Tag: بریکنگ

کراچی :کورونا،مہنگائی کے باوجود پاکستان میں کارو ں کی فروخت 62 فیصد بڑھ گئی،اطلاعات کے مطابق ملک میں ایک طرف کورونا اور مہنگائی نے سب کوہلا کررکھ دیا ہے تو دوسری طرف ملک میں معاشی سرگرمیوں کے بڑھنے کی بھی اطلاعات ہیں ، اسی حوالے سے معاشی معاملات سے جڑے ایک پہلو میں میں بہت زیادہ تیزی دیکھنے کو ملی ہے ،

معاشی سرگرمیوں کا سروے کرنے والے اداروں کی رپورٹ کے مطابق نومبر میں آٹو سیکٹر کے بعض شعبوں میں فروخت میں منفی رجحان کے باوجود جولائی سے نومبر تک رواں سال کے پہلے پانچ ماہ کے دوران آٹوسیکٹر میں مجموعی طورپر مثبت رجحان دیکھا گیا۔

پاکستان آٹو موٹیو مینوفیکچررز ایسوسی ایشن کی جانب سے جاری کردہ اعداد و شمار کے مطابق، رواں سال کے پانچ ماہ کے دوران آٹو سیکٹر میں مثبت رجحان رہا، ٹرکوں کی فروخت میں سال بہ سال 84.2 فیصد اضافہ ہوا، جیپوں کی فروخت میں 82 فیصد، لائٹ کمرشل گاڑیوں میں 78.2 فیصد، کاروں کی فروخت میں 62 فیصد، فارم ٹریکٹر کی فروخت میں 19 فیصد اور دو اور تین پہیوں والی گاڑیوں کی فروخت میں 0.3 فیصد اضافہ ہوا۔

موٹرسائیکل بنانے والی کمپنی اٹلس ہونڈا لمیٹڈ نے نومبر میں 128,503 موٹر سائیکلیں فروخت کرکے اکتوبر میں فروخت ہونے والے 125,031 موٹر سائیکلوں کا اپنا ہی ریکارڈ توڑ دیا۔ جولائی-نومبر میں کمپنی کی فروخت 563,575 یونٹس تک پہنچ گئی جو ایک سال پہلے 512,010 تھی۔

اعداد و شمار کے مطابق پانچ ماہ کے دوران کاروں کی کل فروخت بڑھ کر 90,303 تک پہنچ گئی جو کہ گذشتہ سال تک 55,779 تھی ، نومبر میں گاڑیوں کی فروخت میں معمولی کمی دیکھنے میں آئی تاہم اکتوبر میں 17,413 سے 15,351 یونٹس تک پہنچ گئی۔

کراچی :ناظم جوکھیو قتل کیس:مدعی کا بلاول بھٹو سے بڑا مطالبہ:بلاول بھٹو مشکل میں پھنس گئے،اطلاعات کے مطابق ناظم جوکھیو قتل کیس میں مقدمے کے مدعی اور مقتول کے بھائی افضل جوکھیو نے پاکستان پیپلز پارٹی کے چیئرمین بلاول بھٹو سے مطالبہ کیا ہے کہ وہ قتل کے مرکزی ملزم پیپلز پارٹی کے ایم پی اے جام اویس کی اسمبلی سے رکنیت کو معطل کریں۔

سیئنر صحافی مبشر زیدی نے سماجی رابطے کی ویب سائٹ ٹوئٹر پر مقتول ناظم جوکھیو کے بھائی افضل جوکھیو کی ویڈیو شیئر کی ہے۔
ویڈیو میں افضل جوکھیو نے چیئرمین پاکستان پیپلز پارٹی بلاول بھٹو سے مطالبہ کیا ہے کہ وہ ایم پی اے جام اویس کی اسمبلی سے رکنیت کو فوری طور پر معطل کریں۔

https://twitter.com/eternallymisfit/status/1470472173240397824?ref_src=twsrc%5Etfw%7Ctwcamp%5Etweetembed%7Ctwterm%5E1470472173240397824%7Ctwgr%5E%7Ctwcon%5Es1_&ref_url=https%3A%2F%2Fnews360.tv%2Flatest%2F55736%2F

