Tag: بالی وڈ

بالی وڈ اداکار سشانت سنگھ راجپوت جنہوں نے نہایت کم عرصے میں وہ شہرت سمیٹی جو کسی کا خواب ہی ہوسکتی ہے. وہ اپنے ہی فلیٹ میں پنکھے سے جھول گئے اور موت کو گلے لگالیا. کہا جا رہا ہے کہ انہوں نے جب سے خود کشی کی ہے ان کا گھر تب سے خالی ہے. سشانت سنگھ راجپوت کرائے کے گھر میں رہتے تھے ، اس گھر کو دوبارہ کرائے پر چڑھانے کی بارہا کوشش کی جا رہی ہے لیکن کوئی اس گھر میں آنے کے لئے تیار ہی نہیں ہے. اطالاعات کے مطابق ریئل اسٹیٹ کا کام کرنے والے بروکر نے اس فلیٹ کو کرائے پر دینے کے لیے ایک ویڈیو بھی بنا کر سوشل میڈیا پر

شیئر کی۔ ٹویٹر پر شیئر ہونے والی ویڈیو میں دیکھا جاسکتا ہے کہ کشادہ فلیٹ کی کھڑکی سے سمندر نظر آرہا ہے۔ انہوں نے اس کے ساتھ یہ بھی بتایا کہ فلیٹ کا ماہانہ کرایہ پانچ لاکھ بھارتی روپے ہے۔ ان کا کہنا ہے کہ یہ گھر آئیڈل لوکیشن پر ہے، اس گھر کو کرائے پر لینے کےلئے لوگوں‌کی ایک لائن لگی ہوتی تھی لیکن اب یہ وقت ہے کہ اس گھر کو لینے کے لئے کوئی تیار ہی نہیں ہے. شاید لوگ آج تک سشانت سنگھ راجپوت کی خودکشی کی دہشت سے باہر نہیں نکلے.

بالی وڈ کے اداکار ہرتیک روشن جو نہ صرف بہترین اداکاری کرتے ہیں بلکہ بہترین ڈانسر بھی ہیں . ہرتیک روشن ہر دلعزیز ہیں اپنی پہلی ہی فلم سے انہوں نے شائقین کے دل جیت لئے. ہرتیک روشن نے حال ہی میں ایک انٹرویو دیا ہےاس میں انہوں نے اپنے بچپن کو یاد کرتے ہوئے بتایا کہ میں سکول میں بہت زیادہ شرمیلا ہوا کرتا تھا زیادہ دوستیاں نہیں کرتا تھا کسی سے بات چیت نہ کرنے کے سبب میں سب سے الگ تھلگ رہتا تھا. سکول جانا شروع کیا تو وہاں اس مسئلے کی وجہ سے میں پریشان رہتا تھا اور گھر کب جائوں گا اس وقت کا انتظار کررہا ہوتا تھا. میں گھر جاتے ساتھ ہی رونا شروع کر دیتا تھا کیونکہ میرا سکول میں دل نہیں لگتا تھا. انہوں نے یہ بھی انکشاف کیا کہ مجھے ریڑھ کی ہڈی کے مسائل بچپن سے

ہی تھے اور ڈاکٹروں نے کہہ دیا تھا کہ یہ مسئلہ ایسا ہے کہ اس کے سبب ڈانس یا اداکاری کرنا آپ کے بس کی بات نہیں ہے اب ، اس چیز نے مجھے کئی سال تک تنگ کیا. لیکن میں جب بڑا ہوا تو پوری قوت کے ساتھ اس مسئلے کا مقابلہ کیا اور آپ دیکھ سکتے ہیں کہ میں نے ڈانس بھی کیا اور اداکاری بھی کی .

بالی وڈ کے کنگ شاہ رخ خان جو اپنی منفرد ادکاری اور انداز کے لئے بہت زیادہ مشہور ہیں. حال ہی میں شاہ رخ خان نے سعودی عرب میں منعقدہ ریڈ سی انٹرنینشل فلم فیسیٹیول میں شرکت کی .اس میں ان کو ایوارڈ سے نوازا گیا . اس فیسٹیول میں شرکت سے قبل شاہ رخ خان نے عمرے کی سعادت بھی حاصل کی ، عمرہ کرتے ہوئے شاہ رخ خان کی تصاویر انٹرنیٹ پر وائرل ہوئیں . شاید ان تصاویر کو دیکھ کر بھارتی میڈیا کافی تکلیف میں تھا . لہذا اس نے شاہ رخ کی وطن واپسی کے بعد، یہ کہنا شروع کر دیا ہے کہ شاہ رخ خان وطن واپس آتےہی وشنو دیوی مندر پہنچ گئے ہیں. شاید بھارتی میڈیا یہ تاثر دینا چاہ رہا ہے کہ اگر شاہ رخ خان نے عمرہ کیا تو وہ ہندو مذہب کو بھی مانتے ہیں، وہ صرف مسلمان ہی نہیں بلکہ ہندو

