Tag: بریکنگ

کراچی :تبدیلی اسے کہتے ہیں‌:وزیراعظم کے ساتھی بھی قرآن پڑھ پڑھ کردنیا کوسمجھانے لگے،اطلاعات کے مطابق وزیربحری امور علی زیدی نے آئی ایم او میں اپنے خطاب کا آغاز قرآنی آیات سے کیا اور آئی ایم او کونسل کی رکنیت کیلئے رکن ممالک سے حمایت مانگ لی۔

تفصیلات کے مطابق اقوام متحدہ کے بعد انٹرنیشل میری ٹائم آرگنائزیشن میں بھی قرآنی آیات کی گونج سنائی دی ، وزیربحری امور کی جانب سے آئی ایم او کنونشن میں اپنے خطاب کا آغاز قرآنی آیات سے کیا۔

ذرائع کا کہنا ہے کہ پاکستان کے وزیر بحری امور علی حیدر زیدی نے خطاب کے آغاز میں قرآن پاک کی سورہ رحمٰن میں سمندر کے حوالے سے آیات کا ترجمہ کیا۔

وفاقی وزیر برائے بحری امور علی زیدی نے اہم خطاب میں کہا کہ پاکستان عالمی بحری برادری کا فعال حصہ اور متحرک ترین رکن ہے، 1958 سے پاکستان آئی ایم او کی ہر سطح اور نوعیت کی سرگرمیوں میں شریک رہا ہے۔

علی حیدر زیدی نے بتایا کہ 2 لاکھ نوے ہزار مربع کلومیٹر کے اقتصادی زون اور 11 سو کلومیٹر کی ساحلی پٹی کیساتھ پاکستان دنیا کی مصروف ترین سمندری گزرگاہ کے سنگم پر واقع ہے۔

وفاقی وزیر نے کہا کہ اقوام متحدہ کے ایس ڈی جیز اور آئی ایم او اسٹریٹیجیک اہداف کے حصول میں اپنا حصہ ڈالنے کیلئے پاکستان پرعزم اور متحرک ہے، آئی ایم او ممالک کے مابین علوم و مہارت کا تبادلہ وقت کی اہم ضرورت ہے، پاکستان آئی ایم او میری ٹائم ریسرچ فنڈ کے اجراء و قیام کی پرزور تائید کرتا ہے۔

ان کا کہنا تھا کہ کوروناء کی عالمی وباء کے دوران پاکستان نے نہایت مؤثر اقدامات کے ذریعے عالمی بحری تجارت کو بندشوں سے بچایا،غیرمعمولی صورتحال کے باوجود بندرگاہوں کو فعال اور کھلا رکھنا پاکستان ہی کا اعجاز ہے۔

وزیر بحری امور نے مزید کہا کہ ملکی اور غیرملکی جہاز رانوں کو وباء سے بچانے کیلئے مفت کوروناء ویکسین دی گئی اور یہ سلسلہ بدستور جاری ہے، نومبر 2021 تک وزارت بحری امور نے کراچی کے ساحلی شہر میں 5 لاکھ لوگوں کو ویکسین دی اور 2022 کے بہار تک 10 لاکھ لوگوں کو ویکسین لگائی جائے گی۔

ان کا کہنا تھا کہ وزیراعظم عمران خان کی قیادت میں پاکستان نے ماحولیات کے تحفظ کے لئے غیر معمولی اقدامات اٹھائے ہیں، وزارت بحری امور اپنے زیرانتظام حصے کو کاربن سے پاک کرنے کی راہ پر گامزن ہے، علی حیدر زیدی

علی زیدی نے کہا اپنے ساحلوں کی حفاظت کیلئے پاکستان نے 70 لاکھ مینگروز اگائے ہیں، یہ مینگروز زمینی کٹاؤ روکنے کے ساتھ آبی حیات کے تحفظ میں بھی اہم کردار ادا کریں گے۔

وزیر بحری امور کا کہنا تھا کہ صاف پانیوں میں محفوظ جہاز رانی کے حوالے سے پاکستان کے عزم کے پیش نظر آئی ایم او رکن ممالک کیٹیگری سی کیلئے بطور امیدوار پاکستان کی حمایت کریں۔

