Tag: بریکنگ

کراچی: چیئرمین پیپلزپارٹی بلاول بھٹو سے وزیراعلیٰ سندھ مزاد علی شاہ اور وزرا نے ملاقات کی ہے، جس میں ایم کیو ایم کو بلدیاتی اداروں میں حصہ دینے سے متعلق گفتگو ہوئی۔ وزیراعلیٰ مرادعلی شاہ نے بلاول بھٹو کو سندھ کی مجموعی سیاسی صورتحال, صوبہ میں پانی کی کمی اور بدترین لوڈشیڈنگ کی صورتحال سے آگاہ کیا۔

عمران خان نہیں رہناچاہیے:باقی آپ کی تمام خواہشات پوری کردی جائیں گی:ایم کیوایم…

ذرائع کے مطابق بلاول بھٹو کی سربراہی میں ہونے والے پارٹی اجلاس میں صوبے میں بلدیاتی انتخابات کے انعقاد اور نئے بلدیاتی نظام سے متعلق تبادلہ خیال کیا گیا۔

ایم کیوایم کے لوگ نہیں جانتے پیپلزپارٹی نےسندھ میں ان کیساتھ کیا سلوک کیا؟ قریشی

اجلاس میں ایم کیو ایم کو بلدیاتی اداروں میں حصہ دینے سے متعلق بات چیت ہوئی، وزیراعلیٰ نے بلاول بھٹو کو ایم کیوایم کے نئے مطالبات سے آگاہ کیا، ذرائع کا کہنا ہے کہ ایم کیوایم نے کراچی، حیدرآباد کیساتھ 3 اضلاع کی ایڈمنسٹریٹر شپ مانگ لی ہے، ایم کیوایم نے کراچی کے سینٹرل، ویسٹ اور ایسٹ کے ایڈمنسٹریٹر کا مطالبہ کیا ہے۔

پی ٹی آئی کےساتھ کھڑے ہیں اور کھڑے رہیں گے:ایم کیوایم کااعلان،شہبازشریف کی خواہشات…

بلاول بھٹو نے وزیراعلیٰ کو ایم کیو ایم کے ساتھ ملاقات کرکے معاملات حل کرنے کی ہدایت کردی ہے، انہوں نے کہا کہ صوبے میں متوازن اور اچھا بلدیاتی نظام فوری طور پر لایا جائے۔ذرائع کا کہنا ہے کہ ایم کیوایم کیساتھ مذاکرات کا اہم دور پیر کو دن 11 بجے وزیراعلیٰ ہاؤس میں ہوگا۔

اسلام آباد:ایف اے ٹی ایف کے اجلاس سے پاکستان کو خوشخبری ملنے کا امکان، پاکستان نے ایف اے ٹی ایف کے تمام اہداف پورے کرلیے ، پاکستان کے فیٹف کی گرے لسٹ سے نکلنے کے امکانات روشن ہوگئے ہیں، دفتر خارجہ . دفتر خارجہ کے ذرائع کا کہنا ہے کہ پاکستان نے ایف اے ٹی ایف کے تمام اہداف پورے کرلیے ہیں، جس کے بعد پاکستان کے فیٹف کی گرے لسٹ سے نکلنے کے امکانات روشن ہوگئے ہیں .

دنیا میں ہرسال مہاجرین دس ارب ڈالرز کی منی لانڈرنگ کررہےہیں :ایف اے ٹی ایف کا…

نجی ٹی وی کی رپورٹ کے مطابق فنانشل ایکشن ٹاسک فورس (ایف اے ٹی ایف) کے اجلاس کیلئے متعلقہ امور کی نگرانی وزارت خارجہ کے سپرد کردی گئی ہے، جس کے بعد وزارت خارجہ نے اس حوالے سے محتاط حکمت عملی اپنانے کا فیصلہ کیا ہے . ایف اے ٹی ایف کے آئندہ اجلاس سے پاکستان کیلئے اچھی خبر سامنے آنے کا امکان ہے، پاکستان نے گرے لسٹ سے وائٹ لسٹ میں واپسی کے تمام اہداف پورے کرلیے ہیں .

