Tag: بریکنگ

اسلام آباد:ویڈیو بناکر خواتین کو ہراساں کرنیوالا شخص سینیٹ کا گریڈ 18کا ملازم نکلا ،اطلاعات کے مطابق وفاقی دارالحکومت اسلام آباد میں خواتین کو ویڈیو بنا کر ہراساں کرنے کا کیس سامنے آ گیا،ویڈیو وائرل ہونے پر اسلام آباد پولیس نے خواتین سے رابطہ کیا اور ایف آئی آر درج کر لی ہے۔

اس حوالے سے ایک نجی ٹی وی نے خواتین کو ویڈیو بنا کر ہراساں کرنے والے شخص کا پتہ لگا لیا ،ہراساں کرنے والا شخص رانا اظہر سینیٹ کا سرکاری ملازم نکلا جبکہ سینیٹ حکام نے کہا کہ ویڈیو بنانے والا شخص سینیٹ کی قانون سازی برانچ کا گریڈ 18 کا ملازم ہے۔

ایف آئی آر کے متن کے مطابق خواتین نے اے ٹی ایم پر ان کی ویڈیو بنا کر ہراساں کرنے والے شخص کی ویڈیو بنا لی اور پوچھا کہ وہ شخص ان کی ویڈیو کیوں بنا رہا ہے،جس پر ہراساں کرنے والے شخص نے سوری کہہ کر ویڈیو بنانے کا اعتراف کیا اور دوڈ لگا دی۔

اسلام آباد پولیس نے ہراسگی کی دفعات کے تحت مقدمہ درج کر لیا ہے۔

یاد رہےکہ اس سے پہلے بھی کئی واقعات ہوچکے ہیں جن میں سرکاری ملازمین کے ملوث ہونے کے شواہد ملے تھے اورجن کےخلاف تادیبی کارروائی بھی کی گئی ہے ، لیکن سینیٹ کے گریڈ 18 کے افسرکا اس قسم کی حرکات میں ملوث ہونا ایک انوکھا واقعہ ہے

نواب شاہ : سب حکومتوں نے ملک کو نقصان پہنچایا:پیپلز پارٹی پاکستان کو تباہی سے نکالے گی،اطلاعات کے مطابق سابق صدر آصف علی زرداری نے کہا ہے کہ پیپلزپارٹی پاور میں ہے تو عوام پاور میں ہیں، ہم پاکستان کو تباہی سے نکالیں گے۔

یہ بات نواب شاہ میں پارٹی رہنما راضی خان جمالی سے بھائی کے انتقال پر تعزیت کے موقع پر سابق صدر آصف علی زرداری نے پارٹی کارکنان سے خطاب کرتے ہوئے کہی۔

آصف علی زرداری نے کہا کہ پیپلز پارٹی نے کبھی بڑے بڑے دعوے نہیں کیے البتہ چھوٹے دعوے کرکے بڑے کام ضرور کیے، یہ بات کچھ لوگوں کو سمجھ کیوں نہیں آتی؟

انہوں نے کہا کہ اقتدار سے پہلے کوئی دعویٰ نہیں کیا تھا کہ 18 ویں ترمیم لاؤں گا، اقتدار سے پہلے یہ نہیں کہا تھا بلوچستان کو حق یا کے پی کے کو نام دلاوُں گا۔

سابق صدر کا کہنا تھا کہ اگر میں یہ باتیں کہتا تو مجھے اقتدار میں آنے ہی نہیں دیتے، الحمد اللہ تاریخ میں ہم نے وہ کام کیے جوان سے نہیں ہونے، ان سے تو ملک نہیں چل رہا لیکن ہم چلائیں گے۔

انہوں نے کہا کہ ووٹوں کی طاقت سے بہت جلد پھر ملک کی باگ دوڑ پیپلزپارٹی کے ہاتھ میں ہوگی، اس تبدیلی نے ملک کو تباہ کردیا، ہم ہی اسے تباہی سے نکالیں گے کیوں کہ یہ ملک ہمارا ہے۔

آصف زرداری نے کہا کہ ہمارے پاس تیل ہے گیس ہے اور کوئلہ ہے، سب معدنیات کے باوجود غلط حکومتی پالیسوں سے معیشت کو نقصان پہنچا،70سال میں اتنا نقصان نہیں پہنچا جتنا اس حکومت میں پہنچا۔

