Tag: بریکنگ

اسلام آباد:پاکستان کو کب آئی ایم ایف کے پاس جانا پڑتا ہے :مشیرخزانہ شوکت ترین نے بڑا اہم نقطہ بتا دیا ا،طلاعات کے مطابق وزیراعظم کےمشیر برائے خزانہ شوکت ترین نے کہا ہے کہ کرنٹ اکاؤنٹ خسارے میں اضافہ آئی ایم ایف کی طرف دھکیل دیتا ہے، قرضوں سے نجات کیلئے ریونیو میں اضافہ ضروری ہے ، غریب کو اپنے پاؤں پر کھڑا کرنا چاہتے ہیں اوران کو مچھلی دیں گے نہیں بلکہ پکڑنا سکھائیں گے۔

اسلام آباد تقریب سے خطاب کرتے ہوئے مشیر خزانہ شوکت ترین نے کہا کہ ہماری ترجیح مستحکم گروتھ ہے، گروتھ مصنوعی نہیں مستحکم ہوگی، ہماری بچت انتہائی کم ہے، اب پاکستان کی معیشت کورونا کے دھچکوں سے باہر آئی ہے، وزیر اعظم عمران خان سب کی ترقی چاہتے ہیں، پاکستان کو مسلسل ترقی کی ضرورت ہے جبکہ کورونا کے بعد پاکستان میں ترقی کی شرح 4 فی صد ہے۔

شوکت ترین نے مزید کہا کہ 5سے6فیصد تک کی معاشی شرح ترقی کے لیے محصولات مجموعی پیداوارکا20فیصد ہونی چاہیں، ہم نے پاورسیکٹرکوٹھیک کرنا ہے، سابقہ حکومت نے زیادہ بجلی کی خواہش میں اتنی بجلی پیدا کردی کہ کیپسٹی پیمنٹ دینا پڑیں گی،ہم نے طے کیا ہے سب سے پہلے اپنا ریونیوبڑھانا ہے، ہماری برآمدات ملک کی مجموعی پیداوارکا10جبکہ درآمدات25فیصد ہیں، ملک میں صرف تین ملین لوگ ٹیکس دیتے ہیں، ہم نے ایف بی آرکوہراساں کرنے سے منع کیا ہے، لوگ ٹیکس دینا چاہتے لیکن ہراساں کرنے کی وجہ سے ڈرتے ہیں۔

انہوں نے مزید کہا کہ امپورٹ،ایکسپورٹ کا بیلنس نہیں ہوگا توہمیشہ ڈالرکی ضرورت پڑے گی اورآئی ایم ایف جانا پڑے گا،اکانومی اوورہیٹ نہیں پانچ فیصد پرگروتھ کررہی ہے، امپورٹ کرنے والی اشیا مہنگی ہوئی توہمارا ٹریڈ ڈیفسیٹ بڑھ گیا،پاکستان میں بچت معیشت کا صرف 13 فی صد ہے، برآمدات صرف 10 فی صد اور درآمدات کا حصہ 25 فی صد ہیں۔

مشیر خزانہ کا کہنا تھا کہ چینی اور دالوں کی درآمدات ستم ظریفی ہے، زرعی شعبے کو ماضی میں نظر انداز کیا گیا، کرنٹ اکاؤنٹ خسارہ بڑھنا آئی ایم ایف کی طرف دھکیل دیتا ہے، مسلسل خسارے کی وجہ سے حکومت بینکوں کے قرضوں کا بڑا حصہ لے جاتی ہے، غریب طبقے کو مچھلی پکڑنا سکھائیں گے، مچھلی نہیں دیں گے، غریب طبقے کو کاروبار اور غریب کسان کو بلاسود قرضے دیں گے۔

انہوں نے کہا کہ چاہتے ہیں کہ ریونیومیں اضافہ ہوتاکہ قرضے نہ لینا پڑیں،بجلی کی کھپت13فیصد بڑھنے کا مقصد گروتھ بڑھنے کے اشارے ہے، انکم ٹیکس میں32فیصد اضافہ ہوا ہے، اس سال ہمارے ریونیوبڑھ رہے ہیں، نوجوانوں کوکاروبارکے لیے بلاسود قرض دے رہے ہیں، امریکا،برطانیہ میں بھی ہیلتھ کارڈ پرکچھ نہ کچھ پیسے لیے جاتے ہیں، عالمی مارکیٹ میں قیمتوں میں کمی سے چیزوں کے ریٹ آہستہ،آہستہ نیچے آجائیں گے جبکہ ہمارا لیڈراورمیں بھی کہتا ہوں’’گھبرانا نہیں‘‘ ہے۔

