Tag: بریکنگ

موسم گرما سےپہلے توانائی بچت منصوبہ ہرصورت مکمل کیا جائے:وزیراعظم
اسلام آباد: وزیرِ اعظم شہباز شریف کی زیر صدارت توانائی بچت پلان پر عملدرآمد کے حوالے سے جائزہ اجلاس ہوا، اجلاس میں سولرائیزیشن منصوبے پر عملدرآمد سے متعلق ہونے والی پیشرفت سے آگاہ کیا گیا جس پر وزیراعظم نے ہدایت کی کہ آئندہ موسمِ گرما سے پہلے یہ منصوبہ ہر صورت مکمل کیا جائے۔
بلاول بھٹو اور انڈونیشیا کی وزیر خارجہ کے درمیان ٹیلیفونک رابطہ
بریفنگ میں بتایا گیا کہ ابتدائی مرحلے میں وفاقی سرکاری عمارتوں میں مجموعی طور پر 1000 میگاواٹ کے سولر پینل لگائے جائیں گے، پہلے مرحلے کی بِڈنگ کا عمل آئندہ ہفتے سے شروع ہو جائے گا، سولر پینلز کی پیداوار کیلئے پالیسی سازی کا عمل بھی حتمی مراحل میں داخل ہو چکا ہے جبکہ سولر پینلز کی پیداوار سے وابستہ صنعتوں سے بھی مشاورت مکمل کر لی گئی ہے۔
اجلاس میں الیکٹرانک موٹر سائیکلوں کے حوالے سے تفصیلی بریفنگ میں بتایا گیا کہ ای بائیکس کی پیداوار بڑھانے کیلئے بھی صنعتوں کو اعتماد میں لے کر ایک جامع پالیسی بنائی جار رہی ہے، گیس کی بچت کیلئے تمام نئے گیس گیزرز کی پیداوار کونیکل بیفلز کے ساتھ کی جائے گی۔
اجلاس میں زیادہ بجلی کی کھپت والے فلامنٹ اور غیر معیاری پرانے برقی بلبز پر بھی بریفنگ دی گئی جس میں فیصلہ کیا گیا کہ موجودہ اسٹاک کی کھپت کے بعد ان کی پیداوار کی مزید اجازت نہیں دی جائے گی، بلکہ اس کے برعکس موجودہ کارخانوں کو کم بجلی کی کھپت والے نئی ٹیکنالوجی کے بلب بنانے پر منتقل کیا جائے گا، زیادہ بجلی کی کھپت والے پنکھوں کے کارخانوں کو بھی جلد نئی ٹیکنالوجی پر منتقل کیا جائے گا، موجودہ پنکھوں کو تبدیل کرنے کیلئے ایک جامع لائحہ عمل بھی تشکیل دے دیا گیا۔
ارشد شریف قتل کیس،جے آئی ٹی کو تفتیش کے لئے مکمل تیار رہنا ہوگا،سپریم کورٹ
اس موقع پر وزیراعظم شہباز شریف نے اہم ہدایات دیتے ہوئے کہا کہ ملک میں مقامی سطح پر سولر پینل بنانے کیلئے پالیسی کو ترجیحی بنیادوں پر حتمی شکل دی جائے، سرکاری عمارتوں میں ہزار میگاواٹ کے منصوبے کو معینہ مدت میں مکمل کیا جائے اور رواں سال کے اختتام پر ملک میں صرف الیکٹرانک موٹر سائیکلوں کی پیداوار کو یقینی بنانے کیلئے اقدامات پر عملدرآمد کیا جائے۔
وزیر اعظم شہبازشریف سے وزیر خارجہ بلاول بھٹو کی ملاقات
انہوں نے واضح ہدایت دی کہ آئندہ موسمِ گرما سے پہلے یہ منصوبہ ہر صورت مکمل کیا جائے، 10 ہزار میگاواٹ شمسی توانائی کے منصوبوں پر عملدرآمد میں کسی قسم کا تعطل یا غفلت قبول نہیں کی جائے گی۔وزیر اعظم کا مزید کہنا تھا کہ توانائی کی بچت ایک قومی فریضہ ہے اور ہمیں اس پر عملدرآمد یقینی بنانا ہے، حکومت ملک و قوم کے پیسے کی بچت کیلئے ہر ممکن اقدام اٹھائے گی۔