انہوں نے یہ بھی کہا کہ میں نے مقدمے کے حوالے سے کسی بھی قسم کا سمجھوتہ نہیں کیا۔ اس حوالے سے مجھ پر بے بنیاد الزامات عائد کئے گئے ہیں، میں اس کی شدید مذمت کرتا ہوں۔

افضل جوکھیو نے چیئرمین پیپلز پارٹی سے یہ بھی مطالبہ کیا ہے کہ انہیں سیکیورٹی فراہم کی جائے، اس سے پہلے بھی وہ سیکیورٹی کا کہہ چکے ہیں تاہم اس پر ہنوز عملدرآمد نہیں ہوسکا ہے۔

افضل جوکھیو کا یہ بھی کہنا تھا کہ میں پیپلز پارٹی کا ورکر ہوں، میں پہلے بھی شہید رانی بی بی کی پیپلز پارٹی کے ساتھ رہا اور اب بھی چیئرمین پیپلز پارٹی بلاول بھٹو کے ساتھ ہوں۔

واضح رہے کہ تین نومبر کو پیپلز پارٹی کے رکن سندھ اسمبلی کے مہمانوں کے شکار کی ویڈیو وائرل کرنے والے ناظم جوکھیو کی کراچی میں جان لے لی گئی تھی۔ ناظم جوکھیو کی لاش ملیر میمن گوٹھ کے قریب سے ملی ۔

نئی دہلی :ایشیائی ممالک میں کورونا معاشی پھیلائی،پاکستان مشکلات کے باوجود سنبھل گیا:ایشیائی ترقیاتی بینک کی تازہ رپورٹ ،اطلاعات کے مطابق ترجمان اے ڈی بی کے مطابق سال 2022 میں ایشیا کی معاشی ‏شرح نمو 5.3 فی صد رہنے کی توقع ہے۔

ایشائی ترقیاتی بینک (اے ڈی بی) نے سال 2022 میں ایشیا کی معاشی ترقی میں کمی کا امکان ‏ظاہرکیا ہے۔جبکہ پاکستان میں معاشی نموکوحوصلہ افزا قرار دیا،ایشیائی ترقیاتی بینک کا کہنا ہے کہ کورونا کےبڑھتے کیسزکی وجہ سے معاشی ‏نمو متاثر ہو سکتی ہے۔ ایشیائی ترقیاتی بنک خطرے کی ایک اور گھنٹی بجا دی ہے جبکہ بینک نے صوبہ پنجاب کے لیے 20 کروڑ ڈالر قرض ‏کی منظوری بھی دے دی ہے۔

ایشیائی ترقیاتی بینک (اے ڈی بی) نے 2021 کی رپورٹ جاری کردی ہے جس میں معاشی ترقی میں کمی کا خطرہ ظاہر کیا گیا ہے۔

اے ڈی بی کے مطابق سال ‏‏2022 میں ایشیا کی معاشی ترقی میں کمی کا امکان ہے۔ سال 2022 میں ایشیا کی معاشی ‏شرح نمو 5.3 فی صد رہنے کی توقع ہے۔

اے ڈی بی رپورٹ کےمطابق سال 2021 میں ‏ایشیا کی معاشی شرح نمو 7 فیصد تھی۔ ایشیائی ترقیاتی بینک رپورٹ کےمطابق کورونا کے بڑھنے کی وجہ سے معاشی شرح نمو ‏متاثر ہوسکتی ہے۔

اکتوبر کی نسبت نومبر میں کورونا کیسز میں اضافہ ہوا۔ ایشیا میں ‏ویکسین شدہ افراد کا تناسب 48.7 فیصد ، امریکا میں 58.1 فیصد ، یورپ میں 67.2 ‏فیصد جبکہ سنگاپور میں ویکسین شدہ افراد کا تناسب 91.9 فیصد ہے۔

