Baaghi TV

Tag: بریکنگ

  • اسلام آباد میں اومی کرون کا پہلا کیس:ڈی سی اسلام آباد نے تصدیق کردی

    اسلام آباد میں اومی کرون کا پہلا کیس:ڈی سی اسلام آباد نے تصدیق کردی

    اسلام آباد:اسلام آباد میں اومی کرون کا پہلا کیس:ڈی سی اسلام آباد نے تصدیق کردی،اطلاعات کے مطابق وفاقی دارالحکومت اسلام آباد میں کورونا وائرس کے نئے ویرینٹ اومی کرون کا پہلا کیس سامنے آ گیا۔

    اس حوالے سے محکمۂ صحت کے ذرائع کے مطابق اسلام آباد کے شہری میں کورونا وائرس کے اومی کرون ویرینٹ کی تصدیق ہو گئی ہے۔این آئی ایچ کے مطابق اومی کرون کے مذکورہ مریض کی حالت خطرے سے باہر ہے۔

    دوسری طرف ڈی سی اسلام آباد حمزہ شفقات نے بھی اس کی تصدیق کردی ہے ان کا کہنا تھا کہ واقعی ایک مریض جو کہ کراچی سے اسلام آباد آیا ہے وہ اومی کرون کا شکار ہے اور اب انتظامیہ اس شخص سے رابطہ میں رہنےوالے تمام لوگوں کی مانیٹرنگ کررہےہیں اور اس بات کا جائزہ لے رہے ہیں کہ کہیں ان کے ملنسار تواس مرض کا شکارنہیں ہوئے؟

     

    اسلام آباد میں اومی کرون کا پہلا کیس سامنے آنے کے بعد اس کی کنٹیکٹ ٹریسنگ جاری ہے۔ڈسٹرکٹ ہیلتھ آفیسر ڈاکٹر زعیم ضیا نے شہری میں اومی کرون کی تصدیق کردی۔

    ڈی ایچ او ڈاکٹر زعیم ضیا کا کہنا ہے کہ اسلام آباد کے رہائشی میں اومی کورون ویرینٹ کی تشخیص ہوئی، شہری کی بیرون ممالک کوئی ٹریول ہسٹری نہیں، شہری کی صرف کراچی کی ٹریول ہسٹری ہے۔

    ڈاکٹر زعیم ضیا کا کہنا ہے کہ اومی کرون ویرینٹ سے نمٹنے کے لیے ہیلتھ ٹیمیں تیار ہیں، اومی کرون ویرینٹ کا مقابلہ ماضی کی طرح کیا جائے گا، شہری احتیاطی تدابیراختیار کریں،ویکسی نیشن کرائیں، شہری اگر بوسٹر ویکسین کے اہل ہیں تو بوسٹر لگوائیں۔

  • گرین لائن بس:کم سے کم کرایہ 15اور زیادہ سے زیادہ 55 روپے: کراچی کی عوام خوش ہوگئی

    گرین لائن بس:کم سے کم کرایہ 15اور زیادہ سے زیادہ 55 روپے: کراچی کی عوام خوش ہوگئی

    کراچی:گرین لائن بس:کم سے کم کرایہ 15اور زیادہ سے زیادہ 55 روپے: کراچی کی عوام خوش ہوگئی ،اطلاعات کے مطابق گورنر سندھ عمران اسماعیل نے گرین لائن کے آغاز کے موقع پر بس کا دورہ کرکے سہولیات کا جائزہ لیا۔

    واضح رہےکہ کراچی میں گرین لائن بس سروس کا آغاز آج 25 دسمبر سے ہو گیا ہے اور پہلے مرحلے میں بس سروس صبح 8 بجے سے دوپہر 12 بجے تک چلے گی جب کہ 10 جنوری سے بسوں کی تعداد سمیت اوقات کار میں بھی اضافہ کردیا جائے گا۔

