Tag: بریکنگ

گودار میں پولیس اہلکار کی شہادت پر وزیراعلیٰ کا نوٹس، ملوث افراد کو گرفتار کرنے کی ہدایت
کوئٹہ: وزیر اعلیٰ بلوچستان میر عبدالقدوس بزنجو اور صوبائی وزیر داخلہ میر ضیاء اللہ لانگو نے حق دو تحریک کے مشتعل مظاہرین کے ہاتھوں پولیس اہلکار کی شہادت کی شدید الفاظ مذمت کی ہے۔وزیراعلیٰ بزنجو نے حکام کو واقعے کی رپورٹ پیش کرنے کی ہدایت کرتے ہوئے ملزمان کی گرفتاری کے لیے خصوصی ٹیم تشکیل دینے کا حکم دیا اور کہا کہ فائرنگ کے مجرموں کو جلد گرفتار کر لیا جائے گا۔

انہوں نے کہا کہ ہم اس معاملے کا جائزہ لے رہے ہیں اور اس بات کو یقینی بنائیں گے کہ اس واقعے کے ذمہ داروں کو انصاف کے کٹہرے میں لایا جائے اور ملزمان کو قانون کے مطابق سزا دی جائے۔

عبدالقدوس بزنجو نے کہا کہ ’’اشتعال انگیزی کے باعث ایک نوجوان پولیس اہلکار کی شہادت انتہائی افسوسناک ہے۔ اللہ شہید اہلکار کے درجات بلند کرے اور لواحقین کو صبر جمیل عطا فرمائے”۔ انہوں نے کہا کہ ایسے واقعات ناقابل برداشت ہیں اور چیئرمین حق دو تحریک کے خلاف ایف آئی آر درج کرنے کی ہدایت کی ہے۔

یاد رہے کہ اس سے پہلےبلوچستان حکومت کے ترجمان نے کہا ہے کہ گوادر میں حق دو تحریک کے مظاہرین کی فائرنگ سے پولیس اہلکار شہید ہوگیا، جس پر مولانا ہدایت الرحمان کے خلاف قتل کی ایف آئی آر درج کی جارہی ہے۔
گوادر میں صورت حال پر بلوچستان حکومت کے ترجمان نے بیان جاری کیا کہ گوادر میں حق دو تحریک کے مشتعل مظاہرین کی اشتعال انگیزی جاری ہے، مشتعل مظاہرین نے فائرنگ کرکے پولیس اہلکار کو شہید کر دیا، پولیس اہلکار پر مظاہرین کی جانب سے براہ راست فائرنگ کی گئی، جس سے اُسکی گردن پر گولی لگی اور وہ موقع پر ہی شہید ہوگیا۔
دسمبر 28, 2022
پاکستان بمقابلہ نیوزی لینڈ: دوسرے ٹیسٹ کیلئے تماشائیوں کی انٹری مفت کرنےکا اعلان
کراچی:پاکستان کرکٹ بورڈ (پی سی بی) نے پاکستان اور نیوزی لینڈ کے درمیان جاری 2 میچوں کی سیریز کے دوسرے ٹیسٹ سے متعلق بڑا فیصلہ کرتے ہوئے میچ کے لیے تماشائیوں کی انٹری مفت کرنے کا فیصلہ کیا ہے۔
واضح رہے کہ کراچی میں جاری پہلے ٹیسٹ کے دوران شائقین کی اسٹیڈیم میں حاضری بہت کم رہی ہے، اس صورتحال کو دیکھتے ہوئے انتظامیہ نے اسٹینڈز کو بھرنے کے لیے فوری اقدامات کرنے کی ضرورت محسوس کی اور اس سلسلے میں اقدامات کرنے کا فیصلہ کیا گیا جب کہ اسٹیڈیم میں شائقین کی کم موجودگی پر مختلف حلقوں کی جانب سے تنقید کا نشانہ بھی بنایا جارہا ہے اور اس سلسلے میں اقدامات کرنے اور میچ دیکھنے والوں کو سہولیات فراہم کرنے کا مطالبہ بھی کیا جاتا رہا ہے۔
سرفراز احمد نے اپنے سلیکشن کو درست ثابت کردیا،چیف سیلیکٹر شاہد آفریدی
