Tag: بالی وڈ

مسٹر انڈیا کا خطاب پانے والے اداکار انیل کپور نے حال ہی میں ایک انٹرویو دیا ہے اس میں انہوں نے کہا کہ میری خوش نصیبی ہے کہ ملک ہو یا ملک سے باہر ہمیشہ ہی مجھے کام کی آفرز آتی رہی ہیں. مجھے باہر کے ملکوں سے کام کرنے کی آفرز مسلسل آتی رہتی ہیں لیکن بھارت میں رہنا میری ترجیحات میں ہے اس لئے ان آفرز کو منع کر دیتا ہوں. انیل کپور نے کہا کہ کیرئیر کے اس موڑ پر مجھے فیملی کے ساتھ رہنا زیادہ اہم لگنے لگا ہے. انیل کپور نے مزید یہ بھی کہا کہ برطانیہ سے بہت سارے

پروگراموں‌کی آفر ہوئی ہے. اگر بہت بڑا پراجیکٹ ہو تو میں پھر اپنی فیملی سے اجازت لے لیتا ہوں اگر اجازت ملے تو ان سے دور رہ کر کام کر لیتا ہوں ورنہ منع کر دیتا ہوں.اور میں نے کبھی بھی کسی آفر کو منع کرکے پچھتاوے کا احساس نہیں کیا. کیونکہ میں اپنے کیرئیر میں‌بہتر سے بہترین کام کر چکا ہوں.انیل کپور نے مزید یہ بھی کہا کہ پہلے میں اپنی فیملی سے بالکل نہیں پوچھتا تھا ان کی رائے کو اہمیت نہیں دیتا تھا جو بہتر لگتا تھا کر لیتا تھا گھر سے دور رہ لیتا تھا لیکن اب ایسا کرنے کے لئے دل نہیں‌مانتا یہی وجہ ہے کہ میں نے بہت سارے انٹرنیشنل پراجیکٹس کو منع کر دیا کیونکہ فیملی سے دور جانے کو میرا اب بالکل بھی دل نہیں مانتا.

اداکارہ نینا گپتا جن کی حقیقت سے قریب اداکار دیکھنے والوں‌کو اپنے سحر میں‌جکڑ لیتی ہے .حال ہی میں‌انہوں نے انکشاف کیا ہے کہ کوئی بھی مردا داکار ان کے ساتھ کام کرنے کو تیار نہیں ہوتا میری سمجھ سے باہر ہے کہ ایسا کیوں ہے.انہوں نے بتایا بہت بار ایسا ہوا کہ میرے ساتھ کاسٹ کرنے کے لئے کوئی مرد اداکار ملا ہی نہیں. نینا نے مزید بتایا کہ دو تین پراجیکٹس ایسے ہیں کہ جن میں، میں نے پوچھا کہ مجھے تو سائن کر لیا گیا ہے لیکن میرے ساتھ کون کاسٹ ہو گا تو جواب ملا کہ آپ خود کی کسی کا نام بتا دیں کہ کس کو آپ کےمقابلے میں کاسٹ کریں کیونکہ کوئی بھی آپ کے ساتھ کام کرنے پر راضی ہی

نہیں ہوتا. نینا نے کہا کہ مرد اداکار آج کل صرف نئی اور خوبصورت لڑکیوں کے ساتھ کام کرنا چاہتے ہیں حالانکہ میں بھی خوبصورت ہوں اور میں آج کی لڑکیوں سے زیادہ خوبصورت نظر بھی آتی ہوں. اداکارہ نے کہاکہ میںٰ اداکار رام کپور کی بہت شکر گزار ہوں‌کہ انہوں نے میرے ساتھ کام کرنے کی حامی بھری. یاد رہے کہ نینا گپتا نے اپنی سوانح عمری بھی شائع کی ،
سچ کہوں تو‘ کے عنوان سے تحریر کردہ کتاب میں بتایا ہے کہ کس طرح ان کے ہاں شادی کے بغیر بیٹی کی پیدائش ہوئی اور کیسے شادی کے بندھن میں بندھنے سے کچھ منٹ قبل ہی ان کے دلہے نے ان سے شادی کرنے سے انکار کردیا تھا۔نینا گپتا مختلف سکینڈلز کا شکار بھی رہی ہیں.