    گرین لائن بس سروس کے شروع میں 22 میں سے 11 اسٹیشنز فعال ہیں جب کہ 10 جنوری تک اس سروس میں 80 بسوں میں سے 25 بسیں صبح 8 بجے سے دوپہر 12 بجے تک چلائی جائیں گی۔ایس آئی ڈی سی ایل افسران کے مطابق 10 جنوری کے بعد بسوں، اسٹیشنز اور اوقات کار میں اضافہ کیا جائے گا۔

    گرین لائن بس سروس سرجانی عبداللہ چوک اسٹیشن سے نمائش چورنگی اسٹیشن تک چلائی جائے گی، یہ جدید بسیں ہر 5 منٹ بعد اسٹیشن پر آئیں گی جب کہ آگے چل کر بسوں کے آنے کا یہ وقفہ مزید کم ہوجائے گا۔

    ٹکٹ کتنا ہوگا؟
    گرین بس کا ٹکٹ 55 روپے ہے، روزانہ کی بنیاد پر سفر کرنے والے اس حوالے سے کارڈ بھی بنوا سکتے ہیں۔

    گرین لائن بس میں ایک وقت میں 150 سے زائد افراد سفر کر سکیں گے جب کہ معذور افراد کے لیے بھی نشستیں مخصوص کی گئی ہیں۔

    بس سروس کی سرویلنس سی سی ٹی وی کیمروں سے کی جائے گی اور جس اسٹیشن پر بس رُکے گی وہاں کا نام بس کے اندر اسکرین پر آجائے گا۔

    یاد رہےکہ اسی حوالے سے آج کراچی میں گرین لائن بس کا جائزہ لیتے ہوئے میڈیا سے گفتگو میں عمران اسماعیل نے کہا کہ گرین لائن کے ایلیویٹرز خراب نہیں ہیں، 10 جنوری سے تمام اسٹیشن کے ساتھ بس سروس چلے گی۔ان کا کہنا تھا کہ بس کا کرایہ کم سے کم 15 اور زیادہ سے زیادہ 55 روپے ہے اور گرین لائن بس کا کارڈ لوگوں کو کنفیوژ کررہا ہے، اس کارڈ کو موبائل فون کارڈ کی طرح چارج کرنا پڑے گا۔

  • خبردار:’معمولی غلطی پر ہاتھ کاٹ دیں گے، ایران کی اسرائیل کودھمکی

    خبردار:’معمولی غلطی پر ہاتھ کاٹ دیں گے، ایران کی اسرائیل کودھمکی

    تہران :’معمولی غلطی پر ہاتھ کاٹ دیں گے‘، ایران کی اسرائیل کودھمکی ،اطلاعات کے مطابق ایران نے فوجی مشقوں کے دوران 15 مختلف بیلسٹک میزائل فائر کرکے اسرائیل کو وارننگ دے دی۔ادھر ایران کی اسرائیل کو دھمکی کے بعد خطے میں سخت کشیدگی پائی جارہی ہے ، ایرانی فضائیہ تیار بیٹھی ہے

    غیر ملکی میڈیا کے مطابق ایران نے پانچ روزہ فوجی مشقوں کے دوران 15 مختلف بیلسٹک میزائل فائر کیے جسے ایرانی فوجی حکام نے اسرائیل کے لیے ایک وارننگ قرار دیا ہے۔

    اس حوالے سے ایرانی فوج کے چیف آف اسٹاف کا کہنا تھا کہ یہ فوجی مشقیں صیہونی ریاست اسرائیل کی جانب سے دھمکیوں کا جواب ہیں۔

    انہوں نے کہا کہ مشقوں کے دوران داغے گئے 16 میزائلوں نے اپنے ہدف کو نشانہ بنایا جب کہ مشقوں کا حصہ بننے والے سیکڑوں ایرانی میزائل ایران پر حملہ کرنے کی جرات کرنے والے ملک کو تباہ کرنے کی صلاحیت رکھتے ہیں۔

    ایرانی جنرل کا کہنا تھا کہ فوجی مشقیں اسرائیلی ریاست کے لیے سنگین وارننگ ہیں لہٰذا ایران کے خلاف معمولی سے بھی غلط ہوئی تو ہم ان کے ہاتھ کاٹ دیں گے۔

