Tag: بریکنگ

آکلینڈ:نیوزی لینڈ سے 2023 کاسورج طلوع ، آسٹریلیا میں بھی شاندار آتش بازی جاری ہے،اطلاعات ہیں کہ نیوزی لینڈ اور آسٹریلیا کی طرح دیگر ممالک بھی سال نو کے استقبال کی تیاریاں مکمل کرلی گئیں

نیوزی لینڈ میں سال نو کا آغاز ہوگیا، آکلینڈ میں ہزاروں لوگوں نے جشن منایا، آسٹریلیا کے سڈنی ہاربر برج پر بھی آتشبازی کا شاندار مظاہرہ کیا گیا، جسے دیکھنے کیلئے بڑی تعداد میں شہری جمع ہوئے۔

سال نو کے آغاز پرلاہورمیں 9 مقامات پر آتش بازی کی اجازت

دنیا بھر میں نئے سال کی آمد کی تیاریاں مکمل کرلی گئی ہیں جبکہ نیوزی لینڈ سے نئے سال کا آغاز ہوگیا جہاں آکلینڈ میں آتشبازی کے ذریعے 2023ء کا استقبال کیا گیا۔

آسٹریلیا میں بھی نئے سال کا آغاز ہوگیا، جہاں سڈنی ہاربر پر آتشبازی کا شاندار مظاہرہ کیا گیا، اس موقع پر نوجوانوں کی بڑی تعداد وہاں موجود تھی، جنہوں نے رات کے بارہ بجتے ہی خوب ہلہ گلہ کیا۔میلبرن میں بھی آتشبازی کا شاندار مظاہرہ کیا گیا۔

سال نو کی خوشی میں ہوائی فائرنگ پر قتل کا مقدمہ درج ہوگا:کراچی پولیس چیف

ادھرآج آج حکومت سندھ کے محکمہ داخلہ کی جانب سے سال نو کے موقع دفعہ 144 نافذ کی تھی اور کمشنر کی جانب سے شہر قائد میں ڈبل سواری پر پابندی کا نوٹفیکیشن جاری کرتے ہوئے آج شام سے کل تک موٹر سائیکل پر ڈبل سواری پر پابندی عائد کردی گئی تھی تاہم اس فیصلے کے کچھ دیر بعد ہی صوبائی وزیر اطلاعات شرجیل میمن نے شہریوں کو خوشخبری دی ہے کہ سال نو کے موقع پر موٹر سائیکل پر ڈبل سواری پر پابندی نہیں ہے۔ شہری نئے سال کا جشن بھرپور طریقے سے منائیں۔

کراچی: سال نو پر ہوائی فائرنگ سے 16 افراد زخمی

اس حوالے سے ذرائع کا کہنا ہے کہ وزیراعلیٰ سندھ سید مراد علی شاہ نے سال نو کے موقع پر موٹر سائیکل پر ڈبل سواری پر پابندی کے نوٹیفکیشن پر اظہار ناراضی کرتے ہوئے کمشنر کراچی کو نیا نوٹیفکیشن جاری کرنے کی ہدایت کی ہے اور کہا ہے کہ شہری نئے سال کا جشن منا سکتے ہیں۔

لاہور:پاکستان کی معیشت اب بہت مشکل صورتحال سے دوچارہےاوریہ صورتحال بہتر ہونے کی بجائے بگڑتی جارہی ہے،2022 پاکستانی معیشت کے لئے انتہائی مشکل سال رہا جس میں نہ صرف پاکستانی روپے کے مقابلے میں امریکی ڈالر نے نئے ریکارڈ قائم کئے بلکہ مہنگائی،اسٹیٹ بینک کی شرح سود میں اضافے کے لحاظ سے بھی یہ سال پچھلے10 سالوں میں سب سے مہنگا سال ثابت ہوا۔

2013 سے 2022 تک کے 10سالوں کا جائزہ لیا جائے تو 2019میں ڈالر کی قدر میں سب سے زیادہ 18.7 فیصد اضافہ ہوا تھا لیکن 2022 میں ڈالر کی قدر میں 20.2 فی صد اضافہ ہوگیا یعنی پچھلے دس سال میں کسی بھی سال میں ڈالر کی قدر میں اتنا اضافہ نہیں ہوا۔

اسی طرح 2022میں مہنگائی کی شرح 19.29فیصدرہی جب کہ پچھلے 10سال میں سالانہ مہنگائی کی شرح 10فیصد تک بھی کبھی نہیں پہنچی۔ اسٹیٹ بینک کی جانب سے بھی اس سال شرح سود میں 6.26 فیصد اضافہ کیا گیا اس سے پہلے 2019 میں شرح سود میں 10 فیصد کا سب سے زیادہ اضافہ ریکارڈ کیا گیا تھا۔

پاکستان کے ساحلی شہر گوادر میں حالات معمول پرآ گئے

عارف حبیب سیکورٹیز کی رپورٹ کے مطابق زر مبادلہ کے مجموعی ذخائر بھی سال2022میں 11.4ارب ڈالر کی سطح پر آگئے ہیں جو سال2013کے بعد کم ترین ملکی زرمبادلہ کے ذخائر ہیں۔2022میں زرمبادلہ کے ذخائر میں 51فیصد کمی آئی ہے کسی بھی ایک سال میں اس قدر بڑی کمی کی پچھلے سالوں میں نظیر نہیں ملتی۔

بیرون ملک مقیم پاکستانیوں کی جانب سے بھیجی جانے والی ترسیلات زر 2021کے مقابلے میں کم رہی لیکن اسے پچھلے 8 سال کے مقابلے میں زیادہ رہی۔

کراچی ٹیسٹ؛ پاکستان نے دوسری اننگز میں 3 وکٹوں کے نقصان پر 82 رنز بنا لئے

غیر ملکی سرمایہ کاری کا حجم بھی پچھلے 10سال میں سب سے کم رہا جب کہ مجموعی طور پر سال بھر میں 50 ہزار ارب روپے سے زائد قرضے لئے گئے جو پچھلے 10میں کسی بھی سال میں سب سے زیادہ لئے گئے قرضے ہیں، بجٹ خسارہ بھی4697 ارب رہا جو 10سال کا سب سے زیادہ بجٹ خسارہ ہے۔

بعض میکرو اکنامک اشاریوں کے لحاظ سے 2022 بہتربھی رہا جیسے برآمدات کا حجم 29.3ارب ڈالر رہا جو پچھلے 10سال کا سب سے زیادہ برآمدی حجم ہے۔درآمدات 60.9 ارب ڈالر کی ہوئی جو زیادہ ہے لیکن 2021کے 66.6 ارب ڈالر سے کم ہے۔

بھارت 2036 اولمپکس کی میزبانی کیلئے بولی پر سنجیدگی سے غور کر رہا ہے:انوراگ ٹھاکر

تجارتی خسارہ بھی 2019سے کم لیکن اس سے پچھلے برسوں کے مقابلے میں زیادہ رہا۔کرنٹ اکاؤنٹ خسارہ بھی 11.4 ارب ڈالر رہا جو 2018، 2019 اور 2021کے مقابلے میں کم ہے لیکن اگر باقی برسوں سے موازنہ کیا جائے تو زیادہ کرنٹ اکاونٹ خسارہ ہے۔