Tag: بالی وڈ

بالی وڈ سپر اسٹار عامر خان اپنی فیملی پر توجہ مرکوز رکھنے کے لیے ڈیڑھ سال سے اداکاری سے زرا وقفہ لئے ہوئے ہیں. اداکار نے حال ہی میں دہلی میں ایک تقریب میں شرکت کی. عامر خان نے فلم لال سنگھ چڈھا کی ریلیز کے بعد کسی ایونٹ میں اگر شرکت کی تو یہ حالیہ ایونٹ تھا. اس تقریب کے دوران عامر خان نے کہا کہ وہ 35 سال سے مکمل طور پر کام پر توجہ دے رہے ہیں لیکن اب وہ اپنی فیملی کے ساتھ رہنے کےلئے ان پر توجہ دینے کےلئے کام سےتھوڑا وقفہ لینا چاہتے ہیں. عامر خان کی یہ وڈیو سوشل میڈیا پر خاصی وائرل ہو رہی ہے عامر خان گرے بالوں اور بڑھی ہوئی داڑھی میں نظر آرہے ہیں. انہوں نے کہا کہ جب میں بطور اداکار کوئی فلم کرتا ہوں تو اس میں اتنا کھو جاتا ہوں کہ میری زندگی میں اور کچھ

نہیں ہوتا۔ اب جو میں فلم کرنے جا رہا ہوں اسکا اسکرپٹ بہت شاندار ہے، کہانی بھی کافی اچھی اور روٹین سے ہٹ کر ہے لیکن مجھے پھر بھی لگتا ہے کہ فیملی کو وقت دینا چاہیے . انہوں نے کہا کہ ڈیڑھ سال تک میں کوئی کام نہیں کروں گا . 35 سال سے کام میں کھویا ہوا ہوں انہوں نے کہا کہ میرا اگلہ پراجیکٹ بطور اداکار نہیں پرڈیوسر ہو گا .
یاد رہے کہ عامر خان کی فلم لال سنگھ چڈھا جب فلاپ ہوئی تو انہیں بہت بڑا دھچکا لگا.

ورون دھون آج بالی وڈ انڈسٹری کے باصلاحیت اداکاروں میں سے ایک ہیں۔ اداکار نے کرن جوہر کی اسٹوڈنٹ آف دی ایئر سے اپنے کیرئیر کی شروعات کی تھی جس میں سدھارتھ ملہوترا اور عالیہ بھٹ مرکزی کردار میں تھے اور اس کے بعد انہوں نے کبھی پیچھے مڑ کر نہیں دیکھا۔ ورون فی الحال بھیڑیا کی ریلیز کی تیاری کر رہے ہیں بھیڑیا دنیش وجن کی ہارر کامیڈی کائنات کی تیسری قسط ہے۔ کامیڈی ہارر فلم کو امر کوشک نے ڈائریکٹ کیا ہے۔اپنے حالیہ انٹرویو میں ورون دھون نے کہا ہے کہ فلم انڈسٹری میں 10 سال مکمل کرنے کے بعد بھی وہ اب بھی ‘نئے آنے والے’ کی طرح محسوس کرتے ہیں۔ انہوں نے یہ بھی کہا کہ اداکاری میرا جنون ہے میرے خون میں رچی بسی ہے. مجھے اداکاری سے بہت زیادہ پیار ہے. ورون

دھون کے مطابق کام کرنے کے دوران بہت سارے چیلنجز در پیش رہتے ہیں لیکن ہمیں ان سے نمٹنے کے لئے نہ صرف ثابت قدم رہنا چاہیے بلکہ کام کرتے رہنا چاہیے. یاد رہے کہ فلم بھیڑیا 25 نومبر کو سینما گھروں کی زینت بننے والی ہے۔ یہ فلم ہندی، تیلگو اور تامل کے سینما گھروں میں بھی ریلیز ہوگی۔ فلم میں ورون دھون بھاسکر کا کردار ادا کریں گے، جو اروناچل پردیش میں ایک ویروولف بن کر تباہی پھیلاتا ہے، جبکہ کریتی سینن ڈاکٹر انیکا کا کردار ادا کر رہی ہیں۔

