Tag: بالی وڈ

بالی وڈ کی حالیہ وقتوں کی بہترین اداکارہ عالیہ بھٹ اپنی شادی کے بعد ہیں خبروں اور سرخیوں میں. آج کل وہ جو بھی بولتی ہیں یا کرتی ہیں اس پر بہت زیادہ بات ہوتی ہے. عالیہ بھٹ جو کہ انسٹاگرام پر بہت زیادہ متحرک رہتی ہیں انہوں نے گزشتہ روز اپنے اکائونٹ پر ایک تصویر شئیر کی اس تصویر میں عالیہ پیلے رنگ کا لباس زیب تن کئے ہوئے ہیں اور انہوں نے اسکا کیپشن لکھا ہے کہ آج میں آپ سب کے لئے سورج بن گئی ہوں. عالیہ بھٹ کی پیلا رنگ پہنے ہوئے تصویر بہت زیادہ وائرل ہو رہی ہے اسے ہر طرف بہت پسند کیا جا رہاہے اور خصوصی طور پر تصویر کا کیپشن بہت زیادہ پسند کیا جا رہا ہے.

عالیہ بھٹ کی اس تصویر کے نیچے بڑی تعداد میں ان کے مداحوں کے کمنٹس ہیں تصویر کو شئیر کرتے ساتھ ہی ہزاروں کی تعداد میں‌لوگوں نے لائک کیا.یاد رہے کہ عالیہ بھٹ آج کل خاصی پاپولر ہیں ان کو ہر طرف کافی توجہ مل رہی ہے. ان کی حال ہی میں فلم شمشیرا ریلیز ہوئی ہے اس فلم میں رنیبر کپور ،سنجے دت اور عالیہ بھٹ نے پہلی بار ایک ساتھ کام کیا ہے لیکن فلم کی ریلیز سے اب تک کے باکس آفس بزنس کو دیکھا جائے تو پتہ چلتا ہے کہ فلم شائقین کو زیادہ متاثر نہیں کر سکی ہے.

بالی وڈ کے نوجوان نسل کے نمائندہ اداکار رنویر سنگھ نے حال ہی میں غیر ملکی میگزین کے لئے ایک فوٹو شوٹ کروایا ہے یہ فوٹو شوٹ کافی زیادہ تنقید کی زد میں ہے. بالی وڈ کے غالبا یہ پہلے اداکار ہیں جنہوں نے اس قسم کا شوٹ کروایا ہے. رنویر سنگھ سے پہلے شاید ہی کوئی ایسا اداکار ذہن میں آتا ہے جس نے اس قسم کا بولڈ شوٹ کروایا ہو. رنویر سنگھ کے اس بولڈ

فوٹو شوٹ‌کے بعد بھارتی کافی غصے میں ہیں اداکار کے خلاف بھارت میں ہر طرف مظاہرے ہو رہے ہیں. تاہم بالی وڈ کے فنکار اپنے دوست رونویر سنگھ کے ساتھ کھڑے ہیں .احتجاج کرنے والے بھارتیوں کا کہنا ہے کہ اداکار کا یہ شوٹ بھارتی ثقافت اور کلچر کے خلاف ہے. رنویر سنگھ کے اس بولڈ شوٹ کے حوالے سے گزشتہ روز ایک فلاحی ادارے نے لوگوں سے استدعا کی ہے کہ اداکار کے لیے کپڑے خیرات کریں۔ یہاں تک کہ اداکار کے شوٹ کی تصاویر سامنے رکھ کر شہریوں نے کپڑے خیرات کئے. یاد رہے کہ رنویر سنگھ نے جب سے شوٹ کروایا ہے ان کو شدید تنقید کا سامنا ہے ان کے خلاف مقدمہ بھی درج ہو چکا ہے لیکن بھارتیوں کا غصہ ہے کہ ٹھنڈا ہونے کا نام ہی نہیں‌لے رہا. رنویر سنگھ نے اس شوٹ کے حوالے سے ابھی تک کچھ نہیں کہا لیکن ان کے بالی وڈ کے دوستوں سے جگہ جگہ اس شوٹ کے حوالے سوال ہو رہے ہیں وہ جواب مثبت ہی دے رہے ہیں.

