Baaghi TV

Tag: بدامنی

  • کراچی کے عوام ڈاکوئوں کے رحم و کرم پر ہیں،منعم ظفر خان

    کراچی کے عوام ڈاکوئوں کے رحم و کرم پر ہیں،منعم ظفر خان

    امیرجماعت اسلامی کراچی منعم ظفر خان نے شہر میں مسلح ڈکیتیو ں اور ڈاکوئوں کی لوٹ مار کی بڑھتی ہوئی وارداتوں پر گہری تشویش کا اظہار کرتے ہوئے حکومت ، محکمہ پولیس اور متعلقہ اداروں کی نا اہلی و ناقص کارکردگی کی شدید مذمت کی ہے.

    باغی ٹی وی کے مطابق جاری بیان میں منعم ظفر خان نے کہا ہے کہ اسٹریٹ کرائمز کا جن قابو میں نہیں آرہا ،پیپلز پارٹی کی حکومت میں عوام مسلسل ڈاکوئوں کا نشانہ بن رہے ہیں اورجرائم پیشہ عناصر کے رحم و کرم پر ہیں ،رواں سال 50ہزار سے زائد اسٹر یٹ کرائمز کی وارداتیں اور ان میں 100سے زائد شہریوں کی اموات سندھ حکومت و محکمہ پولیس اور قانون نافذ کرنے والے اداروں کی نا اہلی و ناکامی کا ثبوت ہے ۔
    ملک کے سب سے بڑے شہر ، تجارتی حب اور اقتصادی شہ رگ میں بد امنی ، مسلح ڈاکوئوں کو پولیس کی کھلی چھوٹ اور جرائم پیشہ عناصر کی سرپرستی نے سنگین صورتحال اختیار کر لی ہے ، شہریوں سے لوٹ مار کی وارداتوں کا نشانہ اب خواتین بھی بن رہی ہیں اور دوران ِ ڈکیتی مزاحمت پر قیمتی انسانی جانوں کا ضیاع بھی تسلسل سے جاری ہے اور عوام کی جان و مال کو کوئی تحفظ حاصل نہیں ،شہری اپنی گاڑیوں ، موٹر سائیکلوں ، موبائل ، قیمتی اشیاء و نقدی سے آئے روز محروم ہو رہے ہیں ۔حکومت اور اعلیٰ پولیس حکام کے تمام دعوے دھرے کے دھرے رہ گے ۔ پیپلزپارٹی 16سال سے مسلسل حکومت کررہی ہے اور کراچی میں امن و امان ، چوری و ڈکیتیوں اور مسلح عناصر کی لوٹ مار کی وارداتوں کی صورتحال میں کوئی بہتری نہیں آئی ،انسانی حقوق کمیشن آف پاکستان کی اگست 2024میں جاری کردہ رپورٹ کے مطابق کراچی میں اسٹریٹ کرائمز کی شرح میں 11فیصد اضافہ ہوا ہے اور اسی طرح اندرونِ سندھ میں بھی امن و امان کی صورتحال مزید خراب ہوئی ہے۔
    منعم ظفر خان نے کہا کہ اصل مسئلہ یہ ہے کہ پولیس میں بڑے پیمانے پر سیاسی بھرتیاں کی گئیں اور کراچی کے مقامی لوگوں کو جان بوجھ کر بھرتی نہیں کیا گیا اور دوسری جانب پولیس میں موجود جرائم پیشہ عناصر کی سرپرستی کرنے اور ان کو تحفظ دینے والوں کے خلاف عملاً کوئی کارروائی نہیں کی گئی بلکہ حکومت نے ان کی پشت پناہی کی۔ ضروری ہے کہ محکمہ پولیس میں بھرتیاں صاف شفاف اور میرٹ کی بنیاد پر کی جائیں اور کراچی کے مقامی افراد کو ترجیحی بنیادوں پر بھرتی کیا جائے ، پولیس میں بڑے پیمانے پر اصلاحات کی جائیں اور جرائم پیشہ عناصر کی سرپرستی کرنے والوں کے خلاف بلا امتیاز کارروائی کی جائے ۔