اسی صورتحال کو دیکھتے ہوئے پاکستان کرکٹ بورڈ نے پاکستان اور نیوزی لینڈ کے درمیان دوسرے ٹیسٹ کے دوران کراچی والوں کے لیے 2 وی آئی پی انکلوژرز کے علاوہ تمام اسٹینڈز میں مفت داخلے کا اعلان کیا ہے۔
کرکٹ صرف کراچی اور لاہور تک محدود نہیں رکھنا چاہتے،نجم سیٹھی
ٹکٹ پہلے آئیے پہلے پائیے کی بنیاد پر دستیاب ہوں گے، میزبان ٹیم اور کیویز کے درمیان دوسرا ٹیسٹ 2 سے 6 جنوری تک کھیلا جائے گا۔یہاں یہ بات قابل ذکر ہے کہ جاوید میانداد اور حنیف محمد انکلوژرز کو وی آئی پی کا درجہ حاصل ہے اور ان کے ٹکٹ کی یومیہ قیمت 500 روپے ہے۔
سابق ورلڈ چیمپئن باکسر عامر خان کی اسپورٹس بورڈ پنجاب آمد
اس کے علاوہ پی سی بی نے طلبہ کو اسٹیڈیم لانے کے لیے یونیورسٹیوں، اسکولوں اور دیگر تعلیمی اداروں سے بھی رابطہ کرنا شروع کر دیا ہے، کرکٹ بورڈ نے مزید کہا کہ اس سلسلے میں اولڈ ایج ہومز اور یتیم خانوں سے بھی رابطہ کیا جائے گا۔
دسمبر 28, 2022
لاہور: تنور مالکان نے نان اور روٹی کی قیمتیں بڑھانے کیلئے کمر کس لی
لاہور:آٹے کی قیمت میں اضافے کے بعد تنور مالکان نے بھی نان اور روٹی کی قیمتیں بڑھانے کے لیے کمر کس لی، کہتے ہیں آٹے کی قیمت کنٹرول نہ کی گئی تو پھر نان اور روٹی کی قیمت میں اضافہ کر دیں گے۔
چونیاں : تحصیل بھر میں کم وزن روٹی و نان زائد قیمت میں فروخت جاری
ایک کے بعد ایک چیز مہنگی، فلور ملز مالکان کے بعد تنور مالکان بھی میدان میں آ گئے۔ اطلاعات ہیں کہ اس اعلان کے بعد نان اور روٹی کی قیمت میں 4 روپے تک اضافے کا خدشہ پیدا ہو گیا۔ لاہور سمیت پورے پاکستان میں آٹے اور فائن کی قیمت میں بے پناہ اضافہ ہو چکا ہے ۔تندور مالکان ایسوسی ایشن کا کہنا ہےکہ 15 کلو والا آٹا کا تھیلا 1900 روپے کا ہو گیا اور اس کے ساتھ ساتھ فائن کی 80 کلو والی بوری کا ریٹ 10ہزار 800 روپے ہو گیا
سعودی عرب: 100 سے زیادہ قسم کی روٹیاں بنانے والی خاتون کے چرچے
تندور مالکان کاکہنا ہےکہ موجودہ صورتحال میں روٹی 14 اور نان 24 میں فروخت کرنا نامکمن ہے ، ان کا یہ بھی کہنا تھاکہ نان کا ریٹ 35 اور روٹی 25 روپے کرنے کی اجازت مانگ لی،یہ بھی معلوم ہوا ہے کہ تندور مالکان نے ڈپٹی کمشنر لاہور کو باصابطہ درخواست دے دی
شیخوپورہ – روٹی 100گرام 8 روپے اورنان 120گرام 15 روپے ،زیادہ نرخ اور کم وزن…
تنور مالکان کے پاس پرانا سٹاک ختم ہو گیا تو قیمتیں بڑھانے پر مجبور ہو جائیں گے، تنور مالکان کا کہنا ہے کہ اگر آٹا اور میدہ مہنگا ملا تو نان اور روٹی کی قیمت میں اضافہ کر دیا جائے گا۔دوسری طرف عوام الناس کا کہناہےکہ ایک طرف ملک میں مشکل معاشی حالات میں پہلے ہی مہنگائی کا دور دورہ ہے اور اب روٹی اور نان مہنگے ہونے کی صورت میں غریب کے لئے دو وقت کی روٹی بھی مشکل ہو جائے گی۔
