Tag: بالی وڈ

بالی وڈ کے حالیہ وقتوں کے مقبول ترین اداکار کارتیک آریان نے حال ہی میں ایک انٹرویو دیتے ہوئے کہا ہے کہ میں نے جو پہلی کار خریدی تھی وہ تھرڈ ہینڈ تھی اور اسکا ڈرائیونگ سیٹ کا دروزاہ بھی ٹھیک طرح سے نہیں کھلتا تھا تو جب کہیں اترنا ہوتا تھا تو بہت پریشانی ہوتی تھی ڈرائیونگ سیٹ سے اترنے کے بجائے دوسری سیٹ کے زریعے باہر نکلنا پڑتا تھا.اس کار کو خریدنے سے پہلے جتنے بھی ایوارڈ شوز ہوتے تھے یا فلمی تقریبات ہوتی تھیں ان میں ، میں یا تو رکشہ کے زریعے یا پھر کسی دوست سے لفٹ لیکر پہنچا کرتاتھا.یاد رہے کہ کارتیک آریان کی فلم بھول بھلیاں ٹو نے اس سال ریکارڈ توڑ کامیابی حاصل کی ہے اسی خوشی میں ٹی سیریز کے پرڈیوسر بھوشن کمار نے حال ہی میں انہیں ایک مہنگی اسپورٹس کار تحفے میں دی ہے.

بھول بھولیا 2 نے گزشتہ ہفتے سینما گھروں میں 50 دن کا جشن منایا۔ یہ فی الحال اس سال کی دوسری سب سے زیادہ کمائی کرنے والی ہندی فلم ہے اور دیکھنا یہ ہے کہ سال کے آخر میں یہ کس پوزیشن پر آتی ہے۔بھول بھلیاں ٹو بھول بھلیاں کا سیکوئل ہے بھول بھلیاں میں مرکزی کردار اکشے کمار اور ودیا بالن نے ادا کئے تھے یہ فلم بھی سپر ہٹ تھی لیکن بھول بھلیاں ٹو نے زیادہ بزنس کیا ہے. تھی، جو ریلیز کے وقت بھی ایک کامیاب فلم تھی۔

بھارتی اداکار نصیر الدین شاہ 72 برس کے ہو گئے ہیں. ان کا کیرئیر پانچ دہائیوں پر مشتمل ہے اس دوران انہوں نے لازوال کردار ادا کئے. انہوں نے مشکل کردار بھی اس خوبصورتی سے ادا کئے کہ ناقدین ان کی تعریف کئے بغیر نہ رہ سکے. نصیر الدین شاہ کا شمار بالی وڈ کے ان اداکاروں میں ہوتا ہے جن کی ذات خود میں ہی اداکاری کا انسٹیٹیوٹ ہے. ان کی فنی خدمات کے عوض انہیں پدما بھوشن، پدم شری جیسے باوقار ایوارڈز کے ساتھ 3 نیشنل ایوارڈز اور 3 فلم فیئر ایوارڈز سے نوازا جا چکا ہے .نصیرالدین شاہ نے کمرشل اور آرٹ ہر قسم میں کام کیا اور اپنی صلاحیتوں کا لوہا منوایا . انہوں نے بالی وڈ کے ساتھ ساتھ ہالی ود کی فلمیں بھی کیں. اداکار نصیرالدین شاہ نے ایک انٹرویو میں بتایا تھا کہ مجھے پڑھائی میں زیادہ دلچپسی نہیں تھی،

میرے سکول کے استاد بھی مجھ سے خوش نہیں تھے، ہر روز ان سے مار کھاتا تھا میں نے سوچا کہ کس طرح‌سے پڑھائی سے جان چھڑوائی جائے تو آئیڈیا آیا کہ اداکاری کے شعبے میں چلا جاتا ہوں اس سے پڑھائی سے جان چھٹ جائیگی. جب انہوں نے یہ فیصلہ کیا کہ اداکاری کرنی ہے ان کی عمر محض باراں برس تھی، اور اپنے والد کو اس ارادے کے بارے میں بالکل آگاہی نہیں دی.جب کالج ختم کیا تو والد نے پوچھا اب آگے کیا کرنا ہے تو انہوں نے کہا کہ اداکاری کرنی ہے.یوں بس جب وہ اداکاری کی طرف آئے تو اپنی صلاحیتوں کے ایسے جھنڈے گاڑھے کے بالی وڈ کے بڑے اور نامور فنکار ان کے ساتھ کام کرنے کی خواہش رکھنے لگے.

