Baaghi TV

Tag: بریکنگ

  • سندھ حکومت کا متوسط طبقہ کیلئےسستی بستی منصوبہ

    سندھ حکومت کا متوسط طبقہ کیلئےسستی بستی منصوبہ

    سندھ حکومت کی جانب سے صوبے کے متوسط طبقہ کیلئے سستی بستی منصوبہ اعلان کر دیا گیا، نجمی عالم نے کہا کہ پراجیکٹ شروع کر رہے ہیں تاکہ انہیں اپنا گھر مل سکے۔

    باغی ٹی وی کی رپورٹ کے مطابق وزیراعلیٰ سندھ کے مشیر برائے ہیومن سیٹلمنٹ اتھارٹی، لائیو اسٹاک اینڈ فشریز سید نجمی عالم نے اعلان اپنے دفتر میں ہیومن سیٹلمنٹ اتھارٹی کے سالانہ بجٹ کی 29ویں گورننگ باڈی کے اجلاس کی صدارت کرتے ہوئے کیا۔ اجلاس میں صوبائی اسمبلی اراکین محمد یوسف بلوچ، عروبہ ربانی، میئر حیدرآباد کاشف شورو، میئر سکھر بیرسٹر ارسلان شیخ، سیکریٹری و ڈائریکٹر جنرل ہیومن سیٹلمنٹ شارق احمد، چیف انجینئر کاشف خان، ریجنل ڈائریکٹر بلال شیخ سمیت گورننگ باڈی کے اراکین نے شرکت کی۔ اجلاس میں سالانہ بجٹ کی منظوری کے ساتھ گزشتہ اجلاس کے منٹس کی منظوری دی گئی۔

    پارلیمنٹ کو کوئی بھی آئینی ترمیم کرنے کا اختیار ہے،احسن بھون

    سید نجمی عالم نے اجلاس میں اراکین کو بتایا کہ ہم نے سندھ کے غریب عوام کیلئے اپنے گھر بنانے کیلئے سستی بستی کے منصوبے کی منظوری دے دی ہے جبکہ ہم نے سندھ کی کچی آبادیوں میں تجاوزات ہٹانے کیلئے ڈیمالیشن اسکواڈز بھرتی کرنے کی بھی منظوری دی ہے۔ انہوں نے کہا کہ ہم نے سندھ کے ضرورت مند متاثرین کو گھر دینے کے منصوبے کو "سستی بستی” کا نام دیا ہے اور یہ منصوبہ ہماری پارٹی کے چیئرمین بلاول بھٹو کے وژن کے مطابق ہے۔

    عمران خان نے اشارہ کیا تو بنگلہ دیش کو بھول جاؤ گے،بیرسٹر گوہر کی دھمکی

  • کراچی : ٹریفک حادثات میں خاتون سمیت 3 افراد جاں بحق

    کراچی : ٹریفک حادثات میں خاتون سمیت 3 افراد جاں بحق

    کراچی میں ٹریفک حادثات کی وجہ سے خاتون سمیت 3 افراد جاں بحق ہوگئے۔

    باغی ٹی وی کے مطابق صدر ایمپریس مارکیٹ نعمان سینٹر کے قریب ٹریفک حادثے میں خاتون جاں بحق ہوگئی جس کی لاش چھیپا کے رضا کاروں نے جناح اسپتال پہنچائی ریسکیو حکام کا کہنا ہے کہ متوفیہ کی شناخت 45 سالہ ثوبیہ کے نام سے کی گئی جبکہ حادثہ موٹر سائیکل سے گرنے کا بتایا جا رہا ہے۔ناظم آباد ایک نمبر پیٹرول پمپ کے قریب ٹریفک حادثے میں بزرگ شہری جاں بحق ہوگیا جس کی لاش ضابطے کی کارروائی کے لیے عباسی شہید اسپتال لے جائی گئی چھیپا حکام کے مطابق متوفی کی شناخت 70 سالہ عبدالستار کے نام سے کی گئی.

    اس حوالے سے پولیس مزید تحقیقات کر رہی ہے دریں اثنا بلوچ کالونی ایکسپریس وے نجی یونیورسٹی کے قریب ٹریفک حادثے میں نوجوان جاں بحق ہوگیا جس کی لاش جناح اسپتال لائی گئی ریسکیو حکام کے مطابق متوفی کی شناخت 25 سالہ کامران کے نام سے کی گئی حادثہ نامعلوم گاڑی کی ٹکر سے پیش آنے کا بتایا جا رہا ہے۔

  • کراچی پولیس کی منشیات فروشوں اور اسٹریٹ کرائم کے خلاف کاروائیاں

    کراچی پولیس کی منشیات فروشوں اور اسٹریٹ کرائم کے خلاف کاروائیاں

    کراچی پولیس کی منشیات فروشوں اور اسٹریٹ کرائم کے خلاف کاروائیاں جاری ہیں جس دوران متعدد ملزمان گرفتار کر لیے گئے.