    واضح رہے کہ چند روز قبل اسرائیلی وزیراعظم نے الزام عائد کیا تھا کہ ایران جوہری مذاکرات کے معاملے پر بلیک میلنگ کررہا ہے لہٰذا عالمی برادری اس سے سختی سے پیش آئے اور اسرائیلی فضائیہ کے سربراہ نے کہا تھا کہ ضرورت پڑنے پر ایران پر کل حملہ کرسکتے ہیں۔

  • بھارت میں مسیحیوں کو ہندو مذہب اختیار کرنے پر مجبور کیا جا رہا ہے: امریکی میڈیا بھی چیخ اُٹھا

    بھارت میں مسیحیوں کو ہندو مذہب اختیار کرنے پر مجبور کیا جا رہا ہے: امریکی میڈیا بھی چیخ اُٹھا

    نیو یارک:بھارت میں مسیحیوں کو ہندو مذہب اختیار کرنے پر مجبور کیا جا رہا ہے: امریکی میڈیا بھی چیخ اُٹھا ،اطلاعات کے مطابق بھارت میں مسیحی برادری پر مظالم کے تہلکہ خیز انکشافات امریکی اخبار نیو یارک ٹائمز سامنے لے آیا، ہندو انتہا پسند مسیحی کمیونٹی کی عبادت گاہوں کو نقصان پہنچاتے ہیں ، زبردستی ہندو مذہب اختیار کرنے پر مجبور کیا جارہا ہے۔

     

    امریک یاخبار دی نیو یارک ٹائمز میں تہلکہ خیز انکشافات سامنے آئے ہیں، جس کے مطابق ہندو انتہا پسند عیسائیوں کی عبادت گاہوں کو نقصان پہنچاتے اور ان کو عبادت سے روکتے ہیں، عیسائیوں پر بڑھتے ظلم کی وجہ ہندو انتہا پسندانہ سوچ ہے جس کی وجہ سے اقلیت خود کو غیر محفوظ تصور کرتے ہیں، ہندو انتہا پسند بھارت میں رہنے والے عیسائیوں کو زبردستی ہندو مذہب اختیار کرنے پر مجبور کر رہے ہیں۔

     

    نیو یارک ٹائمز کے مطابق موت کے خوف سے عیسائیوں خود کو ہندو ظاہر کرنا شروع کر دیا، عیسائیوں کے زیر تسلط چلنے والے خیراتی ادارے کو ہندو انتہا پسند وکلا نے بند کروانے کیلئے متعدد بار شکایت درج کروائیں، ہندو انتہا پسندبھارتی وزیر اعظم نریندرا مودی مسلمانوں کے قتل عام کے ساتھ ساتھ عیسائیوں کی نسل کشی پر بھی خاموش۔

     

     

    امریکی اخبار کے مطابق اقلیتوں پر ہونے والے مظالم کے خلاف بھارتی وزیر اعظم کی خاموشی پر عالمی برادری کو شدید تحفظات ہیں، ہندو انتہا پسند مودی ہندوستان کو قوم پرست ملک بنانے کے خواہ ہیں۔

  • وزیراعظم عمران خان نےپاکستان تحریک انصاف کی نئی تنظیم کا اعلان کر دیا

    وزیراعظم عمران خان نےپاکستان تحریک انصاف کی نئی تنظیم کا اعلان کر دیا

    اسلام آباد:وزیراعظم عمران خان نےپاکستان تحریک انصاف کی نئی تنظیم کا اعلان کر دیا،اطلاعات کے مطابق وزیراعظم عمران خان نے پاکستان تحریک انصاف کی نئی تنظیم کا اعلان کر دیا۔

    وفاقی وزیر اطلاعات فواد چودھری نے سماجی رابطے کی ویب سائٹ پر ٹویٹ کرتے ہوئے کہا کہ پارٹی تنظیموں کی تحلیل کے بعد چیئرمین پی ٹی آئی عمران خان نے تحریک انصاف کی نئی تنظیم کا اعلان کیا ہے، اسد عمر تحریک انصاف کے نئے سیکرٹری جنرل ہوں گے جبکہ پرویز خٹک خیبر پختونخواہ کے اور علی زیدی سندھ کے صدر ہوں گے۔