    کراچی،متحدہ عرب امارات کے قومی دن کی تقریبات جاری

    جمہوریت کے قیام ،تسلسل میں صحافی برادری کا اہم کردار ہے،گورنر سندھ

    جمہوریت کے قیام ،تسلسل میں صحافی برادری کا اہم کردار ہے،گورنر سندھ

    کراچی سے کاریں چھیننے والے گینگ کے 6 ملزمان گرفتار

  • نوجوان مایوس نہ ہوں ملک کا مستقبل تابناک ہے،مصدق ملک

    نوجوان مایوس نہ ہوں ملک کا مستقبل تابناک ہے،مصدق ملک

    وزیر مملکت برائے پیٹرولیم ڈاکٹر مصدق ملک نے پریس کانفرنس کرتے ہوئے کہا کہ آخری کچھ دن رہ گئے ہیں ہم الٹی گنتی گن رہے ہیں ،اس ملک میں ایسا کیا ہے کہ ناامیدی نظر آتی ہے ،

    مصدق ملک کا کہنا تھا کہ ہمیں کیوں ایسا نظر آتا ہے کہ ملک میں کچھ نہیں ہے، ظاہر کہ تماشوں کو تھوڑی دیر کے لئے معطل کرنا پڑے گا ،ہم سب سمجھتے ہیں کہ امریکہ بہت بڑی معاشی طاقت ہے ،امریکہ کی معاشی طاقت کے پیچھے ایپل، گوگل اور ایمازون ہیں ،تین کمپنیوں کی ویلیو چھ ٹریلین ڈالر ہے ، پاکستان کی صرف معدنیات مٹی کی قیمت چھ اشاریہ ایک ٹریلین ڈالر ہے ، پاکستان میں منرل کانفرنس ہونے جا رہی ہے یہ حالت ہے کہ ہم کھدائی بھی نہیں کر سکتے ،ہمیں اللہ نے کاپر اور گولڈ سے نوازا ہے نوجوان مایوس نہ ہوں ملک کا مستقبل تابناک ہے، معدنیات کی مائینگ سے سب سے زیادہ فائدہ اس ملک کی غریب عوام کو ہوگا،پاکستان بے شمار معدنیات سے مالا مال ہے ،

    مصدق ملک کا کہنا تھا کہ معدنیات کی مائینگ سے ہمارے تین مقاصد ہیں ، پہلا مقصد غریب آدمی کا روزگار ہے،دوسرا مقصد مٹی سے ترقی کا سفر ہے،تیسرا مقصد اس مٹی سے کاپر اور سونا نکالنا ہے، پاکستان میں جب بھی ترقی کا آغاز ہوتا ہے چند لوگ ہی امیر ہوتے ہیں ، ہم مٹی نہیں بیچیں گے ترقی بیچیں گے ، مکل سے منرل پر آگے بڑھنے کا کام کر رہے ہیں، سب سے پہلے غریب کو نوکریاں دینگے، ہم پاکستان کی معاشی ترقی کی طرف جائینگے ،اس مٹی سے دھات نکالیں گے لیتیھم ائرن گولڈ کاپر کی فیکٹریاں پاکستان میں لگیں گی ،گوادر میں انھی دھاتوں کا انڈسٹریل زون بنائیں گے ، اگر مٹی سے ایک ارب ڈالر ملتا ہے تو دھات سے دس ہزار ڈالر ملے گا،

    پبلک اکاؤنٹس کمیٹی نے سابق پرنسپل سیکرٹری اعظم خان کے وارنٹ گرفتاری جاری کردیے

    ہ اعظم خان وعدہ معاف گواہ بن گئے ہیں،

    جو بات ہم پہلے دن سے کہہ رہے تھے وہ آج اعظم خان نے کہہ دی ،

    ریاستِ پاکستان کے خلاف چیئرمین پی ٹی آئی کی سازش بے نقاب, اپنے ہی پرنسپل سیکرٹری نے سازشی بیانیہ زمیں بوس کردیا