کارتک آریان بالی ووڈ کے نوجوان نسل کے نمائندہ فنکار ہیں انہوں نے اپنے کیرئیر کا آغاز 2011 میں فلم پیار کا پنچنامہ سے کیا اور اس کے بعد سے اب تک انہوں‌ نے پیچھے مڑ کر نہیں دیکھا۔ کارتک نے لو آج کل 2، پتی پتنی اور وہ، لوکا چھپی، سونو کے ٹیٹو کی سویٹی، دھماکا جیسی فلموں میں اپنی اداکاری کے جوہر دکھائے۔ اداکار کارتیک آریان کی حالیہ فلم بھول بھولیا 2 نے باکس آفس پر اس سال کے تمام ریکارڈز توڑ ڈالے ہیں۔ اپنے حالیہ انٹرویو میں کارتیک آریان نے کہا کہ فلم بھول بھولیا 2 کی زبردست کامیابی کے بعدمجھے میرے پروڈیوسرز نے کہا کہ تم ایسے اداکار ہو جو 25 دن میں پیسہ ڈبل کر دیتا ہے .

اور انہوں‌نے ایسا بہت ہی مضحکہ خیرز انداز میں کہا تھا. کارتیک آریان نے کہا کہ کہ میں جس قسم کے پراجیکٹس کا انتخاب کررہا ہوں میرے پرڈیوسرز بہت خوش ہیں کیونکہ انہیں اچھا پیسہ واپس مل رہا ہے.کارتیک نے اس انٹرویو میں مزید کہا کہ بھول بھولیا 2 کی کامیابی غیر حقیقی ہے اور کسی کو بھی فلم سے اس قسم کے بزنس کی توقع نہیں تھی۔ میں‌اپنی پوری ٹیم کو اس فلم کی ریکارڈ توڑ کامیابی کا کریڈٹ دوں گا. یاد رہے کہ بھول بھلیاں ٹو صرف باکس آفس پر دنیا بھر میں 230 کروڑ سے زیادہ کلیکشن کے ساتھ OTT پر نمبر 1 پر ٹرینڈ کر رہی ہے اور اسے سال کا عالمی بلاک بسٹر قرار دیا جا رہا ہے۔ اس فلم میں کیارا اڈوانی، تبو، راجپال یادیو اور دیگر نے بھی اہم کردار ادا کیے ہیں جبکہ فلم کے ہدایت کار انیس بزمی ہیں۔

ہر تیک روشن اور کترینہ کیف نے فلم بینگ بینگ اور زندگی ملے نہ دوبارہ جیسی فلمیں کی ہیں. دونوں کی آن سکرین جوڑی کو خوب سراہا جاتا ہے. ہرتیک روشن بتاتے ہیں کہ انہوں نے کترینہ کیف سے جب کہا کہ آپ ایک مزدور کی طرح کام کرتی ہیں تو انہوں نے بہت برا منایا اور ہرتیک کے اس طرح کے کمنٹ کو اپنی توہین سمجھا. ہرتیک روشن نے کہا کہ میں نے کترینہ کیف کے لئے مزدور کا لفظ اس لئے استعمال کیا کیونکہ وہ ناقابل یقین حد تک نیک نیتی سے کام کرتی ہیں کام میں کھو جاتی ہیں میرے حساب سے وہ ان بہترین مزدوروں اور کارکنوں میںسے ایک ہیں جن سے میں نے کبھی ملاقات کی ہے،ہرتیک روشن نے کہا کہ کترینہ خوبصورت ہیں نازک دکھائی دیتی ہیں لیکن اندر سے وہ ایک مزدور ہیں اور ایسی مزدور جو بہت محنتی ہے اور جس کے ساتھ کام کرنا آسان ہے. ہرتیک نے کہا کہ میرے ان الفاظ کو کترینہ توہین کے طور پر لیتی ہے اسے ایسا نہیں کرنا چاہیے بلکہ میری بات کا مطلب سمجھنا چاہیے.
یاد رہے کہ کترینہ کیف نے 2003 میں اپنا کیرئیر شروع کیا انہوں نے اپنے دور کے تمام بڑے ہیروز کے ساتھ کام کیا ان کی سپر ہٹ فلموں میں بینگ بینگ، ایک تھا ٹائیگر، زندگی نہ ملے گی دوبارہ، عجب پریم کی غضب کہانی، نمستے لندن، اور دیگر شامل ہیں۔ بار بار شامل ہیں.کترینہ نے ہر فلم کے ساتھ ثابت کیا کہ وہ ایک باصلاحیت اداکارہ ہیں.