دسمبر 28, 2022
پاکستان کی بڑی ٹیکسٹائل کمپنی نشاط چونیاں بھی بحران کا شکار:آپریشن معطل کرنےکا اعلان
لاہور:پاکستان کی بڑی ٹیکسٹائل کمپنیوں میں سے ایک نشاط چونیاں لمیٹڈ نے سرمایہ کاروں کو اطلاع دی کہ مارکیٹ کے حالات کی وجہ سے متعدد اسپنڈلز عارضی طور پر بند کر رہے ہیں۔پاکستان اسٹاک ایکسچینج (پی ایس ایکس) میں جمع دستاویزات میں نشاط چونیاں لمیٹڈ (این سی ایل) نے بتایا کہ کمپنی کے اسپننگ ڈویژن میں 2 لاکھ 19 ہزار 528 اسپنڈلز اور 2 ہزار 880 روٹرز ہیں تاہم کمپنی نے مارکیٹ کی صورت حال کے پیش نظر عاضی طور پر ایک مہینے بعد 51 ہزار 360 اسپنڈلز بند کرنے کا فیصلہ کیا ہے۔
اس میں بتایا گیا کہ باقی یونٹس بدستور کام جاری رکھیں گے جبکہ بند کیے جانے والے اسپنڈلز کو صورت حال بہتر ہونے پر چلایا جائے گا۔نشاط چونیاں لمیٹڈ ان کمپنیوں میں سے ایک ہے جنہوں نے عارضی طور پر کام معطل کیا ہے، اسے کے علاوہ کچھ دنوں کے لیے کام بند کرنے والی کمپنیوں میں انڈس موٹر کمپنی، پاک سوزوکی کمپنی لمیٹڈ، بولان کاسٹنگ، بلوچستان ویلز لمیٹڈ، ملت ٹریکٹرز لمیٹڈ شامل ہیں۔
اکتوبر میں بڑی صنعتوں کی پیداوار میں سالانہ لحاظ سے 7.75 فیصد کمی ہوئی تھی، آٹوموبائلز میں 30.56 فیصد، ٹیکسٹائل میں 24.62 فیصد، مشینری اور آلات میں 38.01 فیصد، لکڑی کی مصنوعات میں 81.75 فیصد، کمپیوٹر، الیکٹرانکس اور آپٹیکل مصنوعات میں 25.66 فیصد جبکہ دواسازی میں سالانہ لحاظ سے 18.56 فیصد کمی واقع ہوئی۔19 دسمبر کو انڈس موٹر کمپنی(آئی ایم سی) نے اسٹیٹ بینک آف پاکستان (ایس بی پی) کی جانب سے درآمدات کی منظوری میں تاخیر کے سبب پرزہ جات کی کمی کی وجہ سے 20 سے 30 دسمبر تک پیداوار بند کرنے کا اعلان کیا تھا۔
خط میں مزید لکھا گیا تھا کہ سی کے ڈی کٹس اور پرزہ جات کی درآمد کی منظوری میں تاخیر اور وینڈرز کے لیے خام مال کی درآمد اور کلیئرنس میں مشکلات درپیش ہیں، مزید کہا گیا کہ اس کی وجہ سے ملک میں پرزہ جات کی قلت ہو گئی، جس کے نتیجے میں سپلائی چین اور پیداواری سرگرمیوں پر منفی اثر پڑا ہے۔
دسمبر 28, 2022
الیکشن کمیشن نے حکومت کو آرٹیکل 140 اے میں ترمیم کی سفارش کر دی
اسلام آباد:الیکشن کمیشن نے حکومت کو آرٹیکل 140 اے میں ترمیم کی سفارش کر دی ،اطلاعات کے مطابق پاکستان میں سیاسی صورت حال کی تبدیلی کے ساتھ ساتھ الیکشن قوانین میں بھی تبدیلیاں نظرآرہی ہیں،اس حوالےسے یہ معلوم ہوا ہے کہ الیکشن کمیشن نے وفاقی حکومت کو ترمیم کی سفارش کردی ہے، یہ ترمیم کب تک متوقع ہے اس کےبارے میں فی الحال ابھی کچھ نہیں کہا جاسکتا،
سعودی عرب جانیوالے مسافر سے 46،605 سعودی ریال برآمد
