Baaghi TV

Tag: باکسر

  • بھارتی باکسنگ آئیکون میری کوم کی شوہر سے علیحدگی ہو گئی؟

    بھارتی باکسنگ آئیکون میری کوم کی شوہر سے علیحدگی ہو گئی؟

    ممبئی:بھارتی باکسنگ آئیکون میری کوم اور ان کے شوہر کارونگ اونکھولر المعروف آنلر کی علیحدگی کی خبریں گردش کرنے لگیں،تاہم دونوں نے خاموشی اختیار کی ہوئی ہے اور ابھی تک طلاق کے لیے باضابطہ درخواست نہیں دی ہے۔

    باغی ٹی وی: بھارتی میڈیا پورٹس کے مطابق میری کوم اور ان کے شوہر کارونگ اونکھولر کو مبینہ طور پر ازدواجی مشکلات کا سامنا ہے، دونوں الگ رہ رہے ہیں، آنلر کے 2022 کے انتخابات میں ہارنے کے بعد مالی نقصانات پر اختلافات پیدا ہونے کے سبب ان کے درمیان علیحدگی ہوئی ہے، مبینہ طور پر میری کوم شوہر سے اختلافات کے بعد اپنے 4 بچوں کے ساتھ فرید آباد چلی گئی ہیں، جہاں انہیں نئی محبت مل گئی ہے، جبکہ آنلر اپنے والدین کے ساتھ نئی دہلی میں رہ رہے ہیں۔

    اسلام آباد ہائیکورٹ، چار افغان بھائیوں کی گمشدگی ،آئی جی اسلام آباد ،پنجاب طلب

    میڈیا پورٹس کے مطابق ایک ساتھی باکسر کا کہنا ہے کہ میری کوم اور آنلر کی علیحدگی کی افواہیں محض افواہیں نہیں ہو سکتیں، ہر کوئی میر ی میڈم کے حوالے سے یہی باتیں کر رہا ہے کہ ان کے کسی دوسرے باکسر کے شوہر کے ساتھ تعلقات ہیں، ان کی حالیہ انسٹاگرام پوسٹس سے ان قیاس آرائیوں کو مزید تقویت ملی ہے جن میں انہوں نے مذکورہ شخص کو اپنے کاروباری شراکت دار کے طور پر متعارف کروایا ہے۔

    نواز شریف وزیراعظم شہبازاور مریم کے ہمراہ آج بیلا روس جائیں گے

  • باکسر عامر خان کا خواتین کو نا مناسب پیغامات بھیجنے پر معافی

    باکسر عامر خان کا خواتین کو نا مناسب پیغامات بھیجنے پر معافی

    پاکستان نژاد برطانوی باکسر عامر خان نے خواتین کو نازیبا میسج بھیجنے پر اپنی اہلیہ فریال سے معافی مانگنے کے ساتھ علاج کرانے کا اعلان کر دیا ،
    سابق چیمپئن فائٹر عامر خان ماڈل سمیرا سمیت خواتین کو غلط میسج کرتے ہوئے پکڑے گئے، پچیس سالہ ماڈل کو تصاویر بھیجنے کا ساتھ ساتھ پیغامات بھی بھجوائے اور ٹیٹو کی تعریف بھی کی ، صرف اتنا ہی نہیں بلکہ فریال سے اپنی شادی اور ان سے ہونے والی تین بیٹیوں سمیت ازدواجی زندگی کو مجبوری ظاہر کیا اسکینڈل کے میڈیا میں آنے اور تحقیقات پر عامر خان نے اعتراف جرم بھی کر لیا ساتھ ہی انہوں نے اپنی اہلیہ فریال سے معافی ما نگی غیر ملکی میڈیا کے مطابق پاکستانی باکسر عامر خان نے اس بات کا اعتراف بھی کیا کہ وہ غلط عادات میں مبتلا تھے جس سے چھٹکارہ پانے کے لیے وہ تھراپی کروانے پر غور کررہے ہیں تھراپی یعنی علاج سے عادت چھوڑنے کا عزم ظاہر کر دیا ،