ایف اے ٹی ایف کے آئندہ اجلاس میں گرے لسٹ سے نکل جائیں گے،وزیر خزانہ

سفارتی ذرائع کا کہنا ہے کہ فیٹف کا 4 روزہ اجلاس 13 سے 17 جون تک برلن میں ہوگا، جس میں پاکستان سے متعلقہ امور 15 اور 16 جون کو پلینری سیشن میں زیر غور آئینگے، اجلاس میں پاکستان کی نمائندگی کیلئے حنا ربانی کھر وفد کے ہمراہ برلن جائیں گی . خیال رہے کہ منی لانڈرنگ اور دہشت گردوں کی مالی معاونت کی روک تھام کے عالمی ادارے فنانشل ایکشن ٹاسک فورس (فیٹف) نے گزشتہ اجلاس میں پاکستان کو جون تک گرے لسٹ میں برقرار رکھنے کا فیصلہ کیا تھا، اجلاس میں پاکستان کو جون تک اہداف حاصل کرنے کا وقت دیا گیا ہے . ایف اے ٹی ایف کے مطابق 27 میں سے 26 نکات پر پاکستان نے کام کر لیا ہے .

بھار ت ایف اے ٹی ایف کو سیاسی مقاصد کیلئے استعمال کر رہا ہے شاہ محمود قریشی

اسلام آباد: تحریک انصاف کے نائب صدر شاہ محمود قریشی نے کہا ہے کہ تحریک انصاف کا کوئی ایم این اے راجہ پرویز اشرف کے سامنے پیش نہیں ہوگا، رانا ثناء اللہ کی دھمکیاں پوری قوم نے سنی ہیں۔

اسلام آباد میںں میڈیا سے گفتگو کرتے ہوئے شاہ محمود قریشی نے کہا کہ رانا ثنا عمران خان کو گرفتار کرنے کا ارادہ رکھتے ہیں، اس سے بڑی سیاسی حماقت نہیں ہوسکتی۔ پی ٹی آئی کے رہنما عثمان ڈار نے کہا ہے کہ ملک میں آئین اور قانون کی حکمرانی ہے، پاکستان شریفستان نہیں، عمران خان کی گرفتاری پر رد عمل کے ذمہ دار رانا ثنا ہونگے۔

منحرف ارکان ڈی سیٹ، پنجاب اسمبلی کی 20 نشستوں پر ضمنی انتخاب کا اعلان

ادھر دوسری طرف اسلام آباد میں میڈیا سے گفتگو کرتے ہوئے عثمان ڈار نے کہا کہ میرے لیڈر عمران خان بنی گالا آچکے ہیں، ہم نہیں چاہتے کہ نہتے شہریوں کا خون بہایا جائے۔انہوں نے کہا کہ یہ لوگ اسلام آباد میں ماڈل ٹاؤن ٹو چاہتے تھے، موجودہ حکومت عالمی سازش کے تحت مسلط کی گئی۔

پنجاب سے تحریک انصاف کے 25 ارکان ڈی سیٹ،الیکشن کمیشن کا فیصلہ آ گیا

عثمان ڈار نے کہا کہ عام آدمی مہنگائی سے پس کر رہ گیا ہے، ملک میں مہنگائی کا طوفان آیا ہوا ہے، کورکمیٹی کےاجلاس میں آئندہ کالائحہ عمل دیں گے۔انہوں نے مزید کہا کہ عمران خان نےآئی ایم ایف کے دباؤ کے باوجود پٹرول کی قیمتیں نہیں بڑھائیں، عمران خان سستاپٹرول اورگندم لینےکیلئےروس گئےتھے۔