بونی کپور اور سری دیوی بالی وڈ کی سب سے زیادہ پسند کی جانے والی جوڑیوں میں سے ایک تھے۔ حال ہی میں ایک چیٹ شو کے دوران بونی نے اپنی اہلیہ کے انتقال کے بارے میں کھل کر بتایا کہ انہیں کن حالات سے گزرنا پڑا۔
انہوں نے کہا کہ سری دیوی بالی وڈ کی سب سے زیادہ پسند کی جانے والی اداکاراؤں میں سے ایک تھیں۔ اگرچہ وہ اب ہم میں نہیں ہیں لیکن مداح اب بھی انہیں یاد کرتے ہیں۔ بونی نے کہا کہ سری دیوی کے انتقال کے بعدہم سب کی زندگیوں میں بہت تبدیلی آئی ہے۔انہوں نے کہا کہ جب سری دیوی کا انتقال ہوا تو وہ بہت زیادہ دباؤ میں تھے۔انہوں نے یہ بھی یاد کیا کہ کس طرح سری دیوی نے انہیں سگریٹ نوشی چھوڑنے کے لیے کہا تھا۔ لیکن ایک وقت ایسا بھی آیا جب سری دیوی کی موت ہوئی تو انہیں لگا کہ وہ ایک بار

پھر سیگریٹ نوشی کی طرف مائل ہوجائیں گے . انہوں نے مزید کہا کہ جب اداکارہ کا انتقال ہوا تو وہ 3-4 دن دبئی میں تھے اور پریشانی اور اکیلے پن کے عالم میں ان کا دل کیا کہ وہ سیگریٹ نوشی شروع کر دیں لیکن انہوں نے سوچاکہ بیوی سے محبت کا تقاضا ہے کہ میں سیگریٹ نوشی نہ کروں. لہذا میں نے سگریٹ نوشی نہیں‌کی اور آج تک سگریٹ کو ہاتھ نہیں‌لگایا. بونی کپور نے انکشاف کیا کہ انہوں نے 2006 میں سگریٹ نوشی دوبارہ شروع کی تھی جب ان پر شدید مالی دباؤ تھا اور وہ لندن میں تھے۔ بونی نے کہا کہ 2016 میں ڈاکٹروں نے انہیں سگریٹ نوشی ترک کرنے کو کہا تھا اور اس وقت سری دیوی نے ان سے پوچھا کیا مجھ سے محبت نہیں‌کرتے ؟‌بس پھر اسکے بعد سگریٹ نوشی بالکل ترک کر دی.

نویا نویلی نندا اپنے پوڈ کاسٹ شو ”واٹ دی ہیل نویا” میں ایک اور ایپی سوڈ میں جیا بچن نے کیں کچھ اپنے دل کی باتیں . یہ وہ شو ہے جس میں جیا بچن اور ان کی بیٹی شویتا باقاعدگی سے نظر آتی ہیں . اس شو میں جیا اپنی ذاتی زندگی کے تجربات شیئر کرتی ہیں۔ اس بار انہوں نے ماہواری کے حوالے سے بات کی اور کہا کہ جب مجھے پیریڈز آتے تھے تو میرے لئے یہ عجیب اور شرمناک ہوتا تھا۔کیونکہ جب ہم باہر کام کرتے تھے، ہمارے پاس کوئی (وینٹی) وین نہیں تھی جھاڑیوں کے پیچھے جانا پڑتا تھا۔ یہاں تک کہ بیت الخلاء بھی نہیں تھے۔اس لئے یہ عجیب اور شرمناک محسوس ہوتا تھا۔ اس کے علاوہ پلاسٹک کے تھیلے ساتھ لے جانے پڑتے تھے .جیا بچن نے اپنی شوٹنگ کے دنوں کو یاد کرتے ہوئے اس حوالے سے بہت ساری باتیں مداحوں کے ساتھ شئیر کیں. یاد رہے کہ اسی

پوڈ کاسٹ شو میں جیا نے یہ بھی کہا تھا کہ اگر نویا شادی کے بغیر بھی بچہ پیدا کر لے تو انہیں کوئی اعتراض نہیں ہو گا . جیا بچن بہت جلد اداکارہ عالیہ بھٹ اور رنویر سنگھ کے ساتھ فلم راکی ​​اور رانی کی پریم کہانی میں نظر آئیں گی۔ شوٹنگ مکمل ہو چکی ہے۔ فلم میں دھرمیندر بھی ہیں۔ جیا اور دھرمیندر دونوں ایک ساتھ پہلے بھی کام کر چکے ہیں۔

