Tag: بریکنگ

اسلام آباد:معذوروں کا عالمی دن :اسپیکرقومی اسمبلی اسد قیصر نے بڑی بات کہہ دی ،اطلاعات کے مطابق معذوروں کے عالمی دن کے موقع پر اسپیکرقومی اسمبلی اسد قیصر نے کہا کہ ملک کے مختلف علاقوں میں معذوروں کیلئے منظم کام کرنے کی کوشش کررہا ہوں۔ان کا یہ بھی کہنا تھا کہ وہ اس مقصد کے لیے کئی سالوں سے کوشاں ہیں

ذرائع کے مطابق اسپیکر قومی اسمبلی اسد قیصر نے معذوروں کے عالمی دن کی تقریب سے خطاب کرتے ہوئے کہا کہ آج میں اسپیکر ہوں تو پارلیمان کے دروازے معذوروں کے لئے کھلے ہیں۔انہوں نے کہا کہ ملک کے مختلف علاقوں میں معذوروں کے لئے منظم کام کرنے کی کوشش کررہا ہوں، ایسے بچے جن کا کوئی نہیں ان کو فلاحی تنظیمیں گلے لگائے ہوئے ہیں۔

اسد قیصر نے کہا کہ ملک کے مختلف علاقوں میں معذوروں اور یتیموں کے لئے بڑے بڑے کمپلیس بنانے کا آغاز کرچکے ہیں، وزیر اعظم عمران خان بھی دن رات پسے ہوئے طبقات کو ان کے پیروں پر کھڑا کرنے کی بات کرتے ہیں۔

انہوں نے کہا کہ قانون سازی میں جہاں بھی کمزوری ہے معذور افراد بتائیں پارلیمان اس پر قانون سازی کرے گی، انٹرنیشنل این جی اوز کے رجسٹریشن میں بڑی مشکلات ہیں۔اسپیکر قومی اسمبلی نے مزید کہا کہ ہماری بیوروکریسی کی یہ تربیت ہوچکی ہے کہ کوئی کام جلدی نہ ہوجائے، ہم سیاست سے بالاتر ہوکر ملک و قوم کے لئے کام کرنا چاہتے ہیں۔

ادھر آج آج خصوصی افرادکے عالمی دن کے موقع پر کشمیر میڈیا سروس کی طرف سے جاری کی گئی ایک تجزیاتی رپورٹ میں کہا گیا کہ بھارتی فوجی کشمیریوں کو اپا ہج بنانے کیلئے انتہائی ظالمانہ ہتھکنڈے استعمال کر رہے ہیں جن میں پر امن مظاہروںاور سوگواران پرگولیوں ،پیلٹ گنز ، پا وا اور آنسو گیس کا بے دریغ استعمال شامل ہے۔ اسکے علاوہ وحشیانہ ظلم و تشدد، بجلی کے جھٹکے، ٹانگوں کے پٹھوں کو لکڑی کے رولر سے کچلنا ، گرم چیزوں سے جلانا اور تفتیشی مراکز میں الٹا لٹکانا بھی شامل ہیں جبکہ محکوم کشمیریوں کے خلاف کھلونانما بموں اور بارودی سرنگوں کا بھی استعمال کیا جارہا ہے۔

رپورٹ میں کہا گیا کہ بھارتی فورسز کی طرف سے نہتے کشمیریوں کے خلاف مہلک پیلٹ گنز کے وحشیانہ استعمال سے مقبوضہ علاقے میں معذور ہونے والے افراد کی تعداد میں کئی گنا اضافہ ہوا ہے اور اس وقت تین ہزار سے زائد کشمیری اپنی ایک یا دونوں آنکھوں کی بصارت کھونے کے خطرے سے دوچار ہیں۔ رپورٹ میں عالمی برادری پر زور دیا گیا ہے کہ وہ مقبوضہ کشمیر میں نہتے شہریوں کو ایک منظم طریقے سے معذوربنانے کے بھارتی حکومت کے غیر انسانی اقدام کا فوری نوٹس لے