    باغی ٹی وی کی رپورٹ کے مطابق قائداباد پولیس نے اسٹریٹ کرائم کی وارداتوں میں ملوث ملزم کو گرفتار کر لیا.پولیس نے دوران گست داود چورنگی نزد ٹریفیک چوکی کے قریب سے ملزم کو گرفتار کیا.گرفتار ملزم کی شناخت زاہر خان ولد نور فروش خان کے نام سے ہوئی .ملزم کے قبضے سے ایک غیر قانونی 30 بور پسٹل بمعہ راونڈز برامد ہوئی.گرفتار ملزم تھانہ قائداباد کی حدود میں ہونے والی اسٹریٹ کرائم کی وارداتوں میں بھی ملوث ہے برآمد ہونے والے اسلحہ کو فرانزک کے لئے روانہ کر دیا گیا ہے اورملزم کے خلاف سندھ اسلحہ ایکٹ کے تحت مقدمہ درج کر کے مزید تفتیش کا اغاز کر دیا گیا ہے.

    دوسری کاروائی میں ضلع ایسٹ پولیس نے دورانِ گشت گلشنِ اقبال بلاک 10 کے قریب کارروائی کرکے 02 ملزمان کو گرفتار کیا، گرفتار ملزمان کے قبضے سے 02 عدد غیر قانونی پسٹلز بمعہ ایمونیشن اور نقدی رقم برآمد کرلی گئی۔ملزمان کے زیرِ استعمال موٹرسائیکل 70 کو بھی ضابطے کے تحت قبضہ پولیس میں لے لیا گیا،گرفتار ملزمان کے خلاف ضابطے کے تحت مقدمات درج کرلیے گئے ہیں مزید تفتیش جاری ہے.گرفتار ملزمان میں محمد عمیر عرف شاکا ولد محمد عمر اور نقیب اللہ عرف افغانی ولد محمد موسیٰ شامل ہیں۔

    تیسری کاروائی میں تھانہ مومن آباد پولیس نے مختلف کاروائیوں کے دوران 02 ملزمان کو گرفتار کیا۔1. ملزم علی زیدی تھانہ مومن آباد کے مقدمہ الزام نمبر 124/2024 میں مفرور و مطلوب تھا۔ 2. ملزم باقر ولد ذاکر تھانہ مومن آباد کے مقدمہ الزام نمبر 112/2024 میں مفرور و مطلوب تھا۔ ملزمان کو مزید قانونی کاروائی کے لئے تفتیشی حکام کے حوالے کردیا گیا ہے۔

  • کراچی :سلنڈر پھٹنےکے واقعات میں 5 افراد زخمی

    کراچی :سلنڈر پھٹنےکے واقعات میں 5 افراد زخمی

    کراچی شہر میں سلینڈر پھٹنے کے مختلف واقعات میں بچوں سمیت 5 افراد زخمی ہو گئے .

    باغی ٹی وی کی رپورٹ کے مطابق کراچی کے علاقے تھانہ سائیٹ سپر ہائی وے کی حدود سپر ہائی وے احسن آباد پاکستان کانٹا کے قریب کیمیکل فیکٹری میں سلنڈر پھٹنے سے 03 افراد زخمی ہوئے.زخمی ہونے والے افراد کو طبی امداد کیلئے عباسی شہید ہسپتال منتقل کیا گیا، زخمی ہونے والو کی شناخت 1- ساجد ولد رحمان 22 سالہ2-، مقصود ولد کریم اللہ 52 سالہ، 3- محمد الیاس ولد خادم حسین 32 سالہ کے نام سے ہوئی ہے.

    دوسرا واقعہ گارڈن ویسٹ دھوبی گاٹھ کشتی مسجد کے قریب پیش آیا جہاں کار ریپیرنگ کی دکان میں سلینڈر دھماکہ 2 بچے شدید زخمی ہو گئے.بچوں کو طبی امداد کے لیے سول ہسپتال منتقل کردیا گیا،زخمی افراد کو مقامی افراد نےاپنی مدد آپ کے تحت زخمیوں کو ہسپتال منتقل کیا.

    واضح رہے کہ شہری آباد میں غیر قانونی فلنگ اسٹیشن دوکانوں میں چل رہے ہیں جو آئے روز حادثات کا باعث بنتے ہیں لیکن انتظامیہ کوئی ایکشن نہیں لیتی.

