Tag: بریکنگ

ملتان:سیکرٹری ہاؤسنگ جنوبی پنجاب جاوید اختر محمود کا جنوبی پنجاب کے لیے پیکج ،اطلاعات کے مطابق سیکرٹری ہاؤسنگ جنوبی پنجاب جاوید اختر محمود نے کہا ہے کہ تونسہ میں بیوٹیفیکیشن پلان پر تیزی سے عمل درآمد جاری ہے۔ پی ایچ اے کی چار اسکیموں پرترقیاتی کام تیزی سے جاری ہے۔ تونسہ پارک میں عوامی سہولیات کی تمام اشیاء فراہم کی جارہی ہیں۔ صاف پانی اور سیوریج کی سکیموں پر خطیر رقم خرچ کی جارہی ہے۔

انہوں نے ان خیالات کا اظہار تونسہ میں پی ایچ اے،پی ایچ ای، سیوریج، ٹف ٹائلز، لائٹس، ہسپتال اور بیوٹیفیکیشن پلان کے معائنے اور بریفنگ کے موقع پر کیا۔ اس موقع پر ڈپٹی سیکرٹری زاہد اقبال، ڈی جی پی ایچ اے سیف الرحمٰن، اسسٹنٹ کمشنر محمد سعد اور سپرنٹنڈنٹ انجینئر ملک جواد بھی موجود تھے۔

انہوں نے مزید کہا کہ تونسہ میں بیوٹیفیکیشن پلان پر تیزی سے عمل درآمد جاری ہے۔ تونسہ میں پارک کو جدید خطوط پر استوار کیا جا رہا ہے۔پارک کو فیملیز کے لئے ساز گار بنائیں گے۔ انہوں نے مزید کہا کہ ٹائلز اور لائٹس کی معیاری انداز میں تنصیب کی جائے۔ شہر میں درختوں کی شجر کاری کو یقینی بنایا جائے انڈس روڈ تونسہ پر درختوں کی شجر کاری کے لئے پی ایچ اے اور پی ایچ ای کو ٹاسک دے دی گیا ہے۔

پار ک میں جاری ترقیاتی کاموں کا جائز ہ لیتے ہوئے کہا کہ پارک میں عوامی سہولیات کی تمام اشیاء مہیا کی جائیں۔ جنوبی پنجاب میں صاف پانی کی فراہمی کے لئے ہنگامی اقدامات کر رہے ہیں۔ عوامی مسائل کا حل موجود ہ حکومت کی ترجیحات میں شامل ہے۔ تونسہ ہسپتال کے دورہ کے موقع پر انہوں نے کہا کہ مریضوں کو بہتریں سہولیات مہیا کی جائیں۔ایمبولینس کو فعال رکھا جائے۔ پارک کے دورہ کے موقع پر سیکرٹری ہاؤسنگ نے شجرکاری کے سلسلے میں پودا لگایا اور ملکی سلامتی کے لئے دعا کی۔
شعبہ تعلقاتِ عامہ

اسلام آباد : سینیٹ کی قائمہ برائے نیشنل ہیلتھ سروسز،ریگولیشن اینڈ کوآرڈینیشن کے بڑے اوراہم فیصلے ترامیم بھی کی گئیں ،اطلاعات کے مطابق سینیٹ کی قائمہ کمیٹی برائے نیشنل ہیلتھ سروسز، ریگولیشن اینڈ کوآرڈینیشن نے اتفاق رائے سے کچھ ترامیم کے ساتھ سینیٹر سیمی ازدی اور سینیٹر سنا جمالی کی جانب سے “دی ٹرانسپلانٹیشن آف ہیومن آرگنزاینڈ ٹیشوز (ترمیمی) بل 2021 منظور کرلیا۔

لیجنڈ کالج ملتان کو این او سی جاری نا کرنے اور پاکستان کونسل آف فارمیسی (پی سی پی )پر رشوت مانگنے کے حوالے سے الزام پر چئیرمین کمیٹی نے سینیٹر حافظ عبدالکریم کی سربراہی میں ذیلی کمیٹی تشکیل دے دی۔سینیٹر سناجمالی اور سینیٹرخالدہ عطیب ذیلی کمیٹی کے رکن مقرر۔

