آزاد کشمیر کے مظفرآباد شہر کے تقریباً 60 فیصد علاقوں میں بجلی بند ہے، تاہم یہ کوئی سرکاری بلیک آؤٹ نہیں بلکہ مقامی شہریوں کی جانب سے اپنی مرضی سے روشنیوں کو بند رکھا گیا ہے۔
باغی ٹی وی کے ذرائع کے مطابق یہ اقدام موجودہ سیکیورٹی یا سیاسی حالات کے پیش نظر احتیاطی تدابیر کے طور پر کیا گیا ہے۔مقامی افراد کا کہنا ہے کہ علاقے میں غیر یقینی صورت حال کے باعث انہوں نے ازخود یہ فیصلہ کیا تاکہ کسی ممکنہ ناخوشگوار واقعے سے بچا جا سکے۔ بعض علاقوں میں دکانیں اور بازار بھی قبل از وقت بند کر دیے گئے ہیں، جب کہ سڑکوں پر ٹریفک معمول سے کم دیکھی جا رہی ہے۔
شہر میں کسی ہنگامی صورت حال کی کوئی سرکاری تصدیق تاحال سامنے نہیں آئی، لیکن شہریوں کی جانب سے یہ محتاط رویہ موجودہ فضا میں ان کی سنجیدگی اور شعور کی عکاسی کرتا ہے۔مزید معلومات کے لیے ہم مقامی حکام اور متعلقہ اداروں سے رابطے کی کوشش کر رہے ہیں۔
بھارتی خبر رساں ادارے کا پاکستان کیخلاف پروپیگنڈہ،جھوٹ بے نقاب
