Tag: بریکنگ

وزیراعلیٰ پنجاب محمد حمزہ شہباز شریف کا سول ہسپتال بہاولپور کا اچانک دورہ،اطلاعات کے مطابق اس موقع پر وزیراعلیٰ حمزہ شہباز نے ہسپتال میں مریضوں کے علاج معالجے کی سہولتوں کا جائزہ لیاوزیراعلیٰ حمزہ شہباز نے ہسپتال میں موجود مریضوں کو ان کے لواحقین سے سہولتوں کے بارے میں دریافت کیا

وزیراعلیٰ حمزہ شہبازہسپتال میں ناکافی طبی سہولتوں پر برہم ہوئے ، یہ بھی بتایا گیا ہے کہ وزیراعلیٰ حمزہ شہباز سول ہسپتال کے بچہ وارڈمیں داخل بیماری بچی کے اداس اورپریشان حال باپ کو دیکھ کررک گئے

وزیراعلیٰ کے دریافت کرنے پر باپ نے اپنی بیٹی کی بیماری کے بارے میں بتایا، ڈاکٹروں کا کہنا ہے کہ ہم کوشش کررہے ہیں معاملہ اللہ کے سپرد ہے۔بچی کے باپ کی گفتگو،وزیراعلیٰ نے بیمار بچی کے باپ کا فون نمبر لے لیااورکمشنر کو طلب کرلیاوزیراعلیٰ حمزہ شہبازشریف نے بچی کے علاج کیلئے بہترین ڈاکٹروں کابورڈ بنانے کا حکم دیا

میں آپ کے ساتھ ہوں اوربچی کے علاج کیلئے وہ سب کریں گے جو ہمارے بس میں ہے۔وزیراعلیٰ حمزہ شہبازکی شہری کو یقین دہانی
ڈاکٹر کی بات سن کر مجھے تسلی نہیں ہوئی،ماہر ڈاکٹربلائیں۔بچی کی خراب حالت کی خبر سن کر میرا دل ہل گیا۔

وزیراعلیٰ نے قائد اعظم میڈیکل کالج کے پرنسپل کو فوری طورپر ڈاکٹروں کا بورڈ تشکیل دینے کی ہدایت کی،وزیراعلیٰ حمزہ شہباز رات 8بجے بچی کے والد سے خود بات کریں گے،وزیراعلیٰ کی ہدایت پر بچی کو بہاولپور وکٹوریہ ہسپتال کے آئی سی یو وارڈ میں شفٹ کیا جارہاہے

میرا دل چاہتا ہے اس بچی کی جان بچ جائے۔حمزہ شہباز نے مزیدکہا کہ شاید مجھے اللہ تعالیٰ نے اس بچی کے علاج کے لئے آج بہاولپور بھیجا ہے،میری بیمار بیٹی کو اللہ تعالیٰ نے شفا ء دی۔ بہاولپور کی اس بیمار بچی کو بھی اللہ ہی شفا دے گا۔

بتایا گیا ہے کہ ہسپتال میں صفائی کے انتظامات اوربعض آلات خراب ہونے پر متعلقہ حکام کی سرزنش کی اور ایک ماہ کے اندر خراب آلات کو درست کیا جائے۔صفائی کے انتظامات کوبہتربنایا جائے۔ ہسپتالوں میں اس طرح معاملات نہیں چلیں گے۔دکھی انسانیت کی خدمت کیلئے میں خود میدان میں نکلا ہوں۔

حمزہ شہباز نے کہا کہ جنوبی پنجاب کے ہسپتالوں میں علاج معالجے کی سہولتوں کو بہتر بنائیں گے۔میں دوبارہ ہسپتال آکر خودصورتحال کا جائزہ لوں گا۔ہسپتالوں میں فی الفورنئے بستروں کاانتظام کیا جائے۔

