہر روپ میں پسند کرتے ہیں . شاہ رخ خان نے اپنے کیرئیر میں‌منفی اور مثبت ہر طرح کے کردار کئے ان کے مداحوں نے ان کو ہمیشہ ہی بہت پذیرائی دی. شاہ رخ خان نے جہاں بہت ساری ہیروئنز کے ساتھ کام کیا وہیں دیپیکا پڈوکون کے ساتھ بھی فلم اوم شانتی اوم میں کام کیا. اس فلم سے دیپیکا پڈوکون نے اپنے فلمی کیرئیرکا آغاز کیا. فلم سپر ہٹ ہوئی . اس فلم کو کئی برس کے بعد ایک بار پھر سینما گھروں میں ریلیز کیا گیا ہے . گزشتہ روز اوم شانتی اوم کو بھارت کے بہت سارے شہروں

میں ریلیز کیا گیا شائقین نے بڑی تعداد میں سینما گھروں کا رخ کیا. شاہ رخ خان کی اس فلم کو سینما گھروں میں ریلیز کرنے کا بنیادی آئیڈیا شاہ رخ خان کے بڑے فین کلب ایس آر کے یونیورس کا تھا. یوں‌ گزشتہ روز ایک بار پھر اوم شاانتی اوم سینما گھروں میں ریلیز کی گئی . یاد رہے کہ اوم شانتی اوم 2007 میں پہلی بار ریلیز ہوئی تھی . 15 سال کے بعد فلم دوبارہ سینما گھروں کی زینت بنی. شاہ رخ خان نے اس فلم کے بعد بھی چنئی ایکسپریس جیسی فلموں میں اپنی اداکاری کے جوہر دکھائے. دیپیکا پڈوکون اور شاہ رخ خان کی آن سکرین جوڑی کو کافی سراہا جاتا ہے.

بالی وڈ اداکارہ کترینہ کیف کا شمار ایسی اداکارائوں میں ہوتا ہے جن کو بہت زیادہ پسند کیا جاتا ہے انہوں نے کم عرصے میں اپنی پہچان بنائی ، کترینہ کیف کے کریڈٹ پر سپر ہٹ فلمیں ہیں. کترینہ اس وقت زیادہ خبروں میں آئیں جب ان کا نام سلمان خان کے ساتھ جڑا. اداکارہ نے گزشتہ برس اپنی محبت وکی کوشل کے ساتھ شادی کی اور اب وہ ایک خوشگوار شادی شدہ زندگی بسر کررہی ہیں. اداکارہ کو کم ہی غصے میں دیکھا جاتا ہے لیکن اب کی بار وہ آگئیں ہیں غصے میں . جی ہاں کترینہ کیف برس پڑیں کیمرہ مین پر. اطلاعات کے مطابق کترینہ کیف گزشتہ شب ایکسرسائز کرنے کے لئے اپنے جم پہنچیں ،. جم پہنچنے پر ان کی گاڑی رکی ، وہ گاڑی سے باہر نکلنے لگیں تو ان کو لگا کہ کیمرے ان پر فوکس کئے ہوئے ہیں تو

انہوں نے ایک دم گاڑی کا دروازہ بند کر لیا اس کے بعد وہ گاڑی سے اتریں اور کیمرہ مین سے کہا کہ کیمرہ نیچے کرو جب انہیں احساس ہوا کہ کیمرہ نے کیمرہ نیچے نہیں کیا تو وہ برس پڑیں اور بولیں جم میں ہم ایکسرسائز کرنے کےلئے آتے ہیں آپ اپنے کیمروں کا رخ ہماری طرف نہ کیا کریں . یوں کتریبہ کیف کو غصہ میں‌دیکھ کر کیمرہ مین نے معذرت کر لی .

معروف اداکاروپرڈیوسر ہمایوں سعید نے ایک وڈیو پیغام سوشل میڈیا پر جاری کرتے ہوئے کہا ہے کہ 25 نومبر کو فلم ضرار ریلیز ہونے جا رہی ہے . شان اور کرن ملک اس میں کام کررہے ہیں اور دونوں ہی بہت اچھے لگ رہے ہیں کرن ملک کی یہ پہلی ایکشن فلم ہے وہ اچھی اداکاری ہیں اور شان نے بھی اس میں چھا ایکشن کیا ہے جتنا میں نے ٹریلر دیکھا ہے اس کے مطابق تو فلم بہت اچھی لگ رہی ہے . شان نے ہمیشہ اچھی فلمیں دی ہیں اور یہ بھی ایک اچھی ہی فلم ہے شان فلم میں اچھا ایکشن کرتے ہوئے نظر آرہے ہیں . ہمایوں سعید نے اپنے مداحوں سے کہا کہ آپ ضرور فلم کو سینما گھروں میں جا کر دیکھیں . یاد رہے کہ شان شاہد نے چند روز قبل ایک انٹرویو میں کہا تھا کہ ادھر جائیں اور ادھر جائیں سے نکلیں تو