    اس کے علاوہ قاسم سوری کو بلوچستان، شفقت محمود کو پنجاب اور خسرو بختیار کوجنوبی پنجاب کا صدور نامزد کیا گیا ہے۔ چئیرمین تحریک انصاف عمران خان نے عامر کیانی کو ایڈیشنل سیکرٹری جنرل بنا دیا ہے۔

    واضح رہے کہ وزیراعظم عمران خان نے خیبر پختونخوا کے بلدیاتی انتخابات میں شکست پر گزشتہ روز پی ٹی آئی کی تمام تنظیمیں اور ونگز تحلیل کرتے ہوئے 21 رکنی آئینی کمیٹی تشکیل دی تھی۔ کمیٹی کی سفارشات کی روشنی میں چاروں صوبوں، گلگت بلتستان اور آزادکشمیر میں نئی تنظیم سازی کی جائے گی۔

    دوسری طرف کارکنان نے وزیراعظم کے اس فیصلے کو سراہا ہے اور کہا ہے کہ ہمیں اپنے قائد پرپورا پورا بھروسہ ہے کہ وہ پارٹی کارکنان کو ضائع نہیں کریں‌ گے اور انہیں کارکنان کی محنت کے ذریعے پاکستان کومشکلات سے نکالیں گے

     

  • کل بڑوں بڑوں‌ کو دیکھا ایک میز پر:غریب نظر نہیں آئے مجھے اکٹھے کسی میزپر:مبشرلقمان

    کل بڑوں بڑوں‌ کو دیکھا ایک میز پر:غریب نظر نہیں آئے مجھے اکٹھے کسی میزپر:مبشرلقمان

    لاہور:کل بڑوں بڑوں‌ کو دیکھا ایک میز پر:غریب نظر نہیں آئے مجھے اکٹھے کسی میزپر:مبشرلقمان نے اچھی خبر کے ساتھ ساتھ کچھ اچھی رویوں کی بھی درخواست کردی ،اطلاعات کے مطابق پاکستان کے سنیئر تجزیہ نگار ، معروف صحافی مبشرلقمان نے کل ملاقاتوں کے ایک اہم سلسلے کا ذکر کیا ہے اور ساتھ ہے ان میں سے چند بڑے ناموں کو بھی ذکرکرگئے

    یہ ملاقات کہاں ہوئی اس کا تو انہوں نے نہیں بتایا مگرایک بڑی پتے کی بات کہہ گئے ہیں ،اس حوالےسےانہوں نے سماجی رابطے کی ویب سائٹ ٹویٹر پرملاقاتوں کے اس سلسلے کا ذکر کرتے ہوئے بڑے بڑے نام بھی بتادیئے جوایک ہال میں اکٹھے تھے

    مبشرلقمان کہتےہیں‌ کہ انہیں یہ دیکھ کر بڑی خوشی ہوئی کہ پاکستان کے بڑے بڑے چہرے ایک جگہ اکٹھےہیں‌،اس حوالے سے ان کا کہنا تھا کہ کل ایک شام چیئرمین سینیٹ صادق سنجرانی ، مولانا فضل الرحمن ،سراج الحق ، شیخ رشید ،رحمن ملک ،عمران اسماعیل اور بہت سے دوسرے لوگوں سے ملاقات کی۔

     

    مبشرلقمان نےاس ملاقات کا تذکرہ کرتے ہوئے اور بھی بڑے بڑے نام بتائے جن مں سلیم صافی، ڈاکٹرشاہد مسعود ،حامد میر اور بہت سے معروف شخصیات وہاں موجود تھیں‌