  • پشاور میں قومی باکسر کو قتل کر دیا گیا

    پشاور میں قومی باکسر کو قتل کر دیا گیا

    پشاور کے نواحی علاقے پھندو میں نمسلح ملزمان نے فائرنگ کر کے قومی باکسر جہانزیب خان کو قتل کر دیا۔
    پولیس کے مطابق پشاور کے علاقے پھندو میں دو ملزمان نے باکسر جہانزیب خان پر فائرنگ کی جس سے وہ موقع پر جاں بحق جبکہ ان کے دو ساتھی زخمی ہو گئے، ملزمان کارروائی کے بعد فرار ہونے میں کامیاب ہو گئے۔
    پولیس کا کہنا ہے کہ مقتول باکسر نے گزشتہ دنوں ملزمان کے گھر پر فائرنگ کی تھی، مقدمہ درج کرکے واقعے کی تفتیش شروع کر دی گئی ہے۔
    دوسری جانب سیکرٹری جنرل خیبرپختونخوا باکسنگ ایسوسی ایشن سید کمال خان نے مقامی ٹی وی سے گفتگو کرتے ہوئے کہا کہ جہانزیب خان باکسنگ کا قومی کھلاڑی تھا، مقتول جہانزیب نے 2019 میں نیشنل گیمز میں حصہ لیا تھا، وہ 2013 سے باکسنگ سے وابستہ تھے۔

  • پاکستانی باکسر زوہیب رشید غلطی کے باعث کامن ویلتھ گیمز سے باہر

    پاکستانی باکسر زوہیب رشید غلطی کے باعث کامن ویلتھ گیمز سے باہر

    پاکستانی باکسر زوہیب رشید غلطی کے باعث کامن ویلتھ گیمز سے باہر ہونے پر مجبور ہوگیا۔اطلاعات کے مطابق باکسنگ مقابلے کے ٹیکنیکل مندوبین نے زوہیب رشید کا نام مقابلے کے ڈراز میں شامل نہیں کیا تھا۔آرگنائزنگ کمیٹی کا کہنا تھا کہ پاکستانی انتظامیہ باکسر کو جگہ نہیں دے سکتی۔

    باکسنگ فیڈریشن کے سیکرٹری نے اس معاملے پر احتجاج کرتے ہوئے کہا ہے کہ پاکستان انٹرنیشنل باکسنگ ایسوسی ایشن، کامن ویلتھ گیمز کو خط لکھے گا اورکھیلوں کے لیے عالمی ثالثی عدالت کے ذریعے منتظمین سے ہرجانے کا مطالبہ کرے گا۔

    قومی خواتین کرکٹ ٹیم کی کامن ویلتھ گیمز 2022 میں رسائی پر پی سی بی کا اظہار مسرت

    پاکستانی باکسر زوہیب رشید کے باہر ہونے کا معاملہ سب سے پہلے اس وقت سامنے آیا جب مقابلے کے لیے قرعہ اندازی کا اعلان کیا گیا اور زوہیب کا نام فلائی ویٹ کیٹیگری کے ڈراز سے غائب تھا۔

    ویمن کرکٹ کو کامن ویلتھ گیمز میں شامل کر لیا گیا

    پاکستان باکسنگ فیڈریشن (پی بی ایف) ذرائع کے مطابق جب یہ بات آرگنائزنگ کمیٹی کے نوٹس میں لائی گئی تو پاکستان باکسنگ دستے کو بتایا گیا کہ یہ غلطی کی وجہ سے ہوا ہے۔تاہم 3 دن تک معاملے کو گھسیٹنے کے باوجود غلطی کو درست نہیں کیا گیا اور مقابلے کے دن آرگنائزنگ کمیٹی نے پاکستانی انتظامیہ سے کہا کہ باکسر کو جگہ نہیں دی جا سکتی۔

    پاکستان ہاکی ٹیم کامن ویلتھ گیمز برمنگھم میں شرکت کیلئے روانہ

    پی بی ایف کے سیکرٹری کرنل ناصر تنگ نے کہا کہ ‘‘یہ انتہائی مایوس کن ہے، یہ اس کھلاڑی کے لیے ذہنی اذیت ہے جو کسی اور کی غلطی کی وجہ سے تین دن تک غیر یقینی صورتحال میں رہا۔’’انہوں نے مزید کہا کہ انہوں نے ہمارے کھلاڑی کے ساتھ ناانصافی کی ہے اور ہم اس معاملے پر خاموش نہیں رہیں گے۔