  • ایڈیشنل آئی جی کراچی سے تاجروں کی عرفان رضوان کی قیادت میں ملاقات

    ایڈیشنل آئی جی کراچی سے تاجروں کی عرفان رضوان کی قیادت میں ملاقات

    ایڈیشنل آئی جی کراچی جاوید عالم اوڈھو سےکراچی الیکٹرونکس ڈیلر ایسوسی ایشن کے وفد نے صدر محمد عرفان رضوان کی قیادت میں 19 رکنی وفد نے ملاقات کی۔

    باغی ٹی وی کی رپورٹ کے مطابق اس موقع پر سیکرٹری آصف احمد، جنرل سیکرٹری حاجی ناصر ترک، سلیم میمن و دیگر اراکین نے شرکت کی۔پولیس چیف سے ملاقات میں وفد نے مسرت کا اظہار کرتے ہوئے شہر میں امن و امان کے حوالے سے پولیس کے اقدامات کو سراہا۔وفد نے پولیس چیف سے شہر میں جرائم و دیگر امور کے حوالے سے تفصیلی بات چیت کی اور ایسوسی ایشن کو درپیش مسائل سے آگاہ کیا جنہیں پولیس چیف نے ترجیحی بنیادوں پر حل کرنے کی یقین دہانی کرائی۔

    ملاقات کے اختتام پر وفد نے پولیس چیف کو پھولوں کا گلدستہ پیش کیا اور نیک خواہشات کا اظہار کیا۔

  • نیو سبزی منڈی کراچی میں دھماکہ، 2 افراد زخمی

    نیو سبزی منڈی کراچی میں دھماکہ، 2 افراد زخمی

    کراچی میں نئی سبزی منڈی کے قریب گیس پائپ لائن میں دھماکے سے 2 افراد زخمی ہو گئے۔

    باغی ٹی وی کی رپورٹ کے مطابق اس حوالے سے ایس ایس پی ایسٹ کا کہنا ہے کہ ابتدائی معلومات کے مطابق دھماکا گیس لیکیج کے باعث ہوا، جس کے ہوتے ہی بھگدڑ مچ گئی۔پولیس حکام نے کہا ہے کہ سیوریج نالے میں دھماکے میں کوئی جانی نقصان نہیں ہوا، دھماکا ممکنہ طور پر گیس بھر جانے کے باعث ہوا۔ویڈیو میں دیکھا جا سکتا ہے کہ دھماکا سبزی منڈی میں نجی بینک کے نیچے سے گزرنے والے نالے میں ہوا۔دھماکا ہوتے ہی نالے پر بنا فرش اکھڑ گیا، موٹر سائیکل اڑ کر گاڑی کی چھت پر جا گری۔دھماکے سے بینک کے باہر تعینات سیکیورٹی گارڈ بال بال بچا۔

  • سری لنکا جانیوالے آلوؤں کے کنٹینر سے ہیروئن برآمد

    سری لنکا جانیوالے آلوؤں کے کنٹینر سے ہیروئن برآمد

    کولمبو سری لنکا بھیجے جانیوالے آلوؤں پر مشتمل کنٹینر سے کراچی ائیرپورٹ پر بھاری مقدار میں ہیروئن برآمد ہوئی ہے.

    باغی ٹی تی وی کو ترجمان اے این ایف نے بتایا کہ مشکوک ریفریجریٹر کی تلاشی لینے پر 1198 تھیلوں میں سے 122 آلوؤں  میں مہارت سے چھپائی گئی مجموعی طور پر تقریباً 5 کلو ہیروئن برآمد ہوئی۔مجموعی طور پر 80 تھیلوں میں سے ہر تھیلے میں 1 سے 2 ہیروئن بھرے آلو مہارت سے چھپائے گئے تھے۔اے این ایف ٹیم نے اعلیٰ پیشہ ورانہ صلاحیت اور انتہائی مہارت سے ان تمام ہیروئن بھرے آلوؤں کی تلاشی لی.

    ابتدائی تفتیش کے ذریعے ایک ملزم کو گرفتار کر لیا گیا ہے۔مزکورہ کینٹنر ایک نجی کمپنی کی طرف سے بُک کروایا گیا تھا۔مزید ملزمان کی گرفتاری کیلئے چھاپہ مار کاروائیوں کا سلسلہ جاری ہے۔گرفتار ملزم کو اے این ایف پولیس اسٹیشن منتقل کر کے مزید تحقیقات کا آغاز کر دیا گیا ہے۔

  • کراچی میں ایف آئی اے کی کارروائی، کروڑوں روپے مالیت کے اسمگل فون برآمد

    کراچی میں ایف آئی اے کی کارروائی، کروڑوں روپے مالیت کے اسمگل فون برآمد

    کراچی میں ایف آئی اے نے چھاپہ مار کاروائی کرتے ہوئے اسگل موبائل فون کی بڑی کھیپ برآمد کر لی.