سینیٹ کی قائمہ کمیٹی برائے نیشنل ہیلتھ سروسز، ریگولیشن اینڈ کوآرڈینیشن کا اجلاس سینیٹر محمد ہمایون مہمند کی سربراہی میں پارلیمنٹ ہاوس میں ہوا۔ کمیٹی کے آغاز میں سیکٹری ہیلتھ کی صحت یابی کیلئے دعا کی گئی۔

سینیٹرسیمی ایزدی اور سینیٹرثناءاجمالی کی جانب سے پیش کیا گیا پرائیویٹ ممبربل، “دی ٹرانسپلانٹیشن آف ہیومن آرگنز اینڈ ٹیشوز (ترمیمی) بل 2021” قائمہ کمیٹی نے بحث کے بعد کچھ ترامیم کے ساتھ اتفاق رائے سےمنظورکرلیا۔چئیرمین کمیٹی کے سوال پر ہیومن آرگن ٹرانسپلانٹ اتھارٹی (ہوٹا) کے حکام نے بتایا کہ جو ہسپتال بھی ٹرانسپلانٹ کرے وہ ہوٹا کے پاس رجسٹرڈ ہونا چائیے۔

انہوں نے بتایا کہ ہوٹا صرف اسلام آباد تک محدود ہے اور اتھارٹی کے پاس 20 رجسٹرڈ ہسپتال ہیں۔ان کا کہنا تھا کہ پبلک سیکٹر میں کوئی ٹرانسپلانٹ نہیں ہو رہے۔ان کا کہنا تھا کہ ٹرانسپلانٹ سنٹر زیادہ رجسٹرڈ ہونےچائیے۔چئیرمین کمیٹی نے کہا کہ کیا کوئی ایسا ادارہ ہے جو انسانی اعضا کی پیوندکاری کرتا ہو؟ کوئی ایسا ادراہ موجود نہیں کہ جو ڈونر اور رسیور کو رجسٹر کرے؟ چئیرمین کمیٹی نے کہا کہ ایک اچھے کام کا غلط استعمال نہیں ہونا چاہیے۔

لیجنڈکالج ملتان کو این او سی جاری نا کرنے اور پاکستان کونسل آف فارمیسی (پی سی پی) پر رشوت کے الزام کا معاملہ بھی کمیٹی میں زیربحث آیا۔سینیٹررانا محمود الحسن نے کمیٹی کو بتایا کہ پی سی پی معیار پر پورا اترنے کے باوجود لیجنڈ کالج ملتان کو این او سی جاری نہیں کررہا انہوں نے بتایا کہ رجسٹریشن کیلئے پی سی پی نے 50 لاکھ روپے دینے کا کہا ہے۔ جس پرنائب صدر پی سی پی نے بتایا کہ انکوائری ہونی چاہئے کہ کون ہمارے نام پر پیسے لے رہے ہیں۔ان کا کہنا تھا کہ ضابطہ کار پورا نا ہونے کی وجہ سے لیجنڈکالج ملتان کو این او سی جاری نہیں کیا گیا۔کالج میں ضروری الات، کتابیں اور گلاس ویئرناکافی ہیں اور لیب کیلئے جگہ بھی موجود نہیں۔

چئیرمین کمیٹی نے معاملے کی جانچ پڑتال کیلئے سینیٹرحافظ عبدالکریم کی سربراہی میں ذیلی کمیٹی تشکیل دی۔چئیرمین کمیٹی نے ذیلی کمیٹی کو لیجنڈ کالج کا دورہ کرکے رپورٹ کمیٹی میں پیش کرنے کی ہدایت کی۔پی سی پی پر رشوت کے الزام کے معاملے پر ایڈیشنل سیکٹری ہیلتھ نے متعلقہ افراد کے خلاف کاروائی کرنے کا فیصلہ کیا۔ انہوں نے کہا کہ معاملے کو ایف آئی اے کے زریعے حل کرائیں گے۔سینیٹر رانا محمود الحسن نے معاملے کو نیب بھجوانے کا مشورہ دیا۔