جنوری 5, 2023
بلاول بھٹواپنےنانا کےنقش قدم پرچل کرپاکستان کومزید ترقی دلوائیں گے:ناصرشاہ
کراچی:صوبائی وزیر بلدیاتناصر حسین شاہ نے کہا ہے کہ بلاول بھٹو اپنے نانا کے نقش قدم پر چل کر پاکستان کو مزید ترقی دلوائیں گے۔ تفصیلات کے مطابق صوبائی وزیر بلدیات سید ناصر حسین شاہ نے پی پی بانی قائد عوام شہید ذوالفقار علی بھٹو کے 94 ویں یوم پیدائش پر پیغام جاری کرتے ہوئے کہا کہ بھٹو صاحب شہادت کے 43 سال بعد بھی آج عوام کے دلوں پر راج کر رہے ہیں۔
کوئی غلط فہمی میں نہ رہے،عام انتخابات اپنے وقت پر ہی ہوں گے:بلاول بھٹو
انہوں نے کہا کہ شہید ذوالفقار علی بھٹو کی اصل طاقت عوام تھی اور انہوں نے پاکستانی عوام کو سیاسی بیداری کے ساتھ اپنے حقوق لینا بھی سکھائے جبکہ پاکستان میں اتحاد اور ترقی پسند سوچ کو فروغ دینے میں بھی اہم کردار ادا کیا۔
ان کا کہنا تھا کہ شہید ذوالفقار علی بھٹو کا شمار بین الاقوامی نامور رہنماؤں میں ہوتا ہے جبکہ انہوں نے اپنی صلاحیتوں سے پاکستان کو ایٹمی قوت بھی بنایا اور بھٹو صاحب کا سب سے بڑا کارنامہ یہ تھا کہ انہوں نے پاکستان کو پہلا متفقہ آئین دیا۔
ذوالفقار علی بھٹو کی 95 ویں سالگرہ پر شازیہ مری،شیری رحمان و دیگر کے پیغام
ان کا یہ بھی کہنا تھا کہ شہید ذوالفقار علی بھٹو نے اپنے دور اقتدار میں غربت، ظلم اور استحصال کے خلاف اچھے اقدامات کیے جبکہ پوری دنیا میں پاکستان کی حقیقی تصویر کو اجاگر کرنے میں اہم کردار ادا کیا اور پاکستان کو حقیقی معنوں میں خوشحال ملک بنانے کیلئے بیشمار مؤثر اقدامات بھی کیے۔
شہید سلمان تاثیر کی جدوجہد کو سرخ سلام پیش کرتے ہیں. بلاول بھٹو زرداری
صوبائی وزیر بلدیات سید ناصر حسین شاہ نے مزید کہا کہ بھٹو خاندان کی جانب سے اپنے وطنِ عزیز پاکستان کیلئے کی گئی گرانقدر خدمات، لاتعداد قربانیوں اور جدوجہد کو ہمیشہ یاد رکھا جائے گا جبکہ پاکستانی قوم قائد عوام اور شہید بی بی کی بیشمار قربانیوں اور قومی جذبے کو کبھی فراموش نہیں کرے گی اور چیئرمین پی پی بلاول بھٹو زرداری اپنے نانا قائد عوام کے نقش قدم پر چل کر پاکستان کو مزید ترقی دلوائیں گے۔
جنوری 5, 2023
روڈولف کرسٹوف ائیوکن جرمن زبان کے آدرشی فلسفی
روڈولف کرسٹوف ائیوکن جرمن زبان کے آدرشی فلسفی

پیدائش:05 جنوری 1846ء
اوریش
وفات:15 ستمبر 1926ء
یئنا
شہریت:جرمنی, جرمن سلطنت
رکن:رائل سویڈش اکیڈمی آف سائنسز
اولاد:والٹر ائیوکن
مادر علمی:جامعہ گوٹنجن
جامعہ ہومبولت
زبان:جرمن
ملازمت:جامعہ جینا
ہارورڈ یونیورسٹی
جامعہ بازیل
اعزازات:
نوبل انعام برائے ادب
(1908)