اس کے ساتھ ساتھ الیکشن کمیشن آف پاکستان نے وفاقی حکومت کو الیکشن ایکٹ 2017 کی شق 219 میں بھی ترمیم کی سفارش کردی ہے ،قانون میں ترمیم ضروری ہو تو مقامی حکومتوں کی مدت پوری ہونے سے قبل کی جائے، ادارے کی طرف سے کہا گیا ہے کہ الیکشن کمیشن آئین کےتحت بلدیاتی الیکشن کے ایکٹ پر عملدرآمد کا پابند ہوتاہے،جو بھی قانون سازی کی جائے وہ بلدیاتی حکومتوں کی مدت ختم ہونے سے قبل کی جائے،
ملکی معاشی صورتحال کے بارے میں کابینہ ڈویژن کے نام سے جاری خط بے بنیاد. وزارت…
ذرائع الیکشن کمیشن کا کہنا ہے کہ الیکشن ایکٹ میں تبدیلی کے بعد الیکشن کمیشن کی تیاریاں ضائع ہوجاتی ہیں،قانون بنایا جائےکہ لوکل باڈیز کی مدت ختم ہونےمیں 3 ماہ رہ جائیں تو ایکٹ تبدیل نہ کیا جائے،الیکشن کمیشن نے وفاقی حکومت کوخط لکھ دیا،ذرائع الیکشن کمیشن کا کہنا ہے کہ بلدیاتی انتخابات کاالتوارکوانے کیلئےقانون سازی کی جائے،

آئین کا آرٹیکل 140 کہتا ہے کہ صوبائی حکومت ایسی بلدیاتی حکومتوں کے الیکشن کروائیں گی جنہیں منتخب ہونے کے بعد سیاسی، انتظامی اور مالی خود مختاری دی جائے گی۔
دسمبر 28, 2022
سمترا نندن پنت ہندوستان کے ایک معروف شاعر:دنیا بھرمیں مقبول
پیدائش:20 مئی 1900
۔۔۔ Kausani، North-Western
۔۔۔ Provinces
۔۔۔ برطانوی ہند کے صوبے اور علاقے
وفات:28 دسمبر 1977ء
الٰہ آباد، اتر پردیش، بھارت
قومیت:Indian
تعلیم:Hindi Literature
موضوع:Sanskrit
اہم اعزازات:پدم بھوشن (1961)
گیان پیٹھ انعام (1968)
سمترا نندن پنت ہندوستان کے ایک معروف شاعر تھے۔ وہ 20ویں صدی کے ہندی زبان کے سب سے زیادہ پڑھے جانے والے اور پسند کیے جانے والے شعرا میں سے ہیں۔ وہ رومانی شاعر تھے جنہوں نے فطرت، عوام اور ان کی خوبصورتی کو اپنا موضوع سخن بنایا۔
پس منظر
۔۔۔۔۔۔
پنت کی ولادت اتراکھنڈ کے الموڑا ضلع کے کوسانی گاؤں میں ہوئی۔ وہ درمیانی درجہ کے براہمن خاندان میں پیدا ہوئے۔ ولادت کے چند گھنٹوں بعد ہی والدہ چل بسیں۔ انھیں پھر کسی سے کبھی لگاؤ نہیں ہوا۔ انھوں نے والد، دادی/نانی یا بھائی سے والہانہ تعلق قائم نہیں کیا اور یہ ان کی تحریروں میں صاف جھلکتا ہے۔ گویاکہ یہی سوچ ان کے شاعر ہونے کا محرک ثابت ہوئی۔ ان کے والد چائے کے ایک باغ میں کام کرتے تھے۔ وہ وہاں منیجر تھے اور زمین میں بھی ان کی شراکت داری تھی۔ پنت گاؤں میں ہی پلے بڑھے اور وہیں سے انھیں فطرت میں دلچسپی پیدا ہو گئی اور یہی دلچسپی ان کی شاعری کا موضوع بنی۔
انہوں نے 1918ء میں کوینس کالج بنارس میں داخلہ لیا اور سروجنی نائڈو اور رابندر ناتھ ٹیگور کا مطالعہ شروع کیا۔ ان دو شخصیات نے پنت کو خوب متاثر کیا۔ انھوں کچھ انگریزی رومانی شاعروں کو بھی پڑھا۔ 1919ء میں وہ الہ آباد چلے گئے۔ 1926ء میں ان کا پہلا دیوان پلو شائع ہوا۔ انھوں نے محسوس کیا کہ برج بھاشا اور گزرے زمانے کی بات ہوگئی۔ اگر شہرت حاصل کرنی ہے تو نئی زبان (ہندی) میں لکھنا ہوگا۔