قائمہ کمیٹی میں سینیٹر محسن عزیز کی جانب سے دوا ساز فیکٹریوں کی آلودہ علاقوں میں لگائے جانے کا معاملہ اٹھایاگیا۔انہوں نے کہا فارما فیکٹریز ان علاقوں میں لگائی گئی ہیں جہاں آلودگی کافی زیادہ ہے۔ انہوں نے بتایا کہ دواساز فیکٹریاں اسی علاقے میں بنا دی جاتی ہیں جہاں سریا، سرف اور دیگر فیکٹریز موجود ہوتی ہیں۔ فیکٹریاں ہوا کو آلودہ کر رہی ہیں، ایسی میڈیسن فیکٹریز آخر ان علاقوں میں بنتی کیوں ہیں؟ سی ای او ڈریپ نے آلودہ علاقوں میں موجود فارما انڈسٹریز میں بننے والی ادویات کے معیار پر اٹھنے والے سوالات پر کمیٹی کو بریفنگ دی۔

انہوں نے کمیٹی کو بتایا کہ ڈرگ ایکٹ 1976 کے تحت فارما انڈسٹری کی سائٹ کو ویریفائی کیا جاتا ہے۔پہلے ہیٹنگ اور کولنگ سسٹم نہ ہونے کے باعث اس قسم کے مسائل زیادہ تھے۔ سال میں کئی بار فلٹرز تبدیل کیے جاتے ہیں۔ان کا مزید کہنا تھا کہ اب ہیٹنگ اینڈ کولنگ نظام کے تحت باقائدہ مانیٹرنگ کی جاتی ہے کہ کوئی ادویات متاثر نہ ہوں۔ رپورٹس ملنے کی صورت میں سال میں تین چار بار ٹیمیں جا کر فارما فیکٹریز کا معائنہ کرتی ہیں۔ پاکستان کے پاس عالمی ادارہ صحت سے منظور شدہ تین پری کوالیفایڈ لیبز موجود ہیں دو لیبارٹریز مزید منظور ہوجائیں گی۔

چیرمین کمیٹی نے ڈریپ حکام کو کمیٹی میں زیربحث آنے والی فارما کمپنیوں کا سرپرائز وزٹ کرنے کے بعد رپورٹ کمیٹی میں پیش کرنے کی ہدایت کی۔چئیرمین کمیٹی نے کہا کہ یہ مریضوں کے مفاد میں ہے اگر کوئی مسئلہ موجود ہے تو اس کو ٹھیک کریں۔

پولی کلینک ہسپتال کے معاملے پر ذیلی کمیٹی بنانے کا معاملہ موخر کردیا گیا۔

سینیٹرحافظ عبدالکریم،سینیٹر خالدہ عطیب کے علاوہ سینیٹر سیمی ایزدی، سینیٹر ثناءجمالی اور سینیر محسن عزیز بطور موور اجلاس میں شریک ہوئے۔ایڈیشنل سیکٹری ہیلتھ، نائب صدر پی سی پی ، سی ای او ڈریپ اور دیگر متعلقہ حکام نے بھی کمیٹی اجلاس میں شرکت کی۔

اسلام آباد:گھبرانا نہیں :سب کو پٹرول ملے گا:ترجمان وزارت پٹرولیم کا اعلان،اطلاعات کے مطابق پٹرولیم مارجن میں عدم اضافے کو بنیاد بناکر پاکستان پٹرولیم ڈیلرز ایسوسی ایشن نے آج ہڑتال کا اعلان کردیا ہے، جبکہ دوسری طرف ترجمان وزارت پٹرولیم کا کہنا ہےکہ پٹرول پمپ ڈیلرز کے مارجن کو بڑھانے کےلئے کیس ای سی سی بھیجوا دیا ہے،

ذرائع کے مطابق پاکستان پٹرولیم ڈیلرز ایسوسی ایشن نے اپنے کمیشن مارجن کو 6فیصد کرنے کے مطالبے کو برقرار رکھتے ہوئے جمعرات کو ہر صورت ہڑتال کرنے کا اعلان کیا ہے،حکومتی رابطے کے باوجود پٹرولیم ڈیلرز ایسوسی ایشن ڈٹ گئی ہے اور ملک بھر میں پٹرول پمپ بند رکھنے کا اعلان کیا ہے۔