ان کا مزید کہنا تھا کہ اس بار ایسا ماسٹر پلان بنایا ہے کہ ملک ترقی و خوشحالی کی راہ پر گامزن ہوگا اور صوبہ سندھ ہی پورے ملک کو چلا سکتا ہے۔

لاہور:رمضان المبارک کی آمد میں 101 دن باقی:پاکستان میں پہلا روزہ کب ہوگا:ماہرین فلکیات نے پیشن گوئی کردی ،اطلاعات کے مطابق عالم اسلام ہجری سال 1443 (2022 عیسوی) کے لیے رمضان کے بابرکت مہینے کا بے تابی سے انتظار کر رہا ہے۔ ماہرین فلکیات کے مطابق پاکستان میں ماہ صیام کی آمد کو فی الحال تین ماہ اورگیارہ دن باقی ہیں۔

مصری فلکیات کے انسٹی ٹیوٹ کے مطابق عرب ممالک میں یکم اپریل 2022 بہ مطابق 29 شعبان المعظم کی شام کو رمضان المبارک کا چاند دیکھا جائےگا۔ توقع ہے کہ اسی شام رمضان المبارک کا چاند نظرآجائے گا۔

ماہرین فلکیات کے مطابق پاکستان میں 31 مارچ 2022 بمطابق 29 شعبان المعظم کا چاند نظرآنے کی امید ہے اس حساب سے پاکستان میں پہلا روزہ یکم اپریل 2022 کو ہوگا

اور فلکیاتی اعتبار سے سعودی عرب میں‌ ماہ رمضان کا آغاز 2 اپریل 2022 بروز ہفتہ کو ہوگا اور اس طرح فلکیاتی حسابات کے مطابق ماہ مقدس کی آمد میں 102 دن باقی ہیں۔

جہاں تک ماہ رجب کے آغاز کی بات ہے تو رجب کا چاند 29 جمادی الثانی 1443 ہجری بہ روز منگل سعودی وقت کے مطابق ٹھیک 8:46 بجے (قاہرہ وقت کے مطابق 7:46) پر پیدا ہوگا۔

ماہر فلکیات کےمطابق مصری ادارہ فلکیات کے ابتدائی حسابات سے پتا چلتا ہے کہ سال 1443 ہجری کے لیے رجب کی پہلی تاریخ بدھ 2/2 2022 کو ہوگی۔

خیال رہے کہ ہجری، قمری یا اسلامی کیلنڈر مہینوں کے تعین کے لیے قمری چکر پر مبنی حساب کتاب رکھتا ہے۔ بعض عرب ممالک جن میں سعودی عرب بھی شامل ہے قمری کیلنڈر کو سرکاری کیلنڈرکے طور پر استعمال کرتا ہے۔ اسلامی کیلنڈر کا آغاز حضرت عمر فاروق کے دور سے ہوا۔ انہوں نے 12 ربیع الاول بہ مطابق 24 ستمبر622 سے قمری اسلامی سال کا آغاز ھجرت مدینہ سے کیا۔

عمران خان کو پنجاب میں بھی شکست نظر آنے لگی، بڑا حکم دے دیا

باغی ٹی وی کی رپورٹ کے مطابق خیبر پختونخواہ کے بلدیاتی الیکشن میں پی ٹی آئی کی شکست اور جے یو آئی کی کامیابی کے بعد وزیراعطم عمران خان کو پنجاب میں بھی شکست ابھی سے نظر آنے لگ گئی ہے، خیبر پختونخواہ جہاں دو بار پی ٹی آئی کی صوبائی حکومت بن چکی اب بلدیاتی الیکشن میں عوام نے پی ٹی آئی کو مسترد کر کے جے یو آئی کو چن لیا، پشاور کا میئر جے یو آئی کا بن گیا جبکہ مجموعی طور پر زیادہ نشستیں جے یو آئی کے پاس ہیں، وزیراعظم عمران خان نے دوسرے فیز کے الیکشن کے لئے خود سے امیدوار منتخب کرنے کا اعلان کیا ہے تو دوسری جانب پنجاب میں بھی وزیراعظم عمران خان نے ترقیاتی کام کرنے کی ہدایت کی ہے تا کہ انکو بنیاد پر پنجاب سے ووٹ لیے جا سکیں،