    ایف آئی اے زرائع کے مطابق ایف آئی اے کو قائد آباد موبائل مارکیٹ میں 150 اسگلڈ آئی فون کی اطلاع تھی، اسملگڈ آئی فونز کی مالیت کروڑوں روپے ہے.

    زرائع ایف آئی اے کے مطابق ایف آئی اے اسٹیٹ بینک سرکل کی ٹیم نے مزکورہ موبائل کی دکان پر چھاپہ مارا،
    برآمد ہونے والے تمام آئی فونز اسمگلڈ ہیں.

  • پرویز خٹک کی تحریک انصاف نے بنیادی رکنیت ختم کردی

    پرویز خٹک کی تحریک انصاف نے بنیادی رکنیت ختم کردی

    تحریک انصاف کے رہنماء اور سابق وزیر اعلیٰ و وفاقی وزیر پرویز خٹک کی تحریک انصاف نے بنیادی رکنیت ختم کردی ہے جبکہ پارٹی چھوڑنے کیلئے اکسانے پر شوکاز نوٹس کا جواب نہ دینے پر مرکزی رہنما کی بنیادی رکنیت ختم کی گئی ہے اور انہیں پارٹی سے نکالنے کا اصولی فیصلہ اس سے پہلے ہی ہوگیا تھا. اس نوٹیفیکشن میں کہا گیا ہے کہ اس سے قبل آپ کو آگاہ کیا گیا تھا تاہم آپ نے کوئی جواب نہیں دیا تھا.


    خیال رہے کہ پرویز خٹک نے پارٹی نوٹس کا جواب دینے سے انکار کرتے ہوئے کہا تھا کہ وہ کوئی سرکاری ملازم تو نہیں جو شوکاز نوٹس کا جواب دیں گے انہیں شوکاز نوٹس کی کوئی پروا نہیں جبکہ انہوں نے عمران خان کو قصور وار ٹہراتے ہوئے کہا تھا کہ 9 مئی کا واقعہ چیئرمین پی ٹی آئی کا چند لوگو ں سے مشاورت کا نتیجہ ہے اور عمران خان کو میں نے ہمیشہ مثبت سیاست اور مثبت سوچ کا درس دیا ہے لیکن ان کی سوچ اور ایجنڈا کچھ اور ہے.

    یاد رہے کہ گزشتہ شوکاز نوٹس میں کہا گیا تھا کہ جماعت کےعلم میں آیا ہے کہ آپ اراکین سے روابط قائم کر کے انہیں جماعت سے علیحدگی اختیار کرنے پر اکسا رہے ہیں۔ شوکاز نوٹس میں بتایا گیا تھا کہ اگر تسلی بخش جواب نہیں ملا تو پرویز خٹک کے خلاف کارروائی ہوگی، 9 اور 10 مئی کے بعد پرویز خٹک نے صوبائی صدارت سے دستبردار ہوگئے ہیں.
    مزید یہ بھی پڑھیں؛
    سیاسی جماعت پر پابندی،ایاز صادق نے اعلان کر دیا
    یوکرینی وزیر خارجہ رواں ماہ پاکستان کا دورہ کریں گے
    کوئی بتا دے ریاست پر حملہ کرنا جرم ہے یا نہیں؟ جاوید لطیف
    جنسی ہراسانی کے الزامات کے بعد رکن پارلیمنٹ کی ایک اور ویڈیو سامنے آ گئی
    پاکستان اور سری لنکن بورڈ الیون کا دو روزہ میچ ڈرا
    دوسری جانب سوشل میں پر پی ٹی آئی کارکنان کا کہنا ہے کہ شکر ہے کہ پرویز خٹک سے جان چھوٹ گئی ہے کیونکہ ایسے لوگ صرف اور صرف اپنے مفاد کیلئے کام کرتے ہیں.

  • پی ٹی آئی کے متعدد ارکان کی آصف علی زرداری سے ملاقات متوقع

    پی ٹی آئی کے متعدد ارکان کی آصف علی زرداری سے ملاقات متوقع

    زرائع کے مطابق پی ٹی ائی کے سابق ارکان اسمبلی آج اصف علی زرداری سے ملاقات کرینگے،جس میں ملتان سے تعلق رکھنے والے 4 ارکان اسمبلی پیپلز پارٹی میں شمولیت کا اعلان کرینگے.ان ارکان کے نام ملک اکرم،سلیم لابر،داکٹر ریاض اور شازیہ کھاکھی ہے،اس کے علاوہ چشتیاں سے پی ٹی آئی کے سابق ایم پی اے ممتاز احمد کی بھی زرداری سے ملاقات متوقع ہے،یاد رہے 9 مئی کے واقعے کے بعد پی ٹی آئی کے ارکان تیزی سے پارٹی چھوڑ کر دوسرے سیاسی جماعتوں کا حصہ بنتے جا رہے ہے،