کراچی:عمران خان بجلی مہنگی کرکے انٹرنیشنل کٹھ پتلی بن گئے ہیں: بلاول بھٹو نے کل احتجاج کی کال دے دی،اطلاعات کے مطابق چیئرمین پیپلز پارٹی بلاول بھٹو زرداری نے بجلی کی نرخوں میں اضافے کے خلاف اپنےردعمل میں کہا کہ آئی ایم ایف کے اشاروں پر بجلی مہنگی کرکے عمران خان مقامی سے ایک عالمی کٹھ پتلی کا روپ دھار چکے ہیں ۔ عوام کو مہنگائی کی دلدل میں دھکیلنے والے عمران خان قوم کے مجرم ہیں، ہم انہیں معاف نہیں کریں گے

نیو نیوز کے مطابق بلاول بھٹو رداری نے بجلی کی نرخوں میں اضافے پر اپنے بیان میں کہا کہ بجلی کی قیمتوں میں سالانہ اضافے کے بعد فیول ایڈجسٹمنٹ چارجز کی مد میں بجلی مزید مہنگی کرنا عوام کا معاشی قتل ہے۔

بلاول بھٹو زرداری کا کہنا تھا کہ نومبر کے بلوں سے بجلی کی قیمتوں میں سالانہ اضافہ کرکے عوام کی جیبوں پر پہلے ہی اربوں روپوں سے زائد کا ڈاکا مارا گیا ۔ پہلے دن سے ہم نے پی ٹی آئی ایم ایف بجٹ کے خلاف آواز بلند کی، آج کہاں گئے معاشی ترقی کے وہ بڑے بڑے دعوے؟

بلاول کا کہنا تھا کہ عوام کو مہنگائی کی دلدل میں دھکیلنے والے عمران خان قوم کے مجرم ہیں، ہم انہیں معاف نہیں کریں گے، پیپلزپارٹی 10 دسمبر کو مہنگائی کے خلاف ملک بھر میں احتجاجی مظاہرے کرے گی، مہنگائی کے خلاف پیپلزپارٹی کے احتجاج کے تسلسل موجودہ حکومت کے خاتمے تک جائے گا۔

دوسری طرف لاہور میں عہدیداروں سے خطاب کرتے ہوئے انہوں نے کہا کہ این اے 133کے ضمنی الیکشن میں شاندار کارکردگی دکھانے والے کارکن تعریف کے مستحق ہیں۔ ہر مقابلے میں انشا اللہ جیت کیلیے اتریں گے۔ پیپلز پارٹی کو پنجاب میں وارڈ کی سطح پر منظم کرینگے۔ مہنگائی مکاؤ مارچ کو خود مانیٹر کرونگا۔ ضمنی الیکشن میں شاندار کارکردگی دکھانے والوں سے بھی ملونگا۔

لاہور:میرے وزیراعظم صاحب بجلی کی قیمت میں اضافہ واپس لیں:شہباز شریف کا عمران خان سے مطالبہ ،اطلاعات کے مطابق پاکستان مسلم لیگ (ن) کے صدر اور قائد حزب اختلاف شہباز شریف نے وزیراعظم عمران خان سے بجلی کی قیمت میں 4 روپے 74 پیسے فی یونٹ اضافہ واپس لینے کا مطالبہ کردیا ہے۔

قومی اسمبلی میں اپوزیشن لیڈر اور پاکستان مسلم لیگ (ن) کے صدر میاں شہباز شریف نے بجلی کی قیمتوں میں اضافے کی شدید مذمت کرتے ہوئے کہا کہ عمران نیازی کے "سستے پاکستان” میں بجلی مزید مہنگی ہوگئی، یہ ہے "سستے پاکستان” کی اصل حقیقت ،حکومت الٹی چھری سے قوم کو ذبح کر رہی ہے، عوام کے سینوں میں کھولتا لاوا اور نفرت پاکستان کے لئے اچھی علامت نہیں ہے جبکہ ہر ماہ بجلی کے بل عوام کے گھروں پر مہنگائی کا کوڑا بن کر برستے ہیں۔

