Tag: بریکنگ

مدھیہ پردیش :مودی حکومت کی اردو دشمنی، اردو الفاظ استعمال نہ کرنے کی ہدایت،اطلاعات کے مطابق بھارتی ریاست مدھیہ پردیش میں پولیس کو کاغذی کارروائی میں اردو الفاظ استعمال نہ کرنے کی ہدایت کی گئی ہے۔

بھارتی میڈیا کے مطابق مدھیہ پردیش کے وزیراعلیٰ شیو راج چوہان نے ریاستی پولیس کو اردو الفاظ استعمال نہ کرنے کی ہدایت جاری کرکے مکمل طور پر ہندی الفاظ استعمال کرنے کا حکم جاری کر دیا۔

میڈیا رپورٹس کے مطابق مدھیہ پردیش پولیس برطانوی دور سے اردو اور فارسی اصطلاحات استعمال کرتی آ رہی ہے۔

بھارتی وزارت داخلہ نے بھی وزیر اعلیٰ شیو راج چوہان کے حکم کے بعد محکمہ پولیس کو اردو اور فارسی زبانوں کے الفاظ استعمال کرنے سے روک دیا ہے۔

ادھر چند ماہ قبل عالمی اداروں نے انکشاف کیا تھا کہ بھارت میں مودی سرکار اردو کا وجود ختم کرنا چاہتی ہے، اور اس سلسلے میں بہت سے خطرناک فیصلے کیے ہیں، یہ رپورٹ کچھ اس طرح تھی

بھارت میں مودی سرکار نے اردو زبان سے دشمنی نکالتے ہوئے کئی اردو اسکول بند کر دیے۔ بھارتی میڈیا کے مطابق احمدآباد میں اردو اسکولوں کو تزئین و آرایش کے نام پر بند کرنے کی سازش کا انکشاف ہوا ہے۔ احمدآباد میونسپل کارپوریشن کے ماتحت چلنے والے 8 سے زائد اردو اسکولوں کو ڈیڑھ برس قبل مرمت کرنے کے لیے بند کیا گیا تھا اور اب تک وہاں تعلیم کا سلسلہ بحال نہیں کیا گیا۔

ذرائع ابلاغ کے مطابق ریاست گجرات میں منظم انداز میں اردو اسکولوں کو بند کر کے طلبہ کا مستقل تاریک کرنے کی سازش تیار کی گئی ہے۔ گومتی پور اردو اسکول نمبر ایک اور 2 کو ڈیڑھ سال قبل مرمت کے لیے بند کیا گیا تھا، تاہم مدت گزرنے کے باوجود میونسپل کارپوریشن کا ایک کارندہ بھی کام کے لیے نہیں پہنچا۔ مقامی انتظامیہ کی نااہلی کے باعث طلبہ شدید مشکلات سے دوچار ہیں اور انہیں دور دراز اسکول میں پڑھنے کے لیے جانا پڑتا ہے۔

مقامی کونسلر کا اس حوالے سے کہنا تھا کہ اسکول کو خستہ حال بتا کر بند کر دیا گیا تھا، لیکن ابھی تک کام شروع نہیں کیا گیا، جس سے صاف ظاہر ہوتا ہے کہ جان بوجھ کر اردو اسکولوں کی تعمیراتی کام شروع نہیں کیا جا رہا اور انہیں بند کرنے کا منصوبہ بنایا جا رہا ہے۔ ماہرین کا کہنا ہے کہ مودی سرکار کی اردو زبان سے دشمنی کوئی ڈھکی چھپی نہیں ہے اور بی جے پی حکومت کئی بار مقبوضہ علاقوں میں بھی اردو کو ختم کر کے ہندی رائج کرنے کی کوشش کر چکی ہے۔

قبل ازیں اتراکھنڈ کی حکومت نے تمام ریلوے اسٹیشنوں کے نام اردو سے ختم کر کے ہندی میں لکھنے کا اعلان کیا تھا۔ وہاں تمام ریلوے پلیٹ فارم پر اسٹیشن کے نام انگریزی، اردو اور سنسکرت میں لکھے جاتے تھے، تاہم متنازع اقدامات کے بعد انگریزی، سنسکرت اور ہندی میں لکھنے کا فیصلہ کیا ہے

لندن:خالصتان ریفرنڈم کا پانچواں مرحلہ شروع:بھارت کے پسینے چھوٹ گئے،اطلاعات کے مطابق بھارت میں سکھوں کے لئے علیحدہ وطن” خالصتان“ کے لیے ریفرنڈم کا پانچواں مرحلہ آج برطانیہ میں ہورہا ہے۔

کشمیر میڈیا سروس کے مطابق ابتدائی 4 مراحل میں برطانیہ میں مقیم سکھ برادری کے ہزاروں افراد نے ریفرنڈم میں حصہ لیا جس کا آغاز رواں برس 31 اکتوبر کو لندن میں ووٹنگ سے ہوا تھا۔اپنے علیحدہ وطن کے لیے ہونے والے ریفرنڈم میں سکھوں کی بڑے پیمانے پر شرکت نے نریندر مودی کی فسطائی بھارتی حکومت کو بے چین کر دیا ہے جس نے اسے روکنے کی بھرپور کوشش کی لیکن ناکام رہی۔