ادھربدھ کے روز رات گئے تک پاکستان پٹرولیم ڈیلرز ایسوسی ایشن کی طرف سے ہڑتال کے اعلان کے بعد ملک بھر میں پٹرول پمپوں پر شدید رش کا منظر دیکھنے کو ملا،گاڑیوں کی لمبی قطاریں لگ گئیں جس کے بعد عوام کو شدید پریشانی کا سامنا کرنا پڑا۔

شہریوں نے پٹرول پمپ بند کرنے کے اعلان کے بعد حکومت پر شدید الفاظ میں تنقید کی ہے اور کہا ہے کہ کئی پٹرول پمپوں پر پٹرول ہونے کے باوجود عوام کو نہیں دیا جارہا،تبدیلی سرکار کی مافیا پر گرفت کمزور ہونے کے باعث قوم کو شدید بحران کا سامنا کرنا پڑ رہا ہے۔

دوسری طرف ترجمان وزارت پٹرولیم نے کہا کہ آئل سپلائی کے لیے ٹینکروں کوروانہ کردیا گیا ہے اس لئے جمعرات کو ملک بھرمیں تمام پٹرول پمپ کھلے رہیں گے۔

ترجمان کی جانب سے کہا گیا کہ وزارت توانائی پٹرولیم ڈویژن نے پٹرول پمپ ڈیلرز کے مارجن کو بڑھانے کےلئے کیس ای سی سی بھیجوا دیا ہے، آئل مارکیٹنگ کمپنیز اور ڈیلرز کے مارجن میں مناسب اضافے کےلئے وزارت کوشاں ہے جبکہ وفاقی کابینہ کے ذریعے سے دس روز میں فیصلے کا امکان ہے۔

وزارت پٹرولیم کے ترجمان کا کہنا تھا کہ آئل سیکٹر کی مختلف تنظیموں نے وزارت کی جانب سے اٹھائے گئے اقدامات پر اطمینان کا اظہار کیا ہے جبکہ عوام کو کوئی فکر کرنے یا پریشان ہونے کی ضرورت نہیں ہے۔

ترجمان پی ایس او کے مطابق ملک بھرمیں پی ایس او کے پیٹرول پمپس کھلے رہیں گے، حکومت اور عوام کے ساتھ ہیں، پیٹرول پمپس پر فیول کی مسلسل فراہمی کو یقینی بنایا جارہا ہے جبکہ پی ایس او کی سپلائی چین بھرپور طور پر فعال ہے اورپی ایس او عوام کی خدمت کے لیے ہمیشہ کی طرح مستعد ہے۔

آئل اینڈ ریگولیٹری اتھارٹی(اوگرا) نے پٹرولیم ڈیلرز ایسوسی ایشن کی ہڑتال کے معاملہ کا نوٹس لیتے ہوئے آئل مارکیٹنگ کمپنیوں کو پٹرول کی بلاتعطل فراہمی یقینی بنانے کی ہدایت کردی ہے۔

ترجمان اوگرا کے مطابق صورتحال کی مانیٹرنگ کے لئے ٹیمیں تشکیل دے دی ہیں، ڈیلرز مارجن میں اضافے سے متعلق چند عناصر پٹرول کی سپلائی میں خلل ڈالنے کی کوشش کر رہے ہیں، تمام آؤٹ لیٹس پر پٹرول کی بلا تعطل فراہمی یقینی بنائی جائے جبکہ تیل سپلائی میں خلل ڈالنے والوں کے خلاف سخت کارروائی کی جائے گی۔

سیکریٹری پیٹرولیم ارشد محمود نے بھی چیئرمین پیٹرولیم ڈیلرز ایسو سی ایشن سے رابطہ کیاہے ، سیکرٹری پٹرولیم نے کہاکہ پیٹرولیم مارجن سے متعلق سمری پیٹرولیم ڈویژن کو بھیج دی ہے تاہم ‏سمری کے نکات ابھی نہیں بتائے جاسکتے۔

