Tag: بالی وڈ

بالی وڈ اداکار سنیل شیٹی جنہوں نے نوے کی دہائی میں بطور ایکشن ہیرو کیرئیر کی شروعات کی. سنیل شیٹی نے اُس دور کی تمام بڑی اداکارائوں کے ساتھ کام کیا.سنیل شیٹی نے کئی ایسے یادگار کردار کئے کہ جن کو آج بھی یاد کیا جاتا ہے فلم دل والے کا کردار اس کی مثال ہے. ایکشن اور رومینٹک اس ہیرو کی آج 61 ویں سالگرہ ہے.سنیل شیٹی کی پہلی فلم بلوان تھی جو 1992 میں ریلیز ہوئی، 1994 میں موہرا اور گوپی کشن ریلیز ہوئیں پھر اس اداکار نے پیچھے مڑ کر نہیں دیکھا، ان کی بہترین فلموں‌میں ہیرا پھیری، دھڑکن، میں ہوں نا، بارڈر، کانٹے اور دیگر شامل ہیں۔ہیرو کے ساتھ ساتھ سنیل شیٹی نے منفی کردار بھی کئے فلم دھڑکن میں ان کا منفی کردار بہت پسند کیا گیااسی طرح سے فلم میں‌ہوں نا میں بھی ان کے نیگیٹیو کریکٹر کو بہت سراہا گیا. سنیل شیٹی ایک باصلاحیت اداکار ہونے کے ساتھ ایک بہترین

فیملی مین بھی ہیں اور ان کا آفیشل انسٹاگرام اس کا ثبوت ہے وہاں یہ اکثر اپنی فیملی کے ساتھ تصاویر شئیر کرتے رہتے ہیں۔ سنیل شیٹی نے 1991 میں منا شیٹی سے شادی کی ان کے دو بچے اتھیا شیٹی اور آہان شیٹی ہیں۔ اتھیا اور آہان دونوں پہلے ہی بالی ووڈ میں اپنا ڈیبیو کر چکے ہیں.سنیل شیٹی اپنے پورے کیرئیر میں دیکھ بھال کر چلے ان کا شاید ہی کسی ہیروئین کے ساتھ نام جڑا ہو،یہاں تک کہ سینل شیٹی کے کسی ساتھی اداکار کے ساتھ جھگڑے تک کی خبریں شاو نادر ہی سامنے آئی ہوں گی.

اجے دیوگن کی ڈائریکشن میں بننے والی فلم ”بھولا” کے سیٹ پر اداکارہ تبو ہوگئیں ہیں شدید زخمی. رپورٹس کے مطابق نیشنل ایوارڈ یافتہ اداکارہ تبو کو ایک شوٹ کروانا تھا شوٹ کچھ اس طر‌ح تھا کہ تبو ٹرک کے اندر تھیں اور وہ ٹرک گھنے جنگل سے گزر رہا ہے اور اسکا پیچھا چند غنڈے بائیک پر کررہے ہیں ایک بائیک والا مسلسل تیزی کے ساتھ ٹرک کے ساتھ بھاگ رہا ہے وہی بائیک والا ٹرک کے ساتھ ٹکرا گیا اور حادثہ پیش آیا ، اس حادثے کے دوران تبو کی آنکھ پر شیشہ لگ گیا اور ان کی آنکھ سے خون بہنا شروع ہو گیا. کہا جا رہا ہے شیشہ تبو کی آنکھ کے اوپر لگا خوش نصیبی سے آنکھ محفوظ رہی. اس

حادثے کے بعد ڈائریکٹر اجے دیوگن نے تبو کے بہتر ہوجانے تک کام کو روک دیا. اجے دیوگن کی ڈائریکشن میں بننے والی اس فلم کی شوٹنگ حیدر آباد میں کی جا رہی ہے. بھولا اجے دیوگن کی بطور ڈائریکٹر چوتھی فلم ہ. یاد رہے کہ اجے دیوگن نے نوے کی دہائی میں فلم انڈسٹری میں بطور ایکشن ہیرو قدم رکھا اس کے بعد انہوں‌نے کئی ایکشن فلموں‌میں کام کیا. بعد ازاں انہوں نے کامیڈی فلموں میں بھی کام کیا شائقین نے ان کو ہر کردار اور ہر روپ میں سراہا. فلم بھولا سے پہلے اجے دیوگن اور تبو نے فلم وجے پتھ میں ایک ساتھ کام کیا تھا فلم سپر ہٹ تھی اور میوزک بھی سپر ہٹ تھا.