روڈولف کرسٹوف ائیوکن 1846ء تا 1926ء ) ایک جرمن زبان کے آدرشی فلسفی تھا جس کو 1908ء میں نوبل انعام برائے ادب دیا گیا۔ ائیوکن نے اپنے آدرشیت کی تقلیب کی اور اسے روحانی تلاش میں بدل دیا۔ ائیوکن کی شہرت مختصر عرصے کی تھی اور آج اس کی تحریریں کم و بیش فراموش کی جا چکی ہیں۔ فلسفیانہ مطالعات کے علاوہ اس نے مذہب پر بھی کتابیں لکھیں۔ خیال کیا جاتا ہے کہ ائیوکن کو ملنے والا انعام دراصل الفریڈ نوبل کی جزوا نامکمل وصیت کی مطابقعت میں تھا جس کی رو سے ادب کا انعام آدرشی رجحان کے حاصل کام میں کمال کے اعتراف میں بھی دیا جا سکتا تھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عالمی ادبی شخصیات کا تعارفی سلسلہ
تلاش و ترسیل : آغا نیاز مگسی
جنوری 5, 2023
کوئی غلط فہمی میں نہ رہے،عام انتخابات اپنے وقت پر ہی ہوں گے:بلاول بھٹو
کراچی :پاکستان پیپلز پارٹی کے چیئرمین بلاول بھٹو زرداری نے کہا ہے کہ الیکشن اپنے مقررہ وقت پر ہونے چاہئیں، جلدی یا تاخیر دونوں کی مخالفت کریں گے۔

اطلاعات کے مطابق پیپلز پارٹی کے بانی اور سابق وزیراعظم پاکستان ذوالفقار علی بھٹو کی 95 ویں سالگرہ کے موقع کراچی میں پیپلزپارٹی کی سینٹرل ایگزیکٹو کمیٹی کا اجلاس ہوا جس میں فرحت اللہ بابر، شیری رحمان سمیت دیگر رہنماؤں نے شرکت کی۔
پاکستانیوں کو بیرون ملک بھیجنے میں دھوکا دینے والوں کی سزاؤں میں اضافے کا بل منظور
اجلاس کے بعد پریس کانفرنس کرتے ہوئے بلاول بھٹو نے کہا کہ ہم چاہتے ہیں تمام سیاسی قوتیں اور ادارے ملکر کام کریں، پاکستان میں مائی وے اور ہائی وے کی سیاست کو فروغ دیا جارہا ہے، عمران خان کے بیانیے کی مخالفت کرتے ہیں۔
کراچی پولیس کا شہر میں اسٹریٹ کرائم میں اضافے کا اعتراف
بلاول بھٹو نے کہا کہ سابق آرمی چیف کےسیاست میں مداخلت نہ کرنے کے اعلان کا خیرمقدم کرتے ہیں، ملک میں نفرت کی سیاست کو فروغ دیا جارہا ہے، اسٹیبلشمنٹ کےغیر سیاسی رہنے کے بیان کا خیرمقدم کرتا ہوں۔
ذوالفقار علی بھٹو کی 95 ویں سالگرہ پر شازیہ مری،شیری رحمان و دیگر کے پیغام
بلاول بھٹو نے کہا کہ چاہتے ہیں ادارے اپنے دائرے میں رہ کر کام کریں، اٹھارویں ترمیم کے خلاف پروپیگنڈے کو ناکام بنایا گیا، پارلیمان نے پہلی بار وزیراعظم کو گھربھیجا جس میں پیپلزپارٹی کا اہم کردار رہا ہے۔بلاول بھٹو نے کہا کہ پیپلز پارٹی اس سال 1973 کے آئین کی گولڈن جوبلی منائے گی، 1973کا آئین شہید بھٹو کی دی گئی امانت ہے۔
انہوں نے کہا عمران خان نے سب سے پہلے سانحہ اے پی ایس کے مجرم کو چھوڑا اور ملک کے باہر بھیجا، افغانستان کے جیل کے قیدیوں کو بھی پاکستان میں رہنے کی دعوت دی گئی، اس کے نیتجے میں آج ہمیں پھر دہشت گردی کا سامنا کرنا پڑ رہا ہے، ہم نے پہلے بھی انتہا پسند، دہشت گردوں کا مقابلہ کیا، دھمکیاں اپنی جگہ میں ان کو دہشت گرد کہتا ہوں ان کو انسان نہیں مانتا۔