آج یہ خبر گردش کرتی رہی کہ بالی وڈ اداکار شاہ رخ خان کو آج مبینہ طور پر کسٹم حکام نے ممبئی کے چھترپتی شیواجی مہاراج انٹرنیشنل ایئرپورٹ پر روکا، ان کے قبضے سے مہنگی گھڑیوں کے کور برآمد ہوئے.خبریں یہ بھی چلتی رہیں کہ شاہ رخ خان کے پاس 18 لاکھ روپے کی لگژری گھڑیوں کے کور تھے. تاہم تازہ ترین رپورٹس بتاتی ہیں کہ شاہ رخ خان کو ممبئی ایئرپورٹ پر کسٹم حکام نے نہیں روکا۔ ٹائمز آف انڈیا کی طرف سے شائع ہونے والی رپورٹس کے مطابق ممبئی ایئرپورٹ کے ایک سینئر کسٹم افسر نے ان افواہوں کو غلط قرار دیا۔ انہوں نے اس بات کی بھی تصدیق کی کہ شاہ رخ خان کو کسی قسم کا جرمانہ ادا کرنے کا نہیں کہا گیا ہم نے شاہ رخ خان اور ان کی ٹیم

سے صرف یہ کہا تھا کہ وہ جو سامان لے کر جا رہے ہیں اس کے لیے ڈیوٹی ادا کریں۔ یوں کسٹًم حکام کی جانب سے پھیلی خبروں کی تردید کے بعد افواہوں نے دم توڑ دیا ہے. یاد رہے کہ شاہ رخ خان کی فلم پٹھان جلد ہی ریلیز ہونے جا رہی ہے اس حوالے سے ان کا کہنا ہےکہ مجھے بہت یقین ہے کہ میں‌نے ایک اچھی چیزبنائی ہے جو کہ شائقین کو بے حد پسند آئیگی . میں نے اپنی پوری کوشش کی ہے باقی مداح ہی دیکھ کر بتائیں گے کہ فلم کیسی ہے.

جب سے خبر آئی ہے کہ ہیرا پھیری تھری میں اکشے کمارکا کردار کارتک آریان کریں گے اور ان کے ساتھ پاریش راول اور سنیل شیٹی ہوں گے تب سے اکشے کمار ہیں خبروں میں‌، اور سوال ہو رہے ہیں‌کہ آخر اکشے کمار کیوں نہیں ہیں‌ ہیرا پھیری تھری میں . اکشے کمار نے اس پر اپنی خاموشی توڑتے ہوئے کہا ہے کہ ہیرا پھیری کے ساتھ میری بہت ساری یادیں جڑی ہوئی ہیں.انہوں نے بتایا کہ ہیرا پھیری تھری کی انہیں پیشکش ہوئی تھی لیکن وہ اسکرپٹ سے مطمئن نہیں تھے اور اسی وجہ سے انہوں نے یہ فلم کرنے سے انکار کر دیا .یاد رہے کہ ہہرا پھیری پہلی بار 2000 میں ریلیز ہوئی تھی اور

اسے پریہ درشن نے ڈائریکٹ کیا تھا اور نیرج وورا نے لکھا تھا۔ اس میں اکشے کمار، سنیل شیٹی، پاریش راول، تبو، اوم پوری اور گلشن گروور نے اداکاری کی تھی۔ اس فلم کا پلاٹ دو کرایہ داروں، راجو اور شیام اور ایک مالک مکان بابو راؤ کے گرد گھومتا ہے، جنہیں پیسوں کی اشد ضرورت ہوتی ہے۔ اسی طرح سے اس فلم کا سیکوئل پھر ہیرا پھیری 2006 میں ریلیز ہوئی۔یاد رہے کہ مداح اکشے کمار کو ہیرا پھیری تھری میں دیکھنے کے خواہشمند ہیں لیکن اکشے نے کنفرم کر دیا ہے کہ وہ اس فلم کا حصہ نہیں‌بنیں گے کیونکہ وہ اس فلم کے سکرپٹ سے مطمئن نہیں ہیں‌.