بالی وڈ اداکارہ کنگنا رناوت جو ہر وقت کنٹرورسی میں گھری رہتی ہیں وہ کچھ نہ کچھ ایسا بولتی رہتی ہیں کہ جس کی وجہ سے انہیں تنقید کا سامنا کرنا پڑتا ہے. رپورٹس کے مطابق اداکارہ کنگنا رناوت ڈینگی میں مبتلا ہو گئی ہیں اور ان کو خاصا تیز بخار بھی ہے. کنگنا رناوت کے ڈینگی میں مبتلا ہونے کی خبر ان کے پروڈکشن ہائوس نے انسٹاگرام اکائونٹ سے جاری کی. کنگنا رناوت نے اپنی ٹیم کا شکریہ ادا کرتے ہوئے لکھا کہ میرا جسم بیمار ہے روح نہیں. اداکارہ آج کل اپنی فلم ایمرجنسی کی شوٹنگ میں‌مصروف ہیں. یاد رہے کہ کنگنا رناوت نے ہرتیک روشن کے معاملے میں بالی وڈ کی بہت ساری شخصیات پر الزام

لگائے. جاوید اختر بھی انہی میں سے ایک ہیں کنگنا نے کہا کہ جاوید اختر نے انہیں دھمکیاں دیں اور کہا کہ ہرتیک روشن والے معاملے میں اپنی زبان بند رکھو ورنہ تمہارا کیرئیر ختم کر دیا جائیگا. جاوید اختر نے اس الزام کی تردید کرتے ہوئے اداکارہ کو کو رٹ لیجانے کا فیصلہ کیا. اور اب یہ کیس عدالت میں چل رہا ہے. کنگنا رناوت سیاستدانوں کے لئے بھی سخت جملے استعمال کرتی ہیں. ان کے بیانات کی وجہ سے سوشل میڈیا پر ان کو آڑھے ہاتھوں لیا جاتا ہے کرن جوہر نے تو ان کے ساتھ کام کرنے پر بین کر دیا ہے وہ ان کے ساتھ کبھی بھی کام نہ کرنے کا اعلان کر چکے ہیں. کنگنا نے کرن جوہر پر بھی مختلف اوقات میں مختلف قسم کے الزامات لگائے.

عامر خان بالی وڈ کے معروف پرڈیوسر طاہر حسین کے صاحبزادے ہیں.عامر خان نے ھال ہی میں ایک انٹرویو کے دوران اپنے بچپن کے دنوں کی پسماندگی کو یاد کیا. عامر خان نے کہا کہ میرے والد ایک بڑے پرڈیوسر تھے انہوں نے بہت ہٹ فلمیں بھی بنائیں لیکن انہوں نے پیسہ نہیں بنایا. جب آپ ایک بڑے پرڈیوسر کے بیٹے ہوتے ہیں تو لوگوں‌کو لگتا ہے کہ آپ بہت امیر ہیں. انہوں نے کہا کہ میرے والد بالکل بھی اچھے بزنس مین نہیں تھے میرے والد ہمیشہ قرض میں رہتے تھے اور انہیں 1986 کی فلم لاکٹ بنانے میں 8 سال لگے اور ان کے پیسے پھنس گئے۔میرے والد نے بہت سارے قرض لے رکھے تھے اور اس وقت شرح سود 36% تھی اور ایک وقت ایسا آیا کہ ہم تقریباً بے گھر ہونے

والے تھے۔ میں جس اسکول میں پڑھ رہا تھا اس کی فیس کم تھی، یہ تھی چھٹی جماعت کی 6 روپے ، ساتویں جماعت کی 7 روپے ، آٹھویں جماعت 8 روپے ،دسویں جماعت کےلئے 10 روپے. ہمارے گھر کے حالات بہت خراب تھے اس لئے ہم لوگ وقت پر فیس نہیں ادا کر پاتے تھے یوں وقت پر فیس ادا نہ کرنے والوں کا نام سکول کی اسمبلی میں لیا جاتا تھا جس پر مجھے بہت شرمندگی ہوتی تھی. عامر خان نے مزید کہا کہ میں ٹینس کا بہت اچھا کھلاڑی تھا میں ٹورنامنٹ کھیلتا تھا مجھے انعام میں جو رقم ملتی تھی اپنے والد کو دے دیتا تھا اس کے بعد وہ مجھے ان پیسوں سے جوتے ٹی شرٹ خرید دیتے تھے .عامر نے کہا کہ "ہم مشکل وقت سے گزرے ہیں، میرے والد نے بہت جدوجہد کی ہے۔ ہم مالی طور پر بہت اچھے نہیں تھے لیکن ہمارا بچپن اچھا گزرا۔