وزیر خارجہ نے کہا کہ گزشتہ سی ای سی میں سلیکٹڈ کو خدا حافظ کہنے کا فیصلہ کیا گیا تھا، آج میں نے سی ای سی کو مبارکباد دی، سلیکٹڈ کو عدم اعتماد کے ذریعے گھر بھیجنا تاریخی کامیابی ہے، سلیکٹڈ کو گھر بھیجنے میں پیپلز پارٹی کا صف اول کا کردار ہے، اکانومی کے حوالے سے نوید قمر کی سربراہی میں کمیٹی بنا رہے ہیں، ہم مل کر اکانومی کے حوالے سے حل نکالیں گے۔
انہوں نے مزید کہا کہ الیکشن اپنے وقت پر ہونے چاہئیں، اگر کسی کی الیکشن میں تاخیر کی غلط فہمی ہے تو دور کرنی چاہیے، ہمارا تاریخی موقف ہے الیکشن اپنے وقت پر ہوں گے، لوکل باڈی ہو یا جنرل الیکشن اپنے وقت پر ہونے چاہئیں، آئین کی گولڈن جوبلی کے حوالے سے سیمنار منعقد کیے جائیں گے، آئین کی بحالی کیلئے بہت قربانیاں دی گئیں، محترمہ شہید نے30 سال جدوجہد کی۔
بلاول بھٹو زرداری نے کہا کہ افسوس ہے ہم آج تک قائد ذوالفقارعلی بھٹو کو انصاف نہیں دلوا سکے، ہم عوامی جماعت ہیں کارکنوں کو کیا جواب دوں؟، آئین وجمہوریت کے بانی کو انصاف نہیں دلوا سکے، اگر بھٹو کو انصاف نہیں دے سکتے تو پھر کس کو انصاف دو گے، جوڈیشل ریفرنس عدالت میں 12 سال سے پنڈنگ ہے فوری سنا جائے۔
جنوری 5, 2023
ترجمان خیبرپختونخوا حکومت:بیرسٹر محمد علی سیف کے وارنٹ گرفتاری جاری
اسلام آباد:خیبرپختونخواحکومت کےترجمان بیرسٹرمحمد علی سیف کے وارنٹ گرفتاری جاری کردیےگئے۔وارنٹ گرفتاری اسلام آباد کےسینیئر اسپیشل مجسٹریٹ سردارمحمد آصف نے جاری کیے ہیں۔کیپیٹل ڈویلپمنٹ اتھارٹی (سی ڈی اے) قوانین کی خلاف ورزی پر طلبی کے باوجود حاضر نہ ہونے پر بیرسٹر سیف کے وارنٹ گرفتاری جاری ہوئے۔
نیشنل ایکشن پلان کے تحت ایک برس میں 1424 آپریشن،4400 مشتبہ افراد گرفتار
محمد علی سیف نےسی ڈی اے کے زون 3 نیشنل پارک ایریا پر تعمیرات کیں۔یہ کہنا ہے کہ سی ڈی اے کا کہ یہ ایک کریمنل معاملہ ہے
بیرسٹر محمد علی سیف کے وارنٹ گرفتاری ایس ایچ او تھانہ بھارہ کہو کو ارسال کردیے گئے ہیں۔ عدالت نے اسلام آباد پولیس کو حکم دیا ہے کہ بیرسٹر سیف کو 11 جنوری کو گرفتار کرکے پیش کرے۔
اینٹی ویمن ہراسمنٹ اینڈ وائلنس سیل کو سال 2022 میں 2 سو سے زائد درخواستیں موصول
بیرسٹر سیف کے خلاف مارگلہ کی پہاڑیوں پر قدرتی حسن تباہ کرنے پر 2018ء سے مقدمہ زیر سماعت ہے، ان کے خلاف لینڈ اسکیپ آرڈیننس، انوائرمنٹل ریگولیشن 2008ء اورایم ایل آر 82 کے تحت مقدمہ درج ہے۔بیرسٹر محمد علی سیف کو 8فروری 2018 کو سی ڈی اے مجسٹریٹ کے سامنے پیش ہونے کا کہا گیا تھا۔
گھریلوملازمہ پرمبینہ تشدد اورجنسی ہراساں کرنےکاالزام، بچی سے زیادتی کی کوشش،ملزم…
بیرسٹر سیف پر شاہدرہ میں ملکیتی زمین پر ٹریکٹر بلیڈ لگا کر زمین ہموار کرنے کا بھی الزام ہے۔ محمد علی سیف پر زمین پر ٹریکٹر بلیڈ لگا کر اسلام آباد کا قدرتی حسن خراب کرنے کا الزام ہے۔بیرسٹر محمد علی سیف پر باربار روکے جانے کے باوجود کام جاری رکھنے کا بھی الزام ہے۔