    مبشرلقمان نے ان ملاقاتوں کا تذکرہ کرتے ہوئے جہاں یہ اچھی خبر دی کہ سب کو ایک جگہ پر دیکھا وہاں ان کا مقصود یہ بھی ہے کہ اس ملک کی غریب عوام کو بھی ایسے مل جل کررہنا چاہیے ، غریب عوام کو بس اپنی اور اپنے اہل وعیال کی فکرکرنی چاہیے اور ان جماعتوں اور لیڈروں کی سیاست کی خاطر آپ میں نہیں لڑنا چاہیے یہ سب بڑے ایک ہیں ، انکو جب بھی بیک ڈور دیکھیں گے یہ سب اکٹھے ہوں گے اور دعا بھی ہےکہ پاکستان کی قیادت ہمیشہ اکٹھی رہے لیکن غریبوں کو خواہ مخواہ ان کی صفائیاں دینے اور ان کے ترجمان بن کرایک دوسرے سے لڑنے کی ضرورت نہیں بلکہ وہ بھی سب اکٹھے رہیں ، خوش رہیں تاکہ نفرت اور حسد کی آگ سے محفوظ رہیں, اپنے بچوں کی تعلیم وتربیت پرتوجہ دیں

     

    ان کا یہ بھی کہنا تھا کہ یہ سب بڑے ہمیشہ بیک دی ڈور ایک ہوتے ہیں‌ مگرغریب ان کی سیاست کو تحفظ دینے کی خاطر خواہ مخواہ دشمنیاں مول لیتے ہیں ، ایک دوسرے کا گریبان نوچتے ہیں ، لعن طعن کرتے ہیں ، ایسا نہیں ہونا چاہیے ،ایسی سوچ اور فکر سے آزاد ہوکر آپس میں بھائی چارے کی فضا پیدا کریں‌، ان کہنا تھا کہ خدارا اپنی فکر کریں‌اپنے لیڈروں کی نہیں اپنے بچوں ، ملک وقوم کے لیے قربانی دیں اپنے لیڈروں کی سیاست کو بچانے کے لیے نہیں ، یہ سب ایک ہیں‌ ،آپ بھی سب ایک بن کررہیں‌اپنے لیے قوم کے لیے اور ملک کے لیے

  • شاہ عبداللطیف یونیورسٹی کی طالبہ نےاپنے اغوا کار کو معاف کردیا

    شاہ عبداللطیف یونیورسٹی کی طالبہ نےاپنے اغوا کار کو معاف کردیا

    خیرپور: سندھ کے ضلع خیرپور میں واقع شاہ عبداللطیف یونیورسٹی کی طالبہ کے اغوا کا ڈراپ سین ہوگیا۔اطلاعات ہیں کہ شاہ عبداللطیف یونیورسٹی کی طالبہ نےاپنے اغوا کار کو معاف کردیا

    اے آر وائی نیوز کے مطابق خیرپور کی شاہ عبداللطیف یونیورسٹی کی طالبہ خوشبو بھٹی کے اغوا کے کیس میں نامزد ملزم کے والد نے طالبہ اور اس کے والد سے معافی مانگ لی۔

    کیس میں نامزد ملزم صفدر وسان کے والد نے کہا کہ بیٹے نے غلطی کی ہے ہمیں معاف کیا جائے جس کے بعد متاثرہ طالبہ خوشبو بھٹی نے صفدر وسان کو معاف کردیا۔پولیس حکام کے مطابق اغوا کنندہ صفدر وسان کے والد نے یقین دہانی کروائی کے مستقبل میں ایسا کوئی واقعہ نہیں ہوگا۔

    واضح رہے کہ رانی پور تھانے میں طالبہ خوشبو بھٹی کے اغوا کا مقدمہ صفدر وسان سمیت 16 نامعلوم افراد کے خلاف درج ہے۔

    یاد رہے کہ گزشتہ روز خیرپور کے علاقے رانی پور قومی شاہراہ پر سات سے زائد ملزمان نے اسلحہ کے زور پر بس کو روکا اور طالبہ کو اغوا کرنے کی کوشش کی تھی، اس دوران طلبا نے مزاحمت کی تو انہیں بھی تشدد کا نشانہ بناتے ہوئے زخمی کیا گیا تھا، جس کے نتیجے میں سات طلبہ زخمی ہوگئے تھے۔