پنجاب سے ڈی سیٹ پی ٹی آئی کے منحرف ارکان کا سپریم کورٹ میں اپیل کا فیصلہ

پی ٹی آئی رہنما نے کہا کہ امپورٹڈ حکومت نامنظور، حقیقی آزادی کیلئے لڑیں گے،عمران خان کی جان کو ملک دشمنوں سےخطرہ ہے۔ان کا کہنا تھا کہ موجودہ حکمران نااہل ہیں، ملک نہیں چلاسکتے، 8 ہفتے میں ملک کادیوالیہ کردیا، مہنگائی بڑھ گئی ہے۔انہوں نے کہا کہ پی ٹی آئی کور کمیٹی باورکرانا چاہتی ہے کہ شدید رد عمل آئے گا، کسی کا خیال ہے کہ کارکن اسے برداشت کریں گے تو یہ غلط فہمی ہے۔

پی ٹی آئی کے نائب صدر نے کہا کہ گرفتاری کی اطلاع ملے تو کارکن فوری ردعمل دیں، آپ کو کوئی واٹس ایپ اور ٹیلی فون نہیں آئے گا۔

اسلام آباد:قائم مقام گورنر اسٹیٹ بینک ڈاکٹر مرتضیٰ سید کا کہنا ہے کہ پاکستانی نہ پہلے کبھی ڈیفالٹ ہوئے اور نہ ہی ڈیفالٹ ہوں گے۔اسٹیٹ بینک آف پاکستان کے قائم مقام گورنر ڈاکٹر مرتضیٰ سید کا ملک کی موجودہ معاشی صورت حال پر گفتگو کرتے ہوئے کہنا تھا کہ پاکستان سری لنکا نہیں اور نہ ہی حالات اس جیسے ہیں۔قائم مقام گورنر اسٹیٹ بینک نے کہا کہ پاکستان سری لنکا نہیں اور نہ ہی حالات اس جیسے ہیں، درحقیقت گذشتہ 2 برسوں میں 6 فیصد جی ڈی پی کی شرح نمو پوری دنیا کے لیے حیرت انگیز دھچکا ہے۔

کرنسی نوٹ فوراً تبدیل کروا لیں،اسٹیٹ بینک آف پاکستان کا اہم بیان جاری

انہوں نے کہا کہ اس میں کوئی شک نہیں کہ معیشت کو چیلنجز کا سامنا ہے اور کورونا کے بعد اشیاء کی بلند قیمتوں کی وجہ سے بہت سے ممالک کی معیشتیں مشکلات کا شکار ہیں۔ان کا کہنا تھا کہ سری لنکا ان میں سے ایک ہے لیکن انہوں نے مناسب انتظام نہیں کیا اور کچھ غلط یا دیر سے فیصلے لیے جس سے ملک کے لیے مسائل پیدا ہوئے۔

اسٹیٹ بینک آف پاکستان نےہفتے کی چھٹی بحال کردی ہے۔

قائم مقام گورنراسٹیٹ بینک نے کہاکہ پاکستان سری لنکا نہیں ہے کیونکہ وہ کورونا سے بری طرح متاثر ہوا جبکہ سیاحت سے ان کی آمدنی ختم ہوگئی۔

حکومت کا گورنر اسٹیٹ بینک رضا باقر کو مزید توسیع نہ دینے کا فیصلہ

ڈاکٹر مرتضیٰ سید کا کہنا تھا کہ ان کی سیاحت پر مبنی معیشت چیلنجز کا مقابلہ کرنے میں ناکام رہی جبکہ 2 سال تک انہوں نے بجٹ خسارہ بڑھنے دیا جس سے ان کا کرنٹ اکاؤنٹ پر دباؤ آیا۔انہوں نے کہا کہ سال 2019 میں قرض جی ڈی پی کا 79 فیصد جبکہ 2022 میں 71 فیصد ہے، 2019 میں ذخائر 6 بلین جبکہ فی الوقت 10 بلین ہیں۔انہوں نے مزید کہا کہ کورونا کے باوجود شرح نمو 6 فیصد ہے جو دنیا بھر میں ایک حیران کن اچیومنٹ ہے، گذشتہ حکومت اپنے تمام اہداف میں بہت سنجیدہ اور فکرمند تھی۔