بالی وڈ اداکارہ بپاشا باسو کے گھر بیٹی کی پیدائش ہوئی ہے اس خوبصورت جوڑے نے سوشل میڈیا پوسٹ کے زریعے اپنے مداحوں کے ساتھ اس خوشخبری کا اعلان کیا . بی پاشا نے اپنی بیٹی کا نام دیوی رکھا ہے. جیسے ہی اس جوڑے نے سوشل میڈیا پر یہ خبر شئیر کی تو انہیں مداحوں اور دوستوں ساتھیوں کے مبارکباد کے پیغامات موصول ہونا شروع ہو گئے. ان کی ساتھی اداکارہ دیا مرزا نے لکھا کہ اس دنیا میں خوش آمدید ننھی پری آپ کے لئے بہت پیار اور محبت . میں آپ سے ملنے کا انتظار نہیں کر سکتی. اداکارہ و گلوکارہ سوفی چوہدری نے لکھا کہ اب تک کی بہترین بہترین خبر، میں آپ دونوں کےلئے بہت خوش ہوں، خدا آپ کے اس ننھے فرشتے کو سلامت

رکھے۔ تنیشا مکھرجی نے لکھا بہت بہت مبارک ہو، آپ کو بہت ساری خوشیاں نصیب ہوں. ٹی وی اداکارہ سوربھی جیوتی نے لکھا ’’مبارک ہو‘‘ میں آپ کے لئے بہت خوش ہوں۔ بی پاشا نے سوشل میڈیا پر اپنی بیٹی کے پیروں کی تصویر شیئر کی اس تصویر میں انہیں نومولود کے پاؤں پکڑے ہوئے دیکھا گیا۔ انہوں نے اپنی پوسٹ کا عنوان دیا "مبارک”۔بی پاشا باسو نے سوشل میڈیا پر ہی مداحوں کو اپنے حمل کی اطلاع دی اور بیٹی کی پیدائش کی بھی اطلاع سوشل میڈیا پر دی.

خون پسینہ، دو اور دو پانچ، مسٹر نٹور لال اور یارانہ میں اپنے کام کے لیے مشہور راکیش کمار کینسر کے ساتھ طویل جنگ کے بعد گزشتہ روزممبئی میں انتقال کر گئے ہیں۔ ٹائمز آف انڈیا کی خبر کے مطابق ان کی یاد میں ایک دعائیہ اجلاس آج اندھیری میں منعقد ہوگا۔ راکیش کمار کے پسماندگان میں بیوی اور دو بچے ہیں۔ اب امیتابھ بچن جنہوں نے فلمساز کے ساتھ کئی فلموں میں کام کیا ہے ہفتے کے روز سوشل میڈیا پر جذباتی خراج تحسین پیش کیا۔ انہوں نے یہ بھی انکشاف کیا کہ وہ اس جنازے میں جانے سے ہچکچا رہے ہیں۔امیتابھ نے لکھاراکیش شرما کا سکرین پلے اور ڈائریکشن اور ان کے ساتھ بیتے لمحے پل پل یاد آتے ہیں اور آئیں گے وہ خوش مزاج انسان تھے . وہ ایک انتہائی ملنسار اور مہربان انسان تھے، وہ اپنے ساتھ کام کرنے والوں کی تکالیف سے باخبر رہتے تھے. میں ان کی

آخری رسومات میں نہیں جا سکوں گا کیونکہ میں ایک غیر فعال راکیش نہیں دیکھ سکوں گا . میری ان کے ساتھ یادگار فلمیں ہیں جو ہمیشہ مجھے یاد رہیں گی انہوں نے جو کام کیا ہے وہ ہندی سینما کی تاریخ میں ہمیشہ زندہ رہے گا. یاد رہے کہ امیتابھ بچن ہمیں سورج برجاتیہ کی فلم اونچائی میں نظر آرہے ہیں اس کے بعد وہ دیپیکا پڈوکون اور پربھاس کے ساتھ ناگ اشون کی ہدایت کاری میں پروجیکٹ K میں تیلگو سنیما میں اپنا آغاز کرنے والے ہیں۔ چینی کم اداکار کے پاس امریکی فلم دی انٹرن کا ہندی ریمیک بھی ہے جس میں دیپیکا پڈوکون مرکزی کردار ادا کریں گی.