لاہور:پاکستان سٹاک مارکیٹ میں بدترین مندی:3 کھرب سے زائد ڈوب گئے ،اطلاعات کے مطابق پاکستان سٹاک مارکیٹ میں بدترین مندی ریکارڈ کی گئی، شدید مندی کے باعث سرمایہ کاروں کو تین کھرب سے زائد کا نقصان برداشت کرنا پڑ گیا جبکہ روپے کے مقابلے میں امریکی ڈالر بھی تاریخ کی بلند ترین سطح کو چھو گیا۔

ادھر اس حوالے سے سٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق رواں ہفتے کے پہلے چوتھے کاروباری روزکے دوران انٹر بینک میں روپے کے مقابلے میں ڈالر ایک مرتبہ پھر گئی، امریکی کرنسی کی قدر میں 94 پیسے کا اضافہ دیکھا گیا اور قیمت 175 روپے 48 پیسے سے بڑھ کر 176 روپے 42 پیسے ہو گئی ہے۔

Interbank closing #ExchangeRate for today:https://t.co/RAYL9snOTm pic.twitter.com/ISMG4RarxV

— SBP (@StateBank_Pak) December 2, 2021

مالی سال کے آغاز سے ابتک روپیہ کی قدر 12 فیصد گر گئی، یکم جولائی سے ابتک ڈالر 18 روپے 88 پیسے مہنگا ہوا ہے، روپے کی قدر گرنے سے قرضوں کے بوجھ میں 2300 ارب روپے کا اضافہ دیکھا گیا ہے۔

دوسری طرف اوپن مارکیٹ میں امریکی ڈالر مزید 40 پیسے مہنگا ہو گیا اور قیمت تاریخ کی بلند ترین سطح 178 روپے پر پہنچ گئی۔

دوسری طرف پاکستان سٹاک مارکیٹ میں سال کی سب سے بڑی مندی ریکارڈ کی گئی، 100 انڈیکس میں 2134.99 پوائنٹس کی مندی ریکارڈ کی گئی اور 45 ہزار اور 44 ہزار کی نفسیاتی حد گر گئیں اور 100 انڈیکس 43234.15 پوائنٹس کی سطح پر پہنچ کر بند ہوا۔

پورے کاروباری روز کے دوران کاروبار میں زبردست مندی کے باعث 4.74 کی ریکارڈ تنزلی دیکھی گئی جبکہ ٹریڈنگ کے دوران 21 کروڑ 26 لاکھ 45 ہزار 343 شیئرز کا لین دین ہوا۔

شدید ترین مندی کے باعث سرمایہ کاروں کو پاکستان سٹاک مارکیٹ میں 330ارب روپے سے زائد کا نقصان برداشت کرنا پڑا۔

ماہرین کا کہنا ہے کہ ملک میں جاری گیس بحران، صنعتی شعبے میں بے چینی اور یورپ میں اومی کرون وائرس کی وجہ سے غیرملکیوں کی جانب سے سرمائے کے انخلا اور مقامی سرمایہ کاروں کی منافع کے حصول پر دباؤ بڑھنے اور سٹیٹ بینک آف پاکستان کی طرف سے شرح سود میں اضافے کے باعث پاکستان سٹاک ایکسچینج میں اتار چڑھاؤ کے بعد مندی رہی۔

معاشی ماہرین کے مطابق عالمی مارکیٹ میں خام تیل کی گرتی قیمتیں کورونا کی نئی قسم کے خوف سے بیرون ملک عائد ہونے والی پابندیوں کی وجہ سے دنیا بھر کی مارکیٹس گرواٹ کا شکار ہیں جس کے اثرات بازار حصص پر آئے ہیں۔

پاکستان سٹاک ایکسچینج میں کیپیٹل مارکیٹ کی تاریخ میں چوتھی بڑی تاریخ ساز مندی ریکارڈ کی گئی۔ اس سے قبل 11 مارچ 2017ء کو کے ایس ای ہنڈریڈ انڈیکس میں 2153 پوائنٹس کی پہلی بڑی مندی رونما ہوئی تھی جبکہ 16 مارچ 2020ء کو 100 انڈیکس میں 2375 پوائنٹس کی دوسری بڑی مندی ہوئی تھی۔