عالیہ بھٹ اور رنبیر کپور کی جب سے شادی ہوئی ہے دونوں ہیں خبروں میں ، کوئی دن ایسا نہیں جاتا کہ جب ان دونوں کے حوالے سے کوئی خبر نہ آئے. دونوں جہاں بھی جاتے ہیں ان سے مختلف قسم کے سوالات ہوتے ہیں. رنبیر کپور سے کچھ ہفتے پہلے ایک انٹرویو میں کہا گیا کہ اپنے حوالے سے دو سچ اور ایک جھوٹ بتائیں تو انہوں نے جواب میں یہ کہا تھا کہ میں اور عالیہ جڑواں بچوں‌کے والدین بننے والے ہیں. رنبیر کے اس بیان کے بعد ہر طرف ہلچل مچ گئی کہ شاید یہ سچ ہے لیکن رنبیر نے

اس حوالے سے اپنی خاموشی نہ توڑی اور عالیہ بھٹ کو دینا پڑگیا ہے اسکا جواب. عالیہ بھٹ سے حال ہی میں جب سوال ہواکہ رنبیر کپور نے جو کہا تھا کہ ہم جڑواں بچوں کے والدین بننے والے ہیں اس میں کتنی صداقت ہے. اس سوال کے جواب میں آخر کار عالیہ بھٹ نے جواب دے ہی دیا بولیں کہ ان کے بیان میں‌کسی قسم کی صداقت نہیں‌ہے انہوں نے مذاق میں یہ کہا تھا ان سے جب ایک جھوٹ اور دو سچ بولنے کو کہا گیا تھا تو انہوں نے یہ بات کردی ورنہ اس بات میں بالکل بھی حقیقت نہیں ہے. یاد رہے کہ رنبیر اور عالیہ بھٹ کی حال ہی میں فلم شمشیرا ریلیز ہوئی ہے اس فلم نے تاحال کوئی خاص بزنس نہیں‌کیا لیکن ان دونوں کی آن سکرین جوڑی کو کافی سراہا جا رہا ہے اور دونوں نے ایک ساتھ پہلی بار سکرین شئیرکی ہے.

نوے کی دہائی میں بالی وڈ میں تین عامر خان ، شاہ رخ خان اور سلمان خان نے اپنی صلاحیتوں کا لوہا منوایا. ہر طرف ان تینوں کے چرچے ہوئے تینوں نے ایک سے بڑھ کر ایک ہٹ فلم دی دیکھتے ہی دیکھتے تینوں بالی وڈ پر چھا گئے.عامر خان کا شمار ایسے اداکاروں میں‌ہوتا ہے جو ہر کام پرفیکشن سے کرنے کے عادی ہیں. ان کے بھائی فیصل خان بھی نوے کی دہائی میں‌فلم انڈسٹری میں آئے لیکن بطور اداکار خاطر خواہ کامیابی حاصل نہ کر سکے. ان کا بیٹا جنید بھی جوان ہو چکا ہے لیکن

اسکی طرف سے بھی ابھی بالی وڈ میں آنے کی شنید نہیں‌ہےلیکن عامر خان کی بھانجی زین ماری خان نے ضرور بالی وڈ میں قدم رکھ دیا ہے وہ بالی وڈ میں اینٹری دینے کے لئے ہیں تیار. ان سے جب حال ہی میں سوال ہوا کہ عامر خان کی بھانجی ہونے کا کوئی دبائو ہے؟ تو انہوں نے کہا کہ جی بالکل ایسا ہے مجھ پہ دبائو رہتا ہے کہ میں ان کی بھانجی ہوں مجھ سے توقع کی جا رہی ہے کہ میں اچھا نہیں بلکہ بہترین کام کروں اس وجہ سے بعض اوقات کچھ نروس بھی ہوجاتی ہوں. بلکہ میں تو یہ کہوں گی کہ میں عامر خان کا نام اپنے کندھوں‌پر اٹھا کر رکھے ہوئے ہوں. میں اپنی فیملی کے بیک گرائونڈ سے بہت محبت کرتی ہوں اس وجہ سے مجھے مراعات بھی حاصل ہیں.