جنوری 5, 2023
کسی سیاسی جماعت کی بلیک میلنگ میں نہیں آئیں گے:پیپلزپارٹی کا فیصلہ
کراچی :پیپلزپارٹی کی سینٹرل ایگزیکٹو کمیٹی کے اجلاس میں فیصلہ کیا گیا ہے کسی سیاسی جماعت کی بلیک میلنگ میں نہیں آئیں گے۔بلاول ہاوس کراچی میں کمیٹی کے اجلاس کے بعد قائدین نے تمام رہنماؤں کو اجلاس میں انتخابات کی تیاری کی ہدایت کرتے ہوئے کہا کہ انتخابات وقت پرچاہتے ہیں، کارکنان تیاری کریں۔
سی سی سی اجلاس میں رہنماؤں نے بلاول بھٹو اور آصف علی زرداری کی قیادت پر مکمل اعتماد کا اظہار کیا جبکہ نریندرمودی کو آنکھیں دکھانے پر بلاول بھٹوز رداری کی تعریف کی۔ شرکاء کا کہنا تھا کہ وزیرخارجہ بلاول بھٹو کی بہترین سفارتکاری سے کشمیر کا معاملہ دوبارہ اجاگر ہوا۔
اجلاس میں شریک رہنماؤں نے کہا کہ وفاق میں حکومت بنانے کےلیے پنجاب کوفتح کرنا لازمی ہے۔ ہمیں سندھ کے بعد توجہ پنجاب پر بھی دینی ہوگی۔ترجمان کے مطابق پیپلزپارٹی نےہمیشہ جمہوریت کےلیےقربانیاں دیں، بلوچستان میں حالیہ شمولیتیں بڑی کامیابی ہیں۔ ملک کےدیگرشہروں میں بھی پارٹی مقبولیت میں اضافہ ہوا۔
دوسری طرف ایم کیو ایم پاکستان نے مطالبات کے حق میں 9 جنوری کو احتجاج کا اعلان کررکھا ہے۔ ڈاکٹر خالد مقبول صدیقی کہتے ہیں کہ مقاصد پورے نہ ہوئے تو حکومت میں رہنا کسی کام کا نہیں، پیپلزپارٹی مردم شماری اور حلقہ بندیاں درست کرائے، جلد الیکشن چاہتے ہیں لیکن فراڈ انتخابات نہیں۔
ایم کیو ایم پاکستان نے حلقہ بندیوں میں ترمیم سمیت بلدیاتی انتخابات پر دیگر مطالبات منظور نہ کرنے پر پیپلزپارٹی کیخلاف 9 جنوری کو احتجاج کا اعلان کردیا۔

ڈاکٹر خالد مقبول صدیقی کہتے ہیں کہ پیپلزپارٹی مردم شماری اور حلقہ بندیاں درست کرائے، جلد الیکشن چاہتے ہیں لیکن فراڈ انتخابات نہیں، حلقہ بندیوں سے پری پول رگنگ ہوچکی ہے۔
ایم کیو ایم پاکستان کے ورکرز کنونش سے خطاب کرتے ہوئے انہوں نے کہا کہ مقاصد پورے نہ ہوں تو حکومت میں رہنا کسی کام کا نہیں، فیصلہ یہ ہے کہ عزت سے جینا ہے، حقوق کیلئے لڑ مرنا ہے، ایم کیو ایم کیساتھ اتنا ظلم ہوا ہے کہ کسی اور کیساتھ ہوتا تو ختم ہوجاتا، جو کچھ مہاجروں کے ساتھ ہوا لگتا ہے کوئی قومی اتفاقِ رائے ہے، اس قومی اتفاقِ رائے کی بھی شکست ہوئی ہے۔
ایم کیو ایم پاکستان کے کنوینر کا کہنا ہے کہ ہمارے دروازے ان سب کیلئے کھلے ہیں جو ایم کیو ایم کو مہاجروں کیلئے کشتی نوح سمجھتے ہیں، ہم نے بار بار کہا ہے کہ آئیے جدوجہد میں ہمارے ساتھ شریک ہوں، مہاجروں کو تقسیم کرنے کیلئے ہمارے خلاف آپریشن ہوئے، دباؤ آئے، ہمارے کچھ ساتھی اپنی جان بچانے کیلئے ایم کیو ایم چھوڑنے پر مجبور ہوئے۔