اسی طرح 18 مارچ 2020ء کو 2201 پوائنٹس کی تیسری بڑی مندی ہوئی تھی۔ جمعرات 2 دسمبر 2021ء کی مندی مالی سال 2020-21ء کی دوسری بڑی مندی جبکہ کیلینڈر سال 2021ء کی پہلی بڑی مندی ریکارڈ کی گئی ہے۔

اسلام آباد :29 سال سے بھارتی جیلوں میں قید کشمیری رہنما قاسم فکتو کی جان کولاحق خطرات:ڈاکٹرمجاہد گیلانی آج اہم پریس کانفرنس کریں گے،اطلاعات کے مطابق آج کا دن اسلام آباد میں کشمیری قیادت کوبھارت کی طرف سے لاحق خطرات سے آگاہی اورعالمی دنیا کو نوٹس لینے کے حوالے سے اہم قراردیا جارہا ہے ،

ادھر ذرائع کے مطابق آج اسی سلسلے میں ڈاکٹر مجاہد گیلانی آپا آسیہ اندرابی کے بھانجے صدر کشمیر یوتھ الائنس گزشتہ 29 سال سے بھارتی جیلوں میں قید کشمیری رہنما قاسم فکتو کی جان کو لاحق خطرات کے حوالے سے نیشنل پریس کلب آئی ایس بی میں اہم پریس کانفرنس کریں گے۔

اس حوالے سے معلوم ہوا ہےکہ میڈیا کو پیغام جاری کردیا گیا ہے کہ وہ آج اس اہم پریس کانفرنس کی کوریج کرے اورعالمی برادری تک کشمیریوں کی آواز کو پہنچانے کا سبب بنے اس لیے تمام میڈیا کو آج کی اہم پریس کانفرنس سے متعلق آگاہ کردیا گیا ہے

Dr @mujahid_gilani President @KYACentral will hold an important press conference at National Press Club Isb on the threats to the life of Kashmiri leader Qasim Fakto, who has been imprisoned in Indian jails for the last 29 years.@mujahid_gilani @KYACentral #KashmirLivesMatter pic.twitter.com/yLiFnjSa5D

— Taha طٰہٰ (@taahaa_) December 2, 2021

ڈاکٹر قاسم فکتو
حریت رہنما ڈاکٹر محمد قاسم فکتو 1967میں پیدا ہوئے، آپ کا حقیقی نام عاشق حسین فکتو تھا، تاہم اپنے قلمی نام قاسم فکتو سے ہی مقبول ہوئے اور جانے جاتے ہیں، آپ ابھی 17برس کے ہی ہوئے تھے کہ آپ نے مقبوضہ جموں کشمیر میں مزاحمتی تحریکوں میں عملی شرکت شروع کردی، آپ نے نوجوانی میں ہی اس حقیقت کو تسلیم کرلیا تھا کہ مقبوضہ جموں کشمیر سے بھارتی فوج کے انخلاء، حق خودارادیت اور آزادی کے بغیر مسلمانان کشمیر یہاں چین سے زندگی بسر نہیں کرسکتے،1987میں ہی آپ مزاحمتی تحریک کے سرگرم کارکن، فریڈم فائٹر اور نوجوان سکالر کے طور پر ابھرے،