عالیہ بھٹ جن کی رواں برس ماہ اپریل میں رنبیر کپور کے ساتھ شادی ہوئی تھی. دو ماہ قبل انہوں نے اپنے حاملہ ہونے کی خبر مداحوں کے ساتھ شئیر کی. وہ جہاں بھی جاتی ہیں ان سے اس ھوالے سے سوال ہوتے ہیں.حال ہی میں فلم ڈارلنگز کی پرموشنز کے دوران ان سے ہوا سوال اور پوچھا گیا کہ مسلسل شوٹس کر کے آپ تھک نہیں جاتیں ؟ اس سوال پر انہوں نے جواب دیا کہ میں بالکل نہیں تھکتی انسان صحت مند ہو تو اسے آرام کرنے کی ضرورت پیش نہیں آتی. عالیہ بھٹ نے کہاکہ میں کام کرکے بہت زیادہ ریلیکس رہتی ہوں اور مجھے کام کرنا اچھا لگتا ہے میرا کام مجھے آرام اور سکون دیتا ہے . میری تو

خواہش ہے کہ میں سو سال تک کام کروں. عالیہ بھٹ کے بارے میں کہا جا تا ہے کہ وہ کام کے معاملے میں بہت جنونی ہیں وہ اپنے کردار کو پرفیکٹ انداز میں کرنے کےلئے جی جان لگا دیتی ہیں اس کی مثال ان کی کئی فلمیں اور کردار ہیں. یاد رہے کہ عالیہ بھٹ اور شاہ رخ کی فلم ڈارلنگز بھی ریلیز ہو نے جا رہی ہے عالیہ کی بطور پرڈیوسر یہ پہلی فلم ہے.عالیہ کہتی ہیں کہ اس فلم کی کہانی جب سن رہی تھی تو تب ہی فیصلہ کر لیا کہ مجھے اس فلم کو پرڈیوس کرنا ہے. لہذا اب عالیہ صرف اداکارہ نہیں‌ ہیں بلکہ پرڈیوسر بھی ہیں.

ارجن رامپال کے بالی وڈ انڈسٹری میں 21 سال مکمل ہو گئے ہیں، ورسٹائل اس اداکار نے فلم پیار عشق اور محبت سے اپنے فلمی کیرئیر کا سفر 2001 میں شروع کیا.ارجن نے آنکھیں، دل ہے تمہارا، ہاؤس فل، راج نیتی جیسی دیگر سپر ہٹ فلموں‌میں کام کیا. فلم راک آن کے لیے انہیں نیشنل ایوارڈ بھی ملا.ارجن رامپال نے صرف مثبت ہی نہیں‌منفی کردار بھی کیا شاہ رخ‌خان اور دیپیکا پاڈوکون کی فلم اوم شانتی میں انہوں‌نے منفی کردار کیا جسے بہت زیادہ سراہا گیا. اوم شانتی اوم سے لے کر را ون اور دھڑک تک، ارجن نے اپنے مداحوں کو متاثر کرنے کا کوئی موقع نہیں گنوایا۔
بالی وڈ انڈسٹری میں 21 سال مکمل ہونے کی خوشی میں ارجن رامپال نے انسٹاگرام پر لکھا، میں اپنے پیارے بھائی اور دوست راجیو رائے کا بہت شکر گزار ہوں کہ انہوں‌نے اُس وقت مجھ