    معاملے کی انکوائری ایس پی ہیڈ کوارٹر محمد انوربگٹی کو دی گئی تھی، ایس ایس پی کا کہناتھا کہ طلبا ہمارا مستقبل ہیں اور انکی حفاظت ہمارا اولین فرض ہے۔

  • پاکستان سارک سربراہی اجلاس کی بھی مہمان نوازی کرنا چاہتاہے :وزیراعظم نے درخواست کردی

    پاکستان سارک سربراہی اجلاس کی بھی مہمان نوازی کرنا چاہتاہے :وزیراعظم نے درخواست کردی

    اسلام آباد: سارک سربراہی اجلاس پاکستان مہمان نوازی کرنا چاہتاہے:وزیراعظم نے درخواست کردی ،اطلاعات کے مطابق وزیر اعظم عمران خان نے پاکستان میں سارک سربراہی اجلاس کی میزبانی کرنے کا عندیہ دے دیا ہے۔

    تفصیلات کے مطابق وزیر اعظم عمران خان سے آج سیکریٹری جنرل سارک ایسالا رووَن ایراکون نے ملاقات کی، جو اِن دنوں دورہ پاکستان پر ہیں، وزیر اعظم نے سارک سیکریٹری جنرل سے سیالکوٹ واقعے میں سری لنکن شہری کی ہلاکت پر افسوس کا اظہار کیا۔

    وزیر اعظم نے کہا اس طرح کی کارروائیوں کا کوئی جواز نہیں تھا، قصورواروں کو انصاف کے کٹہرے میں لانے کے لیے اقدامات اٹھائے گئے ہیں۔

    انھوں نے کہا سارک اقتصادی ہم آہنگی پیدا کرنے کے لیے خطے میں سازگار ماحول فراہم کر سکتا ہے، سارک کا کردار جنوبی ایشیا کے لوگوں کے معیار زندگی کو بدل دے گا۔

    عمران خان نے ملاقات میں موسمیاتی تبدیلی، تعلیم، اور غربت کے خاتمے کے چیلنجز پر تعاون کو مضبوط بنانے پر بھی زور دیا، اور سارک کے عمل کو بہتر بنانے کے لیے سیکریٹری جنرل کی کوششوں کو سراہا۔

    وزیر اعظم نے اپنی حکومت کی جانب سے سارک کے تعاون کو مزید مضبوط بنانے کے لیے حمایت جاری رکھنے کا عزم کیا، اور پاکستان میں سارک سربراہی اجلاس کی میزبانی کرنے کا عندیہ دیا۔

    سیکریٹری جنرل سارک نے متعلقہ امور پر رہنمائی پر وزیر اعظم پاکستان کا شکریہ ادا کیا، انھوں نے کہا جنوبی ایشیائی ممالک کے درمیان تعاون کو مضبوط بنانے کے لیے کوششیں تیز کریں گے۔

    یاد رہےکہ اس سے پہلے پاکستان کو یہ بھی اعزاز حاصل ہے کہ پاکستان نے 40 سال بعد اوآئی سی کی میزبانی کا شرف حاصل کرکے اداسیاں ختم کردی تھیں ، ادھر یہ بھی اطلاعات ہیں کہ پاکستان نے اوآئی سی جنرل سیکرٹری سے یہ بھی درخواست کی ہے کہ وزرائے خارجہ کی سطح پرہونے والا آو آئی سی کا اجلاس بھی پاکستان میں منعقد کروانے کےلیے پاکستان نے میزبانی کا شرف ایک بارپھرحاصل کرنے کی کوششیں تیز کردی ہیں‌

  • غریب جیلوں میں اورملک کا اربوں‌ لوٹنے والے نوازشریف کی سیاسی دباوپرسزا کا خاتمہ ہو:یہ ناممکن ہے:وزیراعظم

    غریب جیلوں میں اورملک کا اربوں‌ لوٹنے والے نوازشریف کی سیاسی دباوپرسزا کا خاتمہ ہو:یہ ناممکن ہے:وزیراعظم