1990میں آپ کا سیدہ آسیہ اندرابی کے ساتھ رشتہ ازدواج میں منسلک ہوئے، آسیہ اندرابی بھی اس وقت خواتین میں اپنے جذبہ حریت کی وجہ سے یکساں مقبول تھیں، بدقسمتی سے سید ہ آسیہ اندرابی کے ساتھ آپ کا ازدواجی سفر محض تین سال تک رہا اس کے بعد روحیں تو ایک رہیں مگر جسم جدا ہوگئے، ڈاکٹر محمد قاسم فکتو کو قابض انتظامیہ کے کالے قانون کے تحت آزادی کیلئے جدوجہد کی پاداش میں فروری1993میں پابند سلاسل کردیا گیا۔ اس دوران آپ کے دو بیٹوں کی ولادت ہوئی جن کے نام محمد اور احمد رکھے گئے۔ آپ سے آزادی کی جستجو، پاکستان سے محبت اور حصول تعلیم کا جذبہ جیل کی سلاخیں بھی نہ چھین سکیں، آپ نے جیل کے اندر سے ہی ڈاکٹریٹ مکمل کی اور جوانی کے ایام سے ہی شعبہ تصنیف کے ساتھ بھی منسلک ہوگئے، آپ نہ صرف مسلمانان کشمیر کے سیاسی رہنما کے طور پر سامنے آئے بلکہ ایک مذہبی سکالر بھی بنے،

قید کے بعد آپ کو محض 1999میں ایک بار جیل سے ضمانت پر رہائی ملی جو چھ ماہ سے زیادہ عرصہ تک نہ چل سکی اور آپ کے عظیم ارادوں کو دیکھتے ہوئے قابض انتظامیہ نے انہیں پھر پابند سلاسل کردیا، ڈاکٹر محمد قاسم فکتو کو جیل کی سلاخوں کے پیچھے 29 سال ہونے کو ہیں، اس عرصے کے دوران انہوں نے19کتابیں تصنیف کیں جن میں سے ایک کتاب مقبوضہ جموں کشمیر کی تحریک اور بھارتی سازشوں کو بے نقاب کرتی ہے جسے ”بانگ“ کا عنوان دیا گیا۔ بھارت کے مذموم ہتھکنڈے آپ کے جذبہ آزادی کی آگ کو بجھا نہ سکے تو کٹھ پتلی عدالتوں نے آپ کے مخصوص کیس میں آپ کو ”تاحیات قید“ کی سزا سنادی جس کی نظیر دنیا میں کہیں نہیں ملتی۔دوران قید قابض انتظامیہ اور انسانیت دشمن فورسز کا آپ پر ہرجبر جاری ہے، ہر حربہ آزمایا جارہا ہے۔ حال ہی میں یہ اطلاع سامنے آئی ہے کہ آپ کو جس بلاک میں رکھا گیا ہے وہاں سے دوسرے قیدیوں کو نکال لیا گیا ہے اور آپ کو تنہا کردیا گیا ہے، و

اضح رہے کہ آپ جیل کے جس بلاک میں قید ہیں وہیں پر شہید اشرف صحرائی قید تھے جنہیں بھارت نے کووڈ کا بہانہ بناکر قتل کردیا۔ اب جیل کے اس بلاک میں ڈاکٹر محمد قاسم فکتو کو بھی تنہا کرنے کے پیچھے بھارت کے مذموم مقاصد یا چال نظر آتی ہے۔ اس صورتحال کے پیش نظر ضرورت اس امر کی ہے کہ عالمی ادارے، انسانی حقوق کی تنظیمیں، دفتر خارجہ پاکستان اور ریاست پاکستان اس حوالے سے بھرپور آواز اٹھائیں، تاکہ اس عظیم حریت رہنما کی زندگی کو بھارتی درندوں سے محفوظ کیا جاسکے۔ انسانی حقوق کے علمبردار 29سال سے جیل کی سلاخوں کے پیچھے زندگی گزارنے والے ایشیا کے سب سے طویل مدت تک رہنے والے قیدی کی رہائی کیلئے عملی اقدامات کریں۔

اسلام آباد:عرب دنیا کی عزت وتکریم دل کی اتھاہ گہرائیوں سے اوران کی خوشحالی کے لیے ہمیشہ دعائیں کرتےہیں:اطلاعات کے مطابق متحدہ عرب امارات کے 50ویں قومی دن کے موقع پر منعقدہ تقریب میں وزیر خارجہ شاہ محمود قریشی نے اظہارِ خیال کرتےہوئے عرب دنیا سے پاکستان کی دلی محبت اوروابستگی کا کھل کراظہارکیا اور کہا پاکستان کی محبت عرب دنیا سے خصوصا عرب امارات سے ایک دینی تعلق ، اخوت اور فطری ہے