فلم گڈ لک جیری کی ہیروئین جھانوی کپور جو اکثر اپنے والد کے ساتھ خوبصورت تصاویر سوشل میڈیا پر شئیر کرتی رہتی ہیں. جھانوی کپور کے والد بونی کپور اپنی بیٹیوں سے کتنی محبت کرتے ہیں یہ تو سب ہی جانتے ہیں. اداکارہ اپنی فلم گڈ لک جیری کی آج کل پرموشنز کررہی ہیں اس دوران انہوں نے سدھارتھ کنن کے شو میں شرکت کی وہاں وہ اپنی فلم کی پرموشن کے لئے گئیں تھیں وہاں ان سے ہوئے مختلف قسم کے سوال تو ایک سوال کے جواب میں انہوں نے کہا کہ ان کے والد بونی کپور ان

سے بہت محبت کرتے ہیں اور چاہتے ہیں کہ وہ اپنی بیٹیوں کو دنیا جہان کی خوشیاں دیں .انہوں نے بتایا کہ ان کے والد چاہتے ہیں کہ ان کا جو داماد ہو اسکا قد لمبا ہونا چاہیے اور جتنا ان کا قد ہے اتنا تو داماد کا ہونا چاہیے. جھانوی نے مزید کہا کہ میرے والد کا قد چھ فٹ ایک انچ ہے. جھانوی نے یہ بھی بتایا کہ جب وہ چھوٹی تھیں تو ان کے والد انہیں اور ان کی بہن خوشی سے کہا کرتے تھے جس سے بھی تم نے شادی کرنی ہے اسکو جا کر بتانا کہ ہمارے والد نے ہمیں دنیا دکھائی ہوئی ہے، مجھے اب سمجھ آتی ہے کہ میرے والد ایسا کیوں کہا کرتے تھے. یاد رہے کہ جھانوی کپور کی فلم گڈ لک جیری 29 جولائی کو ریلیز ہو رہی ہے. اداکارہ اس کی پرموشن میں بے حد مصروف ہے.

نوجوان نسل کی نمائندہ فنکارہ عالیہ بھٹ جو تب سے خبروں میں‌ ہیں جب سے انہوں نے یہ خبر شئیر کی ہے کہ وہ ماں بننے والی ہیں. عالیہ کے بارے میں لوگ مختلف قسم کی باتیں کررہے ہیں کوئی کہہ رہا ہےکہ وہ بہت جلدی ماں بن رہی ہیں کوئی کہہ رہا ہے کہ بچے کی وجہ سے عالیہ کو گھر بیٹھنا پڑے گا کوئی کہہ رہا ہے کہ عالیہ کو اپنے کام سے بریک لینی پڑے گی. ان سارے سوالوں سے عالیہ آگئی ہیں تنگ انہوں نے حال ہی میں ایک انٹرویو دیا ہے اور کہا ہے کہ وہ ذاتی اور پروفیشنل لائف

میں فرق کرنا جانتی ہیں اور وہ یقینا ذاتی اور پروفیشنل لائف کو اچھے سے مینج کر کے مثال بنیں گی. انہوں نے کہا کہ میں فضول باتوں پر توجہ دینے کی بجائے عملی طور پر ثابت کروں گی.انہوں نے سوال کرنے والوں سے پوچھا کہ کیوں ایک عورت کو خاندان یا بچے ہونے پر اپنی پیشہ ورانہ زندگی کو کیوں بدلنا پڑتا ہے؟ انہوں نے کہا کہ میں فضول باتوں پر دھیان نہیں‌دیتی. انہوں نے مزید کہا کہ جو لوگ ادھر ادھر کی باتیں کرتے رہتے ہیں وہ اصل میں‌ظاہر کرتے ہیں کہ وہ زندگی میں‌کہاں‌کھڑے ہیں.عالیہ مزید یہ بھی کہا کہ آہستہ آہستہ کرکے چیزیں بدل رہی ہیں جو کہ بہت اچھی بات ہے. واضح رہے کہ عالیہ بھٹ کی ڈارلنگز، برہمسترا، راکی ​​اور رانی کی پریم کہانی، اور ان کی پہلی ہالی ووڈ فلم ہارٹ آف اسٹون پائپ لائن میں ہے۔

بالی وڈ کی خوبصورت اداکارہ کترینہ کیف کے ماضی میں افئیر کی خبریں سلمان خان کے ساتھ آتی رہیں لیکن وقت نے ثابت کیا کہ دونوں کے درمیان تعلق دوستی کی حد تک تھا کیونکہ کترینہ کیف نے وکی کوشل کے ساتھ شادی کی اور شادی کے انتظامات میں سلمان خان نے حصہ لیا. اداکارہ کترینہ کیف نے حال ہی میں ہندوستان ٹائمز کو ایک انٹرویو دیتے ہوئے کہا ہے کہ سلمان خان میرا زندگی بھر کا دوست ہے اس نے ہمیشہ میری مدد کی مجھے گائیڈ کیا. میں جب زندگی کے مشکل ترین دور سے گزر رہی تھی میرا کیرئیر بھی ٹھیک نہیں جا رہا تھا تو سلمان خان نے تب بھی میری مدد کی. سلمان خان وہ انسان ہے