نیویارک :عالمی ادارہ صحت (ڈبلیو ایچ او) کے مطابق پوری دنیا میں اس وقت 2.2 ارب سے زیادہ افراد آنکھوں کی بیماریوں میں مبتلا ہیں جبکہ ترقی پذیر ممالک میں ان کی تعداد، ترقی یافتہ ممالک کے مقابلے میں چار گنا زیادہ ہے۔ متاثرہ افراد میں سے 50 فیصد کا مرض قابل علاج ہے۔

اگر مناسب اقدامات نہ کیے گئے تو پوری دنیا میں نابینا افراد کی تعداد 2050 تک 11 کروڑ 50 لاکھ کا ہندسہ عبور کرسکتی ہے جو موجودہ تعداد کے مقابلے میں تقریباً تین گنا ہوگی۔ اس کے سالانہ نقصان کا تخمینہ 410.7 ارب ڈالر لگایا گیا ہے۔

جبکہ پاکستان میں 20 لاکھ سے زائد افراد بینائی سے محروم ہیں۔

اگرکچھ نہ کیا تو دنیا کی ایک چوتھائی آبادی کی آنکھیں جواب دے جائیں گی: عالمی ادارہ صحت کی وارننگ،اطلاعات کے مطابق عالمی ادارہ صحت ایک بار پھر خبردار کیا ہے کہ اگرآنکھوں کی بیماروں سے متعلق احتیاط نہ برتی گئی تودنیا کی چوتھائی آبادی آنکھوں کے خطرناک امراض کی شکار ہوجائے گی جس کا نتیجہ خطرناک نکل سکتا ہے

عالی ادارہ صحت کے مطابق ان میں سے نصف کیسز، یا ایک ارب کے قریب کیسز، روکے جا سکتے ہیں کیونکہ انہیں محض لاپرواہی (یا آگاہی کی کمی) کی وجہ سے نظر انداز کیا گیا تھا۔ڈبلیو ایچ او کی اس رپورٹ میں خبردار کیا گیا ہے کہ دنیا کی بڑھتی ہوئی آبادی کی وجہ سے نابینا پن یا بینائی سے محرومی کے کیسز میں ڈرامائی اضافہ ہو سکتا ہے۔

رپورٹ کے مطابق دنیا میں تقریباً 1.8 بلین لوگ پری بائیوپیا کا شکار ہیں۔ اس بیماری میں لوگ آس پاس کی چیزیں نہیں دیکھ پاتے۔ یہ بیماری بڑھتی عمر کے ساتھ آتی ہے۔ اس کے ساتھ ساتھ میوپیا (ایک بیماری جس میں لوگ دور کی چیزوں کو نہیں دیکھ سکتے) دنیا میں 2.6 بلین لوگوں میں موجود ہے۔اس میں سے 312 کروڑ مریض 19 سال سے کم عمر کے ہیں۔ اس کے علاوہ دنیا میں موتیا کے مریضوں کی تعداد 65 ملین اور گلوکوما کے مریضوں کی تعداد تقریباً 7 ملین ہے۔

اگرچہ دنیا میں ٹریکوما کے مریضوں کی تعداد 20 لاکھ ہے اور یہ بیکٹیریل انفیکشن کی وجہ سے ہوتا ہے ۔ بصارت کی خرابی سے جڑا سب سے بڑا مسئلہ یہ ہے کہ یہ معیار زندگی کو متاثر کرتا ہے۔ اس کا اثر زیادہ ترمعمرافراد پر پڑتا ہے۔نابینا پن نہ صرف معاشی انحصار کو بڑھاتا ہے اور پیداواری صلاحیت کو کم کرتا ہے بلکہ یہ معیشت کو بھی نقصان پہنچاتا ہے۔ عالمی ادارہ صحت کی دستاویز میں لکھا گیا ہے کہ بصارت کے نقصان اور علاج نہ کیے جانے والے مایوپیا سے عالمی معیشت کو 244 بلین ڈالر اور پریس بائیوپیا کو 25.4 بلین ڈالر کی پیداواری نقصان کا تخمینہ لگایا گیا ہے۔

اس رپورٹ میں لکھا گیا ہے کہ بصارت کی کمزوریوں کے کیسز زیادہ آمدنی والے طبقے کی نسبت کم اور درمیانی آمدنی والے طبقے میں زیادہ ہیں۔ دنیا کے کل بصارت سے محروم افراد (217 ملین) میں سے 62 فیصد صرف ایشیا میں ہیں۔ ان میں سے زیادہ تر جنوبی ایشیا، مشرقی ایشیا اور جنوب مشرقی ایشیا میں ہیں۔