اس موقع پر شاہ محمود قریشی نے کہا کہ آج ہم نہ صرف متحدہ عرب امارات کے اتحاد کی گولڈن جوبلی منا رہے ہیں بلکہ اس وقت پاکستان اور متحدہ عرب امارات کے درمیان سفارتی تعلقات کو بھی 50 سال مکمل ہو گئے ہیں۔ان کا کہنا تھا کہ میں پاکستان کی قیادت کی طرف سے متحدہ عرب امارات کی قیادت کو تہہ دل سے مبارکباد پیش کرتا ہوں۔پاکستان اور متحدہ عرب امارات کے درمیان بہترین برادرانہ تعلقات ہیں جو مشترکہ ورثے اور کثیر جہتی تعاون پر مبنی ہیں۔

شاہ محمود قریشی نے کہاکہ متحدہ عرب امارات نے جو فقیدالمثال ترقی کے مدارج طے کیے ہیں وہ متحدہ عرب امارات کے بانی محترم شیخ زاید بن سلطان النہیان کی دور اندیش قیادت کے بغیر ممکن نہیں تھے۔

اس عظیم رہنما کو پاکستان سے بہت لگاؤ ​​تھا۔ انہوں نے پاکستان میں بہت سے سماجی و اقتصادی منصوبوں میں ذاتی دلچسپی لی اور پاکستانی ورکرز کو متحدہ عرب امارات میں کام کرنے کا موقع دیا – یہ پاکستانی، پاکستان اور متحدہ عرب امارات کے درمیان ایک مضبوط پل کا کردار ادا کرتے ہیں۔

متحدہ عرب امارات میں ان کے جانشین رہنما شیخ زاید کے طے کردہ اعلیٰ معیارات کی پیروی کر رہے ہیں اور پاکستان کے ساتھ تعلقات کو مزید مضبوط اور مستحکم بنانے کیلئے کوشاں ہیں ۔

شاہ محمود قریشی نے کہاکہ عمران خان کے وزیر اعظم منتخب ہونے کے بعد پاکستان اور یو اے ای کے تعلقات مزید مضبوط ہوئے۔ وزیر اعظم عمران خان اور عزت مآب محمد بن زید النہیان کے بار بار ہونے والے دوروں نے ہمارے دوطرفہ تعلقات میں مزید وسعت پیدا کی ہے

میں نے اور میرے ہم منصب نے اپنے قائدین کے فیصلوں کی پیروی کرنے کے لیے کئی بار ملاقات کی ہے۔ ہماری قریبی مشاورت کے نتیجے میں باہمی دلچسپی کے سیاسی، علاقائی اور بین الاقوامی مسائل پر بہتر تفہیم پیدا ہوئی ۔ ہمارے تجارتی اور اقتصادی تعلقات بھی مضبوط ہو چکے ہیں۔

ہم بین الاقوامی فورمز پر بھی باہمی تعاون جاری رکھے ہوئے ہیں۔ ہم متحدہ عرب امارات کو – 2022-23 کی مدت کے لیے اقوام متحدہ کی سلامتی کونسل میں انتخاب اور کوپ 26 کی میزبانی پر مبارکباد پیش کرتے ہیں۔

Good to attend a reception celebrating #UAE50 . Congratulate H.H @ABZayed, the leadership and people of UAE. We are also pleased to commemorate a joint milestone this year: 50 years of Pakistan-UAE friendship. #PakUAEAt50
🇵🇰 🇦🇪 pic.twitter.com/YBYe4UzWgj

