Tag: برطانوی وزیراعظم سر کیئر اسٹارمر

برطانوی وزیراعظم سر کیئر اسٹارمر نے مسلم کمیونٹی اور مساجد کو نفرت انگیز حملوں سے محفوظ رکھنے کے لیے 10 ملین پاؤنڈ کی اضافی فنڈنگ کا اعلان کیا ہے۔

سر کیئر اسٹارمر نے وزیرِ داخلہ شبانہ محمود کے ہمراہ مشرقی سسیکس کی ایک مسجد کا دورہ کیا، جہاں انہوں نے کہا کہ برطانیہ اپنی رواداری اور برداشت پر فخر کرتا ہے، کسی بھی کمیونٹی پر حملہ دراصل پوری قوم اور ہماری مشترکہ اقدار پر حملہ ہے۔وزیراعظم کے مطابق نئی فنڈنگ سے عبادت گاہوں کی سیکیورٹی کو بہتر بنایا جائے گا اور مسلم کمیونٹی کو تحفظ کا احساس حاصل ہوگا۔

وزیرِ داخلہ شبانہ محمود نے کہا کہ مسجد پر حملہ ایک خوفناک جرم ہے جس کے نتائج انتہائی خطرناک ہو سکتے تھے۔ انہوں نے زور دیا کہ ہمیں ان عناصر کے خلاف متحد ہونا چاہیے جو معاشرتی تقسیم پیدا کرنا چاہتے ہیں.

امریکی پابندیوں پر روس اور چین کا سخت ردعمل، یوکرین امن کوششوں کو نقصان قرار

ڈبلن میں پناہ گزینوں کے ہوٹل کے باہر احتجاج پرتشدد، پولیس وین نذرِ آتش، متعدد گرفتار

نیب کی تیسری سہ ماہی میں 11 کھرب روپے سے زائد ریکوری

برطانوی وزیراعظم سر کیئر اسٹارمر نے واضح کیا ہے کہ برطانیہ بھارت کے لیے ویزا قوانین میں نرمی نہیں کرے گا۔

سر کیئر اسٹارمر اس وقت بھارت کے دورے پر ہیں جہاں وہ 100 سے زائد تاجروں، ثقافتی رہنماؤں اور یونیورسٹی کے وائس چانسلرز کے وفد کی قیادت کر رہے ہیں۔ ان کا کہنا تھا کہ بھارت کے ساتھ تجارت اور ثقافتی تعلقات کو فروغ دینے کے بڑے مواقع موجود ہیں، تاہم بھارتی طلبہ اور کارکنوں کے لیے مزید ویزا راستے کھولنے کا کوئی منصوبہ نہیں ہے۔انہوں نے کہا کہ ان کا دورہ بھارت نئے مواقع فراہم کرنے کے حوالے سے ہے تاکہ بھارتی کاروبار برطانیہ-بھارت تجارتی معاہدے سے فائدہ اٹھا سکیں، جو جولائی میں کئی سالہ مذاکرات کے بعد طے پایا تھا۔ اس معاہدے کے تحت برطانوی کاروں اور مشروبات کی بھارت کو برآمدات سستی ہوں گی جبکہ بھارتی کپڑے اور زیورات برطانیہ کو برآمد کرنا بھی سستا ہو گا۔

معاہدے میں بھارتی ملازمین کے لیے، جو مختصر مدت کے ویزے پر برطانیہ میں کام کر رہے ہیں، تین سالہ سماجی تحفظ کی ادائیگی سے استثنیٰ شامل ہے، مگر وزراء کا کہنا ہے کہ امیگریشن پالیسی میں کوئی وسیع تبدیلی نہیں کی گئی۔برطانوی لیبر حکومت ملک میں امیگریشن کی سطح کم کرنے کی کوشش کر رہی ہے اور حالیہ پارٹی کانفرنس میں رہائش کے قوانین سے متعلق سخت پالیسی کا اعلان کیا گیا تھا۔ممبئی جاتے ہوئے طیارے میں صحافیوں سے گفتگو کرتے ہوئے سر کیئر اسٹارمر نے مزید کہا کہ ویزا کا مسئلہ بھارت کے ساتھ تجارتی معاہدے کا حصہ نہیں تھا اور اس میں کوئی تبدیلی نہیں ہوئی ہے۔

امریکی صدر ڈونلڈ ٹرمپ کی H-1B ویزا پالیسی میں تبدیلی کے بعد برطانیہ کی پالیسی کے بارے میں سوال پر برطانوی وزیراعظم نے کہا کہ برطانیہ دنیا بھر سے اعلیٰ صلاحیتوں کے حامل افراد کو متوجہ کرنا چاہتا ہے تاکہ معیشت کو بڑھایا جا سکے، لیکن بھارت کے لیے کسی نئے ویزا راستے کی منصوبہ بندی نہیں کی گئی۔