ڈاکٹر خالد مقبول صدیقی نے مزید کہا کہ ہماری دعوت شمولیت پر ایم کیو ایم سے جانے والے واپس آئے ہیں، ایک وسیع تر اتحاد کیلئے دعوت دی جارہی ہے، تمام جماعتوں میں موجود مہاجروں کو پتہ ہونا چاہئے ایم کیو ایم ہی پلیٹ فارم ہے، جو اب یہاں نہیں کھڑا وہ مہاجروں کے مفاد کیلئے نہیں کھڑا۔
جنوری 5, 2023
وزیراعلی پنجاب پرویز الہی کا اعتماد کا ووٹ نہ لینے کا فیصلہ
لاہور:وزیراعلیٰ پنجاب پرویز الہیٰ آئندہ دس روز تک اعتماد کا ووٹ نہیں لیں گے، پنجاب اسمبلی میں 9 سے 16 جنوری تک کے سیشن کا ایجنڈا جاری کردیا گیا۔
پی ٹی آئی حکومت نے اسمبلیوں کی تحلیل کا معاملہ ایک بار پھر گول کردیا ہے، پنجاب اسمبلی کا 9 سے 16 جنوری تک کے سیشن کا ایجنڈا جاری کردیا گیا ہے، جس میں وزیراعلیٰ کا اعتماد کا ووٹ یا اسمبلی کی تحلیل کے حوالے سے ایجنڈے شامل ہی نہیں کئے گئے۔
نیشنل ایکشن پلان کے تحت ایک برس میں 1424 آپریشن،4400 مشتبہ افراد گرفتار
پنجاب اسمبلی سیکریٹریٹ نے 9 سے 16جنوری تک کا ایجنڈا جاری کیا ہے، جس کو دیکھتے ہوئے کہا جارہا ہے کہ وزیراعلیٰ پنجاب پرویزالہیٰ آئندہ 10روز تک اعتماد کا ووٹ نہیں لیں گے۔ اور 16 جنوری تک وزیراعلیٰ پنجاب کے اعتماد کا ووٹ لینے کا معاملہ زیر غور نہیں آئے گا۔
کراچی ٹیسٹ؛ دوسری اننگز میں نیوزی لینڈ کے 4 کھلاڑی پویلین لوٹ گئے
دوسری طرف پاکستان ڈیمو کریٹک موومنٹ (پی ڈی ایم) کے ترجمان حافظ حمد اللہ کا کہنا ہے کہ چودھری پرویز الٰہی اعتماد کا ووٹ لیں یا نہ لیں وہ دونوں صورتوں میں وزیراعلیٰ نہیں رہیں گے، عمران خان کی جانب سے 9 جنوری کو اعتماد کا ووٹ لینے کا اعلان صرف خبر ہی رہے گی۔
لاہور میں فوگ کے ساتھ اسموگ کا بھی راج،احتیاط کریں ورنہ..
حافظ حمد اللہ کا کہنا تھا کہ شنید ہے کہ عمران خان نے جڑواں شہر کے مکین سے ملنے کی کوشش کی مگر وہاں سے نمبر بند یا مصروف ملا، اب خان صاحب کے لئے نہ کال آئے گی اور نہ پہاڑی کمک۔
عمران خان پر وزیر آباد میں ہونے والے حملے کے حوالے سے ترجمان پی ڈی ایم نے کہا کہ پنجاب حکومت کی فارنزک رپورٹ سے ثابت ہوا کہ خان صاحب کو ایک گولی بھی نہیں لگی، اس رپورٹ سے عمران خان کا ایک اور جھوٹ پکڑا گیا اور ان کا بیانیہ ایک بار پھر جھوٹا نکلا۔حافظ حمد اللہ کا کہنا تھا کہ قانون میں فواد چودھری کی پریس کانفرنس نہیں بلکہ پنجاب فارنزک لیب کی رپورٹ قابل قبول ہے۔
جنوری 5, 2023
آٹے کی قیمت میں 24 گھنٹوں میں 10 روپے فی کلو اضافہ
کراچی:شہرقائد میں آٹے کی فی کلو قیمت میں 10 روپے کا اضافہ ہوگیا ہے، اور چکی کے آٹے کی فی کلو قیمت تاریخ کی بلندترین سطح 160 روپے تک جا پہنچی ہے۔دوسری طرف حکومت عوام کودووقت کی روٹی کےلیے آٹا فراہم کرنے میں ناکام نظرآرہے ہے،سندھ حکومت کےلیے آٹے کی قیمت کنٹرول کرنا بھی مشکل دکھائی دے رہاہے
آٹامہنگا،سندھ میں گندم کی بین الصوبائی نقل وحرکت پرپابندی