— Shah Mahmood Qureshi (@SMQureshiPTI) December 2, 2021

متحدہ عرب امارات کی فاؤنڈیشن کی گولڈن جوبلی کے موقع پر، ہم ایکسپو 2020 کے کامیاب انعقاد پر بھی مبارک باد پیش کرتے ہیں ۔ یہ مشرق وسطیٰ، شمالی افریقہ اور جنوبی ایشیا (MENASA) خطے، میں پہلی عالمی نمائش ہے۔

شاہ محمود قریشی نے کہا کہ متحدہ عرب امارات سے ہماری محبت کے اظہار کے طور پر، پاکستان نے ایکسپو میں پرجوش انداز میں شرکت کی۔ان کا یہ بھی کہنا تا تھا کہ صدر پاکستان نے "پاکستان پویلین” کا افتتاح کرنے کے لیے متحدہ عرب امارات کا دورہ کیا جس نے سب سے زیادہ متحرک اور فعال پویلین ہونے کی وجہ سے بھرپور توجہ حاصل کی ہے۔

پاکستان اور متحدہ عرب امارات کے درمیان اقتصادی اور تجارتی تعلقات ہمارے دوطرفہ تعلقات کا ایک اہم حصہ ہیں اور مسلسل نمو پا رہے ہیں۔ 8 بلین ڈالر سے زیادہ کی باہمی تجارت کے ساتھ، متحدہ عرب امارات مشرق وسطیٰ اور شمالی افریقہ کے خطے میں پاکستان کا سب سے بڑا تجارتی شراکت دار ہے۔ اس کا شمار پاکستان میں سب سے بڑے غیر ملکی سرمایہ کاروں میں ہوتا ہے۔

ان کا یہ بھی کہنا تھا کہ چین پاکستان اقتصادی راہداری کی مسلسل پیش رفت اور گوادر بندرگاہ کے آپریشنل ہونے سے پاکستان مشرق وسطیٰ کو افغانستان اور اس کے بعد وسطی ایشیا سے ملانے کے لیے تیار ہے۔ ہمارے خطوں کے درمیان بہتر رابطہ ہمارے لوگوں کے لیے کافی منفعت بخش ہو گا

آخر میں شاہ محمود قریشی کا کہنا تھا کہ میں ایک مرتبہ پھر پاکستان کی عوام اور حکومت کی طرف سے متحدہ عرب امارات کی عوام اور قیادت کو اس گولڈن جوبلی کے موقع پر دلی مبارکباد پیش کرتا ہوں۔

کراچی: سندھ حکومت کے لیے مشکلات ہی مشکلات:الیکشن کمیشن نے بڑی پابندی عائد کردی ،اطلاعات کے مطابق الیکشن کمیشن آف پاکستان (ای سی پی) نے سندھ کے تمام اضلاع، شہری اور مقامی علاقوں کی حدود تقسیم کرنے پر پابندی عائد کردی۔

ذرائع کے مطابق سندھ میں متوقع بلدیاتی انتخابات کے حوالے سے الیکشن کمیشن آف پاکستان نے بڑا حکم نامہ جاری کیا، جس میں ضلع کی حدود تبدیل کرنے پر پابندی عائد کی گئی ہے۔

الیکشن کمیشن کی جانب سے جاری اعلامیے میں بتایا گیا ہے کہ سندھ حکومت شہری یا مقامی علاقے کی حدود بھی تبدیل نہیں کرسکتی جبکہ ٹاؤن اور میونسپل کمیٹی کی تبدیلی پر بھی پابندی ہے۔الیکشن کمیشن نے واضح کیا ہے کہ نئی حلقہ بندیاں سابقہ حدود پر ہی کی جائیں گی۔

یاد رہے کہ سندھ حکومت نے گزشتہ دنوں بلدیاتی انتخاب میں ترمیم کر کے نیا قانون اسمبلی سے منظور کروایا تھا، جس میں ڈی ایم سی اور یونین کونسلز کو ختم کرکے ٹاؤن کی تعداد کو بڑھایا گیا تھا۔

ادھر پنجاب میں پاکستان مسلم لیگ اور پی ٹی آئی کے درمیان معاہدہ ہوگیا ہے پنجاب حکومت اور مسلم لیگ ق کے درمیان صوبائی بلدیاتی نظام کے حوالے سے معاملات طے پاگئے ہیں۔

