Tag: بحرین

اسلام آباد: صدر مملکت آصف علی زرداری سے بحرین کے سفیر کی آج ملاقات ہوئی، جس میں دونوں رہنماؤں نے دو طرفہ تعلقات کو مختلف شعبوں میں فروغ دینے پر تفصیلی تبادلہ خیال کیا۔

ملاقات کے دوران صدرمملکت اوربحرین کے سفیرنے سیاسی، اقتصادی اورتجارتی شعبوں میں تعلقات کو مزید مستحکم کرنے پر زوردیا،صدر آصف علی زرداری نے کہا کہ پاکستان اوربحرین کے درمیان مضبوط روابط خطے میں استحکام اورتعاون کے فروغ میں اہم کردارادا کرتے ہیں۔

بحرین کے سفیرنے بھی تعلقات کو وسیع کرنے اورمشترکہ منصوبوں پرکام کرنے میں پاکستان کیساتھ تعاون کی یقین دہانی کرائی،دونوں رہنماؤں نے مختلف شعبوں میں سرمایہ کاری، تعلیم، صحت اورثقافتی تعلقات بڑھانے پر بھی بات کی، ملاقات دوستانہ ماحول میں ہوئی اورمستقبل میں مزید مشترکہ اقدامات کے عزم کا اعادہ کیا گیا۔

وزیرداخلہ محسن نقوی نے بحرینی ہم منصب سے ملاقات کی-

وفاقی وزیرداخلہ محسن نقوی ایک روزہ دورے پر بحرین کے دارالحکومت منامہ پہنچ گئے جہاں بحرینی وزیرداخلہ نے ان کا استقبال کیا، منامہ فورٹ آمد پر وزیرداخلہ کو گارڈ آف آنر پیش کیا گیا،وزیرداخلہ کی بحرینی ہم منصب سے ملاقات ہوئی جس میں باہمی دلچسپی کے امور اور سیکیورٹی تعاون پر تبادلہ خیال کیا گیا، سیکیورٹی تعاون مزید بڑھانے کی ضرورت پر زور دیا گیا۔

ملاقات میں دہشت گردی کے خاتمے کیلئےتعاون بڑھانے پربھی تبادلہ خیال کیا گیا، علاقائی و عالمی چیلنجز سے نمٹنے اور مشترکہ سیکیورٹی کمیٹی کے کام کو مؤثر بنانے پر گفتگو کی گئی۔

وزیراعلیٰ خیبر پختونخوا کی قیادت میں پی ٹی آئی اراکین کا قافلہ لاہور روانہ

بحرینی وزیر داخلہ نے سیکیورٹی سمیت دیگر شعبوں میں تعاون اور ہم آہنگی کی تعریف کی، شیخ راشد بن عبداللہ الخلفیہ نے کہا کہ دوطرفہ سیکیورٹی تعاون کو قدر کی نگاہ سے دیکھتے ہیں، دوسری جانب محسن نقوی نے کہا کہ انسداد منشیات و انسداد انسانی اسمگلنگ کیلئے تعاون بڑھانا وقت کی ضرورت ہے۔

محسن نقوی نے بحرینی ہم منصب کو پاکستان کے دورے کی دعوت بھی دی۔

مسلم لیگ (ن) عوام کی امید بن چکی ہے، مریم نواز

پاکستان کی قومی ایئر لائن پی آئی اے کے بحرین میں تعینات کنٹری منیجر کو حراست میں لے لیا گیا ہے

پاکستان کی قومی ایئر لائن پی آئی اے کے بحرین میں کنٹری منیجر اویس علی کو مسافروں کے سامان میں سے چیزیں نکالنے کے جرم میں گرفتار کیا گیا ہے، کنٹری منیجر بحرین پر الزام ہے کہ وہ ایئر پورٹ پر سے مسافروں کا سامان اپنے دفتر لے جاتے تھے،مسافروں نے شکایت کی جس پر پی آئی اے کے کنٹری ہیڈ کے خلاف کاروائی کرتے ہوئے انہیں گرفتار کر لیا گیا،بحرین کے قوانین کے مطابق کسی بھی مسافر کا سامان دفتر میں لے جانا غیر قانونی ہے،پی آئی اے کنٹری ہیڈ کو بحرین کی ایئر پورٹ سیکورٹی نے گرفتار کیا ہے