پہ اعتماد کیا میری صلاحیتوں پر اعتماد کیا،مجھے نہیں‌معلوم کہ اگر انہوں‌نے یہ بریک نہ دیا ہوتا تو کیا ہوتا.
اداکار نے پیار عشق اور محبت کی پوری ٹیم کو مبارکباد دی.
یاد رہے کہ اداکاری سے پہلے ارجن رامپال ماڈلنگ کی دنیا میں دھوم مچائے ہوئے تھے وہ سپر ماڈل کہلائے جاتے تھے ایشوریا رائے بچن اور ارجن رامپال کا ایک شوٹ بہت مشہور ہے جسے ان کے مداحوں کی جانب سے بہت پذیرائی ملی یہ شوٹ اُن وقتوں میں ہوا جب دونوں اداکاری میں ابھی نہیں‌ آئے تھے. ارجن رامپال نے بعد ازاں ایشورائے کے ساتھ فلم میں کام بھی کیا.

راکھی ساونت جو کم ہی سنجیدہ دکھائی دیتی ہیں وہ ایسے بیانات دیتی ہیں کہ جن کی وجہ سے ان کی سنجیدگی پر سوالات اٹھ جاتے ہیں. راکھی ساونت نے حال ہی میں کہا ہے کہ وہ سلمان خان کی مداح بھی ہیں اور ان کو پسند بھی کرتی ہیں،انہوں نے ھال ہی میں ان کی باڈی گارڈ بننے کی خواہش کا اظہار کیا ہے.انہوں نے اس خواہش کا اظہار کرتے ہوئے یہ بھی کہا ہے کہ یہ خوشی کی بات ہےکہ سلمان خان کو اپنے دفاع کے لئے اسلحہ رکھنے کی اجازت مل گئی ہے لیکن میں پھر بھی ان سے کہوں گی کہ ٹینشن نہ لیں میں آپ کے ساتھ ہوں. راکھی ساونت نے یہ بھی دعوی کیا ہے کہ ان کا دبنگ خان کے ساتھ بہت اچھا

تعلق ہے اور وہ ان کے اور ان کی سلامتی کے لئے دعا گو بھی ہیں. راکھی ساونت نے تو یہ تک بھی کہہ دیا کہ میں ان کی باڈی گارڈ اس لئے بننا چاہتی ہوں کیونکہ میں چاہتی ہوں کہ ان کو کوئی اگر گولی مارنے آئے تو پہلے وہ گولی مجھے چھو کر گزرے.
یاد رہے کہ راکھی ساونت خبروں میں رہنے کا ہنر بہت اچھے سے جانتی ہیں یہی وجہ ہے کہ وہ ہر اس معاملے میں میں کود پڑتی ہیں جو لائم لائٹ میں ہوتا ہے.

بالی وڈ کے کھلاڑی اکشے کمار کی فلم رکشا بندھن 11 اگست کو سینما گھروں کی زینت بننے جا رہی ہے اس حوالے سے اکشے کمار کافی پرجوش ہیں.اکشے کمار اس فلم میں ایسے بھائی کا کردار ادا کررہے ہیں جن کے کاندھوں پر ان کی بہنوں کی ذمہ داریاں ہیں. کافی عرصے کے بعد بنتے بگڑے پیار کے رشتوں کی کہانی شائقین کو دیکھنے کو مل رہی ہے. فلم رکشا بندھن جس روز ریلیز ہو رہی ہے اسی روز عامر خان اور کرینہ کپور کی فلم لال سنگھ چڈھا بھی ریلیز ہو رہی ہے یوں رکشا بندھن کا ٹاکرا ایک بڑی فلم کے ساتھ ہے. اکشے کمار رکشا بندھن کی پرموشن میں‌کافی مصروف ہیں انہوں نے گزشتہ روز سوشل میڈیا پر