ذرائع کے مطابق پنجاب کے نئے بلدیاتی نظام سے متعلق پی ٹی آئی اور ق لیگ سمیت دیگر اتحادیوں کے درمیان ہونے والے ڈیڈ لاک میں بڑا بریک تھرو سامنے آیا اور دونوں جماعتوں نے مشاورت کے بعد بلدیاتی سیٹ اپ پر اتفاق کیا اور بات چیت کے جاری رکھنے کا فیصلہ بھی کیا۔

ذرائع کے مطابق پنجاب میں 11 میٹروپولیٹن کارپوریشنز ، 9ڈویژنل ہیڈکوارٹرز پر میٹروپولیٹن کارپوریشنز کے قیام پر اتفاق کیا گیا ہے جبکہ دونوں جماعتوں نے گجرات اورسیالکوٹ میں بھی میٹروپولیٹن کارپوریشنز کے قیام اور لارڈ میئر کے انتخاب پر اتفاق کیا۔

ذرائع کے مطابق پنجاب کےباقی 25 اضلاع میں ڈسٹرکٹ کونسلز ہوں گی، جن کی دیکھ بھال یا سربراہی ڈسٹرکٹ میئر کی ذمہ داری ہوگی۔

نئے بلدیاتی نظام کے تحت نچلی سطح پر نیبرہڈ اور ویلج کونسل کا قیام عمل میں لایا جائے گا جبکہ تحصیل کونسلز اور میونسپل کارپوریشنز کو ختم کردیا جائے گا، اسی طرح میونسپل کمٹیز اور ٹاؤن کمیٹیوں کو بھی ختم کردیا جائے گا۔ نئے بلدیاتی نظام کے بعد دوسرے تمام سیٹ اپ خود بہ خود ختم ہوجائیں گے۔

اسلام آباد:ایک اور طیارہ خوفناک حادثے بال بال بچ گیا ،اطلاعات کے مطابق آج اللہ تعالیٰ نے قوم کو پھر ایک سانحے سے بچالیا ہے ، اطلاعات ہیں کہ کراچی سے اسلام آباد پہنچنے والی نجی ایئرلائن کے طیارے سے پرندہ ٹکرا گیا، حادثے میں کوئی جانی یا مالی نقصان نہیں ہوا۔

اطلاعات کے مطابق کراچی سے وفاقی دارالحکومت اسلام آباد انٹرنیشنل ایئرپورٹ پہنچنے والی نجی ائیرلائن کی پرواز خوفناک حادثے کا شکار ہونے سے بال بال بچ گئی۔سول ایوی ایشن حکام کا کہنا ہےکہ مسافر طیارے سے پرندہ ٹکرا گیا تاہم حادثے کے باوجود کپتان نے طیارے کو مہارت سے اسلام آباد ایئرپورٹ پر اتار لیا۔

ایئرپورٹ ذرائع کا کہنا ہے کہ اسلام آباد سے کراچی آنے کےلیے پرواز میں تاخیر ہوگئی کیوں کہ انجینئرز متاثرہ طیارے کی جانچ کررہے ہیں، طیارے کے ٹھیک ہونے کے بعد پرواز کو کراچی کےلیے روانہ کیا جائے گا۔

خیال رہے کہ ایئرپورٹ کے اطراف میں رہائشی آبادیاں بنانے اور کچرا پھینکنے کے باعث پرندے ہوائی اڈے کے اردگرد اور رن کے قریب پرواز کرتے رہتے ہیں جس کے باعث طیاروں سے پرندے ٹکرانے کے واقعات بڑھتے جارہے ہیں۔

یاد رہے کہ اس سے قبل پچھلے مہینے تین اکتوبر کو بھی کراچی سے اسلام آباد پہنچنے والی نجی ایئرلائن کی پرواز ای آر 500 سے پرندہ ٹکرا گیا تھا۔