بالی وڈ کے پہلے سپر سٹار کا خطاب پانے والے راجیش کھنہ کی دسویں برسی کے موقع پر ان کی بیٹی ٹوئنکل کھنہ نے انہیں کیا یاد اور سوشل میڈیا پر ایک بلیک اینڈ وائٹ تصویر شئیر کی جس میں وہ اپنے والد کو پکڑ کر کھڑی ہیں . ٹوئنکل کھنہ نے لکھا کہ آپ ابھی بھی ہمارے پاس ہیں اور ہمارے دلوں میں زندہ ہیں. جیسے ہی ٹوئنل کھنہ نےاپنے والد کے ساتھ اپنی تصویر شیئر کی تو جہاں ان کے مداحوں نے ڈھیروں ڈھیر کمنٹس کئے وہیں بالی وڈ سٹار بوبی دیول، طاہرہ کشیپ، اتھیا شیٹی، منیش ملہوترا، اور رتیش دیشمکھ نے کمنٹس سیکشن میں افسردہ ایموجیز بنائے.

یاد رہے کہ راجیش کھنہ نے 1966 میں فلم آخری رات سے اپنے کیرئیر کا آغاز کیا۔ یہ فلم آسکر کے لیے ہندوستان کی پہلی باضابطہ انٹری بنی۔ اس کے بعد سپر اسٹار راجیش کھنہ نے کئی سپر ہٹ فلموں میں کام کیا جس میں‌آرادھنا، کٹی پتنگ، آنند، امر پریم، چھوٹی بہو، گڈی، ہاتھی میرے ساتھی، سیتا پور کی گیتا، نمک حرام کے نام قابل زکر ہیں نہایت ہی کم عرصے میںانہوں نے اپنی صلاحیتوں کا لوہا منوایا. راجیش کھنہ وہ آرٹسٹ تھے جن کے نقاد بھی ان کے کام کو سراہتے تھے اور وہ ان کی اداکاری کا کوئی ایسا پہلو نہیں ڈھونڈ پاتے تھے جس پر تنقید کر سکیں. انہیں بالی وڈ کے پہلے سپر سٹار ہونے کا اعزاز بھی حاصل ہے ان کا انتقال جولائی 2012 کو ممبئی میں واقع اپنے بنگلے میں کینسر سے لڑتے لڑتے ہوا.

بالی وڈ اداکار رنبیر کپور جو کہ آج کل اپنی فلم براہمسٹرا کی پرموشنز کے لئے مصروف ہیں ،جہاں بھی جا رہے ہیں ا ن سے انکی فلم اور ذاتی زندگی کو لیکر سوالات ہورہے ہیں ۔ایسا ہی ہوا ان کے ساتھ گزشتہ دنوں جب میڈیا نے ان سے کہا کہ اپنے بارے میں ایک سچ اور دو جھوٹ بولیں تو انہوں نے تین باتیں کہیں، میں بہت بڑی افسانوی فلم کا حصہ بننے جا رہا ہوں،میں فلموں سے لمبا وقفہ لینے جا رہا ہوں اور میں اور عالیہ جڑواں بچوں کے والدین بننے والے ہیں ۔رنبیر کپور کے ان جوابات نے انکے مداحوں کو کر دیا حیران اور ہر کوئی اب ان تین جوابات سے ایک سچ اور دو جھوٹ تلاش کررہا ہے۔ کوئی کہہ رہا ہے کہ

رنبیر کپور اپنی فیملی کو ہر قسم کی آسائش دینا چاہتے ہیں اس کےلئے وہ اعلان کر چکے ہیں کہ بہت محنت کریں گے لہذا یہ نہیں ہو سکتا کہ رنبیر کپور کام سے لمبا وقفہ لیں۔کہا جا رہا ہے کہ جڑواں بچوں کا باپ بننے کی خبر میں سچائی اس لئے نہیں ہو سکتی ہے کیونکہ ایسی کوئی افسانوی فلم نہیں ہے جس کا حصہ رنبیر کپور بننے جا رہے ہیں۔ یوں رنبیر کپور کے جوابات نے ان کے مداحوں کو تاحال حیرت میں ڈالا ہوا ہے اور ہر کوئی اپنے اپنے حساب سے ان جوابات سے سچ اور جھوٹ کو تلاش کررہا ہے۔یاد رہے کہ رنبیر کپور اور عالیہ بھٹ پچھلے کچھ عرصے سے کافی زیادہ خبروں میں ہیں خصوصی طور پر تب سے جب سے انہوں نے اعلان کیا ہے کہ وہ والدین بننے جا رہے ہیں۔