اداکارہ عالیہ بھٹ نے اپنے شوہر رنبیر کپور کے حوالے سے حال ہی میں کہا ہے کہ میرا شوہر میرا بہترین دوست ہے اور شادی کے بعد ہم دونوں کے درمیان کچھ بھی نہیں بدلا. رنبیر کپور بالکل ویسا ہی جیسا شادی سے پہلے تھا. اداکارہ کہتی ہیں کہ میں اپنے شوہر کی جتنی بھی تعریف کروں کم ہے. میرا شوہر بطور شوہر اور بطور انسان آئیڈیل ہے. اس نے مجھے ہمیشہ ہی بہت زیادہ سپورٹ کیا ہے اور مجھے رنیبر ہر وقت ہنساتا رہتا ہے.جو مجھے تحفظات تھے شادی سے پہلے وہ سب کے سب دور ہو گئے ہیں. عالیہ بھٹ نے کہا کہ رنبیر کپور بطور اداکار

اور کو سٹار بھی بہت اچھے ہیں ان کے ساتھ کام کرنا بہت آسان ہے. رنبیر سیٹ پر بہت زیادہ خاموش اور پرسکون ہوتے ہیں. ان کی موجودگی میں آپ کو ایسا نہیں لگتا کہ آپ کسی سٹار کے ساتھ کام کررہے ہیں. عالیہ بھٹ نے مزید یہ بھی کہا کہ رنبیر کپور اپنے کردار کے لئے بھرپور تیاری کرتے ہیں ان کے ساتھ کام کررہے ہوں توان کے سامنے والے میں ایک الگ ہی انرجی آجاتی ہے. یاد رہے کہ رنبیر کپور اور عالیہ بھٹ نے فلم براہمسٹرا میں‌ کام کیا ہے فلم بہت جلد ریلیز ہو نے والی ہے. عالیہ بھٹ نے ہالی وڈ میں‌ بھی کام کیا ہے انہوں نے اپنی پہلی فلم کی شوٹنگ کروا دی ہے اب انہیں فلم کی ریلیز کا انتظار ہے.

اکشے کمارآج کل اپنی فلم ”رکشا بندھن ” کی پرموشنز میں مصروف ہیں۔ آنند ایل رائے کی ہدایت کاری میں بننے والی اس فلم میں بھومی پیڈنیکر، سہجمین کور، دیپیکا کھنہ، سعدیہ خطیب، اسمرتی سری کانت نے اہم کردار ادا کئے ہیں کہانی ایک بھائی اور اس کی بہنوں کے درمیان غیر مشروط بندھن کے گرد گھومتی ہے۔بالی وڈ کے کھلاڑی نے اپنی آن سکرین بہنوں کو کروائی شاپنگ۔ اکشے کمار اپنی آن اسکرین بہنوں کو نوابوں کے شہر میں خریداری کے لیے لے گئے، اکشے کمار نے اس حوالے سے اپنے انسٹاگرام اکائونٹ پر ایک وڈیو شئیرکی جس کا کیپشن انہوں نے یہ لکھا کہ
"آج لے آیا اپنی بہنوں کو نوابوں کے شہر، لکھنؤ شاپنگ کرنے۔ اکشے کمار کی وڈیو میں دیکھا جا سکتا ہے کہ اکشے کمار اپنی آن سکرین بہنوں کے ساتھ کھڑے ہیں اور وہ کپڑوں کی خریداری کررہی ہیں۔

اکشے کمار کا اپنی فلم کی تشہیر کا یہ اندازان کے مداھوں کو کافی بھایا۔ رکشا بندھن کے ٹریلر میں، اکشے کو اپنی بہنوں کی وجہ سے اپنی گرل فرینڈ (بھومی پیڈنیکر) سے جھگڑتے دیکھا جا سکتا ہے۔ وہ چاہتا ہے کہ پہلے اس کی چار بہنوں کی شادی ہو جائے اور پھروہ شادی کے بندھن میں بندھے،اس کے آگے کیا ہوتا ہے یقینا اسکے لئے فلم دیکھنا ہو گی۔ یاد رہے کہ فلم رکشا بندھن گیاراں اگست کو ریلیز ہو رہی ہے اس فلم کے ساتھ عامر خان کی فلم لال سنگھ چڈھا بھی ریلیز ہورہی ہے۔