اسلام آباد:پشاور اور مردان سے چاند کی شہادتیں موصول، شرعی حیثیت جانچ رہے ہیں:اطلاعات کے مطابق قاری عبدالرؤف مدنی کی زیر صدارت زونل رویت ہلال کمیٹی کا اجلاس پشاور میں جاری ہے۔ زونل کمیٹی کے سربراہ عبدالرؤف مدنی کا کہنا تھاکہ پشاور کے نواحی علاقے سوڑیزئی سے 12 شہادتیں اور مردان سے بھی 3 شہادتیں موصول ہوئیں۔

ان کا کہنا تھاکہہ شہادتوں کی شرعی حیثیت جانچنے کے بعد مرکزی رویت ہلال کمیٹی کو آگاہ کیا جائے گا۔

دوسری جانب محکمہ موسمیات کا کہنا ہے کہ پشاور میں چاند دکھنے کا دورانیہ 37 منٹ ہے جبکہ موسم ابر آلود ہونے کی وجہ سے چاند نظر آنے کے امکانات کم ہیں۔

‏مرکزی رویت ہلال کمیٹی کا اجلاس اسلام آباد میں جاری ہے اور آخری اطلاعات کے آنے تک مرکزی رویت ہلال کمیٹی کو اسلام آباد میں چاند نظر نہیں آیا.مرکزی رویت ہلال کمیٹی کو راولپنڈی، اسلام آباد سے چاند کی رویت کی کوئی شہادت موصول نہیں ہوئی

اسلام آباد میں چاند کے غروب ہونے کا وقت 7 بج کر 18 منٹ ہے،

محکمہ موسمیاتآبادی کے لحاظ سے پاکستان کے سب سے بڑے صوبے پنجاب میں شوال کا چاند نظر نہ آنے کا اعلان کیا گیا ہے۔شوال کا چاند دیکھنےکیلئے زونل رویت ہلال کمیٹی کا اجلاس لاہور میں ہوا جس کے بعد مفتی رمضان سیالوی نے اعلان کیا کہ پنجاب میں شوال کا چاند نظر آنے کی شہادت موصول نہیں ہوئی۔

انہوں نے کہا کہ محکمہ موسمیات کے چاند سے دورانیہ کا وقت ختم ہو چکا ہے اس وقت میں کہیں بھی چاند کی کوئی شہادت موصول نہیں ہوئی، 6 بجکر 44منٹ سے 7 بجکر 20منٹ تک چاند کا دورانیہ تھا۔مفتی رمضان سیالوی کا کہنا تھا کہ شوال کے چاند سے متعلق حتمی اعلان مولانا عبدالخبیرآزاد کریں گے۔

دوسری جانب سندھ ملک کے سب سے بڑے شہر کراچی میں بھی شوال کا چاند نظر نہ آنے کا اعلان کیا گیا ہے۔

سراج الحق نے کہا ہے کہ اسلام محنت کشوں کے حقوق کا سب سے بڑا محافظ ہے۔عالمی یومِ مزدور کے موقع پر امیر جماعتِ اسلامی سراج الحق نے اپنے ایک بیان میں کہا کہ محنت کش اللّٰہ تعالیٰ کا دوست ہے۔انہوں نے کہا کہ ہر محنت کش کی بنیادی ضروریات کو پورا کرنا حکومت کا فرض ہے۔

سراج الحق نے یہ بھی کہا کہ پاکستان میں 2 کروڑ سے زائد صنعتی و تجارتی ورکرز بنیادی حقوق سے محروم ہیں۔ان کا کہنا تھا کہ اسلام محنت کشوں کے حقوق کا سب سے بڑا محافظ ہے، لاکھوں دیہاڑی دار مزدوروں کو آج تک کسی ادارے نے رجسٹرڈ نہیں کیا۔

امیر جماعتِ اسلامی سراج الحق نے مطالبہ کیا کہ گوادر کے ماہی گیروں کے مسائل اور مطالبات منظور کیے جائیں، مزدوروں کو ان کی محنت کا جائز معاوضہ ملنا چاہیے۔