وزیراعظم کے حکم پر حکومت نے سیاسی حریفوں کا مقابلہ سیاسی میدان میں کرنے کے لئے بڑا منصوبہ تشکیل دے دیا ہے۔اس مقصد کے لیے پورے صوبے میں یونیورسٹیز ، کالجز اوردیگرتعلیمی اداروں کا جال بچھانے کا فیصلہ کرلیا گیا ہے ،

ذرائع کے مطابق حکومت نے پنجاب میں ن لیگ کے گڑھ میں بڑا ترقیاتی پیکیج دے دیا ہے، ان ترقیاتی منصوبوں کی منظوری13دسمبر کو لاہور اجلاس میں دی گئی، اجلاس کی صدارت وزیراعظم عمران خان نے کی تھی۔

ذرائع کا کہنا ہے کہ مجموعی طور پر 76 منصوبوں کی منظوری دی گئی ہے، جن میں یونیورسٹیاں، بڑی سڑکیں، فلائی اوورز، اسپورٹس، زراعت اور انڈسٹریل اسٹیٹ قابل ذکر ہیں، گوجرانوالہ، گجرات، سیالکوٹ، نارووال اور منڈی بہاؤالدین کو منصوبےدیئےگئے ہیں۔

ذرائع کا کہنا ہے کہ وزیراعظم کی جانب سے گوجرانوالہ ڈویژن کے لیے125ارب کے ترقیاتی پیکیج کی منظوری دی گئی ہے، سب سےزیادہ71 ارب روپےسڑکوں اورفلائی اوورز کی تعمیر پر لگیں گے، 26ارب روپے کی لاگت سے4یونیورسٹیاں تعمیر کی جائینگی، یہ یونیورسٹیاں سمبڑیال، منڈی بہاؤالدین،حافظ آباد، گوجرانوالہ میں تعمیر کی جائیں گی۔

ذرائع کے مطابق منڈی بہاؤالدین سےسرائےعالمگیرروڈ پر 10ارب روپے لگیں گے،جلالپور جٹاں سےگجرات روڈپر2 ارب روپےلاگت آئےگی اسی طرح کھاریاں ڈنگہ روڈپربھی 2 ارب خرچ ہوں گے جبکہ سیالکوٹ رنگ روڈپر15ارب روپے خرچ ہوں گے۔

ذرائع کا کہنا ہے کہ شیخوپورہ سے گوجرانوالہ روڈ پر5 ارب، مرید کےنارووال روڈ پرڈیڑھ ارب خرچ ہوگا جبکہ وزیرآباد ڈسکہ روڈپر فلائی اوور70کروڑکی لاگت سےتعمیرہوگا، نیوانڈسٹریل اسٹیٹ گجرات پرایک ارب30کروڑلگیں گے۔

ذرائع کے مطابق چاول کی پیداواربڑھانےپر1ارب89 کروڑ خرچ ہونگے، گندم پرایک ارب 10کروڑ، سرجیکل سٹی سیالکوٹ پرایک ارب 70 کروڑ، ہائی پرفارمنس کرکٹ اکیڈمی سیالکوٹ پر50کروڑلگیں گے۔بیشتر ترقیاتی منصوبے 2023اور چند آئندہ سال میں مکمل ہوں گے۔

واضح رہے کہ ان اضلاع میں پی ٹی آئی کے3، ق لیگ کے2 اور ن لیگ کے15ایم این ایزہیں، لاہور میں ہونیوالےاجلاس کی تفصیلات اور تصاویرجاری نہیں کی گئی تھیں۔

اسلام آباد : کرنٹ اکاؤنٹ خسارےکے اعدادوشمارمیں کس نے کیوں ہیرپھیرکرکے گمراہی پھیلائی:تہلکہ خیزرپورٹ آگئی،اطلاعات کے مطابق ادارہ شماریات کی اس ٹیم کی طرف سے غلط اعدادوشمارپیش کرنے کی شرارت نومبر میں ریکارڈ کرنٹ اکاؤنٹ خسارے کی وجہ بنی۔ ادارہ شماریات نے پٹرولیم درآمدات 1.8ملین ٹن کے بجائے 2.8ملین ٹن ظاہر کیں،ویکسین کو بھی قرضوں یاامداد میں شمار کرنے کے بجائے درآمدات کی مد میں ڈال دیا۔