لالی وڈ کے سینئر اداکار جاوید شیخ نے اپنے حالیہ انٹرویو میں‌کہا ہے کہ اصل فنکار تو وہ ہوتا ہے جو کیرئیر کے عروج پر رسک لے. اور میں نے اپنے کیرئیر میں بہت سارے رسک لئے جیسا کہ میں نے فلم جو ڈر گیا وہ مر گیا میں ولن کا کردار ادا کیا. میرے اس کردار کو بہت سراہا گیا. میں وہ خوش نصیب ہوں جسے شائقین نے ہر حال میں پسند کیا چاہے وہ مثبت کردار ہوں یا منفی. جاوید شیخ نے مزید یہ بھی کہا کہ بطور ہیرو کام کرنے والے کے لئے بہت بڑا رسک ہوتا ہے اگر وہ منفی کردار

قبول کرتا ہے. میں تو ہمیشہ ہی رسک لینے کا قائل رہا ہوں . جاوید شیخ نے نہ صرف پاکستانی بلکہ بھارتی فلموں میں بھی کام کیا اور پذیرائی ھاصل کی.جاوید شیخ نے بھارتی اداکار شاہ رخ خان کے ساتھ کام کیا. جاوید شیخ ورسٹائل اداکار ہیں جنہوں نے سنجیدہ اور کامیڈی ہر قسم کے کردار کر کے داد سمیٹی. جاوید شیخ کیرئیر کے عروج میں بہت سارے سکینڈلز کی زد میں بھی رہے ان کا نام اپنے دور کی بڑی ہیروئینز کے ساتھ آتا رہا.یاد رہےکہ جاوید شیخ کا شمار ان اداکاروں میں‌ہوتا ہے جو اپنے سے جونئیرز کو سراہتے ہیں. جاوید شیخ کو ان کی خدمات کی اعتراف میں ایوارڈز سے بھی نوازا گیا. ہنستے مسکراتے جاوید شیخ کو ہر روپ میں ان کے پرستار سراہتے ہیں.

بالی وڈ کی اداکارہ تاپسی پنو جنہوں نے بالی وڈ میں فلم چشمے بدور سے اپنے کیرئیر کا آغاز کی اس فلم کی ریلیز کے بعد انہیں بہت اچھا ریسپانس ملا. تاپسی نے اپنے حالیہ انٹرویو میں کہا ہے کہ نو سال پہلے جب ان کی بالی وڈ فلم چشمے بدور ریلیز ہو رہی تھی تو انہیں کہا گیا کہ وہ لوگوں سے یہ مت کہیں کہ سائوتھ سے ہیں کیونکہ اگر وہ ایسا کہیں گی تو لوگ انہیں اسی نظر سے دیکھنا شروع ہوجائیں گے. تاپسی بتاتی ہیں کہ سائوتھ میں وہ نو دس فلموں میں کام کر چکی تھیں اور جتنی بھی فلموں میں کام کیا ان میں بڑے ہیروز تھے. یوں سائوتھ کی فلموں میں ان کا نام بن چکا تھا لیکن بالی وڈ میں آکر انہیں نئے

سرے سے اپنی پہچان بنانی پڑی. اس انٹرویو میں تاپسی نے کہا کہ میری پہلی فلم میں‌میرے ساتھ رشی کپور، علی ظفر، سدھارتھ اور دیویندو شرما و دیگر شامل تھے. رشی کپور اس وقت حیران رہ گئے جب انہیں پتہ چلا کہ میں نے سائوتھ کی بہت ساری فلموں میں‌بڑے ہیروز کے ساتھ کام کیا ہے. تاپسی نے مزید کہا کہ مجھے یاد ہے کہ چشمے بدور کے سیٹ پر رشی کپور نے مجھ سے ایک بار پوچھا کہ آپ نے ساؤتھ میں کتنی فلمیں کی ہیں تو میں نے کہا 10 اور میں 11ویں پر کام کر رہی ہوں۔ یہ سن کر رشی کپور بولے کہ باپ رے تُو تو بہت ہی تجربہ کار ہے رے.یاد رہے کہ تاپسی کی فلم شاباش مٹھو آج ہی کے دن ریلیز ہو رہی ہے.