واضح رہے کہ پاکستان سمیت دنیا بھر میں آج مزدوروں کا عالمی یوم مزدور منایا جارہا ہے، اس سلسلے میں تمام بڑے شہروں میں ریلیوں کا اہتمام کیا جارہا ہے۔

ہر سال یکم مئی کو مزدوروں کا دن محنت کی حرمت عظمت کی علامت ہے، جبکہ یہ دن ہمیں شکاگو کے شہداء اور ان کی جبرو استبداد کے خلاف جدوجہد کی یاد دلاتا ہے۔

عالمی یوم مزدور شکاگو میں مزدوروں کی جانب سے کئے جانے والے احتجاج پر امریکی حکومت کی جانب سے تشدد کے نتیجے میں جاں بحق اور زخمی ہونے والے مزدوروں کی یاد میں منایا جاتا ہے۔

یکم مئی اٹھارہ سو چھیاسی میں چند مزدور رہنماؤں کی اپیل پر شکاگو کی فیکٹریوں میں کام کرنے والے چار لاکھ مزدوروں کی جانب سے ہڑتال کی گئی، ہڑتال اس قدر کامیاب تھی کہ ایک امریکی اخبار نے لکھا کہ کسی ایک بھی فیکٹری کی چمنی سے دھواں اٹھتا دکھائی نہیں دیا۔

مزدوروں کا مطالبہ تھا کہ ان کے کام کے اوقات 14 گھنٹے سے کم کر کے آٹھ گھنٹے کیے جائیں اور اس مطالبے میں مقامی، غیر مقامی، ہنر مند اور مزدور سب ہی شامل تھے مگر پولیس نے مظاہرین کو منتشر کرنے کیلئے فائرنگ کی جس کے نتیجے میں کئی مزدور مارے گئے اور ان کی تعداد کے بارے میں اب تک درست معلومات نہیں۔

اسلام آباد: "میری جان کو خطرہ ہے،قتل کی سازش رچائی جارہی ہے”:شیخ رشید کا ہنگامی پیغام ،اطلاعات کے مطابق عوامی مسلم لیگ کے سربراہ شیخ رشید نے تہلکہ خیز انکشاف کیا ہے کہ میری جان کو خطرہ ہے، مجھے قتل کرنا چاہتے ہیں، اہم اداروں کو آگاہ کردیا ہے۔

تفصیلات کے مطابق عوامی مسلم لیگ کے سربراہ شیخ رشید نے اسلام آباد میں نیوز کانفرنس میں انکشاف کیا کہ یہ لوگ مجھے قتل کرنا چاہتے ہیں، اسلام آباد مارچ میں حادثہ کرنا چاہتے ہیں، میرا کل دو بار پیچھا کیا گیا، تھانہ سیکریٹریٹ اور کوہسار میں درخواست دے آیا ہوں۔

شیخ رشید نے کہا کہ آرمی چیف، ڈی جی آئی ایس آئی،ڈی جی آئی بی کو بھی درخواست دی ہے کہ یہ سات افراد میری جان کے در پے ہیں اور مجھے قتل کرنا چاہتے ہیں، اگر مجھے کچھ ہوا تو نوازشریف ،شہبازشریف ،حمزہ،سلیمان، سلمان نواز اور راناثنا ذمے دار ہونگے، تھانےمیں جمع کرائی درخواست کی کاپی عمران خان کو دینے جارہا ہوں۔

نیوز کانفرنس میں شیخ رشید نے ایک اور انکشاف کیا کہ امپورٹڈ حکومت مجھے لانگ مارچ سے قبل گرفتار کرنے کے درپے ہے، انہیں کہتا ہوں کہ مجھے گرفتار کرنے کا شوق پورا کرلیں، جیل تو میرے سسرال ہے۔

شیخ رشید نے واضح طور پر کہا کہ مقتدر حلقوں اور اسٹیبلشمنٹ سے کہتا ہوں رانا ثناءاللہ کو پٹہ ڈالا جائے، رانا ثناءاللہ ملک میں خانہ جنگی چاہتا ہے اگر عمران خان اور مجھے گرفتار کریں گے تو لوگ خود اسلام آباد آجائیں گے۔