انگریزی روزنامے بزنس ریکارڈر کی تحقیق کے مطابق نومبر میں 1.9ا رب ڈالر کے کرنٹ اکاؤنٹ خسارے نے بہت سے لوگوں کو حیران کر دیا تھا۔

ادارہ شماریات نے 5ارب ڈالر کے تجارتی خسارے کی بنیاد پر لوگ توقع کررہے تھے کہ کرنٹ اکاؤنٹ خسارہ تقریباً 3 ارب ڈالر ہوگا لیکن اسٹیٹ بینک کا مال تجارتی خسارہ 3.7 ارب ڈالر رہا۔مالی سال 2022 کے 5 ماہ کیلیے ادارہ شماریات کے 20.6ارب ڈالر اور اسٹیٹ بینک کے 17.6 ارب ڈالر کے تجارتی خسارے کا فرق 3ارب ڈالر ہے اور یہ فرق بنیادی طور پر جولائی تا نومبر 3.1ارب ڈالر کی درآمدات سے آتا ہے۔

ادارہ شماریات اور اسٹیٹ بینک کے اعداد و شمار میں فرق آنا معمول کی بات ہے کیونکہ جب بھی درآمدات میں اضافہ ہوتا ہے تو دونوں اداروں کے اعداد وشمار میں فرق آجاتا ہے جوکہ آنے والے مہینوں میں ادارہ شماریات کے رپورٹ کردہ خسارے میں کمی کے ساتھ معمول پر آجا تا ہے تاہم ایسا لگتا ہے کہ ادارہ شماریات نے پٹرولیم کی درآمدات کی رپورٹنگ میں غلطی کی ہے جس سے فرق جزوی طور پر بڑھ گیا ہے۔

دوسری طرف ملک نامور تجزیہ کار اور معاشی ماہرین ادارہ شماریات کے 7.9 ارب ڈالر کی درآمدات کے اعداد وشمار دیکھ کر حیران رہ گئے اور اسے ہضم کرنا مشکل تھا۔نتیجتاً روپے کی قدرگری اور اسٹاک مارکیٹ مندی کا شکار ہوئی ۔ تاہم سمجھدار تجزیہ کار ادارہ شماریات کے تفصیلی اعداد و شمار میں یہ دیکھ کر حیران کر دیا کہ پاکستان نے نومبر میں 2.8 ملین ٹن پٹرولیم مصنوعات اور خام تیل درآمد کیا جو کہ ممکن نہیں ہے۔

محکمہ شماریات کو ڈیٹا فراہم کرنے والی آئل کمپنیز ایڈوائزری کونسل(OCAC) کا ڈیٹا نومبر میں 1.8 ملین ٹن کی آئل امپورٹ کو ظاہر کرتا ہے جبکہ ملک کی سالانہ درآمدات پرنظر ڈالی جائے تو بھی اوسی اے سی کے اعداد وشمار درست معلوم ہوتے ہیں جو 2020 میں 15ملین ٹن اور 2019 میں 18.5 ملین ٹن تھی۔اب سوال یہ ہے کہ ادارہ شماریات نے درآمدات زیادہ کیوں ظاہر کیں جس کے نتیجے میں درآمدی بل میں 50کروڑ ڈالر کا غیرواضح فرق آیا۔وفاقی حکومت کو مارکیٹ کو ا س سوال کا جواب دینا ہوگا۔

دوسری طرف سوشل میڈیا پرعوام الناس کی طرف سے پُرزورمطالبہ کیا جارہا ہے کہ حکومت ان عناصر کی نشاندہی کرے جوکسی دوسری پارٹی کے لیے ملک کے اداروں کونقصان پہنچا رہے ہیں ، بعض‌ کا کہنا تھا کہ یہ عناصر اتنے بڑے بڑے جھوٹ بول کرقوم کو گمراہ کررہے ہیں ان کو جابز سے فارغ کردیا جائے اور ان کو آزادی دی جائے کہ یہ جس پارٹی کے لیے اس قسم کی شرارتیں کرتے ہیں اب اس کے لیے جا کرسیاست کریں ، ان کو کوئی حق نہیں پہنچتا کہ وہ عوام الناس کی محنت اورخون پسینے کی کمائی سے بڑی بڑی تنخواہیں لے کر غلط بیانی کریں‌