ادبی سفر
۔۔۔۔۔۔۔۔
پنت نے گرچہ ہندی میں لکھنا شروع کیا تھا مگر وہ سنسکرت سے متاثر ہندی لکھتے تھے۔ انھوں نے شاعری، مضمون نگاری اور ڈراما میں کل 28 کتابیں شائع کیں۔ وہ شاعری کے کئی مناہج سے متاثر تھے۔
اعزازات
۔۔۔۔۔۔۔۔
1968ء میں انہیں گیان پیٹھ انعام دیا گیا۔ “کالا اور بوڑھا چاند“ کے لیے انہیں ساہتیہ اکیڈمی اعزاز ملا۔ انہیں 1961ء میں حکومت ہند نے پدم بھوشن سے نوازا۔
وفات
۔۔۔۔۔۔۔۔
28 دسمبر 1977ء کو الہ آباد میں ان کی وفات ہوگئی۔
دسمبر 28, 2022
کراچی ٹیسٹ میں نیوزی لینڈ کی پاکستان پر 2 رنز کی برتری
کراچی: کراچی ٹیسٹ: پہلی اننگز، نیوزی لینڈ نے پاکستان کی برتری ختم کر دی، اطلاعات ہیں کہ نیوزی لینڈ نے کراچی ٹیسٹ میں تیسرے روز 6 وکٹوں کے نقصان پر 440 رنز بناکر پاکستان کی برتری 2 رنز سے ختم کردی۔
تیسرا روز
نیشنل اسٹیڈیم کراچی میں سیریز کے پہلے ٹیسٹ میچ میں کیوی اوپنرز ڈیون کونوے اور ٹام لیتھم نے پاکستان میں اوپننگ شراکت کا 57 سالہ کیوی ریکارڈ توڑتے ہوئے 183 رنز کی پارٹنرشپ قائم کی۔لیتھم 113، کونوے 92، ہینری نکولس 22، ڈیرل مچل 42، ٹام بلنڈل 47، مچل بریسویل 5 رنز بناکر آؤٹ ہوئے، کپتان کین ولیمسن نے سنچری مکمل کرلی۔ وہ 105 رنز کے ساتھ اور ایش سودھی ایک رن بناکر کریز پر موجود ہیں۔
کرکٹ صرف کراچی اور لاہور تک محدود نہیں رکھنا چاہتے،نجم سیٹھی
پاکستان کی جانب سے ابرار احمد اور نعمان علی نے 2، 2 جبکہ محمد وسیم جونیئر نے ایک کھلاڑی کو آؤٹ کیا۔قبل ازیں پاکستان ٹیم پہلی اننگز میں 438 رنز بنا کر آؤٹ ہوگئی تھی۔
دوسرا روز
مہمان ٹیم کے اوپنرز بلے بازوں نے شاندار آغاز کیا۔ ٹام لیتھم نے 78 اور ڈیون کونوے 82 رنز بنائے۔ قومی ٹیم کی جانب سے فاسٹ اور اسپن بولرز نے وکٹ لینے کی کوشش کی تاہم کامیابی نہیں مل سکی۔قبل ازیں، پاکستان نے 317 رنز پانچ وکٹوں کے نقصان پر بقیہ اننگز کا آغاز کیا لیکن کپتان بابراعظم دوسرے روز پہلے اوور کی چوتھی گیند پر ٹم ساوتھی کے ہاتھوں آؤٹ ہوگئے۔ انہوں نے 161 رنز کی اننگز کھیلی۔
بابراعظم کے آؤٹ ہونے کے بعد نعمان علی نے آغا سلمان کے ساتھ مل کر 54 رنز کی شراکت قائم کی۔ تاہم، نعمان علی کی وکٹ گرنے کے بعد کوئی کھلاڑی وکٹ پر ساتھ نہ دے سکا۔آغا سلمان نے اپنے کیریئر کی پہلی سنچری اسکور کی اور 103 رنز بنا کر آؤٹ ہوئے۔کیوی کپتان ٹم ساوتھی نے تین کھلاڑیوں کا شکار کیا جبکہ اش سودھی، اعجاز پٹیل اور مائیکل بریسویل نے دو دو کھلاڑیوں کو آؤٹ کیا۔ فاسٹ بولر نیل واگنر ایک ہی وکٹ لے سکے۔
پاکستانی ٹیم 130.4 اوورز میں 438 رنز پر آل آؤٹ
پہلا روز