    اسلام آباد:غریب جیلوں میں بےبس اورملک کا اربوں‌ لوٹنے والے نوازشریف کی سیاسی دباوپرسزا کا خاتمہ ہو:یہ ناممکن ہے:،اطلاعات کے مطابق وزیراعظم عمران خان نے کہا ہے کہ سابق وزیراعظم نواز شریف نے عوام کا پیسہ لوٹ کر باہر منتقل کیا، عدالت کی جانب سے دی گئی سزا کا خاتمہ ممکن نہیں۔

    وزیراعظم عمران خان کی زیر صدارت ترجمانوں کا اجلاس ہوا، اجلاس کے دوران ملکی سیاسی صورتحال، بلدیاتی الیکشن سے متعلق اہم امور پر تبادلہ خیال کیا گیا۔

    وزیراعلیٰ خیبرپختوانخوا کے معاون خصوصی بیرسٹر سیف نے وزیراعظم کو بریفنگ کے دیتے ہوئے بلدیاتی الیکشن میں ووٹ حاصل کرنے سے متعلق اعدادوشمار سے بھی آگاہ کرتے ہوئے بتایا کہ ویلیج کونسل کے نتائج میں بہتری کی امید ہے۔ تحریک انصاف کے پی کے میں ووٹوں کے تناسب سے مقبول اور بڑی جماعت بن کر سامنے آئی ہے۔

    اس موقع پر وزیراعظم نے کہا کہ تحریک انصاف کو ووٹ زیادہ پڑا، اس کو اجاگر کیا جائے، مسلم لیگ ن اور پیپلز پارٹی کا خیبرپختونخوا الیکشن سے متعلق خوشیاں منانا حیران کن ہے، یہ ممکن نہیں کہ ہے کہ سزا یافتہ شخص کی سزا ختم ہو جائے۔

    عمران خان کا کہنا تھا کہ نواز شریف نے عوام کا پیسہ لوٹا اور باہر منتقل کیا، پانامہ میں نواز شریف کا نام آیا اور عدالت نے نا اہل کیا، نواز شریف آج تک منی ٹریل بھی نہیں دے سکے، تحریک انصاف کا ووٹر اور عوام ہمارے ساتھ کھڑی ہے۔

    عمران خان نےکہا کہ پیڈ میڈیا اور سیاسی دباو سے ایک مجرم شخص کی سزا معاف کردی جائے اور غریب جیلوں میں بے بس تڑپ رہے ہوں ایسے ممکن نہیں ہوسکتا ،

    ادھراطلاعات کے مطابق لاہور کی بینکنگ جرائم کورٹ نے شہباز شریف اور حمزہ شہباز کے خلاف منی لانڈرنگ کیس میں عدالت کے دائرہ اختیار پر وکلاء کو تیاری کے لیے حتمی مہلت دے دی۔

     

     

    بینکنگ کورٹ کے جج سردار طاہر صابر نے ایف آٸی اے کی جانب سے دائرہ اختیار پر دائراعتراض پر سماعت کی، وکلا نے کیس پر تیاری کے لیے مزید مہلت کی استدعا کی جس کو منظور کرتے ہوٸے عدالت نے سماعت چار جنوری تک ملتوی کر دی۔

    عدالت نے قرار دیا کہ آٸندہ سماعت پر فریقین کے وکلاء عدالتی دائرہ اختیار پر دلائل مکمل کریں۔ شوگر انکواٸری منی لانڈرنگ کیس میں ایف آٸی اے نے عدالت کے داٸرہ اختیار پر اعتراضات اٹھاٸے تھے جس میں کہا گیا تھا کہ بینکنگ کورٹ شہباز شریف اور حمزہ شہباز کی درخواست ضمانت پر سماعت نہیں کر سکتی۔

    اس حوالے سے مشیر احتساب شہزاد اکبر نے کہا کہ آج منی لانڈرنگ کیس سے شہباز شریف کے وکلا غیر حاضر رہے، روز روز چالان مانگنے والے آج عدالت سے فرار ہوگئے۔