کراچی میں آٹے کا بحران بڑھتا جارہا ہے، اوردوسری طرف آٹے کی قیمت میں 24 گھنٹے میں 10 روپے اور صرف پانچ دن میں 30 روپے فی کلو کے ہوشربا اضافے نے عوام کی کمر توڑ دی ہے۔
گندم کی فی کلو قیمت 135 روپے کی ریکارڈ سطح پر پہنچ گئی ہے، چکی کے آٹے کی فی کلو قیمت تاریخ کی بلندترین سطح 160 روپے تک جا پہنچی ہے، جب کہ فائن اور مل کا آٹا بھی مہنگا ہوکر 145 روپے فی کلو سے سے تجاوز کرگیا ہے۔
سرکاری سبسڈائزڈ آٹا بلیک میں فروخت
آٹے کی قیمت میں 24 گھنٹے میں 10 روپے فی کلو کا اضافہ ہوا ہے، جب کہ جنوری کے5 دن میں آٹے اور گندم کی قیمت میں 30 روپےفی کلو کا اضافہ ہوا ہے۔
گوجرہ:یوٹیلیٹی سٹوروں سے آٹا،گھی اوردیگرسبسڈائزڈ اشیاء،ہوٹلوں،بیکریوں اورکریانہ…
سستے آٹے کے حصول کیلئے عوام سڑکوں پر دربدر ہو رہے ہیں، سندھ حکومت کی جانب سے سستا آٹا اسٹال لگائے جارہے ہیں، لیکن جب کسی مقام پر سستا آٹا فروخت کیا جاتا ہے تو عوام ٹوٹ کر پڑتے ہیں، اور ایک دوسرے سے ہاتھا پائی کرتے دکھائی دے رہے ہیں۔
جنوری 5, 2023
عالمی ادارۂ صحت نے پھر کورونا خطرےکی گھنٹی بجا دی
نیویارک:عالمی ادارۂ صحت ڈبلیو ایچ او نے پوری دنیا میں ایک بار پھر کورونا وائرس کے انفیکشن کی نئی لہر آنے کا امکان ظاہر کیا ہے تاہم اس کا کہنا ہے اس بار کووڈ-19 کی نئی لہر میں مرنے والوں کی تعداد بہت کم ہو سکتی ہے۔
پاکستان میں کووڈ-19 کی صورتحال قابو میں ہے. وزیرِ اعظم شہباز شریف
ڈبلیو ایچ او نے Omicron کے نئے ذیلی قسم XBB.1.5 کو اب تک کی سب سے زیادہ متعدی شکل کے طور پر سمجھا ہے۔ اس ادارے کا کہنا ہے کہ ہر دوسرے ہفتے اس سے متاثرہ افراد کی تعداد دوگنی ہو رہی ہے۔ ڈبلیو ایچ او نے شمال مشرقی امریکہ کو XBB.1.5 ذیلی قسم سے سب سے زیادہ متاثر قرار اس کے تیزی سے پھیلنے پر بھی تشویش کا اظہار کیا ہے۔
آسٹریلیا اور کینیڈا نے بھی چین سے آنیوالے مسافروں کیلئے منفی کورونا ٹیسٹ کی شرط…
کورونا انفیکشن کے معاملے میں چین کو بھی پوری دنیا کے لیے خطرہ قرار دیا جا رہا ہے۔ ڈبلیو ایچ او کی اہلکار ماریا وان کرخوف نے کہا کہ اومیکرون کا نیا ذیلی قسم XBB.1.5 اب تک کورونا کی سب سے تیزی سے پھیلنے والی شکل ہے اور ادارے کے پاس فی الحال اس ذیلی شکل کی شدت سے متعلق کوئی ڈیٹا نہیں ہے۔
کورونا کا خدشہ؛ اسلام آباد ایئرپورٹ پر مسافروں کی اسکریننگ شروع کردی گئی
بتایا جا رہا ہے کہ اس وقت امریکہ میں XBB.1.5 کا پھیلاؤ بڑھ رہا ہے جس نے صحت کی تنظیم کو پریشان کر دیا ہے۔ ماریہ نے بتایا کہ یہ وائرس خلیات سے غیر معمولی طور پر چپک جاتا ہے جس کی وجہ سے اسے آسانی سے تبدیل ہونے میں مدد ملتی ہے۔
جنوری 5, 2023
بشری نے بچوں سے نہ ملنےدیا، کیا شرط رکھی؟ خان کیسے انگلیوں پر ناچا؟حقائق سامنے آگئے