اداکارہ جیا بچن کہتی ہیں کہ امیتابھ بچن جب گھر سے باہر ہوتے ہیں تو گھر میں جتنی مرضی ایمرجنسی ہوجائے امیتابھ کو فون کرتی رہتی ہوں لیکن وہ فون نہیں اٹھاتے حالانکہ ان کے پاس ایک سے زیادہ فون ہیں تمام نمبروں پر کالز کرتی ہوں لیکن مجال ہے کہ یہ فون اٹھا جائیں اور پھر بعد میں گلہ کرتے ہیں کہ بتایا کیوں نہیں۔اس ھوالے سے اسی انٹرویو میں امتیابھ بچن نے کہا کہ میں جب شوٹنگ میں مصروف ہوتا ہوں تو کیسے کسی کا بھی فون اٹھا سکتا ہوں۔ پھر جیا بچن نے یہ بھی کہا کہ امیتابھ سے پوچھتی رہتی

ہوں کہ کیا کھائیں گے ٓآج شام کو تو یہ کہتے ہیں جو دل کرے بنوا لو تو میں کافی ساری آپشنز دیتی ہوں تو کہیں گے کہ نہیں یہ نہیں کچھ اور ، کچھ ور بتائوں تو پھر انکار، پھر آخرمیں کہیں گے کہ جو دل کرے بنا لو، امیتابھ نے اس پر بھی جواب دیا کہ جتنی بھی بحث ہو کہ کیا بنایا جائے آخر میں تو یہی کہتا ہوں نا کہ جو تمہارا دل کرے بنا لو۔ اس انٹرویو میں جیا بچن نے یہ بھی کہا کہ امیتابھ بچن کو آج تک یہ نہیں پتہ چل سکا کہ میں پارلر گئی تو کیا کروا کے آئی ہوں اس کے جواب میں امیتابھ بچن نے کہا کہ مجھے سمجھ ہی نہیں آتی چہرہ اور بال دیکھ کر کہ یہ کیا کروا کر آئی ہے تو کیا بتائوں.

بالی ووڈ کی خوبصورت اور باصلاحیت اداکارہ دیپیکا پاڈوکون نے حال ہی میں ایک انٹرویو دیا اس میں انکشاف کیا کہ وہ اپنی زندگی میں بہت زیادہ پریشان رہی ہیں۔ کامیابیاں ان کے قدم چوم رہی تھیں ان کا کیرئیر صحیح سمت میں چل رہا تھا بڑی بڑی آفرز بھی آ رہی تھیں لیکن وہ بے چین تھیں پریشان تھیں ڈپریشن میں تھیں اس لئے چاہتی تھیں کہ اپنی زندگی کا خاتمہ کرلیں۔دیپیکا نے بتایا کہ یہ وہ وقت تھا جب ہر طرف ان کے نام کے چرچے تھے لیکن میرا دل تھا کہ یا تو میں مر جائوں یا پھر لمبی نیند سو جائوں ایسی نیند کے جس میں کبھی دوبارہ نہ اٹھوں۔تب میری
ماں نے مجھے سنبھالا مجھے جینے کی امید دی اور میرے قدم کے ساتھ قدم ملا کر چلیں مجھے

حوصلہ دیااور کہا کہ زندگی کی قدر کرو۔ دیپیکا نے بتایا کہ اگر ماں باپ مجھے ڈپریشن کے وقت سہارا نہ دیتے تو شاید وہ جی نہیں سکتی تھیں۔اداکارہ نے مزید کہا کہ آج جو کچھ بھی ہوں اپنے والدین کی مہربانیوں انکی شفقت اور محبت کی وجہ سے ہوں۔ اس انٹرویو میں دیپیکا نے ڈپریشن کی وجہ نہیں بتائی. یاد رہے کہ دیپیکا پاڈوکون کی شادی رنویر سنگھ کے ساتھ ہوئی ہے لیکن رنبیر کپور کے ساتھ بھی ان کی افئیر کی خبریں چرچا میں رہی ہیں. دیپیکا نہ صرف بہترین اداکارہ ہیں بلکہ بہترین بیوی بھی ہیں رنویر سنگھ کہتے ہیں کہ میرے گھر میں صرف میری اہلیہ کی چلتی ہے وہ بہت ذمہ دار ہیں اور میں بہت خوش نصیب ہوں‌کہ مجھے ان جیسا ہمسفر ملا.