مذہب کی بھی نمائندگی کرتے ہیں. بھارتی میڈیا نے ایک وڈیو چلائی جس میں ایک شخص ہڈی پہنے ہوا ہے اس کے ساتھ گارڈز ہیں، یہ واضح نہیں ہے کہ یہ شاہ رخ خان ہی ہیں لیکن بھارتی میڈیا کا دعوی ہے کہ یہ شاہ رخ خان ہی ہیں . یوں بھارتی میڈیا کوئی بھی ایسا موقع ہاتھ سے نہیں جانے دینا کہ جس میں وہ اپنے تعصب کو ظاہر نہ کرے.

بالی وڈ اداکارہ و رقاصہ ملائکہ اروڑہ برس پڑی ہیں ان لوگوں پر جو ان س ہر وقت یہی سوال کرتےہیں کہ اپنے سے چھوٹے لڑکے کو ڈیٹ کیوں کررہی ہیں. ملائکہ اروڑہ نے کہا ہے کہ مرد اپنے سے چھوٹی عمر کی لڑکی کو ڈیٹ‌کرے تو وہ ٹھیک ہے لیکن اگر عورت ایسا کرے تو غلط کیوں؟ یہ ناانصافی کیوں؟ اور اگر ارجن مجھے ڈیٹ کررہا ہے تو کیا وہ دودھ پیتا بچہ ہے؟ سکول میں پڑھتا ہے جو میں اسکو خراب کررہی ہوں. وہ ایک مرد ہے اور جو اسے بہتر لگتا ہے وہ کررہا ہے. مجھ سے اگر وہ 12 سال چھوٹا ہے تو اسکی مرضی سےہم اس تعلق میں ہیں ، میں‌ نے

اس کے ساتھ کوئی زبردستی نہیں کی . ملائکہ نے کہا کہ مجھے سوشل میڈیا پر اس وجہ سے بہت زیادہ ٹرول کیا جاتا ہے کہ میں کم عمر لڑکے کو ڈیٹ کیوں کررہی ہوں بھئی آپ اپنے کام سے کام رکھیں نا آپ کو جیسے ٹھیک لگتا ہے کریں اور دوسروں‌کو بھی کرنے دیں نا . یاد رہے کہ ملائکہ اروڑہ نے اپنی 18 سالہ شادی کو ختم کرنے کے بعد ارجن کپور کے ساتھ دوستی کے تعلقات استوار کئے اور اب وہ ایک عرصے سے انہی کے ساتھ دیکھی جاتی ہیں چونکہ ارجن ملائکہ سے 12 سال چھوٹا ہے اسلئے انہیں بہت زیادہ ٹرول کیا جاتا ہے.

بالی وڈ اداکارہ نرگس فخری نے حال ہی میں کہا ہے کہ مجھے یہ سوال بہت عجیب لگتا ہے کہ جس میں مجھ سے یہ پوچھا جائے کہ میں کس کوڈیٹ کر رہی ہوں. ٹھیک ہے آرٹسٹ پبلک پراپرٹی ہوتا ہے لیکن آرٹسٹ سے اس کے کام کی ہی بات ہونی چاہیے ، اسکی نجی زندگی یا اسکے معاملات کی نہیں. انہوں نے کہا کہ سوشل میڈیا اور فوٹوگرافرز کی وجہ سے آرٹسٹوں کی نجی زندگی ہر وقت زیر بحث رہتی ہے وہ کہاں آ رہے ہیں کہاں جارہے ہیں ہر چیز پبلک کے سامنے ہوتی ہے . انہوں نے کہا کہ میں اپنی زندگی اور اس جڑے نجی معاملات کو پرائیویٹ ہی رکھنا چاہتی ہوں اور میری طرح جو آرٹسٹ‌ ایسا کرنا چاہتے ہیں ان کے اس فیصلے کی عزت کی جانی چاہیے اور ان سے پھر انکی نجی زندگی سے جڑے سوالات نہیں کرنے چاہیں ہم فنکار ہیں ہم سے ہمارے کام کے ھوالے سے ایک ہزار ایک

سوال کریں لیکن ایسا نہ کریں کہ جس کا جواب دینے سے ہم خود آپ کو منع کریں.
نرگس فخری ہی نہیں بہت سارے ایسے فنکار ہیں جو اپنی نجی زندگی کو پرائیویٹ رکھنے پر یقین رکھتے ہیں لیکن شاید سوشل میڈیا کے اس دور میں شاید کچھ بھی چھپا رہ سکتے .