برطانوی حکومت نے نئی دہلی کے خدشات کے باوجود ریفرنڈم کی اجازت دی ہے۔ریفرنڈم نے بھارتی حکومت کو ایک مضبوط پیغام بھیجا ہے کہ اس کے پاس سکھوں کو حق خودارادیت دینے کے سواکوئی چارہ نہیں ہے۔

سکھ ریفرنڈم مستقبل میں بیلجیم، امریکا، کینیڈا، آسٹریلیا اور بھارتی پنجاب کے علاقے میں بھی کرایا جائے گا۔ ریفرنڈم کے نتائج کا اعلان پنجاب ریفرنڈم کمیشن اگلے چھ ماہ میں آخری مرحلے کی ووٹنگ کے بعد کرے گا۔امریکہ میں قائم تنظیم” سکھز فار جسٹس“ خالصتان کے قیام کے لیے پنجاب کی بھارت سے علیحدگی کی مہم کی قیادت کر رہی ہے۔

دوسری طرف اس وقت بھارت میں سخت پریشانی پائی جارہی ہے اوربھارتی حکام نے سکھوں کی مانیٹرنگ شروع کردی ہے اور ان کا گھیرا تنگ کررکھا ہے جس کی وجہ سے سکھ سخت پریشان ہیں

کراچی: بلوچستان کے علاقے آواران میں لائٹ ویٹ جہاز "جیرو کاپٹر” گر کر تباہ ہونے سے انسٹرکٹر پائلٹ قاضی اجمل جاں بحق ہو گئے۔

ذرائع کے مطابق پائلٹ قاضی اجمل اپنا جیروکاپٹر کراچی سے فلائی کرکے بلوچستان کی حدود میں داخل ہوئے تھے تاہم قاضی اجمل کنڈ ملیر کے علاقے میں پرواز کرتے ہوئے تین دن قبل لا پتہ ہو گئے تھے۔

بلوچستان وائلڈ لائف کے اہلکار امان اللہ ساجدی نے تصدیق کرتے ہوئے بتایا کہ قاضی اجمل کا طیارہ پولڈاٹ کے مقام پر کریش ہوا، طیارے کا ملبہ اور پائلٹ کی لاش مل گئی ہے، قاضی اجمل کا جہاز پہاڑ سے ٹکرایا اور کریش ہوا۔

قاضی اجمل کا تعلق پشاور کی مشہور قاضی فیملی ہے اور ایس پی لسبیلہ ایوب اچکزئی نے بھی تصدیق کی ہے کہ قاضی اجمل کا جیرو کاپٹر کنڈملیر کے علاقے میں گرا پایا گیا۔ایس پی لسبیلہ کا کہنا ہے کہ قاضی اجمل کی میت کو کنڈملیر سے حب منتقل کیا جارہا ہے۔

دوسری طرف حکام نے اس واقعہ کی تحقیقات کا حکم دے دیا ہے اور وجہ تلاش کرنے کی کوشش کی جارہی ہے

مری : تمباکو نوشی کے خلاف کرومیٹک کے زیر اہتمام کانفرنس :کس کس نے اور کیا گفتگو کی تفصیلات آگئیں،اطلاعات کے مطابق تمباکو نوشی کے خلاف مری میں کرومیٹک کے زیر اہتمام کانفرنس ہوئی ۔کانفرنس می اسلام آباد لاہور سے میڈیا پرسنز نے شرکت کی۔ لاہور سے باغی ٹی وی. اردو پوائنٹ ۔ ڈیلی پاکستان کے نمائندگان کانفرنس میں شریک ہوئے . مقامی ہوٹل میں ہونے والی کانفرنس میں تمباکو نوشی کے خلاف بریفنگ دی گئی جس میں بتایا گیا کہ بچوں کو سگریٹ نوشی سے بچانا ہے

شارق خان نے کہا کہ تمباکو انڈسٹری کو پاکستان میں ختم کرنا ہے تو یہ ایک ایونٹ سے نہیں ہو گا ۔یہ ایک انڈسٹری ہے اسکی کوشش ہے کہ روز 12 سو بچوں کو ٹارگٹ کیا جائے اور جو ایک بار سموکر بنتا ہے وہ ساری زندگی انکا کسٹمر ہے۔ نئے بچوں کو بڑی عادت سے روکنا چاہتے ہیں ایک طریقہ ہے جو پوری دنیا میں بار بار آزمایا جاتا یے۔ سات سال سے 15 سال کی عمر تک سگریٹ پینے والے کو سگریٹ بہت سستے میسر ہیں ۔ اگر لاز پر عمل ہو اور قیمت بڑھا دی جائے تو بچہ خریدے سے دور ہو جائے گا۔ وزیراعظم عمران خان کو تمباکو نوشی انڈسٹری کی طرف سے ڈونیشن ملی جو انہوں نے واپس کئ۔ کسی کی آواز چھوٹی نہیں ہوتی