جس پر مکمل طور پر اعتبار کیا جا سکتا ہے وہ نہ صرف قابل بھروسہ ہے بلکہ مسائل کو سمجھنے والا انسان ہے. میں سلمان خان پر بہت زیادہ بھروسہ کرتی ہوں اور میں سمجھتی ہوں کہ ہمارا تعلق زندگی بھر رہے گا .دوری طرف سلمان خان نے چند روز قبل
کچا سدیپ اور جیکولین فرنینڈس کی آنے والی فلم وکرانت رونا کی پریس کانفرنس کے دوران کترینہ کی تعریف کی۔انہوں نے کہا کہ کترینہ کیف بہت محنت کی ہے اور وہ بہت زیادہ محنتی ہیں. واضح رہے کہ کترینہ کیف نے گزشتہ برس دسمبر میں اداکار وکی کوشل سے شادی کی ان کی شادی میں ان کی فیملی اور قریبی دوستوں نے شرکت کی. اداکارہ نے حال ہی میں اپنی 39 ویں سالگرہ مالدیپ میں اپنے شوہر کے ہمرا منائی.

ہر وقت خبروں میں‌ رہنے والی سیکینڈل کوئین راکھی ساونت کی ایک وڈیو وائرل ہو رہی ہے جس میں وہ ایک لڑکے کو مکے اور لاتیں مارتی ہوئی دکھائی دے رہی ہیں.رپورٹس کے مطابق وہ لڑکا صحافی ہے اور راکھی ساونت اپنے بوائے فرینڈ کے ہمراہ اس کے ساتھ کھڑی ہیں لیکن جیسے ہی صحافی نے راکھی ساونت سے ان کے ایکس بوائے فرینڈ کے بارے میں بات کی تو انہوں نے اس صحافی کو مکے اور لاتیں مارنا شروع کر دیں. وڈیو میں دیکھا جا سکتا ہےکہ وہ صحافی مکے اور لاتیں کھانے کے بعد

مسکرا رہا ہے جبکہ راکھی ساونت بھی مسکرا رہی ہیں. یاد رہے کہ راکھی ساونت ایسے بیانات دیتی رہتی ہیں جن کے بعد انہیں تنقید کا نشانہ بنایا جاتا ہے. راکھی ساونت بگ باس میں بھی رہ چکی ہیں وہاں ان کا لڑائی جھگڑا داکارہ و ڈانسر کشمیرا شاہ کے ساتھ بہت زیادہ رہا. راکھی کا جھگڑا دلیر مہدی کے بھائی میکا سنگھ کے ساتھ بھی رہا اسی طرح سے اپنے بوائے فرینڈز کو لیکر بھی وہ خبروں میں رہی ہیں. راکھی ساونت اچھی اداکارہ تو ہیں لیکن ایک بہترین رقاصہ بھی ہیں ان کا ری مکس گیت پردیسا میں رقص دیکھنے سے تعلق رکھتا ہے . راکھی ساونت دوسروں کی آگ میں چھلانگ لگانے کے حوالے سے بھی کافی مشہور ہیں مسئلہ کسی کا بھی ہو وہ کود پڑتی ہیں اور ایسے بیانات دیتی ہیں کہ وہ اس مسئلے کا فریق سمجھی جانے لگتی ہیں.

بالی وڈ کی فلمیں ان دنوں مشکل کا شکار ہیں، پورے سال میں مجموعی طور پر دیکھا جا ئے تو ہر سال جتنی فلمیں ریلیز ہوتی ہیں ان میں سے آٹے میں نمک کے برابر باکس آفس پر کامیابی حاصل کرتی ہیں. بزنس کے نقطہ نذر سے دیکھیں تو ایک عرصہ سے بالی وڈ فلمیں زوال کا شکار نظرآ رہی ہیں. گزشہ دنوں سلمان خان کچا سدیپ وکرانت رانا کے ایک پروموشنل پروگرام میں شریک تھے اس دوران کسی صحافی نے سلمان خان سے فلموں کی ناکامی پر سوال کیا تو دبنگ اداکار نے کہا کہ کامیابی کا کوئی خاص فارمولا نہیں ہے ہم محنت کرتے ہیں باقی آڈینز کے ہاتھ میں‌ہوتا ہے بعض اوقات ہم بہت اچھی چیز بناتے ہیں وہ پسند نہیں‌کی جاتی بعض اوقات بہت نارمل سی فلم شائقین کے دل کو چھو جاتی ہے.لہذا کاماییابی کا کوئی خاص فارمولا