ایشیائی ترقیاتی بنک نے صوبہ پنجاب کیلئے 20 کروڑ ڈالر قرض کی منظوری دے دی۔ ‏قرض کی رقم پنجاب میں ایریگیشن سسٹم میں بہتری کیلئے فراہم کی جائے گی۔۔ رقم زرعی ‏پیداوار اورغذائی تحفظ کے لیے استعمال کی جائے گی۔

اے ڈی بی کے ترجمان کے مطابق رقم کی ‏فراہمی سے 7 لاکھ 4 ہزار ایکٹر رقبے کو پانی کی فراہمی ممکن ہو سکے گی۔ بھکر، جھنگ، ‏خوشاب، لیہ اور مظفرگڑھ میں زرعی اراضی کو پانی ملے گا۔

اسلام آباد:”کورونا سے بچاو کی شاندارویکسین مہم” ٹرانسپورٹ میں کی جارہی ہے ویکسینیشن ،اطلاعات کے مطابق پاکستان میں کورونا سے بچاو کی مہم ایک فیصلہ کن مرحلے میں داخل ہوگئی ہے ، اس حوالے سے معلوم ہوا ہ کہ این سی او سی کی طرف سے اب ٹرانسپورٹ میں کام کرنے والے ڈرائیورز ، ہیلپرز اور سفرکرنے والے مسافروں کو بھی کورونا ویکسین لگائے جائے گی ، پاکستانی حکام نے ٹرانسپورٹ میں کورونا ویکسین کو یقینی بنانے کے لیے نئی مہم شروع کی ہے جو 18 دسمبر تک جاری رہے گی۔

اتوار کو نیشنل کمانڈ اینڈ آپریشن سنٹر (این سی او سی) کی جانب سے جاری ہونے والے بیان میں کہا گیا کہ ’شہر میں یا شہر سے باہر جانے والی تمام ٹرانسپورٹ کو داخلی اور خارجی راستوں پر چیک کیا جائے گا جس میں بس سٹینڈ، ٹال پلازے، انٹر چینجز اور موٹر وے یا ہائی وے پر صوبائی سرحدیں شامل ہیں۔‘

حالیہ مہینوں میں پاکستان میں کورونا کیسز میں واضح کمی ہوئی ہے۔ حکام کا کہنا ہے کہ کیسز میں ویکسین کی مہم کے باعث کمی ہوئی ہے۔ پاکستان میں تقریباً 13 کروڑ افراد ویکسین کی کم از کم ایک خوراک لگوا چکے ہیں۔پاکستان میں اب تک کورونا انفیکشن کے 12 لاکھ 89 کیسز سامنے آئے ہیں اور 28 ہزار 830 افراد ہلاک ہوئے ہیں۔

این سی او سی کے بیان میں کیا گیا ہے کہ ’صرف ویکسین شدہ افراد اور ایسے افراد کو سفر کی اجازت ہوگی جنہیں خصوصی طور پر استثنیٰ دیا گیا ہے۔‘این سی او سی کے مطابق موبائل ویکسینیشن ٹیمز موقعے پر ڈرائیوروں اور مسافروں کو ویکسین لگائیں گی۔

دوسری جانب نیشنل انسٹیٹیوٹ آف ہیلتھ (این آئی سی) نے کہا ہے کہ کورونا کی نئی قسم اومی کرون کے تین مشتبہ کیسز کے نمونوں کا رزلٹ پیر تک حاصل ہوگا۔پاکستانی حکام نے کہا تھا کہ اومی کرون کا پہلا کیس کراچی میں رپورٹ ہوا۔گذشتہ 24 گھنٹوں میں پاکستان میں 46 ہزار ٹیسٹ کیے گئے جن میں سے صرف 288 مثبت آئے۔

کراچی :عرفان مہرکوسگی بیوی،سالے اوردیگرسسرالیوں نے قتل کیا:گرفتار ملزم کے سنسنی خیز انکشافات،اطلاعات کے مطابق گلستان جوہر میں سندھ بار کونسل کے سیکرٹری عرفان مہر قتل کے وقت فائرنگ کرنے والے ملزم کا حقیقی بیٹا بھی اسی کار میں مقتول کے ساتھ بیٹھا تھا۔