طیب نے کہا کہ ٹوبیکو انڈسٹری کئ طرف سے جو ڈس انفار میشن آتی ہے ۔ اسکو دیکھتے ہیں ۔ ملکر کام کر رہے ہیں ۔میڈیا بھی تمباکو نوشی کیخلاف چیزوں کو اجاگر کیا جا رہا یے۔یوتھ کو آگاہی دیتے ہیں پالیسی میکرز کے ساتھ ہماری ملاقات ہوتی رہتی ہے ۔حکومتی اپوزیشن اراکین کو اس ایشو سے آگاہ کرتے رہتے ہیں ۔ سینیٹ کی قائمہ کمیٹی میں بھی اس ایشو کو اٹھایا ہے۔ تعلیمی اداروں میں بھی آگاہی دی جاتی ہے۔ میڈیا کے تعاون کا شکریہ ادا کرتے ہیں جو اس ایشوز پر ہم سپورٹ کرتے ہیں ۔ ٹیکس چوری کی بات بجٹ سے پہلے کی جاتی ہے ۔ یہ 77 ارب ٹیکس چوری کی جو بات کرتے ہیں اس پر انکے پاس کوئی ثبوت نہیں ۔ ٹیکس بڑھانے کی جو حکومت بات کرتی ہے تو ٹیکس چوری کا واویلا کیا جاتا ہے ۔ حکومت کو بلیک میل کیا جاتا ہے یہ واحد انڈسٹری ہے جس میں قیمتیں نہیں بڑھیں ۔پالیسی میکرز کو یہ لوگ مس گائیڈ کرتے ہیں۔

ڈاکٹر ضیاالدین نے کہا کہ تمام ممالک کے ایکسپرٹس میٹنگ کرتے اور اصول طے کرتے کہ کیسے تمباکو نوشی کے خلاف کام ہونا چاہئے پالیسی اچھی بنا لی لیکن اس پر کام نہیں کر سکے۔ لاگو نہیں ہو سکی۔ الارمنگ صورتحال ہے اپنی کوشش بڑھانی چاہئے تا کہ بچے استعمال نہ کر سکیں . 450 افراد کی روز بیماریوں سے موت ہوتی ہے۔ حکومت کا علاج پر فوکس نہیں . سوسائٹی اپنی بیماریوں پر پیسہ خود خرچ کرتی ہے

شارق خان کا مزید کہنا تھا کہ ٹوبیکو انڈسٹری کو کوئی پروموٹ نہیں کرنا چاہتا ۔ ٹوبیکو انڈسٹری دھوکہ دے رہی ہے اور عوام کو بتاتی ہے کہ آپ ملک کی بہتری کے لیے کام کر رہے ہیں ۔ ہمارا فوکس ہے کہ بچوں کو سگریٹ سے روکیں

کراچی:سول ایوی ایشن کے نظام میں‌ بہت بڑی خرابی کا انکشاف ،اطلاعات کےمطابق طیاروں کی لینڈنگ کے وقت پائلٹس کی رہنمائی کے لیے نصب سسٹم اور سمت بتانے والے آلات میں غفلت کی وجہ سے خرابی پیدا ہوگئی ہے۔

ذرائع کے مطابق پاکستان کے بیشتر انٹرنیشنل ائئرپورٹس پر طیاروں کی لینڈنگ اور رہنمائی کے لئے نصب سسٹم اور نیویگیشن آلات کی مقرر وقت پر مرمت نہ کی گئی، جس کی وجہ سے اُن میں مبینہ طور پر خرابی پیدا ہوگئی ہے۔

سول ایوی ایشن اتھارٹی نے آئی ایل سسٹم کے حوالے سے ایک ماہ کے لئے ائئرلائنز کو نوٹم جاری کر دیا۔ علاوہ ازیں ایک اور مراسلے میں ہدایت کی گئی ہے کہ جہازوں کو لینڈنگ کی رہنمائی فراہم کرنے والے آئی ایل ایس کی لازمی چیکنگ کی جائے۔

سول ایوی ایشن ذرائع کے مطابق نیوی گیشنل آلات کی مقررہ وقت پر مرمت (مینٹینس) نہ ہونے کی ایک وجہ سی اے اے کو دو طیاروں کی خرابی کا سامنا بھی ہے، سی اے اے مینٹینس کے لئے درکار متبادل انتظامات بھی بروقت کرنے میں ناکام رہی۔

ذرائع کا کہنا ہے کہ شہری ہوا بازی کی بین الاقوامی تنظیم اکاو قوانین کے مطابق متعلقہ آلات کی مقررہ وقت پر مینٹینس ضروری ہے کیونکہ طیاروں کے اترتے وقت انسٹرومینٹل سسٹم اور آلات خراب ہونے سے بڑا حادثہ پیش آسکتا ہے۔

ذرائع کا کہنا ہے کہ بین الاقوامی سول ایوی ایشن آرگنائزیشن کی آڈٹ ٹیم کی پاکستان میں موجودگی کے تناظر میں آلات کی مبینہ خرابی تشویشناک ہے۔