پاکستان پیپلز پارٹی کے چیئرمین اور سابق وزیر خارجہ بلاول بھٹو زرداری نے برطانوی سیکریٹری خارجہ ڈیوڈ لیمی سے ملاقات کی، جس میں پاک بھارت حالیہ کشیدگی سمیت دوطرفہ دلچسپی کے اہم امور پر تبادلہ خیال کیا گیا۔
پیپلز پارٹی کے اعلامیے کے مطابق ملاقات میں دونوں رہنماؤں نے پاک-برطانیہ تجارتی، ثقافتی اور سماجی تعلقات کو مزید مستحکم بنانے پر بات کی۔ اس موقع پر جنوبی ایشیا میں امن و استحکام کو یقینی بنانے کے لیے جاری کوششوں پر بھی گفتگو کی گئی۔
برطانوی سیکریٹری خارجہ کا دفترِ خارجہ کا دورہ
اس ملاقات سے قبل ڈیوڈ لیمی نے وزارت خارجہ پاکستان کا دورہ کیا، جہاں ان کی ملاقات وفاقی وزیر خارجہ اسحاق ڈار سے ہوئی۔ اسحاق ڈار نے پاک بھارت جنگ بندی میں کردار ادا کرنے پر برطانیہ کی کوششوں کو سراہا۔انہوں نے کہا کہبھارت نے پاکستان کی خودمختاری کے خلاف بلااشتعال اور جارحانہ اقدام اُٹھایا، جو نہ صرف بین الاقوامی قانون بلکہ اقوام متحدہ کے چارٹر اور بین المُلکی تعلقات کے بنیادی اصولوں کے بھی خلاف ہے۔”
وزیر خارجہ نے مزید کہا کہ پاکستان نے اقوام متحدہ کے چارٹر کی شق 51 کے تحت دفاع میں ایک محدود اور نپا تُلا جواب دیا، جس میں سویلین آبادیوں کے تحفظ کو اولین ترجیح دی گئی۔
یومِ تشکر: آرمی چیف کی میڈیا کو شاباش، "پاکستانی بیانیہ مضبوط بنانے میں میڈیا کا کلیدی کردار”
بھارت کا دریائے چناب پر نئے آبی منصوبوں پر غور
پی ایس ایل 10 کا آغاز کل سے، کراچی کنگز اور پشاور زلمی میں اہم ٹاکرا
یومِ تشکر” کی خصوصی تقریب جاری، وزیراعظم کا مسلح افواج کو خراجِ تحسین