عرفان مہر قتل کیس میں گرفتار مقتول کے بھائی نسبتی غلام اکبر نے کاؤنٹر ٹیررزم ڈپارٹمنٹ پولیس کے سامنے دوران تفتیش سنسنی خیز انکشافات کیے ہیں۔

اس ہائی پروفائل قتل کیس کا سراغ لگانے والی سی ٹی ڈی کی خصوصی ٹیم کے انچارج راجہ عمر خطاب کے مطابق عرفان مہر کو قتل کرنے کا ٹاسک اس کی بیوی صاحبزادی اور سالی شبانہ عرف کراڑی عرف چھوٹی نے اپنے حقیقی بھائی ملزم غلام اکبر کو دیا۔

گرفتار ملزم غلام اکبر کے بیان کے مطابق مبینہ طور پر مقتول عرفان مہر اپنی بیوی یعنی اس کی بہن کے ساتھ سخت رویہ رکھتا تھا جس سے وہ تنگ تھی اور تینوں بہن بھائیوں نے مل کر قتل کی منصوبہ بندی کی۔

ملزم کے مطابق اس واردات کے لیے اس کی دلچسپی اس لیے بھی تھی کہ وہ 30،40 لاکھ روپے کا مقروض تھا جبکہ عرفان مہر کے قتل کی صورت میں انہیں مقتول کے پاس کیش کی شکل میں موجود لگ بھگ 70،80 لاکھ روپے ملنے کی اُمید تھی۔

ملزم کے مطابق اس کی بہن صاحبزادی نے اس کام کے لیے ابتدائی طور پر اسے ایک لاکھ 60 ہزار روپے اور پھر چند دن بعد مزید 60 ہزار روپے دیے۔

ملزم نے مزید بتایا کہ ان پیسوں سے اس نے ایک لاکھ 50 ہزار روپے میں نئی 125 موٹر سائیکل خریدی اور پستول کا بندوبست کیا۔

ملزم کے مطابق اس سے قبل اس نے اس کام میں معاونت کیلئے اپنی چھوٹی بہن شبانہ کے شوہر رحیم بخش مہر کو آمادہ کیا تاہم بعد میں اپنے ایک دوست واجد جاکھرو کو شریک جرم بنایا۔

ملزم نے بیان میں کہا کہ اس کیلئے اس نے واجد کو 40 ہزار روپے دیے اور مزید 60 ہزار روپے کام کے بعد دینے کا وعدہ کیا۔

ملزم کے مطابق واردات سے قبل اس نے مقتول عرفان مہر کی خود ریکی کی اور واردات سے ایک روز قبل صدر سے ٹراؤزر اور جیکٹ خریدیں بعد ازاں کالے رنگ کے دو ہیلمٹ خریدے اور اس نے کینٹ اسٹیشن پر واقع ایک ہوٹل میں قیام کیا۔

ملزم غلام اکبر کے مطابق واردات والے دن وہ اور واجد 125 موٹر سائیکل پر بیٹھ کر گلستان جوہر بلاک 13 پہنچے اور چیپل لگژری اپارٹمنٹ کے سامنے پارک کے ساتھ کھڑے ہوکر عرفان مہر کے نکلنے کا انتظار کرنے لگے۔

ملزم کے مطابق عرفان مہر اپنے بچے کو لے کر اسکول چھوڑنے کیلئے گھر سے نکلا تو اس کی بہن صاحبزادی نے موبائل فون سے اسے اطلاع دی ، عرفان مہر بچے کو اسکول چھوڑ کر واپس آیا تو انہوں نے اسے نشانہ بنایا۔

ملزم کا کہنا ہےکہ واردات کے وقت اس نے دیکھا کہ اس کا اپنا بیٹا خوشحال گاڑی کی پچھلی سیٹ پر عرفان بھائی کے ساتھ بیٹھا تھا تاہم اپنے بچے کو بچاتے ہوئے اس نے پے در پے فائرنگ کی۔