عوامی مسلم لیگ کے سربراہ کا کہنا تھا کہ مقتدرحلقے کبھی خاموش نہیں رہتے انکی کمٹمنٹ پاکستان کیساتھ ہیں، مقتدر حلقوں کی آنکھ اور کان کھلےہیں، اس سے قبل مقتدرحلقوں کی باری آئے وہ اس ملک میں الیکشن کروادیں۔

شیخ رشید کا مزید کہنا تھا کہ پاکستان میں سیاسی عمل کو بے عمل کیاگیا، آصف زرداری یہی چاہتے تھےکہ پنجاب میں گند پھیلے،سب سے بڑےگندےآدمی راناثنااللہ کےذریعےگندڈالناچاہتےہیں۔

اسلام آباد:حکومت کا پہلا مہینہ،مہنگائی 27 ماہ کی بلند ترین سطح پر پہنچ گئی ،اطلاعات کے مطابق نئی حکومت کا پہلا مہینہ مہنگائی کے ستائے عوام پر بھاری رہا، اپریل میں مہنگائی 27 ماہ کی بلند ترین سطح پر پہنچ گئی۔

ادارہ شماریات نے مہنگائی سے متعلق ماہانہ رپورٹ جاری کردی ہے جس کے مطابق ملک میں مسلسل چھٹے مہینے بھی مہنگائی کی شرح دہرے ہندسے میں رہی، اپریل میں مہنگائی کی شرح بڑھ کر 13.37 فیصد ہوگئی جو جنوری 2020 کے بعد سب سے بلند ترین سطح ہے۔

ادارہ شماریات کے مطابق اپریل میں مہنگائی میں 1.61 فیصد کا اضافہ ہوا، دیہی علاقوں میں مہنگائی 1.63 فیصد اور شہری علاقوں میں مہنگائی 1.6 فیصد بڑھی۔مارچ 2022 میں مہنگائی کی شرح 12.7 اوراپریل 2021 میں مہنگائی کی شرح 11.1 فیصد تھی۔

ادارہ شماریات کے مطابق اپریل میں دیہی علاقوں میں مہنگائی سب سے زیادہ 15.1 اور شہری علاقوں میں 12.2 فیصد رکارڈ کی گئی جبکہ رواں مالی سال کے پہلے 10 ماہ جولائی تا اپریل کے دوران مہنگائی کی اوسط شرح 11.04 فیصد رہی۔

ادارہ شماریات کے مطابق اپریل میں سالانہ بنیادوں پر شہری علاقوں میں ٹماٹر 124.68 فیصد، پیاز 61.64 فیصد، کوکنگ آئل 60 فیصد، گھی 58.7 فیصد، دال مسور 40.3 فیصد اور پھل 30.64 فیصد مہنگے ہوئے۔

اسی طرح اپریل میں مارچ کے مقابلے میں شہری علاقوں میں ٹماٹر 51.53 فیصد، پیاز 42.83 فیصد، پھل 21.7 فیصد، سبزیاں 14.4 فیصد، کوکنگ آئل 11.35 فیصد اور گھی کی قیمتوں میں 8.26 فیصد کا اضافہ ہوا۔واضح رہے کہ اس سے قبل فروری میں مہنگائی 12.96 فیصد شرح کے ساتھ 2 سال کی بلند ترین سطح پر ریکارڈ کی گئی تھی۔

خیال رہے کہ 2 روز قبل وزارت خزانہ کی جانب سے ملک میں بڑھتی ہوئی مہنگائی، کرنٹ اکاؤنٹ خسارہ، بلند مالیاتی خسارہ اور اقتصادی ترقی کے امکانات کو کم کرنے سمیت غیر معینہ دورانیے تک جاری رہنے والے اندرونی اور بیرونی چیلنجز کے امتزاج کے پیش نظر معیشت کے لیے آنے والے دن مشکل ہونے کی پیش گوئی کی گئی تھی۔