قومی ٹیم نے ٹیسٹ کے پہلے روز ٹاس جیت کر بیٹنگ کا آغاز کیا تو اس کی تین وکٹیں 48 کے اسکور پر گرگئیں جب کہ چوتھی وکٹ 110 رنز پر گری جس کے بعد کپتان بابراعظم اور سرفراز احمد نے ٹیم کو سہارا دیا۔
دونوں کے درمیان پانچویں وکٹ کی شراکت میں 196 رنز بنائے گئے، کھیل کے آخری اوورز میں سرفراز احمد 86 رنز بنا کر آؤٹ ہوگئے۔ اس سے قبل، اوپنر بلے باز عبداللہ شفیق 7 رنز، شان مسعود 3 رنز، امام الحق 24 رنز اور سعود شکیل 22 رنز بنا کر پویلین لوٹ گئے تھے۔
قومی ٹیم میں وکٹ کیپر بلے باز سرفراز احمد اور فاسٹ بولر میر حمزہ کی ٹیم میں واپسی ہوئی ہے جبکہ بلے باز امام الحق کو بھی ٹیم میں شامل کیا گیا ہے۔سرفراز احمد نے تقریباً 4 سال قبل 2019 میں بحیثیت کپتان جنوبی افریقا کے خلاف جوہانسبرگ میں ٹیسٹ میچ کھیلا تھا۔ سرفراز احمد ہوم گراؤنڈ پر اپنا میچ کھیل رہے ہیں۔ فاسٹ بولر میر حمزہ نے آخری مرتبہ ٹیسٹ میچ 2018 میں کھیلا تھا۔
کرکٹ بورڈ میں سیاست نہیں ہونی چاہیے،نجم سیٹھی کوایڈجسٹ کرنےکیلئےکرکٹ بورڈ کا آئین…
پاکستان ٹیم
امام الحق، عبداللہ شفیق، شان مسعود، کپتان بابراعظم، سعود شکیل، وکٹ کیپر سرفراز احمد، آغا سلمان، نعمان علی، محمد وسیم، ابرار احمد، میر حمزہ۔
نیوزی لینڈ ٹیم
ٹام لیتھم، ڈیون کونوے، کین ولیمسن، ہینری نکولس، ڈیرل مچل، ٹام بلنڈل، مائیکل بریسویل، کپتان ٹم ساوتھی، اش سودھی، نیل واگنر، اعجاز پٹیل۔
دسمبر 28, 2022
سال 2022 کے ایمرجنگ کرکٹرز کے ناموں کا اعلان، کوئی پاکستانی شامل نہیں
دبئی: انٹرنیشنل کرکٹ کونسل (آئی سی سی) نے سال 2022 کے ایمرجنگ کرکٹرز کے ناموں کا اعلان کردیا۔اطلاعات کے مطابق آئی سی سی کی جانب سے اعلان کردہ کھلاڑیوں میں کوئی پاکستانی شامل نہیں، بھارت کے ارشدیب سنگھ، جنوبی افریقہ کے مارکو جینسن، افغانستان کے ابراہیم زادران اور نیوزی لینڈ کے فن ایلن شامل ہیں۔
پاکستانی ٹیم 130.4 اوورز میں 438 رنز پر آل آؤٹ
ارشدیب سنگھ
پاکستان کے خلاف ٹی20 ورلڈکپ میں شاندار کارکردگی کا مظاہرہ کرنے والے بھارت کے نوجوان پیسر نے ابتداء میں قومی ٹٰم کے کپتان بابراعظم کو پہلی گیند پر آؤٹ کیا جبکہ میچ میں 33 رنز کے عوض 3 کھلاڑیوں کو پویلین کی راہ دکھائی، بھارت نے یہ میچ کوہلی کی جارحانہ بیٹنگ کی بدولت 4 وکٹوں سے اپنے نام کیا۔نوجوان پیسر ارشدیب نے 18.12 کی اوسط سے ٹی20 انٹرنیشنل میچز میں اب تک 33 وکٹیں حاصل کررکھی ہیں۔
ابراہیم زادران
افغانستان نے ایک روزہ بین الاقوامی کرکٹ میں نوجوان بلےباز ابراہیم زدران نے اہم کامیابیاں سمیٹیں، ورلڈکپ میں کوالیفانگ راؤنڈ میں 7 ون ڈے میچز میں 431 رنز بنائے جس میں 3 سینچریاں شامل تھیں۔زدران پالیکیلے میں سری لنکا کے مضبوط باؤلنگ اٹیک کے خلاف 162 رنز بنائے جو کسی بھی افغان بلےباز کی جانب سے سب سے بڑا انفرادی اسکور تھا۔