ایک وڈیو شئیر کی اس وڈیو میں دیکھا جا سکتا ہے کہ اکشے کمار اور فلم میں ان کی بہنوں کا کردار کرنے والی تمام لڑکیاں بچپن میں‌کھیلی جانے والی ایک گیم کھیل رہے ہیں اس دوروان اکشے کمار اور ان کی فلمی بہنیں‌کافی خوش دکھائی دے رہی ہیں. اکشے کمار نے سوشل میڈیا پر جب یہ وڈیو شئیر کی تو اس کے کیپشن میں لکھا کہ “جو مزہ بہنوں کے ساتھ بچپن کے کھیل میں ہے اس کا کوئی مقابلہ نہیں. یاد رہے کہ اکشے کمار کی اس فلم کو پاکستانی فلم ایکٹر ان لاء کا چربہ کہا جا رہا ہے. ایکٹر ان لاء میں فہد مصطفی اور مہوش حیات نے مرکزی کردار ادا کئے تھے.

تبو بی ٹاؤن کی بہترین اداکارہ مانی جاتی ہیں انہوں نے دریشیام، اندھادھون، ہیرا پھیری، حیدر، فنا، دے دے پیار دے، چاچی 420، گول مال اگین، ہم ساتھ ساتھ ہیں جیسی دیگر بے شمار یادگار فلموں میں کام کیا. حال ہی میں بلاک بسٹر بھول بھولیا 2 میں بھی کام کیا۔ اداکارہ تقریباً تین دہائیوں سے فلم انڈسٹری میں‌ہیں اور کامیابی سے اپنا سفر جاری رکھے ہوئے ہیں. 2007 میں کافی ود کرن کے ایک شو میں اداکارہ تبو کو بطور مہمان بلایا گیا وہاں کرن جوہر نے ان سے کچھ سوالات کئے. کرن جوہر نے کہا کہ کیا آپ کو نہیں لگتا کہ بڑے بینرز آپ کے کام کی تعریف کرتے ہیں لیکن اپنی فلموں میں‌کاسٹ نہیں‌کرتے اس پر تبو نے کہا تھا کہ مجھے کیا کرنا چاہیے؟ کیا مجھے ان کو کال کرنی چاہیے؟اداکارہ نے کہا کہ یقینا مجھے بڑے بینرز کے لوگ میری فلموں میں اچھی اداکاری پر کالز کرتے ہیں لیکن فلموں میں نہیں‌ لیتے میں سوچتی

ہوں‌کہ شاید وہ کاسٹ کریں گے لیکن ایسا نہیں ہوتا. اداکارہ تبو نے عامر خان اور کاجول کی فلم فنا میں‌بھی کام کیا تھا اس حوالے سے کرن نے سوال کیا اور پوچھا کہ کیا آپ کو نہیں‌لگتا کہ فنا میں آپ کا جس طرح‌کا کردار ہے اس میں آپ کو ضائع کیا گیا ہے جبکہ آپ ایک بہترین اداکارہ ہیں.اس پر اداکارہ نے کہا کہ میں نہیں‌سمجھتی کہ مجھے اس فلم میں‌ضائع کیا گیا ہے، میں بہت اچھی طرح جانتی تھی کہ میں کیا کررہی ہوں، مجھے یہ نہیں تھا کہ میں فلم کا کریڈٹ سارا کا سارا خود لیجائوں گی. اداکارہ تبو کے اس جواب کو بہت سراہا گیا اور محسوس کیا گیا کہ وہ واقعتا ایک مضبوط اعصاب کی مالک ہونے کے ساتھ جو ہیں‌جس پوزیشن پر ہیں اس پر خوش اور سیکیور ہیں.یاد رہے کہ اداکارہ تبو نے ہمیشہ فلم اور سکرپٹ کو ترجیح دی یہ نہیں دیکھا کہ فلم میں ان کا کردار بڑا ہے یا چھوٹا.