میڈیا رپورٹس کے مطابق ا س ضمن میں پی آئی اے ترجمان کا کہنا ہےکہ” پی آئی اے انتظامیہ پاکستانی سفارتخانے سے رابطے میں ہے، معاملے کو قانونی نقطہ نظر سے دیکھ رہے ہیں، کنٹری منیجر کو قانونی مدد فراہم کی جائے گی”۔

اسلام آباد:پاکستان کی سستی ترین ائیر لائن فلائی جناح نے بحرین کے لیے فلائٹ آپریشن کا باضابطہ آغاز کردیا –

باغی ٹی وی : تفصیلات کے مطابق فلائی جناح کی پہلی پرواز9P764 سو سے زائد مسافروں کو اسلام آباد سے بحرین لے کر روانہ ہو گئی، پہلی پرواز 100 سے زائد مسافروں کو اسلام آباد سے لے کر روانہ ہوئی اس حوالے سے ایئرپورٹ پر ایک تقریب کا بھی انعقاد کیا گیا۔

تقریب میں ایئرپورٹ مینیجر آفتاب گیلانی، فلائی جناح کے چیف ایگزیکٹیو آفیسر (سی ای او) ارمان یحییٰ نے شرکت کی، فلائی جناح انتظامیہ نے مسافروں اور کریو کےہمراہ یادگاری کی کاٹ کر پرواز کا افتتاح کیا۔

فلائی جناح کے مطابق ابتدا میں اسلام آباد سے براہ راست بحرین کے لیے ہفتے میں دو پروازیں آپریٹ ہوں گی۔

10 سالہ بچے نے فرمائش پوری نہ کیے جانے پر خودکشی کرلی

گزشتہ ماہ فلائی جناح نے اعلان کیا تھا کہ اسلام آباد سے بحرین کے روٹ پر ابتدائی طور پر منگل اور جمعرات کے روز ہفتہ وار دو پروازیں چلائی جائیں گیاسلا م آباد انٹر نیشنل ایئر پورٹ اور بحرین انٹر نیشنل ایئر پورٹ کے درمیان پروازوںکا شیڈول 13جون2024سے نافذ العمل ہوگا۔

فلائی جناح کے چوتھے بین الاقومی روٹ کے آغاز کے حوالے سے ترجمان کا کہنا تھا کہ فلائی جناح کواسلام آباد اور لاہور سے شارجہ کیلئے اور اسلام آباد سے عمان کے دارلحکومت مسقط تک بین الاقوامی روٹ متعارف کرانے کے بعد ہمیں اسلام آباد سے بحرین کیلئے اپنے چوتھے بین الاقوامی روٹ کے آغاز کا اعلان کرتے ہوئے خوشی محسوس ہورہی ہے اپنے بین الاقوامی روٹ میںیہ توسیع ملکی اور بین الاقوامی سطح پر اپنے مسافروں کو سستے فضائی سفر کی سہولت فراہم کرنے کے ہمارے عزم کے عین مطابق ہے۔

جون کے آخر میں بارش کے دو سلسلے ملک میں داخل ہوں گے،محکمہ موسمیات

واضح رہے کہ فلائی جناح اس وقت اپنے پانچ جدید ایئر بسA320طیاروں پر مشتمل بیڑے کے ساتھ پاکستان کے پانچ بڑے شہروں کراچی،لاہور،اسلام آباد،پشاور اور کوئٹہ میںخدمات سر انجام دے رہی ہے ، مسافر فلائی جناح کی ویب سائٹ (www.flyjinnah.com) یا کال سینٹر(111-000-035) یا ٹریول ایجنسیوں کے ذریعہ پروازوں میں بکنگ کراسکتے ہیں