سرفراز احمد نے اپنے سلیکشن کو درست ثابت کردیا،چیف سیلیکٹر شاہد آفریدی
فن ایلن
ٹی20 ورلڈکپ کے افتتاحی میچ میں فلن ایلن نے آسٹریلیا کے خلاف جارحانہ کھیل پیش کیا، انہوں نے محض 16 گیندوں پر 42 رنز کی اننگز کھیلی، جس نے کینگروز کو بیک فٹ پر دھکیل دیا۔انہوں نے 21.63 کی اوسط سے 411 رنز اسکور کیے جبکہ انکا اسٹرائیک ریٹ 155 سے زائد رہا، ون ڈے میں 38.70 کی اوسط سے 387 رنز اسکور کیے۔
ورلڈ کپ 2023،بھارت جانے کی اجازت حکومت دیگی تو ٹیم بھیجیں گے،نجم سیٹھی
مارکو جینسن
جنوبی افریقہ کے دراز قد کے فاسٹ بولر مارکو جینسن نے دورہ آسٹریلیا اور انگلینڈ میں بہترین پرفارمنس کا مظاہرہ کیا، انگلینڈ کے خلاف افریقی بالر نے 35 کے عوض 5 شکار کیے۔انہوں نے 19.02 کی اوسط سے 36 ٹیسٹ وکٹیں جبکہ 229 رنز بنائے جبکہ ون ڈے میں 2 اور ٹی20 میں ایک وکٹ حاصل کی۔
دسمبر 28, 2022
روس کا ایران کوجدید سخوئی ایس یو35 لڑاکا طیارے دینے کا اعلان
تہران:روس جلد ہی اسلامی جمہوریہ ایران کو سخوئی ایس یو 35 لڑاکا طیاروں کا ایک مکمل سکواڈرن فراہم کرے گا، یہ ایک ایسی پیشرفت ہے جو ممکنہ طور پر مغرب کو مزید مشتعل کرے گی کیونکہ تہران اور ماسکو سخت پابندیوں اور زبردستی اقدامات کی مخالفت میں اپنے دفاعی اور اقتصادی تعاون کو مزید گہرا کر رہے ہیں۔
بھارت میں قائم غیرقانونی کال سینٹرز نے امریکی شہریوں سے 6,400 کروڑ لوٹ لیئے۔ ایف…
میڈیا رپورٹس میں فوجی ماہرین کا حوالہ دیتے ہوئے کہا گیا ہے کہ جڑواں انجن اور سپر مینیوور ایبل طیاروں کے 24 یونٹ، جو چوتھی نسل کا لڑاکا جیٹ ہے جو بنیادی طور پر فضائی برتری کے کردار کے لیے ڈیزائن کیا گیا ہے، مستقبل قریب میں ایران کو فراہم کیا جائے گا۔
کتا بھونکنے پر نوجوان نے بھائی اور بھابھی پر گولیاں چلا دیں
خیال کیا جاتا ہے کہ وسطی ایرانی شہر اصفہان میں اسلامی جمہوریہ ایران کی فضائیہ (IRIAF) ٹیکٹیکل ایئر بیس (TAB) 8 میں کچھ جنگی طیاروں کو جگہ دی جائے گی۔
نوجوان نے ہاتھ سے اشارہ کیا توگمان ہوا کہ اس نے پستول نکالا،شاہین فورس کے اہلکاروں…
روس کی یونائیٹڈ ایئر کرافٹ کارپوریشن (UAC) کا کہنا ہے کہ سخوئی ایس یو 35 طیارہ "ایک جدید لڑاکا طیارے کی خصوصیات کو یکجا کرتا ہے (سپر مینیووربلٹی، اعلیٰ فعال اور غیر فعال حصول امداد، اعلی سپرسونک رفتار اور لمبی رینج، جنگی گروپ کی کارروائیوں کو منظم کرنے کی صلاحیت، وغیرہ۔ .) اور ایک اچھا ٹیکٹیکل ہوائی جہاز (ہتھیاروں کی وسیع رینج جو لے جایا جا سکتا ہے، جدید ملٹی چینل الیکٹرانک جنگی نظام، کم ریڈار دستخط، اور اعلی جنگی بقا کا ضامن بھی اسے قرار دیا جارہا ہے
دسمبر 28, 2022