ملزم کے مطابق واردات کے بعد وہ وہاں سے سہراب گوٹھ پہنچے اور پھر ایک گوٹھ میں پہنچ کر کچھ دیر قیام کیا، کپڑے تبدیل کیے۔ اور پھر وہاں سے کینٹ اسٹیشن پہنچے جہاں ہوٹل سے سامان لے کر چیک آؤٹ کیا اور کرائے کی کار میں شکارپور چلے گئے۔

سی ٹی ڈی کے افسر راجہ عمر خطاب کے مطابق انہوں نے ٹیکنیکل بنیادوں پر اس واردات کا سراغ لگایا۔ پولیس کا کہنا ہے کہ واردات میں مقتول کی بیوی صاحبزادی اور سالی شبانہ مرکزی ملزمان ہیں۔ ان کی گرفتاری کے لیے چھاپے مارے جا رہے ہیں۔

خیال رہے کہ عرفان علی مہر کو یکم دسمبر کو کراچی کے علاقے گلستان جوہر میں فائرنگ کرکے قتل کر دیا گیا تھا جب وہ اپنی بچی کو اسکول چھوڑ کر واپس آرہے تھے۔

لاہور: بہت جلد پنجاب میں کھویا ہوا مقام حاصل کرلیں گے:ن لیگ عملا ختم ہوچکی:اطلاعات کے مطابق پی پی چیئرمین بلاول بھٹو نے پنجاب کوفتح کرنےکےلیے ڈیرے ڈال دیئے ہیں اوراہم شخصیات کی شمولیت کا سلسلہ جاری ہے، ادھرآج چیئرمین بلاول بھٹو زرداری اور این اے 133 میں پی پی پی کے ٹکٹ ہولڈر اسلم گِل کے درمیان بلاول ہاؤس میں ملاقات ہوئی

پی پی ذرائع کے مطابق چیئرمین بلاول بھٹو زرداری کو پی پی پی رہنما اسلم گِل نے این اے 133 کی ضمنی انتخاب میں پی پی پی کے کارکنان اور تنظیم کی کارکردگی سے آگاہ کیا.چیئرمین بلاول بھٹو زرداری نے اس موقع پر این اے 133 میں متحرک کردار پر جیالوں اور تنظیم کو شاباش دیتے ہوئے مستقبل میں بڑی کامیابیوں کی دلیل ہے

اس موقع پر بلاول بھٹو نے کہاکہ بہت کم وقت میں لاہور کے جیالوں نے این اے 133 کے ضمنی انتخابات میں ایک بہت اچھی انتخابی مہم چلائی، پاکستان پیپلزپارٹی لاہور شہر کی ایک زندہ حقیقت ہے، ہم ہر محاذ پر سیاسی مخالفین کے خلاف سیاسی جدوجہد کریں گے، عوام کی مدد سے پاکستان پیپلزپارٹی اگلے انتخابات میں لاہور سمیت پورے پنجاب میں زبردست نتائج دے گی،

چیئرمین پیپلز پارٹی بلاول بھٹو زرداری سے صدر پیپلز پارٹی سٹی گوجرانوالہ میاں ودود حسن ڈار نے بلاول ہاؤس لاہور میں خصوصی ملاقات کی،ملاقات میں ملک کی سیاسی و معاشی صورتحال پر تبادلہ خیال کیا گیا۔

بلاول بھٹونے میاں ودود حسن ڈار کو سٹی گوجرانوالہ سمیت پنجاب بھر میں پیپلز پارٹی کی بحالی کے لیے کام کرنے پر مبارکباد دی،این اے 133کے ضمنی الیکشن میں یوسی 229 میں بہترین کارکردگی پر شاباش بھی دی اور کہا کہ میاں ودود حسن ڈار جیسے ورکروں کی ضرورت ہے۔

میاں ودود حسن ڈار نے چیئرمین بلاول بھٹو زرداری کو گوجرانوالہ سٹی آنے کی دعوت بھی دی۔