بالی وڈ اداکارہ مادھوری ڈکشٹ نے اپنے حالیہ انٹرویو میں کیا ہے ایک شکوہ اور شکوہ بھی کچھ ایسا ہے ، ان کا کہنا ہے کہ میری تصاویر اور وڈیوز پر بہت سارے کمنٹس ایسے آتے ہیں جن میں لکھا ہوتا ہے کہ ارے بچے ہو گئے آپ کے ، اتنی زیادہ عمر ہو گئی ابھی بھی آپ ناچتی ہیں . تو مجھے بہت حیرت ہوتی ہے کہ بھئی کیا ہوا اگر بچے ہوگئے ہیں یا میری عمر زیادہ ہو گئی ہے. میرے بچے یا عمر زیادہ ہونے سے میری خواہشات مر گئی ہیں کیا؟ میرے اندر سے جینے کی تمنا ختم ہو گئی ہے کیا؟ مادھوری نے مزید کہا کہ کیوں یہ سوچا جاتا ہے کہ عورت پر ذمہ داریاں پڑ

گئی ہیں تو وہ کچھ اور نہیں کر سکتی خصوصی طور پر وہ نہیں کرسکتی جو اسکا دل کرتا ہے. میں اپنی گھریلو ذمہ داریاں پوری کر رہی ہوں تو اسکا مطلب یہ نہیں کہ میں اپنی خواہشات کو مار دوں اور وہ نہ کروں جس سے مجھے خوشی ملتی ہے. یاد رہے کہ مادھوری کا شمار نوے کی دہائی کی معروف اداکارائوں میں ہوتا ہے ، انہوں نے بہترین ڈانس اور اداکاری کی بدولت شائقین کی دلوں میں جگہ بنائی اور نمبر ون کی پوزیشن حاصل کی . انہوں نے 1999 میں شادی کی ان کے دو بیٹے ہیں.

بہت کم ایسا ہوتا ہے کہ کوئی ہیروئین کسی دوسری ہیروئین کی تعریف کرے اور اس کے کام کو سراہے . لیکن یہ خوبی پائی جاتی ہے سونم کپور میں‌، تبہی تو انہوں‌نے جم کر کر دی ہے کترینہ کیف کی تعریف . انہوں نے حال ہی میں‌کہا ہے کہ کترینہ کیف باقی ہیروئنز کی نسبت کافی مختلف ہیں . وہ مختلف قسم کی فلمیں کرتی ہیں اور ان کی فلمیں اسی لئے چلتی ہیں اور کامیابی سے ہمکنار ہوتی ہیں کیونکہ وہ ایک بڑی فین فالونگ رکھتی ہیں. میں‌نہ صرف ان کے حسن اور کام کی بلکہ سکرین پریزینس کی دیوانی ہوں. سونم کپور نے دل کھول کر کر دی کترینہ کیف کی تعریف.

یاد رہے کہ سونم کپور اور کترینہ کیف بہت اچھی سہیلیاں ہیں‌دونوں اکثر ایک دوسرے کے ساتھ خوشگوار لمحات شئیر کرتے ہوئے دکھائی دیتی ہیں. سونم کپور کے ہاں حال ہی میں ایک ننھی پری کی آمد ہوئی اس پر کترینہ کیف نے انہیں مبارکباد کے میسجز کرنے کے ساتھ ان کی بیٹی کو جلد سے جلد دیکھنے کی خواہش کا اظہار کیا .کترینہ کیف اور وکی کوشل کی شادی کو حال ہی میں ایک سال ہوا ہے اور سونم کپور نے ان دونوں کو ان کی شادی کی سالگرہ کی مبارکباد دی .

بالی وڈ اداکار رنبیر کپور نے حال ہی میں ایک انٹرویو میں کہا ہے کہ مجھے اس چیز سے ڈر لگتا ہے کہ میں جب ساٹھ برس کا ہوں گا میرا بچہ صرف بیس برس کا ہوگا . رنبیر کپور نے کہا ہے کہ میں اس وقت بیس برس کا ہوں اور میری بیٹی جب بیس برس کی ہو گی میں ساٹھ برس کا ہو چکا ہوں گا. اداکار نے کہا کہ مجھے اس فرق سے ڈر اور خوف محسوس ہوتا ہے. رنبیر کپور اپنی بیٹی کے ساتھ بہت محبت کرتے ہیں ان کا کہنا ہے کہ میرے گھر میں ننھی پری کی آمد نے مجھے مزید ذمہ دار بنا دیا ہے.