چیئرمین پاکستان پیٹرولیم ڈیلرز ایسوسی عبدالسمیع خان کا کہنا تھا کہ سمری کے نکات معلوم نہ ہونےتک ہڑتال کی کال واپس نہیں ‏لیں گے ۔
قبل ازیں پٹرولیم ڈیلرز ایسوسی ایشن نے پٹرول پمپ مالکان کو جمعرات کی صبح چھ بجے سے فروخت بند رکھنے کی ہدایت جاری کر دی۔

جہاں ایک طرف ملک میں پیٹرول پمپس بند ہونے کی خبر میڈیا پر آتے ہی شہریوں میں بے چینی پھیل گئی اور پمپس پر رش لگ گیا۔تاہم اس ہڑتال کے دوران بھی ملک بھر میں کچھ پمپس ایسے ہیں جو معمول کے مطابق ایندھن کی فراہمی جاری رکھیں گے۔

پاکستان اسٹیٹ آئل (پی ایس او) اور شیل نے اس حوالے سے وضاحت جاری کی ہے۔ کمپنی کی جانب سے جاری اعلامیے میں کہا گیا ہے کہ ’ملک بھر میں ہمارے وہ تمام پیٹرول پمپس جو کمپنی کے زیر ملکیت اور زیر انتظام ہیں، بدستور کھلے رہیں گے اور معمول کے مطابق کام کریں گے۔‘

پی ایس او کے بعد پاکستان کی دوسری بڑی کمپنی شیل نے اس ہڑتال کے بائیکاٹ کا اعلان کرتے ہوئے کہا ہےکہ شیل پاکستان 25 نومبر کو پیٹرول کی فراہمی جاری رکھے گی

اس حوالے سے شیل پاکستان کا کہنا ہے کہ وہ 25نومبر کوپیٹرولیم ڈیلرزایسوسی ایشن کی ہڑتال کاحصہ نہیں،اعلامیے کے مطابق کمپنی آپریٹڈریٹیل سائٹس سےتیل کی فراہمی جاری رہےگی،اعلامیے میں یہ بھی بتایا گیا ہے کہ کمپنی آپریٹڈ ریٹیل سائٹ سےتیل کی فراہمی جاری رہےگی

یاد رہے کہ پیٹرولیم ڈیلرز ایسوسی ایشن کی طرف سے ہڑتال کے اعلان کے بعد اپوزیشن کچھ زیادہ خوش دکھائی دے رہی تھی اورپی ڈی ایم اس ایشو کو بھی سیاسی کارڈ کے طور پراستعمال کرنا چاہتی تھی، مگرجب سے پی ایس او اور شیل نے اعلان کیا ہے وہ اس ہڑتال کا حصہ نہیں ہیں اوروہ پاکستان بھرمیں پٹرول لینے والوں کو پٹرول فراہم کریں گے تو یہ سن کر عوام تو خوش ہوگئی مگراپوزیشن میں مایوسی کی لہر دور گئی ہے

اسلام آباد:ہمیں پارلیمنٹ کا فیصلہ منظور نہیں:الیکٹرانک ووٹنگ مشین کے ذریعے الیکشن، قانون سپریم کورٹ میں چیلنج ،اطلاعات کے مطابق پی ڈی ایم کی طرف سے پارلیمنٹ کے فیصلے کو تسلیم کرنے کے انکار کے بعد الیکٹرانک ووٹنگ مشین (ای وی ایم) کے ذریعے الیکشن کروانے سے متعلق قانون سپریم کورٹ میں چیلنج کر دیا گیا۔

سپریم کورٹ میں یہ درخواست ایڈووکیٹ سلیم اللہ خان کی طرف سے دائر کی گئی ہے، درخواست آئین کے آرٹیکل 184(3) کے تحت دائر کی گئی ہے۔ درخواست میں وفاقی حکومت ،الیکشن کمیشن آف پاکستان ،سیکریٹری کو فریق بنایا گیا ہے۔

درخواست میں استدعا کی گئی کہ ای وی ایم سے متعلق ہونے والے ترمیم کو کالعدم قرار دیا جائے، 17 نومبر کے اجلاس میں 33 بل منظور کئے گئے۔ منظور کئے گئے بلوں پر پارلیمان میں کوئی بحث نہیں کی گئی، منظور ہونے والی ترمیم آئین کے بر خلاف اور بدنیتی پر مبنی ہے، ترمیم سے ملک میں دھاندلی کا دروازہ کھلے گا۔