    اعظم خان نےعمران خان پرقیامت برپا کردی ،سارے راز اگل دیئے،خان کا بچنا مشکل

    طیبہ گل ویڈیو اسکینڈل،میں خاتون سے نہیں ملا، اعظم خان مکر گئے

    وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے، ویڈیو وائرل

  • میہڑ : بڑھتی ہوئی بدامنی کے خلاف شہریوں کا احتجاج ،پولیس کیخلاف نعرے بازی

    میہڑ : بڑھتی ہوئی بدامنی کے خلاف شہریوں کا احتجاج ،پولیس کیخلاف نعرے بازی

    میہڑ،باغی ٹی وی (نامہ نگارمنظورعلی جوئیہ) بڑھتی ہوئی بدامنی کے خلاف شہریوں کا احتجاج ،پولیس کیخلاف نعرے بازی
    تفصیل کے مطابق میہڑ کے نواحی کاروباری علاقے فریدآباد میں دن بہ دن بڑھتی ہوئی بدامنی کے خلاف شہری روڈوں پرنکل آئے مہرعلی ڈیرو اور علی حیدر کھوسہ کی قیادت میں فریدآباد سے میہڑ جانے والے روڈ کو بلاک کرکے انتظامیہ کے خلاف سخت نعرے بازی کی گئی، مظاہرین نے کہاکہ فریدآباد میں دن دہاڑے لوٹ مار کا سلسلہ جاری ہے مگر پولیس انتظامیہ کہ کان پر جوں تک نہیں رنگتی ہے کوئی بھی کاروباری، شریف شہری اپنے گھروں میں بھی محفوظ نہیں ہے بدامنی کہ باعث شہری سخت پریشانی کا شکار ہیں ،مظاہرین نے آئی جی سندھ ڈی آئی جی حیدرآباد ایس ایس پی دادو ڈی ایس پی میہڑ سے مطالبہ کیا ہےکہ بڑھتی ہوئی بدامنی کا نوٹس لیکر شہریوں کو تحفظ فراھم کیا جائےاور ڈکیتیوں، چوریوں اور لوٹ مار میں ملوث افراد کو گرفتار کیاجائے.

  • بلا ول بھٹواسلام آباد کی فکرمیں کراچی والوں کوبھول گئے،امن وامان ناپید،دستی بم دھماکے

    بلا ول بھٹواسلام آباد کی فکرمیں کراچی والوں کوبھول گئے،امن وامان ناپید،دستی بم دھماکے

    کراچی :بلا ول بھٹواسلام آباد کی فکرمیں کراچی والوں کوبھول گئے،امن وامان ناپید،دستی بم دھماکے،اطلاعات کے مطابق کراچی کے علاقے لیاری میں گینگ وار کے کارندے ایک بار پھر سر اٹھانے لگے، بہار کالونی میں زیرتعمیر عمارت میں دستی بم حملہ، دس سالہ بچی سمیت 2 افراد زخمی ہوگئے۔

    پولیس کے مطابق نامعلوم افراد کی جانب سے بلڈر عزیز بلوچ کی زیر تعمیر عمارت پر دستی بم سے حملہ کیا گیا جس سے وہاں موجود الطاف احمد اور اس کی دس سالہ بیٹی ایمان زخمی ہو گئی جنہیں طبی امداد کے لیے سول اسپتال منتقل کر دیا گیا ہے۔

    واقعے کے بعد پولیس اور رینجرز کی بھاری نفری موقع پر پہنچ گئی اور تحقیقات کا آغاز کر دیا گیا۔ پولیس کا کہنا ہے کہ دستی بم حملہ گینگ وار کے کارندوں کی جانب سے کیا گیا۔

    لیاری سے رکن سندھ اسمبلی سید عبدالرشید نے بہارکالونی لیاری میں ہونے والے دہشت گردی کے واقعہ کی شدید مذمت کی ہے اور دھماکے میں زخمی افراد کے اہلخانہ سے ہمدردی کا اظہار کرتے ہوئے مطالبہ کیا ہے کہ سندھ حکومت امن و امان کی صورتحال کو بہتر بنانے کے لیے فوری اقدامات کرے۔