عالمی ادارہ صحت نے واضح طور پر کہا ہے کہ ان کا مرد یا عورت ہونے کے درمیان کوئی براہ راست تعلق نہیں ہے۔ لیکن رپورٹ میں کہا گیا ہے کہ موتیا بند اور trachomatous بیماریاں خواتین میں زیادہ پائی جاتی ہیں اور یہ بیماری کم اور درمیانی آمدنی والے گروپوں میں زیادہ دیکھی جاتی ہے۔اس معاملے میں دیہی اور شہری فرق بھی ہے۔ یہ کوئی تعجب کی بات نہیں ہے کہ ملک کے دیہی علاقوں میں موتیا بند کے زیادہ کیسز ہیں اور ان کے آپریشن کی کوریج بھی کم ہے۔

یاد رہے کہ بڑھتی عمر کے ساتھ، آنکھوں کی مناسب دیکھ بھال انتہائی ضروری ہے،یہ بھی یاد رہےکہ انہیں حقائق کی حساسیت سے متعلق ڈبلیو ایچ او نے دو سال قبل اپنی پہلی ورلڈ ویژن رپورٹ میں متنبہ کیا تھا کہ دنیا میں بڑھتی ہوئی آبادی کا مطلب نابیناپن میں بے اضافہ ہونا ہے۔اب تازہ رپورٹ میں عالمی ادارہ صحت نے خبردارکرتے ہوئے عالمی قوتوں کواس پرفی الفور کام کرنے پر زور دیا ہے ،

اسلام آباد :مولوی صاحب جان دیو:آپ تاں اسمبلی توباہرجےسانوں وی کہڈنا چاہندے جے”:ن لیگ نےاستعفےدینےکی مخالفت کردی،اطلاعات کے مطابق پاکستان ڈیموکریٹک موومنٹ میں شامل بڑی جماعت مسلم لیگ ن نے ایک بار پھر اسمبلیوں سے استعفے دینے کی مخالفت کر ‏دی۔

ذرائع کے مطابق پی ڈی ایم اسٹئیرنگ کمیٹی کے اجلاس میں استعفوں پر ن لیگ نے پھر مخالفت کرتے ہوئے کہا ‏کہ ہماری جماعت میں اسمبلی سے استعفوں پر دو رائے ہیں۔

ذرائع کے مطابق مولانا بار بار ن لیگ کو استعفے دینے پر مجبور کررہے ہیں اس پرن لیگ کی طرف سے یہ جواب دیا گیا کہ”مولوی صاحب جان دیو:آپ تاں اسمبلی توباہرجےسانوں وی کہڈنا چاہندے جے

لیگی رہنما نے کہا کہ کچھ لوگ مخالف اوربعض استعفےمناسب وقت پر دینا چاہتے ہیں پی پی کےبغیر استعفے ‏دیے تو حکومت اہم بل پاس کرا لے گی۔

اجلاس میں لانگ مارچ کو مارچ کے آخر میں کرنے کی تجویز پر اتفاق کرتے ہوئے کہا گیا کہ پی پی کو بھی اب ‏اتحاد میں شامل کر لیں۔

لیگی رہنما کا کہنا تھا کہ استعفوں کی بجائے اسمبلی کامستقل بائیکاٹ کریں اگر مستقل بائیکاٹ کرنا ہے تو پی ‏پی کو ساتھ ملا لیں۔لیگی رہنما مفتاح اسماعیل کا کہنا ہے کہ شہبازشریف نےکہا ہےکہ مرادعلی شاہ بھائی کی طرح ہے پی پی والے ‏دشمن نہیں ہیں۔

لاہور: عمران خان کی جگہ جومرضی آئے لیکن کپتان ہمیں اچھا نہیں‌ لگتا:ہٹانے کے لیے ہرتیرآزمائیں گے:،اطلاعات کے مطابق ن لیگ کے صدر شہباز شریف نے کہا ہے کہ تحریک انصاف اور پاکستان اکٹھے نہیں چل سکتے، اپوزیشن تمام آئینی سیاسی اور قانونی ہتھیار بروئے کار لائے گی اور قوم کو مایوس نہیں کریں گے۔

پریس کانفرنس میں شہباز شریف نے کہا سیالکوٹ واقعہ سے سر شرم سے جھک گئے، حکومت اس واقعہ کے ذمہ داروں کو قرار واقعی سزا دے۔ ماضی میں ایسے واقعات ہوئے تو اسے سیاسی رنگ دیا گیا لیکن ہم نے نہ صرف اس واقعہ بلکہ ماضی قریب میں بھی اس طرح کے کسی واقعہ کو کبھی سیاسی رنگ نہیں دیا۔