درخواست میں موقف اختیار کیا گیا کہ ای وی ایم کا خرچہ اسکے دائرے سے زیادہ ہے، ای اوی ایم سے حکمران جماعت کو فائدہ ہو گا، ترمیم سے آئین کے بر خلاف الیکشن کمیشن کے اختیارات میں کمی کر دی گئی ہے، ترمیم ووٹ ڈالنے کے اورسیز کے اختیارات و ضاحت نہیں کی گئی۔

یاد رہےکہ پارلیمنٹ کے مشترکہ اجلاس میں ان قوانین کی منظوری کی بعد پارلیمنٹ کے تقدس کا رونا رونے والوں نے اسی پارلیمنٹ کے ان فیصلوں کو قبول کرنے سے انکار کرتے ہوئے سپریم کورٹ میں جانے کا اعلان کیا تھا

اسلام آباد:اسلام آباد میں پراپرٹی سہولت سنٹرکا افتتاح کردیا گیا،اطلاعات کے مطابق اسلام آباد کے ڈپٹی کمشنر و ایڈمنسٹریٹر حمزہ شفقات نے عوام کی سہولت کےلیے ضلعی انتظامیہ کے پراپرٹی سہولت سنٹر کا افتتاح کر دیا۔

اس موقع پر میڈیا سے گفتگو کرتے ہوئےحمزہ شفقات نے کہا کہ یہ مسئلہ سامنے آ رہا تھا کہ اوورسیز اور پاکستان میں مقیم شہری اسلام آباد میں پراپرٹی خرید لیتے تھے جس کے بعد انہیں پتا چلتا تھا کہ یہ غیر قانونی ہائوسنگ سکیم تھی ، اس کی سب سے بڑی مثال غوری ٹائون ہے ، سی ڈی اے نے اس حوالے سے متعدد مرتبہ انتباہ بھی کیا لیکن شہری اس میں پراپرٹی خریدتے رہے ، اسکے علاوہ بھی کئی ہائوسنگ سوسائٹیز اسلام آباد کا نام استعمال کرتی ہیں جو اسلام آباد کی حدود میں بھی نہیں ہیں ، شہر کے اندر بھی کئی ہائوسنگ سوسائٹیز ایسی ہیں جو منظور تو ہیں لیکن انہوں نے اپنی مزید سکیمز انائونس کیں جو منظور نہیں کرائیں ،

میڈیا سے گفتگو کرتے ہوئے ڈی سی اسلام آبادحمزہ شفقات نے کہا کہ دیکھا گیا ہے کہ جو لوگ وہاں گھر بناتے ہیں نہ انکا نقشہ منظور ہوتا ہے ، نہ انہیں گیس اور بجلی کے کنکشن ملتے ہیں اور پھر وہ کورٹ کچہری کے چکر میں پھنس کر رہ جاتے ہیں ، اسی مسئلے کے حل کیلئے پراپرٹی سہولت سنٹر کا اجرا کیا ہے ، اگر کوئی بھی شہری اسلام آباد میں کسی جگہ پراپرٹی خریدنا چاہتا ہے تو وہ یہاں سے تصدیق کروا سکتا ہے کہ آیا یہ پلاٹ ہے ، اس کا نقشہ منظور ہے ، یہ سوسائٹی منظور ہے ، اور اس میں کسی قسم کی کوئی غیر قانونی چیز تو نہیں ، سی ڈی اے سے اس متعلق تمام ڈیٹا ہمارے سسٹم سے لنک کیا گیا ہے ، جس پراپرٹی کا کوئی ریکارڈ نہیں اس کو خریدنے کا مطلب پیسا پانی میں پھینکنا ہے