اکشے کمارجن کے پاس کینڈین پاسپورٹ بھی ہے اکثر وہ اس حوالے سے تنقید کا نشانہ بنتے ہیں . حال ہی میں انہوں نے ایک بار پھر اپنی کینیڈین شہریت کے بارے میں کھل کر بات کی اور کہا کہ کینیڈین پاسپورٹ ہونے کا مطلب یہ نہیں ہے کہ میں کسی ہندوستانی سے کم ہوں، میں بہت زیادہ ہندوستانی ہوں۔ مجھے پاسپورٹ ملنے کے بعد سے میں یہاں نو سال سے ہوں اور میں اس وجہ میں نہیں پڑنا چاہتا کہ کیوں یہ پاسپورٹ حاصل کیا. اکشے کمار نے اپنے آفیشل ٹویٹر ہینڈل پر کینیڈا کی شہریت حاصل کرنے کے بارے میں بھی بات کی تھی اور کہا تھا کہ انہوں‌نے ایک نیا کیریئر شروع کرنے کے لیے

کینیڈا جانے کا ارادہ کیا جب مسلسل ان کی پندراں فلمیں باکس آفس پر فلاپ ہوئی تھیں. اکشے کمار مسلسل کہتے آرے ہیں کہ میں نے کبھی سوچا بھی نہیں کہ میرے پاس کینڈین پاسپورٹ ہے . جب سے مجھے کینڈین ویزہ ملا ہے میں بھارت میں ہی ہوں یہیں رہتا ہوں یہیں‌کام کرتا ہوں ٹیکس ادا کرتا ہوں. یاد رہے کہ اکشے کمار کا شمار ان بھارتی اداکارائوں میں ہوتا ہے جن کے کریڈٹ پر لاتعداد سپر ہٹ فلمیں ہیں ایکشن ہیرو کے طور پر کیرئیر کا آغاز کیا اور بعد ازاں کامیڈی فلمیں بھی کیں ان کے مداحوں نے ان کو کامیڈی اور ایکشن دونوں طرح کی فلموں میں‌پسند کیا .

اکشے کمار نے گزشتہ شب ہندوستان ٹائمز لیڈرشپ سمٹ 2022 میں شرکت کی، اس تقریب کے دوران اکشے کمار نے کہا کہ وہ اپنے بیٹے آراو کو اپنی فلمیں دکھانا چاہتے ہیں اور انہیں فلموں کے بارے میں بھی بتانا چاہتے ہیں تاہم وہ فلمیں دیکھنے میں دلچپسی نہیں رکھتے۔ انہوں نے کہا کہ میرے بیٹے کو فلموں میں‌ کام کرنے کا بھی شوق نہیں ہے. وہ صرف اپنا کام کرنا چاہتے ہیں اور پڑھنا چاہتے ہیں .انہوں نے یہ بھی بتایا کہ میرا بیٹا آرو فیشن ڈیزائنر بننا چاہتا ہے. اس موقع پر اکشے کمار نے کہا کہ میری اور ٹونکل کھنہ کی شادی 2001 میں ہوئی تھی اور 2002 میں آرو کی پیدائش ہوئی آرو ہمارے لئے کافی لکی ثابت ہوا. یاد رہے کہ اکشے کمار آخری

بار ابھیشیک شرما کی ہدایت کاری میں بننے والی رام سیتو میں جیکولین فرنینڈس، نصرت بھروچا اور ستیہ دیو کے ساتھ مرکزی کردار میں نظر آئے تھے۔ اکشے کمار کی فلم رکشا بندھن رواں برس اگست میں‌ریلیز ہوئی تھی جو کہ بائیکاٹ ٹرینڈ کی وجہ سے فلاپ ہو گئی تھی.اکشے نے حال ہی میں اپنے مراٹھی ڈیبیو کا اعلان کیا .اس کے علاوہ اکشے کمارفلم سیلفی میں عمران ہاشمی کے ساتھ نظر آئیں گے. اداکار اکشےکمار آیوشمان کھرانہ اسٹارر این ایکشن ہیرو کا حصہ ہیں جو 2 دسمبر 2022 کو ریلیز ہونے والی ہے۔ اس فلم میں آیوشمان اور اکشے کمار پہلی بار ایکدوسرے کے ساتھ کام کررہے ہیں.