آئی پی ایل کے سابق چیئرمین للت مودی اور سشمیتا سین نے حال ہی میں دونوں کے رشتے کے بارے میں دنیا کو بتایا للت مودی نے سشمیتا سین کے ساتھ اپنی کچھ تصاویرشئیر کیں جس کے بعد وہ خبروں میں آگئے ہیں جن کو نہیں پتہ تھا کہ للت مودی کون ہیں انہیں بھی پتہ چل گیا کہ کون ہیں اور کیا کرتے ہیں۔ سشمیتا سین ایک انٹرنیشنل شخصیت ہیں یقینا ا ن کا نام جس سے بھی جڑے گا وہ بھی بین الاقوامی سطح پر شہرت پائے گا۔للت مودی کے ساتھ بھی ایسا ہوا ہے۔ جب سے للت مودی نے اپنے اور سشمیتا سین کے رشتے کا اعلان کیا ہے تب سے دونوں کافی چرچا میں ہیں۔ للت مودی کا سشمیتا سین کو کیا ہوا

نو سال پرانا ٹویٹ وائرل ہورہا ہے. انہوں نے نو سال پہلے سشمیتا سین کو ٹویٹر پر لکھا تھا کہ میرے ایس ایم ایس کا جواب دیں ۔ للت مودی کا کہنا ہے کہ ہم دونوں ابھی ایک دوسرے کے ساتھ اچھا وقت گزار رہے ہیں لیکن شادی کا ابھی فیصلہ نہیں کیا۔سشمیتا سین کسی تعارف کا محتاج نہیں ہیں انہوں نے کائنات کی خوبصورت ترین خاتون ہونے کا نہ صرف اعزاز حاصل کیا بلکہ بالی وڈ فلموں میں بھی اپنی اداکاری کے جوہر دکھائے ۔سشمیتا نے سلمان خان اور گوندا جیسے بڑے فنکاروں کے ساتھ کام کیا ۔ سشمیتا کو کامیڈی کرداروں میں زیادہ سراہا گیا ۔سشمیتا سین نے حال ہی میں اپنی مقبول ویب سیریز آریہ کے تیسرے سیزن کا اعلان کیا ہے۔

اداکار رنبیر کپور کی فلم شمیشرا ریلیز کے لئے تیار ہے اس میں رنبیر کپور ایک الگ اور ایسے روپ میں نظر آرہے ہیں جو ان کے پرستاروں پہلے کبھی نہیں دیکھا. اس فلم میں سنجے دت رنیبر کپور کے مخالف نظر آئیں گے.رنبیر کے پرستار چار سال کے بعد اپنے پسندیدہ اداکار کی سلور سکرین پر واپسی کو لیکر کافی پرجوش ہیں . رنبیر کپور سے جب ان کے چار سال کے وقفے کے بارے میں پوچھا گیا اور سوال ہوا کہ ایک اداکار کے لئے وقفہ کتنا ضروری ہے تو انہوں نے کہا کہ ایک اداکار کے لئےکام سے وقفہ لینا بہت

ضروری ہے. زندگی کے اتار چڑھائو ساتھ ساتھ چلتے رہتے ہیں لیکن خود کو بھی وقت دیا جانا چاہیے.یاد رہے کہ رنبیر کپور شمشیرا میں وانیہ کپور کے ساتھ نظر آئیں گے فلم کی ہداتیکاری کرن ملہوترا نے کی ہے . رنبیر اس فلم کے بعد دھرما پروڈکشن کی فلم براہمسٹرا میں نظر آئیں گے اس فلم کی ہداتیکاری آیان مکھر جی کررہے ہیںاس میں ان کی اہلیہ عالیہ بھٹ، امیتابھ بچن، مونی رائے اور ناگارجن اکینینی نظر آئیں گے. اگلے برس ان کی فلم لو رنجن میں نظر آئیں گے اس میں ان کے ساتھ شردھا کپور ہوں گی اسی سال ان کی فلم اینیمل بھی ریلیز ہو گی اس میں ان کے ساتھ انیل کپور، بوبی دیول اور رشمیکابھی نظر آئیں گے.