چھوٹے نواب سیف علی خان کا شمار بالی ووڈ کےباصلاحیت اداکاروں میں ہوتا ہے۔ انہوں نے کاک ٹیل، گو گوا گون، دل چاہتا ہے جیسی دیگر فلموں میں اپنی اداکاری کا لوہا منوایا ہے۔سیف علی خان جتنا مرضی اپنے کام میں‌مصروف رہیں لیکن اپنی فیملی کو پورا وقت دیتے ہیں وہ اکثر اپنے بچوں‌کے ساتھ وقت گزارتے ہیں. سیف علی خان نے ہمیشہ جو بھی کیا ہے وہ اس کے بارے میں‌بہت کلئیر رہے انہوں نے بڑے بڑے فنکاروں‌کے ساتھ کام کیا وہ اتنا کام کر چکے ہیں اور ان کا کام کا اتنا تجربہ ہے کہ وہ آج بہت سارے معاملات پر کھل کر بات کر سکتے ہیں.سیف علی خان مانتے ہیں‌کہ وہ جب انڈسٹری میں آئے تھے تو ان کا جو رویہ

یا طرز عمل تھا اس کے نتیجے میں ان کو ناکامی کا سامنا بھی کرنا پڑا. سیف کا خیال تھا کہ سیٹ پر بس اچھا وقت گزارنا ہے اسکے علاوہ انکو کسی چیز کی پرواہ نہیں تھی. اداکار کو جب ہرتیک روشن کے ساتھ فلم ”نہ تم جانو نہ ہم” میں کرنے کی آفر ہوئی تو انہوں نے 2001 کے ایک انٹرویو میں کچھ یہ باتیں کہیں تھیں.انہوں نے اس وقت کہا تھا کہ ہرتیک بہت بڑے سٹار ہیں جو کامیابی اور رتبہ ان کو ملا ہے وہ اتنا آسان نہیں ہوتا اور سٹار بننا ویسے بھی آسان نہیں ہوتا .اداکار نے یہ بھی کہا تھا کہ لاکھوں لوگوں کو متاثر کرنا بھی ایک بات ہوتی ہے. اداکار نے اُس وقت یہ بھی کہا کہ میں جانتا ہو‌ں کہ میک اپ وین میں مجھ سے بڑے اداکار بیٹھے ہیں اور مجھے ابھی بہت طویل سفر طے کرنا ہے. میں ہرتیک کے ساتھ کام کرنے کے حوالے سے اوکے ہوں میرا اس حوالے سے کوئی انا کا مسئلہ نہیں ہے. اس حقیقت سے انکار ممکن نہیں کہ ہرتیک آج ایک بہترین سٹار ہیں اور میں اس بہترین سٹار کے ساتھ کام کرنا چاہوں گا. یاد رہے کہ سیف علی خان آخری بار فلم بھوت پولیس میں نظر آئے تھے.اداکاراب وکرم ویدھا میں ہریتک روشن اور رادھیکا آپٹے کے ساتھ نظر آئیں گے۔ یہ فلم 30 ستمبر 2022 کو ریلیز ہو رہی ہے۔

تنیشا مکھرجی نے 2003 میں ڈینو موریا اور کرن ناتھ کے ساتھ فلم Sssshhh سے بالی ووڈ میں اپنے کیرئیر کی شروعات کی۔ اس کے بعد انہوں‌نے نیل اینڈ نکی، پاپ کارن کھاؤ ودیگرفلمیں کیں. تنیشا نے بگ باس 7 اور فیئر فیکٹر،خطروں کے کھلاڑی 7 جیسے ریئلٹی شوز میں بھی حصہ لیا ہے۔ تنیشا اداکارہ کاجول کی چھوٹی بہن اور سینئر اداکارہ تنوجا کی بیٹی ہیں۔ حال ہی میں انہوں نے بالی وڈ ہنگامہ کو ایک انٹرویو دیتے ہوئے کہا ہے کہ ان کی بڑی بہن کاجول کا سفر ان سے بالکل مختلف تھا لیکن ہمارا ایک دوسرے کے ساتھ موازنہ کیا گیا جو کہ بنتا نہیں‌. انہوں‌نے کہا کہ پتہ نہیں‌کیوں لوگوں‌کے ذہنوں میں ہم دونوں کو لیکر موازنہ رہا.تنیشا نے