یاد رہے کہ رنبیر کپور کی عالیہ بھٹ کے ساتھ شادی رواں برس اپریل کے مہینے میں‌ہوئی تھی . دونوں ایک دوسرے کے دیوانے ہیں ، گزشہ ماہ ان دونوں کے گھر ایک ننھی پری کی آمد ہوئی. عالیہ اور رنبیر کے علاوہ ان دونوں کی فیملیز کافی خوش ہیں ان کا کہنا ہے کہ اس بچی کو دیکھنے کےلئے ہم سب بہت بےتاب تھے. تاہم رنبیر کہتے ہیں‌ کہ بیٹی کی دیکھ بھال کے لئے مجھے سب کام چھوڑ کر گھر کیوں نہ بیٹھنا پڑا میں بیٹھ جائوں گا لیکن عالیہ کو کام سے نہیں روکوں گا نہ ہی بچی کی پرورش میں‌کوئی کمی آنے دوں گا .

لیجنڈ اداکار دلیپ کمار طویل علالت کے بعد 7 جولائی 2021 کو انتقال کر گئے تھے ان کا انتقال ان کے مداحوں اور خصوصی طور پر اہلیہ کے لئے بہت بڑا دھچکا تھا . دلیپ کمار کے انتقال کے بعد سائرہ بانو کافی اداس رہتی ہیں اور
کم کم ہی کہیں‌جاتی ہیں . حال ہی میں انہوں نے ایک تقریب میں شرکت کی اس تقریب میں سائرہ بانو کی شرکت کی وڈیو وائرل ہو رہی ہے. جس میں‌انہیں‌دیکھا جا سکتا ہے کہ وہ دلیپ کمار کی تصویر دیکھ کر جذباتی ہو گئیں .ویڈیو میں سائرہ بانو دلیپ کمار کی آنے والی دستاویزی فلم ‘دلیپ کمار، ہیرو آف ہیروز’ کے پوسٹر کی طرف چلتی ہوئی

دکھائی دے رہی ہیں اس دوران سائرہ بانو کی آنکھیں دیکھی جائیں تو وہ نم نظر آتی ہیں. یاد رہے کہ دلیپ کمار کی پہلی برسی کے موقع پر سائرہ بانو نے اعتراف کیا کہ وہ اپنے پیارے شوہر کے انتقال کی وجہ سے شدید صدمے میں ہیں اور وہ اس صدمے سے خود کو نہیں‌ نکال سکتیں . انہوں نے یہ بھی کہا تھا کہ یوسف کے بغیر میری زندگی کے رنگ پھیکے ہیں ، ساری دنیا کی دولت ایک طرف اور دلیپ کمار اور ان کی محبت ایک طرف .
یاد رہے کہ دلیپ کمار اور سائرہ بانو نے 1966 میں شادی کی تھی سائرہ بانو دلیپ کمار سے 22 سال چھوٹی تھیں.

بالی وڈ‌ اداکارہ دیپیکا پڈوکون جن کا حال ہی میں روہت شیٹی کی فلم سرکس میں گانا کرنٹ‌لگا رہے ریلیز ہوا ہے نے دھوم مچا دی ہے . دیپیکا پڈوکون کے بارے میں روہت شیٹی نے کہا ہے کہ میری فلم سنگھم اگین میں دیپیکا پڈوکون ایک پولیس آفیسر کا کردار ادا کریں گی . انہوں نے کہا کہ عموما ہوتا یہ ہےکہ مرد ہی پولیس والے بن کر ایکشن کرتے ہیں لیکن سنگھم اگین میں دیپیکا بھی پولیس والی بن کر ایکشن کردار کرتی نظر آئیں گی. روہت شیٹی کا کہنا ہے کہ جس طرح سے سنگھم کی پہلی فلموں کا پسند کیا گیا ہے اسی طرح‌سے سنگھم اگین کو بھی پسند کیا جائیگا. انہوں نے کہا کہ کرنٹ لگا رہے ایک آئٹم سانگ ہے جسے بہت ہی خوبصورت انداز میں فلمایا گیا ہے. دیپیکا کی

صلاحیتوں سے کسی کو بھی انکار نہیں‌ہو سکتا . اس لئے مجھے یقین ہے کہ یہ پولیس والی خاتون کا کردار بہت ہی خوبصورت طریقے سے نبھا لیں گی. یاد رہے کہ سنگھم اگین میں دیپیکا کے ساتھ اجے دیوگن ہوں گے اس فلم کی شوٹنگ اگلے برس شروع ہو گی اور روہٹ‌شیٹی کا دعوی ہے کہ اس فلم کو بھی پہلے کی طرح بہت زیادہ پسند کیا جائیگا .ان کا یہ بھی کہنا ہے کہ دیپیکا اور اجے کو ایک ساتھ بھی پسند کیا جائیگا.