سپر اسٹار سلمان خان آج صبح دبئی سے واپس ممبئی پہنچے ہیں اداکار مختصر ٹوور کے لئے دبئی گئے تھے. ممبئی ائیر پورٹ پر وہ بھاری سیکیورٹی کے حصار میں تھے. ان کا ذاتی محافظ شیرا دیگر سیکورٹی اہلکاروں کے ساتھ ان کے ساتھ تھے۔ پولیس والوں کو بھی سپر اسٹار کو سیکیورٹی فراہم کرتے دیکھا گیا۔ سلمان کو بلیک جینز اور جوتے کے ساتھ گرے ٹی شرٹ میں ملبوس دیکھا گیا۔ سلمان خان نے چند دن قبل اپنی حفاظت کے لئے اپنے پاسس اسلحہ رکھنے

کی اجازت مانگی تھی انہیں اپنے پاس اسلحہ رکھنے کی اجازت مل گئی تھی. سلمان خان کو قتل کی دھمکیاں پنجابی گلوکار سدھو موسے والا لے قتل کے فورا بعد ملنا شروع ہو گئیں تھیں انہیں قتل کر دینے کی دھمکیاں پہلے بھی موصول ہوئیں تھیں لیکن سدھو موسے والا کے قتل کے بعد ان دھمکیوں میں تیزی آئی تھی. اداکار سلمان خان پولیس کے ساتھ مکمل تعاون کرتے ہوئے دکھائی دے رہے ہیں اور اپنی سیکیورٹی کو بالکل بھی نظر انداز نہیں کررہے. سلمان خان شوٹنگز بھی کررہے ہیں لیکن ہر جگہ ان کے ساتھ سیکیورٹی موجود ہوتی ہے جو اداکار کی ہر دم حفاظت کررہی ہے. یاد رہے کہ سلمان خان آج کل کبھی عید کبھی دیوالی کی شوٹنگ کررہے ہیں اس کے علاوہ وہ جلد ہی ٹائیگر تھری میں کترینہ کیف اور عمران ہاشمی کے ساتھ بھی دکھائی دیں گے.

بالی وڈ اداکارہ کاجول 48 برس کی ہو گئی ہیں آج اداکارہ کی سالگرہ ہے.کاجول نے نوے کی دہائی میں اداکاری کا آغاز کیا ان کے کریڈٹ پر سپر ہٹ فلموں‌ کی تعداد زیادہ ہے. ویسے تو کاجول اجے دیوگن کی اہلیہ ہیں‌ لیکن ان کی فلمی جوڑی شاہ رخ خان کے ساتھ زیادہ پسند کی گئی. کاجول نے شاہ رخ خان کے ساتھ یاد گار فلموں‌میں‌کام کیا جن میں بازیگر ، کرن ارجن دل والے دلہنیا لے جائیں گے ، کچھ کچھ ہوتا ہے اور دل والے و دیگر شامل ہیں. کاجول اپنے کیرئیر میں تجربات کرتی رہیں انہوں نے فلم گپت میں ولن کا کردار ادا کیا اس منفی کردار میں بھی کاجول نے

اپنی صلاحیتوں کا لوہا منوایا انہیں اس کردار کے لئے ایوارڈ سے بھی نوازا گیا. کاجول کی فلم دل والے دلہنیا لے جائیں گے انڈیا کے ایک سینما میں‌کئی سال تک چلتی رہی. اداکارہ نے کبھی خوشی کبھی غم، عشق، مائی نیم از خان اور دیگر فلموں سے اپنے مداحوں کو محظوظ کیا۔کاجول نے سنیجدہ ، مزاحیہ اور منفی ہر کردار میں ثابت کیا کہ وہ ایک ورسٹائل اداکارہ ہیں.
اجے دیوگن اور کاجول کی جوڑی کوحقیقی زندگی کی کامیابی ترین جوڑی مانا جاتا ہے کاجول نے ایک بار کہا تھا کہ ”جب آپ کسی مرد کے ہمراہ رشتہ ازدواج میں منسلک ہوتے ہیں تو آپ کا رشتہ صرف اس ایک شخص کے ساتھ منسوب نہیں ہوتا بلکہ آپ کا تعلق اس کے پورے خاندان کے ساتھ جڑ جاتا ہے” . کاجول کا اپنے شوہر کے ساتھ ساتھ سسرال والوں‌کے ساتھ بھی کافی اچھا تعلق ہے یاد رہے کہ کاجول ماضی کی اداکارہ تنوجہ کی بیٹی اور نوتن کی بھانجی ہیں.