    دوسری جانب شہبازگل نے بھی طنزیہ وار کرتے ہوئے کہا کہ اب چابی بھری ترجمان کیا فرماتی ہیں، جھوٹی باجی کو اطلاع دینی تھی کہ شہباز شریف عدالت سے بھاگ رہے ہیں۔

    دوسری طرف سوشل میڈیا پر شریف فمیلی کے اس شاہانہ طرز عمل پر ایک طوفان بدتمیزی بپا ہے ، پاکستانی پوچھ رہے ہیں کہ کیا یہ ہے ایک پاکستان جہاں طاقتور کے لیے قانون اور جبکہ غریب کے لیے قانون اور

    بعض نے لکھا ہے کہ اس ملک کی تباہی میں ان بڑے لوگون کا ہاتھ ہے اور ان کو خودساختہ قانون کا ساتھ بھی نصیب ہے

    بعض نے لکھا ہے کہ اس ملک کی عدالتوں میں غریب رسوا ہورہے ہیں اور شرفائے سیاست عدالتوں کو جوتے کی نوک پربھی نہیں سمجھتے یہ کیا ہورہا ہے ، ہمیں اس نظام سے کون بچائے گا

  • شاہ لطیف یونیورسٹی میں‌ طالبہ اغوا: چیف جسٹس کا نوٹس:کیا رنگ لائے گا؟لوگ سوچنے لگے

    شاہ لطیف یونیورسٹی میں‌ طالبہ اغوا: چیف جسٹس کا نوٹس:کیا رنگ لائے گا؟لوگ سوچنے لگے

    کراچی:شاہ لطیف یونیورسٹی میں‌ طالبہ اغوا: چیف جسٹس کا نوٹس:کیا رنگ لائے گا؟لوگ سوچنے لگے ،اطلاعات کے مطابق خیرپور میں یونیورسٹی طالبہ کو اغوا کرنے پر چیف جسٹس سندھ ہائی کورٹ نے نوٹس لے لیا ہے۔

    تفصیلات کے مطابق چیف جسٹس سندھ ہائیکورٹ احمد علی ایم شیخ نے منگل 28 دسمبر کو ڈپٹی کمشنر خیر پور اور ایس ایس پی خیرپور کو طلب کرلیا ہے، ساتھ ہی چیف جسٹس نے شاہ لطیف یونیورسٹی کے رجسٹرار کو بھی پیش ہونے کا حکم دیا ہے۔

    یاد رہے کہ شاہ لطیف یونیورسٹی میں طالبہ کےاغوا کے افسوسناک واقعے پر چیف جسٹس نے ڈسٹرکٹ اینڈ سیشن جج خیرپور سے بھی واقعہ کی علیحدہ رپورٹ طلب کرلی ہے۔

    واضح رہے کہ گذشتہ روز رانی پور قومی شاہراہ پر سات سے زائد ملزمان نے اسلحہ کے زور پر یونیورسٹی بس کو روکا اور طالبہ کو اغوا کرنے کی کوشش کی، اس دوران طلبا نے مزاحمت کی تو انہیں بھی تشدد کا نشانہ بناتے ہوئے زخمی کرڈالا، جس کے نتیجے میں سات طلبہ زخمی ہوئے تھے۔

    واقعے سے متعلق طالبہ خوشبو بھٹی نے بتایا کہ صفدر وسان زبردستی بس کو روک کر مسلح لڑکوں کے ساتھ سوار ہوا، ملزمان نے بس میں سوار طالبات کے ساتھ بدتمیزی کی اور مجھے اغوا کرنے کی کوشش کی۔

    طلبہ کے اغوا اور ساتھیوں کے زخمی ہونے کی اطلاع پر یونیورسٹی طلبا شدید مشتعل ہوئے اور انہوں نے رانی پور کے مقام پر قومی شاہراہ پر دھرنا دیا تھا۔

    احتجاجی طلبہ کا موقف تھا کہ فوری طور پر واقعے میں ملوث ملزمان کو گرفتار کیا جائے اور انہیں قرار واقعی سزا دی جائے جب ملزمان گرفتار نہیں ہونگے، ہمارا احتجاج جاری رہے گا۔