ہم مختلف موضوعات پر فلمیں بنائیں گے نا اس پر رد عمل دیتے ہوئے ہمایوں سعید نے کہا کہ تھا ادھر بھی جائوں گا ادھر بھی جائوں گا اور ضرار بھی دیکھنے ضرور جائوں گا. ہمایوں سعید کی حمایت میں شوبز انڈسٹری کے بہت سارے لوگ میدان میں آگئے تھے . اب ہمایوں سعید تقریبا ہر دوسرے دن شان شاہد کی فلم ضرار کے لئے ایک ایسا میسج ضرور کررہے ہیں جس میں وہ کہتے ہوئے دکھائی دیتے ہیں کہ 25 نومبر کو ضرار ریلیز ہونے جا رہی ہے ضرور دیکھنے جائیے گا.

اداکار آیوشمان کھرانہ ان دنوں اپنی آنے والی فلم ’این ایکشن ہیرو‘ کی تشہیر میں مصروف ہیں۔ اس فلم میں جیدیپ اہلوت بھی اہم کردار میں ہیں۔ آیوشمان کی فلم چندی گڑھ کرے عاشقی گزشتہ برس ریلیز ہوئی تھی اس نے باکس آفس پر اچھا بزنس نہیں‌کیا تھا . اس فلم کی خراب کارکردگی کے بارے میں آیوشمان کھرانہ نے کہا کہ ہندوستان کو ‘ہومو فوبک ملک’ بن چکا ہے. انہوں نے کہا کہ میں نے ممنوعہ موضوعات پر فلموں سے شروعات کی تھی۔ایک سوال کے جواب میں آیوشمان کھرانہ نے کہا کہ میں نے اپنے کیرئیر میں بہت زیادہ رسک لئے ہیں اور میں رسک لینے سے بالکل نہیں ڈرتا. انہوں نے کہا کہ مجھے لگتا ہے کہ اگر میں خطرہ مول لینا چھوڑ دوں گا تو میں بھی روایتی کام کرنے والا بن جائوں گا. انہوں نے

کہا کہ بہت سارے اداکار رسک نہیں لیتے. یاد رہے کہ آج کل آیوشمان کھرانہ جس فلم کی پرموشنز میں‌مصروف ہیں اس کا نام این ایکشن ہیرو ہے اس کی ہدایتکاری انیرودھ ایر کی ہیں اور اس میں ملائیکہ اروڑہ اور اکشے کمار بھی خصوصی طور پر نظر آئیں گے۔ یہ فلم 2 دسمبر 2022 کو ریلیز ہونے والی ہے۔آیوشمان کھرانہ کو اس فلم سے کافی امیدیں وابستہ ہیں ان کا کہنا ہے کہ شائقین کو اس فلم کی کہانی منفرد لگے گی.

عالمی آئیکن پریانکا چوپڑا کو حال ہی میں تین سال بعد ممبئی کا دورہ کرتے ہوئے دیکھا گیا تھا۔بیٹی کی پیدائش کے بعد ان کا یہ ممبئی کا پہلا دورہ تھا. بنیادی طور پر وہ اپنے ہیئر کیئر برانڈ کے پروموشنل ٹور پر تھیں۔ اپنے دورے کے دوران پرینکا کو اپنے مداحوں سے ملاقات اور میڈیا سے بات چیت کرتے ہوئے بھی دیکھا گیا۔ اپنے ایک انٹرویو میں پریانکا چوپڑا نے اپنی زندگی میں کام کرنے کی اہمیت کے بارے میں بتایا انہوں نے کہا کہ بیس سال کی عمر میں ، میں نے بہت کام کیا اور کام کی دیوانی بن چکی تھی اس دوران مجھے کوئی ہوش نہیں ہوتی تھی کہ کسی قریبی دوست رشتہ دار سے ملنا ہے لیکن جب میں‌نے تیس سال کی عمر میں قدم رکھا تو رشتوں کی اہمیت کو محسوس کرنے لگی . میں نے کام اور زندگی میں توازن کرنا

سیکھا. میں‌نے بیس سال کی عمر میں جو کام کیا تب محسوس کرتی تھی کہ میرا کام میری زندگی ہے 24 گھنٹے کام کرنا پڑتا تو کر لیتی. لیکن اب میں‌نے کام اور زندگی میں توازن کرنا سیکھ لیا ہے. اب میں سمجھتی ہوں کہ اپنے قریبی لوگوں کو وقت دیاجانا چاہیے انہیں ہماری ضرورت ہوتی ہے. یاد رہے کہ پریانکا چوپڑا ، کترینہ کیف اور عالیہ بھٹ کے ساتھ فلم جی لے زرا میں نظر آئیں گی. اپنے حالیہ دورے کے دوران پریانکا نے انکشاف کیا کہ یہ تینوں فرحان اختر کی ہدایت کاری میں بننے والی جی لے زرا فلم کی شوٹنگ 2023 میں شروع کریں گی۔