مزید کہا کہ جب آپ ایسے بیک گرائونڈ سے آتے ہیں کہ جب آپ کے پاس بہت سارے مواقع اور مراعات ہوتی ہیں تو پھر آپ کے پاس غلطیاں‌کرنے کے زیادہ مواقع نہیں ہوتے. ایسی صورتحال میں زیادہ سیکھنے کا موقع بھی میسر نہیں آتا. انہوں نے مزید کہا ہےکہ آپ کی والدہ اگر ایک کامیاب عورت ہوں تو آپ کی زندگی خاصی سہل ہوجاتی ہے.آپ کے پاس وہ سارے مواقع ہوتے ہیں جو کسی دوسرے نیو کمر کے پاس نہیں‌ہوتے ، پھر آپ کی بہن بھی ایک کامیاب سٹار ہو تو پھر چیزیں آپ کے لئے مشکل ہوجاتی ہیں. میں خوش قسمت ہوں کہ ایک ایسی جگہ سے آئی جہاں میرے لئے زیادہ مشکلات نہیں تھیں. تنیشا نے کہا کہ جو بھی اس انڈسٹری میں آتا ہے اس کے لئے نیا سفر اور اس سفر کی مشکلات بھی نئی ہوتی ہیں کچھ بیرئیرز ایسے ہوتے ہیں جو انہیں‌ہر حال میں عبور کرنے پڑتے ہیں.اداکارہ نے مزید کہا کہ اس انٍڈسٹری میں رہنے کےلئے ذہنی طور پر آپ کو مضبوط ہونا چاہیے.

کہا جاتا ہے کہ شوبز انڈسٹری میں جو سٹار کڈز ہوتے ہیں ان کو اس شعبے میں کسی قسم کے مسائل کا سامنے نہیں‌کرنا پڑتا ان کے لئے سب اچھا ہی ہوتا ہے. جیسے ہی کوئی سٹار کڈ فلموں میں‌قدم رکھتا ہے توگمان کیا جاتا ہے کہ چونکہ اس کا بیک گرائونڈ فلمی ہے تو اسکو تو کام بھی ملے گا اور شہرت کے ساتھ اچھے پیسے بھی لیکن بہت بار ایسا ہو چکا ہے کہ بالی وڈ کے سٹار کڈز اپنے مختلف مسائل کا زکر کر چکے ہیں. معروف بالی ووڈ پروڈیوسر ایکتا کپور اورریہا کپورنے بھی صنف کی بنیاد پرامتیازی سلوک ہونے کا انکشاف کیا تھا ان کی اس بات کو مختلف

حلقوں میں ڈسکس کیا گیا. اسی طرح‌ سے اب معروف اداکارہ عالیہ بھٹ نے بھی کہا ہے کہ انہیں فلم انڈسٹری میں امتیازی سلوک کا سامنا رہا ہے. عالیہ بھٹ کا مزید کہنا ہے کہ ان پر صنف کی بنیاد پر جملے کسے گئے برا بھلا کہا گیا ھوصلہ توڑنے کی کوشش کی گئی یہاں تک کہ ایسا رویہ اپنایا گیا کہ جس سے احساس کمتری کا شکار ہوجائوں، اداکارہ نے کہا کہ میں نے کسی بھی ایسے بات اور رویے کو سنجیدگی سے نہیں لیا کیونکہ میں‌کام کرنے پر یقین رکھتی ہوں اور میں نے وہی کیا اور وقت کے ساتھ ساتھ بہتری آتی گئی اور تنقید کرنے والے اب اھترام سے ملنے لگ گئے ہیں.