اسلام آباد:حج 2022 آپریشن عملی طور پر آج رات شروع ،اطلاعات کے مطابق ترجمان سی اے اے کے مطابق روڈ ٹو مکہ اقدام کے تحت اسلام آباد سے پہلی پرواز 6 جون کو علی الصبح 03:30 منٹ پر اڑان بھرے گی، اسلام آباد سے ہی دوسری پرواز رات 08:30 بجے جائےگی اور اس موقع پر وزیراعظم شہباز شریف کی آمد بھی متوقع ہے۔

وزیراعظم امرا اورنفلی حج کرنے والوں کوسبسڈی نہ دیں:طاہراشرفی

ملتان سے پہلی حج پرواز( ائیر بلیو) کل 6 جون کو 04:30 PM منٹ پر مدینہ کے لیے روانہ ہوگی ، لاہور سے پہلی حج پرواز (ائیر بلیو) کل 6 جون کو رات 01:55 منٹ پر 220 حجاج کو لے کر مدینہ کے لیے روانہ ہوگی۔

روڈ ٹو مکہ پراجیکٹ برائے حج 2022 کے حوالے سے اسلام آباد ائرپورٹ پر اہم اجلاس ،بڑے…

ترجمان سی اے اے کا کہنا ہے کہ فیصل آباد ائیرپورٹ سے حج فلائٹس آپریٹ کرنے کے بارے وزارت مذہبی امور ضرورت پڑنے پر بعد میں آگاہ کرے گی، پشاور سے تمام اسپیشل اور گورنمنٹ حج فلائٹس کو اسلام آباد ائیرپورٹ سے ری روٹ کیا گیا ہے۔

رواں سال10 لاکھ افراد فریضہ حج ادا کریں گے،طاہر محمود اشرفی

یاد رہے کہ سعودی عرب نے پاکستان سمیت 5 ممالک کے عازمین حج کے لیے ’’روٹ ٹو مکہ‘‘ سہولت متعارف کرادی ہے۔سعودی میڈیا کے مطابق کورونا وبا کی پابندیوں کے خاتمے کے بعد کے پہلے حج کی گہماگہمی عروج پر ہے اس دوران پہلے بیرون ملک پرواز سے عازمین حج سرزمین مقدس پہنچ چکے ہیں۔اس موقع پر سعودی عرب وزارت داخلہ نے خوشخبری سنائی ہے کہ 5 ممالک کے عازمین حج کے لیے ’’روٹ ٹو مکہ‘‘ سہولت کا آغاز ہوگیا ہے۔ ان ممالک میں پاکستان بھی شامل ہے۔

پاکستان کے علاوہ اس سہولت سے مستفید ہونے والے ممالک میں بنگلادیش، ملائیشیا، مراکش اور انڈونیشیا شامل ہیں۔ یہ سہولت صرف بیرون ملک سے آنے والے عاز مین حج کے لیے مختص ہوتی ہے۔سعودی وزارت داخلہ کی جانب سے جاری بیان میں بتایا گیا ہے کہ روٹ ٹو مکہ کی سہولت کے حامل ممالک کے عازمین حج کو ان کے ممالک میں ہی امیگریشن کی سہولتیں فراہم کی جاتی ہیں جس سے حاجیوں کو کافی سہولت اور آسانی ہوتی ہے۔

واضح رہے کہ کورونا وبا کے باعث گزشتہ دو سال سے حج کا فریضہ محدود پر پیمانے پر ادا کیا جا رہا تھا اور صرف سعودیہ میں مقیم غیر ملکی ہی حج کرسکتے تھے۔