انہوں نے کہا کہ معاشی تباہی جاری رہی تو خدانخواستہ پاکستان کو خطر ات لاحق ہو سکتے ہیں۔ کورونا نے صرف پاکستان نہیں پوری دنیا میں تباہی مچائی ہے، لیکن آج مہنگائی کے حوالے سے پاکستان دنیا کی فہرست میں تیسر ے نمبر پر ہے۔ اگر جنگی بنیادوں پر کام نہ کیا گیا تو پھر ہمیں تباہی سے کوئی نہیں بچا سکتا

شہباز شریف نے کہا کہ ۔آئی ایم ایف کی نئی شرائط نے پوری قوم کو گلے سے جکڑ لیا ہے، قوم کے ہاتھ اور پاؤں زنجیر سے باندھ دیئے ہیں۔ ہمسایہ ملک80ء کی دہائی میں آئی ایم ایف کے پاس گیا اور آج تیس سال ہو گئے ہیں اس نے اس سے جان چھڑ الی ہے۔ حکومت نے انتالیس مہینوں میں71سالہ تاریخ کا 70فیصد قرضہ لے لیا۔ ہمیں بھی ورثے میں قرضے ملے لیکن ہم نے نہ صرف ادائیگی کی بلکہ دس ہزار میگا واٹ بجلی کے منصوبے لگائے، روڈ انفراسٹرکچر بنایا۔ اگر بلین ٹری منصوبہ سچ ہوتا تو آج سموگ نہ ہوتی۔

ان کا کہنا تھا کہ حکومت نے قرضوں پرکمیشن بنایا تھا لیکن اس کی رپورٹ نہیں آئی، ہمارے ادوار میں قرضوں میں کرپشن نہیں ملی اگر ملتی تو یہ رات بارہ بجے بھی لوگوںکو اٹھا کر اس کا بتاتے۔ تجارتی خسارہ 23 ارب ڈالر کی بلند ترین سطح پر پہنچ گیا ہے، صورتحال کو فی الفور کنٹرول کرنے کیلئے اجتماعی اذہان کو جمع کرنا ہوگا۔ یہ تاریخ کی بدترین نااہل، نا تجربہ کار اور کرپٹ حکومت ہے۔

صدر ن لیگ نے کہا کہ دھاندلی کی پیداوار سلیکٹڈ حکومت کی بد ترین گورننس نے ہر چیز کوتہ و بالا کر دیا ہے۔ آئی ایم ایف کے احکامات پر قوم کو غلام بنا رہے ہیں۔ اگر فی الفور کوئی اجتماعی فیصلہ نہ ہوا تو پاکستان کے مفاد کو سنگین خطرات لاحق ہوجائیں گے، پھر آپ کو دفاع کو بھی قرضے لے کر فنانس کرنا پڑے گا۔ ایک سے زیادہ آئینی سیاسی آپشنز ہوتے ہیں اور ہم اس کے مطابق حکمت عملی بنائیں گے۔

انہوں نے کہا کہ حکومت نے الیکٹرانک ووٹنگ مشین پر مشاورت نہیں کی، اگر آر ٹی ایس بند ہو سکتی ہے تو ای وی ایم بند ہو سکتی ہے۔ اوورسیز ہمارے سروں کے تاج ہیں انہیں ووٹ کا حق دینے کے طریقہ کار پر اختلاف ہے حکمران بدنیتی سے دھاندلی کے ذریعے ووٹوں کو بکسوں میں ڈلوانا چاہتے ہیں۔

شہباز شریف کا کہنا تھا کہ چیف الیکشن کمشنر فارن فنڈنگ کیس کا فیصلہ کریں۔ جو ہمیں دن رات چور اور ڈاکو کہتے ہیں پتہ چلے انہوں نے کس طرح بھارت اور دوسرے ممالک سے فنڈ ز لئے۔ حکومت دروغ گوئی میں سب سے آگے ہے ان کا جھوٹ بولنے اور یوٹرن لینے میں کوئی ثانی نہیں ، انہوںنے ملک کا کباڑہ کر دیا ،معیشت کا جنازہ نکال دیا ہے۔ عمران خان حکومت کو ایماندار کہنا سفید جھوٹ ہے۔