وزیر خزانہ مفتاح اسمٰعیل بین الاقوامی مالیاتی فنڈ (آئی ایم ایف) کے ساتھ معاہدے پر بات چیت کے بعد وطن واپس پہنچنے پر پیٹرولیم مصنوعات 21 روپے فی لیٹر مہنگی ہونے کا عندیہ دیتے ہوئے سبسڈی واپس لینے کا اشارہ بھی دے چکے ہی

ں۔

اسلام آباد: چیئرمین پاکستان تحریک انصاف عمران خان کا کہنا ہے کہ شریف خاندان مجھے دھمکیاں دیتاتھا کہ ہماری بھی باری آئےگی، اب ان کا این آر او ٹو شروع ہوگیا ہے۔

تفصیلات کے مطابق اسلام آباد میں نیوز کانفرنس کرتے ہوئے عمران خان نے شریف خاندان کی کرپشن پر وائٹ پیپر جاری کیا اور بتایا کہ انہوں نے کس طرح اپنی نوکروں کے نام پر ملکی پیسہ لوٹ کر بیرون ملک منتقل کیا۔

چیئرمین پی ٹی آئی نے بتایا کہ میں ان کے کیسز کا وائٹ پیپرسامنے لارہا ہوں، ہم نے اپنے دور میں ان پر کرپشن کا کوئی کیس نہیں کیا، صرف مقصود چپڑاسی والا کیس ہمارے دور میں شروع ہوا، ان پر سارے کیسز ہمارے دور سے پہلے کےہیں۔

عمران خان نے کہا کہ وائٹ پیپر رکھنےکامقصد ہےکہ اب ان کا این آراو ٹو شروع ہوگیاہے، ان کی مجھ سے یہ شکایت تھی کہ انہیں این آر او دوں، این آر او ون سے ملک کو نقصان پہنچا اب یہ این آر او ٹو لےرہےہیں،جس کا صرف ایک مقصد ہے کہ ان کے کیسز ختم ہوجائیں۔

برطرف وزیراعظم نواز شریف کے مفرور بیٹوں کا حوالہ دیتے ہوئے عمران خان نے کہا کہ نواز شریف کے بیٹے ن لیگ کے دور میں پاکستان سے فرار ہوئے۔ دونوں سے سوال کیا گیا تو انہوں نے کہا کہ ہم پاکستان کے شہری نہیں۔

فرح خان سے متعلق بات کرتے ہوئے عمران خان نے کہا کہ فرح خان پر جو کیس ڈالا ہے پہلے یہ کسی کو دکھائیں کہ یہ کیس ،فرح کوئی عوامی عہدے دار نہیں تھی جس پر یہ کیس بنتا ہے۔ یہ دراصل فرح خان پر کیس کرکے مجھے پریشر میں لانا چاہتا ہیں۔ یہ لوگ فرح خان کے ساتھ ایسے ہی کیسز بنا رہے ہیں جیسے انہوں نے سابق اہلیہ جمائما کے خلاف مجھ سے انتقام لینے کیلئے جھوٹے ٹائلز کے کیسز بنائیں۔

لاہور:گورنر کو ہٹانے کی سمری ایوان صدر کو موصول،اطلاعات کےمطابق وزیراعظم شہبازشریف نے ایک بارپھرگورنرپنجاب کوہٹانے کے لیے سمری صدرمملک ڈاکٹرعارف الرحمن علوی کو بھیج دی ہے ،

دوسری طرف ماہرین قانون کا کہنا ہے کہ صدر اگر گورنر کو نہیں ہٹاتے تو 10 دن میں خود ہی فارغ ہو جائیں گے،یہ بھی بتایا جارہا ہے کہ وزیراعظم نئے گورنر کیلئے نام بھی صدر مملکت کو ارسال کریں گے،گورنر شپ پیپلزپارٹی کو ملنے کا امکان ہے اور کہا جارہا ہے کہ گورنرپنجاب کا فیصلہ آصف علی زرداری کریں گے