افغان حکومت کی پاکستان میں سرگرم افراد کو بسانے کی پیشکش، 10 ارب روپے طلب

برطانوی وزیراعظم سر کیئر اسٹارمر کی حکومت نے مہاجرین کے بحران پر اہم پیش رفت کرتے ہوئے ’’ون اِن، ون آؤٹ‘‘ معاہدے کے تحت برطانوی وزیراعظم سر کیئر اسٹارمر بھیج دیا۔ یہ اقدام نئی پالیسی کے تحت پہلا باضابطہ ڈیپورٹیشن ہے۔

معاہدے کے مطابق جو مہاجرین غیر قانونی طور پر انگلش چینل عبور کر کے برطانیہ آئیں گے، انہیں فرانس واپس بھیج دیا جائے گا۔ اس کے بدلے میں اتنی ہی تعداد میں ایسے مہاجرین کو برطانیہ میں جگہ دی جائے گی جنہوں نے کبھی غیر قانونی طور پر سرحد پار نہیں کی اور جن کے پناہ کے دعوے کو جائز تسلیم کیا جاتا ہے۔حکومت کے مطابق یہ منصوبہ فی الحال پائلٹ پروگرام کے طور پر شروع کیا گیا ہے۔ ابتدائی طور پر ڈیپورٹیشنز کی تعداد محدود ہے، تاہم وقت کے ساتھ اس میں اضافہ کیا جائے گا۔

وزیراعظم کے قریبی ذرائع نے کہا کہ یہ اسکیم غیر قانونی طریقے سے برطانیہ آنے والوں کو واضح پیغام دیتی ہے کہ چینل پار کرنے سے پناہ کا حق نہیں ملے گا۔یہ پیش رفت اس وقت سامنے آئی ہے جب سر کیئر اسٹارمر ملک میں امریکی صدر ڈونلڈ ٹرمپ کی میزبانی کر رہے ہیں۔ سیاسی تجزیہ کاروں کے مطابق یہ اقدام حکومت کی مہاجر پالیسی پر اعتماد بڑھانے اور عوام کو یقین دلانے کے لیے اہم ثابت ہو سکتا ہے۔

قطر کی عالمی عدالت کی صدر سے ملاقات، اسرائیلی حملے پر قانونی کارروائی کی کوشش

پاک افغان بارڈر پرٹیکسی اسٹینڈ میں دھماکا، 5 افراد جاں بحق

برطانوی وزیراعظم سر کیئر اسٹارمر نے غزہ میں اسرائیلی فوج کی کارروائیوں کو "خوفناک، بے نتیجہ اور ناقابل برداشت” قرار دے دیا۔

یہ بیان ایسے وقت میں سامنے آیا ہے جب حالیہ دنوں میں خوراک کی تقسیم کے مراکز پر حملوں میں درجنوں فلسطینی شہید اور سینکڑوں زخمی ہو چکے ہیں۔پارلیمنٹ میں خطاب کرتے ہوئے برطانوی وزیراعظم نے کہا کہ اسرائیلی اقدامات بین الاقوامی قوانین اور انسانی اقدار کے منافی ہیں۔

برطانوی حکومت اسرائیلی حکام پر پابندیاں لگانے پر غور کر رہی ہے، تاہم اسلحہ کی فروخت پر مکمل پابندی یا فلسطین کو فوری طور پر تسلیم کرنے سے فی الحال گریز کیا گیا ہے۔ریڈ کراس کی صدر مرجانا اسپولجارک نے غزہ کی صورتحال کو "زمین پر جہنم سے بدتر” قرار دیا، جب کہ برطانیہ میں امدادی تنظیمیں فوری امداد اور سیاسی اقدامات کا مطالبہ کر رہی ہیں۔

لندن میں اسرائیلی مظالم کے خلاف پارلیمنٹ کے باہر مظاہرے جاری ہیں۔سر کیئر اسٹارمر نے زور دیا کہ فوری جنگ بندی، تمام قیدیوں کی رہائی، اور غزہ میں امدادی سرگرمیوں میں تیزی کی اشد ضرورت ہے۔

چینی صدر اور ٹرمپ کے درمیان ڈیڑھ گھنٹے طویل گفتگو، تجارتی تعلقات پر زور

برطانیہ: ٹیکس محکمے کے اکاؤنٹس فشنگ اسکیم کا شکار، 47 ملین پاؤنڈ کا فراڈ ناکام

عالمی بینک کا نیا غربت پیمانہ، پاکستان میں غربت کی شرح 44.7 فیصد ہو گئی

ڈیجیٹل اثاثوں کی قانون سازی: وزارت قانون نے مجوزہ مسودہ کرپٹو کونسل میں پیش کر دیا

بلاول بھٹو کا بھارت کو انتباہ،پانی پر مذاکرات سے ہی مسائل حل ہوں گے