شہباز شریف کا کہنا تھا کہ ظالم حکومت بے حسی کے ریکارڈ توڑ چکی ،آئی ایم ایف کے حکم پر بجلی کی قیمت میں مزید اضافہ کیاگیا، عمران خان کہتے تھے بجلی کی قیمت بڑھانے والا وزیراعظم چور ہوتا ہے جبکہ نیپرا کا نوٹیفیکیشن عمران نیازی کو بھیجا جائے تاکہ انہیں "سستے پاکستان” میں غریبوں کی سچائی کا شایدکچھ احساس ہو ۔

انہوں نے مزید کہا کہ پاکستان میں "سستی ترین” حکومت عوام کے لئے تاریخ کی مہنگی ترین، نالائق ترین اور کرپٹ ترین ثابت ہوئی ہے ،حکومت نے بجلی کی قیمت تاریخ کی بلند ترین سطح پر پہنچا دی پھر بھی گردشی قرض دگنا ہوگیا ،حکومت مہنگائی میں اضافے اور قومی آمدن میں کمی کی دہری تلوار سے عوام کا معاشی قتل عام کر رہی ہے ۔

شہبازشریف نے کہا کہ مہنگے ترین ایندھن سے بجلی بنا کر مافیاز کی جیبیں بھرنے والی حکومت کے خلاف ٹرانسپرنسی انٹرنیشنل کا سروے تازہ چارج شیٹ ہے ،مہنگی ترین ایل این جی سے پہلے ہی قوم کو بے دردی سے لوٹا جا رہا ہے ،یہ حکومت نہیں، اندھیر نگری اور چوپٹ راج ہے، اس سے نجات میں ہی ملک اور قوم کی حیات ہے۔

کولمبو: سانحہ سیالکوٹ:شرپسندوں کے ہاتھوں ہلاک ہونے والے سری لنکائی شہری کی آخری رسومات ادا ،اطلاعات کے مطابق سیالکوٹ میں ہجوم کے تشدد سے ہلاک ہونے والے سری لنکن شہری کو ان کے آبائی گاؤں میں سرکاری اعزاز کے ساتھ سپرد خاک کردیا گیا۔

پریانتھا کمارا کی آخری رسومات سرکاری اعزاز کے ساتھ سری لنکا میں ان کے آبائی گاؤں میں ادا کردی گئیں۔ بدھ مت کے پیشواوں نے پریانتھا کمارا کے گھر پر مذہبی رسومات ادا کیں، جس کے بعد جلی ہوئی باقیات کو قبرستان کی طرف جلوس کی شکل میں لے جایا گیا۔

جس میں پریانتھا کے خاندان، دوست اور دیگر افراد نے شرکت کی، راستے کو تعزیتی بینرز اور سوگ کی علامت سفید جھنڈیوں سے سجایا گیا تھا۔

ذرائع کے مطابق سری لنکن شہری پریانتھا کمارا، جنہیں گزشتہ ہفتے سیالکوٹ میں توہین مذہب کے الزام میں ہجوم نے تشدد کا نشانہ بنا کر ہلاک کرنے کے بعد آگ لگا دی تھی، کو بدھ کےروز ان کے آبائی گاؤں میں سرکاری اعزاز کے ساتھ سپرد خاک کر دیا گیا۔

گزشتہ جمعہ کوسیالکوٹ میں جہاں پریانتھا کمارا نے کھیلوں کے سامان کی فیکٹری چلانے میں مدد کی وہاں سینکڑوں لوگوں کے ہجوم نے ان پر حملہ کیا ،تشدد کیا، انہیں سڑک پر گھسیٹا اور آگ لگا دی۔

سری لنکن شہری پریانتھا کمارا کے افسوسناک قتل کی تحقیقات کے سلسلے میں پنجاب پولیس نے سو سے زائد مشتبہ افراد کو گرفتار کیا ہے اور پاکستانی وزیراعظم عمران خان نے قصورواروں کو سخت سزا دینے کا وعدہ کیا ہے۔

کراچی : پی ٹی آئی نے پھردھرنوں کا آغاز کردیا :پہلا دھرنا تھرپارکر میں جاری،اطلاعات کے مطابق تھرپارکرمٹھی میں سندھ حکومت اور تھر پولیس کی زیادتیوں کے خلاف سابق وزیراعلیٰ سندھ ارباب غلام رحیم کی قیادت میں گذشتہ 12 گھنٹے سے دھرنا جاری ہے۔