ڈپٹی کمشنر اسلام آباد حمزہ شفقات نے اس موقع پر کہا کہ سہولت سنٹر کے ذریعے اسلام آباد کی حدود میں کسی بھی پلاٹ یا پراپرٹی کی معلومات حاصل کی جا سکیں گی ، اسلام آباد میں اس سسٹم کو لانچ کر دیا گیا ہے ، چند دنوں تک دنیا بھر میں مقیم اوورسیز پاکستانیوں کیلئے اس ویب سائٹ کا اجرا کر دیا جائے گا ۔انہوں نے کہا کہ اگر کوئی شہری غوری ٹائون اور اور دیگر غیر قانونی سوسائٹیز میں پلاٹ لینا چاہتا ہے تو اسے پتا چل جائے گا کہ اس کے ساتھ کوئی فراڈ نہیں ہو سکے گا، یہ پاکستان میں پہلا پراپرٹی سہولت سنٹر ہے جس سے آپ دنیا میں کہیں بھی بیٹھے ہوں اسلام آباد کی پراپرٹی کی معلومات حاصل کی جا سکتی ہیں.

اس دوران میڈیا سے گفتگو کرتے ہوئے انہوں نے کہا کہ اسلام آباد میں دفعہ 144کے تحت اگر کوئی غیر قانونی ہائوسنگ سوسائٹی اپنا اشتہار بنا کر لگاتی ہے تو اس کیخلاف کارروائی ہو گی ،کچھ سوسائٹیز انٹرنیٹ پر اپنے اشتہار لگاتی ہیں جو ہماری حدود سے باہر ہیں ،غیر قانونی ہائوسنگ سوسائٹیز کو آج سے نوٹسز جاری کر رہے ہیں ، ایک ہفتے تک انکے خلاف کارروائیاں شروع کر دی جائیں گی، گزشتہ تین سال میں سرکاری اراضی پر غیر قانونی قابضین کیخلاف کارروائیوں کے دوران پانچ ہزار ارب روپے کی 20ہزار کنال اراضی واگزار کروائی جا چکی ہے ، دیگر قابضین کیخلاف بھی کارروائیاں جاری ہیں ۔

لاہور:مریم نوازکی وائرل ویڈیو میڈیا کواشتہارات نہ دینے کے حوالے سے تھی:پارٹی بھی اس ویڈیوکوحقیقی مانتی ہے:ن لیگ نے شرمساری کے ساتھ اقرارکرلیا،اطلاعات کے مطابق ن لیگ کی ترجمان مریم اورنگزیب نے مرکزی نائب صدر مریم نوازکی وائرل ویڈیو سے متعلق وضاحت جاری کرتےہوئے تسلیم کیا ہےکہ واقعی اس وڈیو کے منظرعام پرآنے کےبعد اس کی حقیقت سے انکار کرنا مشکل ہوگیا ہے

مریم اورنگزیب کا کہنا تھاکہ مریم نوازکی گفتگومیڈیا کواشتہارات نہ دینے کے حوالے سے تھی ،مریم اورنگزیب نے مریم نواز کو حوصلہ دیتے ہوئے کہاکہ میڈیا کو اشتہارات نہ دینے کے آپ کے اس جرات مندانہ فیصلے کو میں تو پسند کرتی ہوں‌

مریم اورنگزیب کا کہنا تھاکہ مریم نواز نے اپنی لیک ہونے والی ویڈیو کو سچ مانا اورہونے والی گفتگو کوبھی مانا اس میں چھپانے والی کوئی بات نہیں تھی، جب کچھ غلط نہ کیاہوتو اسی طرح کھل کر اعتراف کیا جاتا ہے۔

مریم اورنگزیب کا کہنا تھاکہ مریم نواز کی لیک ہونے والی ویڈیو پرطوفان برپا کرنے کی ضرورت نہیں، اس آڈیو کاجواب دیں جس کے بارے میں میڈیا پرآکر کہا جارہا ہےکہ یہ توڑ جوڑ کربنائی گئی ہے

یاد رہے کہ وفاقی وزیراطلاعات فواد چوہدری کا کہنا ہے کہ پاکستان کے میڈیا کے خلاف سازشیں اور شرارتیں کون کرتا ہے آج مریم نواز نے اقرارکرکے یہ ثابت کردیا ہے کہ شریف فیملی کو اپنی ذات کے سوا کسی کی عزت عزیز نہیں