  • باکسر عامر خان نے ریٹائرمنٹ کا اعلان کر دیا

    باکسر عامر خان نے ریٹائرمنٹ کا اعلان کر دیا

    لندن : باکسر عامر خان نے ریٹائرمنٹ کا اعلان کر دیا،اطلاعات کے مطابق باکسر عامر خان نے اپنے کیرئیر میں 34 فائٹس جیتیں اور 6 میں انہیں شکست کا سامنا کرنا پپاکستانی نژاد برطانوی باکسر عامر خان نے ریٹائرمنٹ کا اعلان کر دیا۔

    غیر ملکی خبر رساں ایجنسی کے مطابق دو دفعہ کے عالمی چیمپئن اور موجودہ ڈبلیو بی اے سپر ویلٹر ویٹ چیمپئن عامر خان نے باکسنگ سے ریٹائرمنٹ کا اعلان کر دیا ہے۔

     

     

    باکسر عامر خان نے سماجی رابطے کی ویب سائٹ ٹوئٹر پر اپنی ریٹائرمنٹ کا اعلان کرتے ہوئے کہا کہ مجھے اپنے 27 سالہ باکسنگ کیرئیر پر فخر ہے۔

    باکسر عامر خان نے اپنے کیرئیر میں 34 فائٹس جیتیں اور 6 میں انہیں شکست کا سامنا کرنا پڑا۔

    عامر خان 8 دسمبر 1986 کو برطانیہ میں پیدا ہوئے جبکہ وہ برطانوی پاکستانی خاندان سے تعلق رکھتے ہیں۔ ان کے خاندان کا تعلق راولپنڈی کے علاقے کہوٹہ سے ہے۔

     

    یاد رہے کہ اس سے پہلےپاکستانی نڑاد برطانوی باکسر عامر خان نے کورونا وائرس کے سبب جولائی میں باکسنگ رنگ میں واپسی کا ارادہ موخر کردیا تھا ۔عامر خان نے کہا تھا کہ لاک ڈاؤن کے سبب ان کی باکسنگ میں واپسی کا کوئی امکان نہیں اور موجودہ حالات میں وہ سنجیدگی سے ریٹائرمنٹ پر غور کررہے ہیں۔

    عامر نے گزشتہ برس جولائی میں سعودی عرب میں آسٹریلوی حریف بلی ڈب سے فائٹ کی تھی جسے چوتھے راؤنڈ میں روک دیا گیا تھا۔

  • پاکستانی نژاد برطانوی باکسرعامر خان کوکیل بروک نے مُکّے مار مار نڈھال کردیا

    پاکستانی نژاد برطانوی باکسرعامر خان کوکیل بروک نے مُکّے مار مار نڈھال کردیا

    نندن :پاکستانی نژاد برطانوی باکسرعامر خان بالآخرشکست کھا گئے۔کیل بروک نے مُکّے مار مار نڈھال کردیا،اطلاعات کے مطابق پاکستانی نژاد برطانوی باکسرعامر خان اپنے کیریئر کی اہم ترین فائٹ ہار گئے۔

    ذرائع کے مطابق حریف باکسر کیل بروک نے عامر خان کو ناک آؤٹ کر دیا، ریفری کو 12 راؤنڈز پرمشتمل فائٹ چھٹے ہی راؤنڈ میں ختم کرنا پڑ گئی۔کیل بروک اہم ترین فائٹ میں ابتدا سے ہی حاوی نظر آئے اور مکوں کی بارش کر کے عامرخان کو نڈھال کر دیا۔

    30 ہزار افراد کی گنجائش پر مبنی مانچسٹر ارینا میں پاکستانیوں کی بڑی تعداد عامر خان کی فائٹ دیکھنے کے لیے موجود تھی۔کیل بروک سے شکست کے بعد پاکستانی نژاد برطانوی باکسر عامر خان نے خراب کارکردگی پر معذرت کر لی۔

    عامر خان نے اپنے بیان میں کہا کہ شکست پربہت غمزدہ ہوں، جس طرح فائٹ کرنی چاہیے تھی نہیں کر سکا۔ان کا یہ بھی کہنا تھا کہ کیل بروک نے اچھی کارکردگی دکھائی، بروک نے وہ سب کیا جس کی ضرورت تھی۔

    باکسر نے کہا کہ میں نے میچ سے پہلے ٹریننگ کے لیے بہت محنت کی لیکن شاید کچھ کمی رہ گئی تھی۔عامرخان نے سپورٹ کے لیے مداحوں کا شکریہ بھی ادا کیا۔