یاد رہے کہ اس سے پہلے بھی گورنرپنجاب کو ہٹانے کے لیے سمری صدرمملکت کو بھیجی گئی تھی ،صدر مملکت ڈاکٹر عارف علوی نے گورنر پنجاب کو ہٹانے کی سمری واپس بھیج دی۔ وزیراعظم نے 15 اپریل کو عمر سرفراز چیمہ کو ہٹانے کی سمری صدر مملکت کو بھیجوائی تھی۔

وزیراعظم شہباز شریف نے گورنر پنجاب عمر سرفراز چیمہ کو عہدے سے ہٹانے کیلئے سمری 1 اپریل کو صدر مملکت ڈاکٹر عارف علوی کو بھجوائی تھی۔صدر مملکت ڈاکٹر عارف علوی نے گورنر پنجاب کو ہٹانے کی سمری واپس بھجوادی تاہم وزیراعظم ہاؤس کا کہنا ہے کہ ایوان صدر سے واپس بھیجی گئی سمری تاحال موصول نہیں ہوئی۔

صدر مملکت ڈاکٹر عارف علوی کو قانونی ماہرین نے سمری پر اعتراض لگانے کی سفارش کی تھی۔

ادھر اہم حلقوں کی طرف یہ بھی کہا جارہا ہے کہ گورنرپنجاب کے لیے ن لیگی قیادت تذبذب کا شکار ہے ،کیوں وعدے کے مطابق گورنرشپ پی پی کے حصے میں آنا ہے ، جبکہ ن لیگی نظریاتی کارکنوں کا کہنا ہےکہ اس قدر بے بسی یا پسپائی ن لیگ کے لیے نقصان دہ ہے

پشاور:نوشہرہ آئل ٹینکرزآتشزدگی:پٹرول بحران جنم لے سکتا ہے ،اطلاعات کے مطابق نوشہرہ میں آئل ٹینکرکو آگل لگنے کے واقعہ کے بعد علاقے میں تیل کی کمی کے بحران کا خدشہ ظاہر کیا جارہا ہے ، اور یہ بھی امکان ہے کہ پٹرول دستیاب ہی نہ ہواوراگرملے تو مہنگے داموں‌ ہی ملے ،

اس حوالے سے معلوم ہوا ہے کہ تارو جبہ میں آئل ٹینکرآتشزدگی کا واقعہ کے بعد پٹرول کی کمی اوربحران کے خدشے کے پیش نظرنوشہرہ ضلعی انتظامیہ نے رپورٹ صوبائی حکومت کو ارسال کردی

پشاور ، تارو جبہ میں آئل ٹینکرآتشزدگی کا واقعہ

عید کے دنوں میں سیاحتی مقامات میں پیٹرول کی کمی کا خدشہ

نوشہرہ ضلعی انتظامیہ نے رپورٹ صوبائی حکومت کو ارسال کردی

— Ghazanfar Abbas (@ghazanfarabbass) May 1, 2022

یاد رہےکہ کل نوشہرہ میں آئل ٹینکر ڈپو میں اچانک خوفناک آگ بھڑک اٹھی جس نے متعدد ٹینکرز کو اپنی لپیٹ میں لے لیا تھا۔ذرائع کے مطابق ریسکیو حکام کا کہنا ہے کہ تارو جبہ آئل ڈپو کے کچھ فاصلے پر پارکنگ ایریا میں آگ لگی اور دیکھتے ہی دیکھتے ہی پھیل گئی۔

ریسکیو حکام کے مطابق آئل ڈپو میں 70 ٹینکرز موجود ہیں آگ لگنے سے 30 آئل ٹینکرز جل گئے جبکہ متعدد کو نکال لیا گیا ہے۔ذرائع کے مطابق ریسکیو 1122، فائر فائٹرز اور فائر بریگیڈ آگ بجھانے میں مصروف ہیں تاہم 7 گھنٹے گزرنے کے بعد بھی آگ پر قابو نہ پایا جاسکا ہے۔