لاہور:بشری نے بچوں سے نہ ملنےدیا، کیا شرط رکھی؟ خان کیسے انگلیوں پر ناچا؟حقائق سامنے آگئے، اس ٰحوالے سے سنیئرصحافی مبشرلقمان نے بہت سے انکشافات کیےہیں،انکا کہنا تھاکہ میں‌عمران خان کے بہت قریب رہا ہوں اور بشریٰ‌ بی بی اور عمران خان کے درمیان ہونے والے معاملات اور تعلقات کے بارے میں بہت کچھ جانتا ہوں
ایک سوال کےجواب میں ان کا کہنا تھاکہ عمران خان کی حکومت تین لوگوں نے چلائی ایک اعظم خان تھے ، ایک بشریٰ‌ بی بی اور تیسرے خود عمران خان تھے جو کہ تیسرے درجےکے رہ گئےتھےجب بشریٰ‌ بیگم کی حکمرانی تھی ، ان کا کہنا تھاکہ تین قسم کی پرچیاں‌چلتی تھیں،ایک اعظم خان کی اور دوسری بشریٰ بی بی کی اور تیسری پرچی وزیراعظم خانج کی چلتی تھی ، جس کو کسی جگہ سے ہٹانا اور لگانا مقصود ہوتا تھا، یہ تین کردار کام کرتے تھے ، ان کا کہنا تھاکہ اس حوالے سے جاوید چوہدری ، اعزاز سید اور عمرچیمہ کی اطلاعات درست ہیں کیوں کہ وہ بھی یہ جانتے تھے کیوں‌کہ وہ عمران خان کے بہت قریب تھے
مبشرلقمان نے کہا کہ بشریٰ‌ بی بی نےایک مرتبہ عمران خان کو رنگے ہاتھوں پکڑلیا تھا وہ اسلام آباد میں کسی خاص جگہ پر پیار کی مجلس سجائے بیٹھے تھے پھر جنرل باجوہ درمیان میں آئے اور انہوں نے بچ بچاوکروایا ، ان کا یہ بھی کہنا تھاکہ عمران خان کے حوالے سے بشریٰ‌ بی بی کو شک رہتا تھا ، ایک سوال کا جواب دیتے ہوئے ان کا کہنا تھاکہ عمران خان تو کہتے تھے کہ بشری بی بی بڑی نیک ہیں روزے رکھتی ہے اور اچھی خاتون ہے مگر سب نے جان لیا کہ وہ کتنی نیک اور پاکباز ہیں‌
ایک اور سوال کا جواب دیتے ہوئے ان کا کہنا تھاکہ عمران خان اور بشریٰ بی بی کے درمیان یہ بات بھی طئے ہوئئ تھی کہ دونوں اپنے اپنے بچوں کو نہیں ملیں گے ، بشریٰ‌ بی بی نے عمران خان سے کہا تھا کہ وہ اپنے بچوں سےنہیں ملے گا اور عمران خان نے کہا کہ وہ بھی اپنے بچوں سےنہیں ملے گی ،انکا کہنا تھاکہ عمران خان جب وزیراعظم بنا تو اس کو بچوں کو ملنا چاہیے تھا انکا باپ وزیراعظم ہے لیکن معاہدے کے مطابق وہ دورہی رہا ،

ایک اور سوال کا جواب دیتےہوئے مبشرلقمان کا کہنا تھاکہ مریم نواز بھی یہ کہہ چکی ہیں‌ کہ بنی گالہ میں‌ بشریٰ بی بی کالے جادو ٹؤنے اور دیگر عملیات کرتی تھی اور یہی وجہ ہےکہ اس کا بہت بڑا اثرتھا ، ان کا یہ بھی کہنا تھا کہ عمران خان سے ایک مرتبہ ان کے بچوں کےحوالے سے بات ہوئی توانہوں‌ نےسختی سے کہا کہ ان کے معاملے کوالگ ہی رہنے دیں‌،ا ن کا کہنا تھا کہ انہوں نے پھر کوشش کی لیکن خان صاحب نے اس پرغصہ کیا اورپھرایک تقریب میں اسی وجہ سے بلایا ہی نہیں عون چوہدری کے ساتھ بھی کچھ ایسا ہی ہوا ،مبشرلقمان کا کہنا تھا کہ عمران خان کے حوالے سے جاوید چوہدری اعزاز سید اور عمر چیمہ کے انکشافات درست ہیں
جنوری 5, 2023