    انہوں نے کہا کہ میرے گھر سے چند قدم پر یہ افسوسناک واقعہ ہوا لیاری سمیت پورے شہر کے امن کو تباہ کرنے کی کوشش کی جارہی ہے دہشت گردی کا یہ واقعہ قانون نافذ کرنے والے اداروں کی کارکردگی پر سوالیہ نشان ہے وزیر اعلیٰ سندھ اور آئی جی سندھ لیاری میں ہونے والے اس افسوسناک واقعہ کا فوری نوٹس لیں۔

    یاد رہے کہ سندھ میں پیپلزپارٹی کی حکومت ہے اور پیپلزپارٹی کے چیئرمین اس وقت عمران خان کی حکومت گرانے کے چکروں میں اہل سندھ کو بھول ہی نہیں گئے بلکہ لاوارث چھوڑ گئے ہیں یہی وجہ ہے کہ امن و امان کا فقدان ہے

  • پی ٹی آئی سے لوگ مایوس،مہنگائی کی انتہاہ

    پی ٹی آئی سے لوگ مایوس،مہنگائی کی انتہاہ

    قصور
    پی ٹی آئی کی حکومت سے عوام مایوس مہنگائی کا جن بے قابو ہونے سے شہریوں کی زندگی اجیرن ہوگئی بڑھتی ہوئی مہنگائی کی وجہ سے کرائم کی شرح میں بھی دن بہ دن اضافہ ہورہا ہے۔شہریوں کوسبزیاں اور پھل،دالیں،چینی،گھی اور آٹا روزمرہ کی اشیا بھی سرکاری نرخ ٹھیلوں اور دکانوں سے غائب دوکاندار دونوں ہاتھوں سے عوام کو لوٹنے لگے۔شہریوں کے مطابق لوگ پی ٹی آئی گورنمنٹ نے بہت مایوس کیا ہے پرائس مانیٹرنگ ٹیم بھی حرکت میں نظر نہیں آرہی روزمرہ کے استعمال کی اشیاء خودو نوش دال،سبزیاں اور پھلوں،دالوں،آٹااور چینی کے منہ مانگے دام وصول کیے جارہے ہیں عوام دوکانداروں کو منہ مانگے ریٹس دینے پر مجبور دکھائی دیتے ہیں دوکانداروں نے عوام کودونوں ہاتھوں لوٹنا شروع کردیا۔عموماًدیکھنے میں آیا ہے کہ کسی بھی دوکان پر سرکاری نرخ نامہ اویزاں نہیں کیا گیا سبزیاں،دالوں اور پھلوں کے علاوہ چینی،گھی،آئل کے ریٹس اپنی مرضی کے وصول کیے جارہے ہیں سبزیوں،دالوں اور گھی کی قیمتوں میں بے پناہ اضافہ کیا جاچکا ہے یوٹیلیٹی سٹور پر اور عام دوکانوں کے ریٹس میں کچھ خاص فائدہ دکھائی نہیں دیتا قیمتوں میں انیس بیس کا ہی فرق ہے اس مسئلے پر کو ئی بھی پرائس مانیٹر کرتی ٹیم دکھائی نہیں دے رہی شہریوں کا کہنا ہے کہ حکومت کے دعوے دھرے کے دھرے رہ گئے ہیں جو الیکشن سے پہلے سستی اشیاء عوام کو فراہم کرنے کے وعدے کیے گئے تھے ان میں سے کسی ایک بھی وعدے کی تکمیل نہیں کی گئی عوام حکومت سے مایوس دکھائی دے رہے ہیں لوگوں کا کہنا ہے کہ مہنگائی کی وجہ سے عوام کے کندھوں پر بوجھ بڑھنے لگا ہے اور اگر دالوں،سبزیوں اور پھلوں،آٹا،چینی کے ریٹس کنٹرول نہ کیے گئے تو لوگ خودکشیوں پر مجبور ہوجائیں گے اس لیے حکومت وقت کو چاہیے کہ پرائس کنٹرول کمیٹیوں کو متحرک کیا جائے اور سرکاری نرخ نامے ہر شاپ پر آویزاں کروائے جائیں اور مہنگائی پر قابو پانے کے لیے عملی اقدامات کیے جائیں تاکہ عوام روزمرہ کی اشیاء خوردونوش باآسانی خرید سکیں