دھرنے میں وزیراعظم کے معاون خصوصی ارباب غلام رحیم،پی ٹی آئی رہنما رکن قومی اسمبلی لال مالھی، ارباب انور،دلاور مالکانی، ارباب عنایت اللہ اور دیگر رہنما بھی موجود ہیں۔

پاکستان تحریک انصاف کے کارکنوں کی بڑی تعداد دھرنے میں موجود ہے ،جس کے باعث تھرکول سمیت میرپورخاص، کراچی، حیدرآباد و دیگر شہروں کی طرف جانے والے راستے مکمل طور پر بند ہو گئے۔

رہنماؤں کا مطالبہ ہے کہ ایس ایس پی تھرپارکر کو ہٹایا جائے اورجھوٹے مقدمے بنانے کا سلسلہ بند کیا جائے۔ ان کا کہنا تھا کہ جب تک ہمارے مطالبات نہیں مانے جائیں گے تب تک دھرنا جاری رہے گا۔

لاہور:چوہدری برادران کی ختم نبوتﷺ سے محبت کوسلام:مذہبی رہنماوں کا چوہدری پرویزالٰہی کوخراج تحسین،اطلاعات کے مطابق پاکستان کی ممتازمذہبی شخصیت،عالم باعمل،محقق اورمعروف عالم دین ڈاکٹرحافظ عبدالرحمن مدنی نے ملاقات کی اور چوہدری برادران کی ختم نبوت ﷺ کے لیے خدمات پران کو خراج تحسین پیش کرتے ہوئے ثآبت قدم رہنے کی دعائیں بھی دیں‌

اس موقع پر سپیکر پنجاب اسمبلی چودھری پرویزالہی نے کہاہے ،سیالکوٹ واقعہ اسلام اور آئین پاکستان کے منافی ہے اور پاکستان کو بدنام کرنے کی ناکام کوشش ہے۔

قائم مقام گورنرپنجاب چودھری پرویزالٰہی اور راسخ الٰہی سے ڈاکٹر حافظ عبدالرحمن مدنی، میاں محمد احسن، انوار احمد خان، ڈاکٹر حافظ حمزہ مدنی اور ڈاکٹر انصار مدنی نے گورنر ہاؤس میں ملاقات کی، پرویزالٰہی نے تمام رہنماؤں کو ختم نبوتﷺ کے حوالے سے تیار کردہ قرآنی آیت اور حدیث مبارکہ کا نمونہ دیا۔

اس موقع پر پرویزالہی کاکہناتھاکہ قرآنی آیت اور حدیث مبارکہ کا نمونہ تمام سرکاری دفاتر سمیت گورنر ہاؤس میں بھی نمایاں طور پر آویزاں کر دیا گیا ہے۔ سانحہ سیالکوٹ کے ذمہ دار افراد کو سخت ترین سزا دی جائے۔

ڈاکٹر حافظ عبدالرحمن مدنی نے چودھری پرویز الٰہی کی جانب سے نکاح نامے میں ختم نبوت کا حلف نامہ شامل کروانے پر شکریہ ادا کرتے ہوئے کہا کہ اسمبلی بلڈنگ میں ختم نبوت کے حوالے سے قرآنی آیات و احادیث کو مزین کرنا اور قرآنی تعلیم کو نصاب میں شامل کرنا آپ کا بہت بڑا کارنامہ ہے۔تمام مکاتب فکر کے علمائے کرام آپ اور آپ کے خاندان کو قدر کی نگاہ سے دیکھتے ہیں۔

ادھر پاکستان میں بھی سگریٹ نوشی کے خلاف مہم جاری ہے اور اس سلسلے میں مختلف تنظیمیں کسی نہ کسی طرح اس مہم کو جاری رکھا ہوا ہے

پچھلے دنوں مری میں بھی ایک ایسا ہی سیمینار ہوا تھا جس میں مختلف میڈیا تنظیموں کو دعوت دی گئی تھی تاکہ وہ عوام الناس کو سگریٹ نوشی کے نقصانات سے آگاہ کریں اور اس سے بچنے کی نصیحت کریں ،

اس سیمینار میں باغی ٹی وی کی ٹیم مدعو تھی جنہوں نے دنیا کو اس زہرسے بچانے کے لیے اپنے میڈیا پلیٹ فارم کو سگریٹ نوشی کے نقصانات سے خبردار رکھنے کے لیے اپنی مہم جاری کی ہوئی ہے