ترجمان ریسکیو حکام کا کہنا ہے کہ نوشہرہ، مردان، پشاور سے بھی فائر بریگیڈ طلب کرلی گئی ہیں۔ڈپٹی کمشنر میر رضا کا کہنا تھاکہ آگ 50 آئل ٹینکرز میں پھیل گئی اور ٹینکرز میں تقریباً 20 لاکھ لیٹر پیٹرول تھا۔ذرائع کا بتانا ہے کہ آئل ڈپو میں آگ لگنے کی وجہ تاحال معلوم نہیں ہوسکی ہے۔

اسلام آباد :اوگرا کا مئی کیلئے ایل پی جی کی قیمت میں کمی کا اعلان،اطلاعات کے مطابق آئل اینڈ گیس ریگولیٹری اتھارٹی (اوگرا) نے مئی کیلئے ایل پی جی کی قیمت میں کمی کا اعلان کر دیا۔

اس ضمن میں جاری نوٹی فکیشن کے مطابق ایل پی جی کی فی کلو قیمت میں 15 روپے 27 پیسے فی کلو گرام کمی کر دی گئی ہے جس کے بعد اس کی نئی قیمت 231 روپے 85 پیسے ہو گئی،

نوٹی فکیشن کے مطابق ایل پی جی کا 11.8 کلو کا گھریلو سلنڈر 180 روپے 28 پیسے سستا ہوگیا۔

نوٹی فکیشن کے مطابق گھریلو سلنڈر کی نئی قیمت 2735 روپے 83 پیسے مقرر کی گئی ہے،اپریل میں ایل پی جی کا گھریلو سلنڈر 2916 روپے 11 پیسے کا تھا۔

ادھر وفاقی حکومت نے پٹرولیم مصنوعات کی قیمتیں برقرار رکھنے کا فیصلہ نوٹیفکیشن جاری کر دیا گیا۔

تفصیلات کے مطابق حکومت نے آئندہ 15 دن کے لئے پیڑولیم منصوعات کی قیمتیں برقرار رکھنے کا فیصلہ کیا ہے۔ اگلے 15 روز کے لئے پٹرول کی فی لیٹر قیمت 149 روپے 86 پیسے، ہائی سپیڈ ڈیزل کی قیمت 144 روپے 15 پیسے، مٹی کے تیل کی قیمت 125.56 اور لائٹ ڈیزل کی قیمت 118 روپے 31 پیسے پر برقرار رہے گی۔ قیمتیں برقرار رکھنے کا نوٹیفکیشن جاری کر دیا گیا۔

اس سے قبل گزشتہ روز وزیراعظم شہباز شریف نے ملک میں پٹرولیم مصنوعات کی قیمتوں میں اضافے کی سمری مسترد کر دی تھی۔

وفاقی حکومت کا عید پر عوام کو تحفہ، پیٹرولیم مصنوعات کی قیمتیں نہ بڑھانے کا اعلان کردیا۔

وفاقی حکومت نے پیٹرولیم مصنوعات کی موجودہ قیمتیں برقرار رکھنے کا فیصلہ کیا ہے اور اس حوالے سے نوٹیفکیشن بھی جاری کردیا گیا ہے۔

وزیر اعظم نے پیٹرولیم مصنوعات کی قیمتوں میں اضافے کی اوگرا کی سمری مسترد کر دی۔

وزارت خزانہ نے پیٹرولیم مصنوعات کی قیمتوں سے متعلق اعلامیہ جاری کر دیا ہے۔

وزارت خزانہ کے مطابق پیٹرول کی قیمت 149 روپے 86 پیسے، ہائی اسپیڈ ڈیزل کی قیمت 144 روپے 15 پیسے ، مٹی کے تیل کی فی لیٹر قیمت 125 روپے 56 پیسے  اور لائٹ ڈیزل کی نئی قیمت 118 روپے 31 پیسے فی لیٹر برقرار ہے۔

قیمتوں کا اطلاق آج رات 12 بجے سے ہو گا۔