نہیں ہے .سلمان خان نے یہ بھی کہا کہ بالی وڈ فلمساز ہر بار بہترین فلم بنانے کی کوشش کرتے ہیں وہ چلے گی یا نہیں اسکے بارے کچھ کہا نہیں‌جا سکتا. سلمان خان نے یہ بھی کہا کہ سائوتھ کے ساتھ مل کر فلمیں بھی ہم نے بنائی ہیں اس دوران مجھے سدیپ ، پرابھو دیوا اور پرکاش راج جیسے بڑے ناموں کے ساتھ کام کرنے کا تجربہ بھی ہوا اب میں ویکنتیش کے ساتھ کام کررہا ہوں.کمل ہاسن جیسے سٹارز نے بالی وڈ کو سپر ہٹ فلمیں دی ہیں. یاد رہے کہ آج کل سلمان خان کبھی عید کبھی دیوالی کی شوٹنگ میں‌مصروف ہیں اس کے علاوہ سلمان خان ٹائیگر 3 میں بھی نظر آئیں گے اس فلم میں ان کے ساتھ کترینہ کیف اور عمران ہاشمی بھی نظر آئیں گے.

بالی وڈ کے منجھے ہوئے اداکار متھن چکرورتی نے اپنے حالیہ انٹرویو میں انکشاف کیا ہے کہ جب وہ اپنے کیرئیر کی شروعات میں جدودجہد کررہے تھے تو بہت بار دل شکستہ ہوئے. کیرئیر بنانے کےلئے جدوجہد کے دوران اس قدر دل شکستہ ہوئے کہ انہوں نے اپنی زندگی ختم کرنے یقینی خود کشی کرنے کا سوچا، انہیں‌لگ رہا تھا کہ وہ اپنے خواب پورے نہیں کر پائیں گے.ساتھ ہی ساتھ متھن چکرورتی نے یہ بھی کہا کہ میں اپنی زندگی سے جڑے اس طرح کے واقعات کے بارے میں بات نہیں کرنا چاہتا اور نہ ہی کرنی چاہیے کیونکہ اس طرح سے نوجوانوں کی حوصلہ شکنی ہوتی ہے اور وہ کیرئیر بنانے کےلئے جدوجہد کرتے ہوئے دل شکستہ ہوسکتے ہیں .متھن چکرورتی نے کہا کہ کبھی بھی اپنی زندگی ختم کرنےکا نہیں سوچنا چاہیے انہوں نے نیو

کمرز کو مشورہ دیتے ہوئے کہا کہ لڑے بغیر کبھی بھی زندگی ختم کرنے کا نہ سوچیں. میں نے بہت محنت کی بے شک بہت برے وقت بھی دیکھے لیکن یہ بھی تو دیکھیں کہ میری محنت رنگ لائی اور میں آج کہاں ہوں؟ انٹرویو میں ایک سوال کے جواب میں متھن چکرورتی نے کہا کہ فلم انڈسٹری میں کچھ تبدیلیاں آئی ہیں لیکن جیسے جیسے ہم آگے بڑھ رہے ہیں انسانی قدریں کم ہوتی جا رہی ہیں اور سوشل میڈیا کو میں اس کا ذمہ ٹھہرائوں گا.سوشل میڈیا کا مثبت استعمال بھی ہو سکتا ہے لیکن ہمارے ہاں‌اس کا منفی استعمال کیا جا رہا ہے جو کہ بہت ہی غلط ہے ایسا نہیں‌ہونا چاہیے. انہوں نے مزید کہا کہ پہلے ہم سیٹ پر جاتے تھے ایک دوسرے سے ملتے تھے لیکن اب ہم سیٹ پر پہنچتے ہیں تو فارغ وقت میں فون پر لگ جاتے ہیں ہر کوئی اسی قسم کی سرگرمی میں‌مصروف نظر آتاہے .