وفاقی وزیر اطلاعات فواد چودھری نے کہا ہے کہ پاکستان مسلم لیگ ن کی نائب صدر مریم نواز نے میڈیا سیل کی سربراہی کا اعتراف کرلیا ہے اور یہ اعتراف دراصل پاکستانی میڈیا کے خلاف ہے ۔ان کا یہ کہنا تھا کہ میڈیا کوآپس میں لڑا کرنوازشریف کے لیے ہمدردی حاصل کرنا بھی مریم نواز کی اسٹراٹیجک پراکسی کا ایک مرکزی منصوبہ ہے

وفاقی وزیر توانائی حماد اظہر کے ہمراہ میڈیا سے گفتگو کرتے ہوئے وفاقی وزیر اطلاعات نے کہا کہ مریم نوازمسلم لیگ(ن)کامیڈیاسیل چلارہی تھیں، وزیراعظم ہاؤس میں مریم نوازکااسپیشل میڈیا سیل بنایا گیاتھا، آج مریم نواز نے اپنے میڈیا سیل کا اعتراف کیا۔ منظم طریقے سے صحافیوں کو خریدا گیا۔ مخالف صحافیوں کے گروپ کو سزائیں دی گئیں۔

ان کا کہنا تھا کہ ن لیگی نائب صدر نے جن چینلز کو سزادی ان کےنام لیے، مریم نے جن کو سزانہیں دی ان کے نام نہیں لیے، مریم نے میڈیا سیل کی سربراہی کا اعتراف کرلیا ، لیگی نائب صدر نے 10ارب روپےمن پسند چینلز کو دیئے۔ جن صحافیوں کو فلیٹ اور پیسے دیئے گئے ان کی تحقیقات ہوں گی۔ ساراکام مریم نوازخودکررہی تھیں، پرویزرشیدکٹھ پتلی تھے۔

ان کا کہنا تھا کہ ن لیگ والوں کو فلیٹس کے بارے میں بتانا ہو گا کیسےخریدے گئے، مسلم لیگ (ن) کے پاس جوشواہد ہیں عدالت کے سامنے رکھے، عام آدمی چاہتا ہے چوروں سے پیسے لیے جائیں

یاد رہےکہ آج نوازشریف کی بیٹی مریم نوازکوحقائق کے سامنے اپنا جرم تسلیم کرنا پڑگیا،ادھر اپنے جرم کو تسلیم کرتے ہوئے مریم نے چینلز کے اشتہارات روکنے سے متعلق اپنی آڈیو کِلپ کے درست ہونے کا اعتراف کرلیا

میڈیا کے بارے میں مریم نواز کی مبینہ آڈیو۔ کیا یہ حقیقت ہے؟ pic.twitter.com/JvkPPXZhDg

— Adnan Adil (@adnanaadil) November 22, 2021

ذرائع کے مطابق ن لیگ کی مرکزی نائب صدر مریم نواز نے 4 چینلز کے اشتہارات روکنے سے متعلق اپنی آڈیو کے درست ہونے کا اعتراف کرلیا۔ان کے اعتراف جُرم کےساتھ ہی پارٹی کے خالص مسلم لیگی رہنما سخت پریشان ہیں اور ان کے سرشرم سے جُھک گئے ہیں‌

ادھر اس حوالے سے مزید معلوم ہوا ہےکہ اسلام آباد میں پریس کانفرنس کرتے ہوئے مریم نواز کا کہنا تھاکہ جس سازش کے مہرے ثاقب نثارہیں، اسی کے تحت عمران خان اقتدارمیں آئے، عمران خان ثاقب نثار کو نہیں خود کو بچا رہے ہیں۔

مریم نواز نے جہاں اپنا جرم تسلیم کرکے ایک کارڈ کھیلا ہے وہاں وہ اسی کارڈ کے تناظر میں سابق چیف جسٹس کی آڈیوکواصلی قراردینے کی کوشش کررہی ہیں، مریم نواز کا کہنا تھاکہ حکومتی وزرا دفاع کرتے کرتے ہلکان ہورہے ہیں، شاہ سے زیادہ شاہ کے وفادار بنے ہوئے ہیں