لاہور: گنگارام اسپتال کے واش روم سے لاش برآمد
لاہور: گنگارام اسپتال کے واش روم سے لاش برآمد ہوئی ہے ، یہ لاش دیکھ کر ہرطرف خوف کی فضا پیدا ہوگئی ہے، یہ بھی معلوم ہوا ہےکہ اس سلسلے میں واش روم میں لاش کی اطلاع اس وقت ملی جب کوئی مریض واش روم پہنچا تو وہاں یہ لاش پڑی تھی
پولیس کا اسٹریٹ کرمنلز کے ساتھ مقابلہ، 3 ڈکیت زخمی حالت میں گرفتار
دوسری طرف پولیس نے اس واقعہ کےمتعلق کہا ہےکہ کنگا رام میں جانبحق ہونے والے متوفی کی شناخت نہ ہوسکی، پولیس کا خیال ہےکہ کنگا رام میں مرنے والا نامعلوم شخص آئس کا نشہ کرتا تھا، پولیس کا یہ بھی کہنا تھاکہ کنگا رام ہسپتال میں یہ شخص سردی کی شدت اور نشے کی زیادتی سے جان کی بازی ہار گیا، پولیس کے مطابق کنگا رام کے واشن روم سے ملنے والی لاش کو مردہ خانہ منتقل کر کے تحقیقات شروع کر دیں
کتا بھونکنے پر نوجوان نے بھائی اور بھابھی پر گولیاں چلا دیں
سرگنگارام ہسپتال لاہورکے واش روم میں لاش کے برآمد ہونے کا واقعہ ، سیکرٹری صحت پنجاب ڈاکٹراحمد جاوید قاضی نے واقعہ کی تحقیقات کیلئے کمیٹی تشکیل دے دی۔ تحقیقاتی کمیٹی کی سربراہی سپیشل سیکرٹری آپریشنز محکمہ سپیشلائزڈہیلتھ کئیراینڈمیڈیکل ایجوکیشن شعیب جدون کریں گے۔ تحقیقاتی کمیٹی میں پرنسپل پوسٹ گریجوایٹ میڈیکل انسٹی ٹیوٹ پروفیسر فرید الظفر،ایم ایس مئیوہسپتال ڈاکٹرمنیراحمدملک اور ڈپٹی سیکرٹری میڈیکل ایجوکیشن ڈاکٹروسیم احمد شامل ہوں گے۔ تحقیقاتی کمیٹی کے ممبران کو سرگنگارام ہسپتال پہنچ کرتمام واقعہ کی تحقیقات کرنے کی ہدایت کی گئی ہے۔تحقیقاتی کمیٹی اگلے چوبیس گھنٹوں کے دوران سرگنگارام ہسپتال میں پیش آنے والے واقعہ کی تحقیقاتی رپورٹ پیش کریں گے۔ پولیس پہلے ہی سر گنگا رام ہسپتال سے برآمدہونے والی لاش کواپنی تحویل میں لے چکی ہے سرگنگارام ہسپتال لاہورمیں واقعہ کی تحقیقات میں پنجاب فرانزک سائنس ایجنسی کی خدمات بھی حاصل کی جارہی ہیں۔
یاد رہے کہ اس سے پہلے لاہور کے سروسز ہسپتال کے ہوسٹل سے نرس کی لاش ملی ہے جس کی شناخت سونیا کے نام سے ہوئی تھی ہسپتال انتظامیہ کا کہناہے کہ نرس سونیا کی ہلاکت کا تعین ابھی نہیں ہو سکا ، لاش کے قریب سے انجیکشن ملے ہیں ، سونیا نیورولوجی ڈپارٹمنٹ میں تعینات تھی ۔پولیس کا کہناہے کہ نرس کا تعلق جڑانوالہ سے تھا، لاش کو پوسٹ مارٹم کیلئے بھجوا دیا گیاتھا
بھارت میں قائم غیرقانونی کال سینٹرز نے امریکی شہریوں سے 6,400 کروڑ لوٹ لیئے۔ ایف…
اس سے پہلے لاہور سروسز ہسپتال میں بھی ایک لاش ملی تھی ، عوام الناس کا کہنا ہےکہ حکومت کو ہستپال انتظآمیہ کے‌خلاف سخت ایکشن لینا چاہیے جن کی سستی یا ملی بھگت سے اس قسم کےواقعات رونما ہورہے ہیں‌ جوکہ کسی بھی طرح اچھے نہیں ہیں
دسمبر 28, 2022