Tag: بریکنگ

لندن:پاکستان ہائی کمیشن لندن میں کرسمس کے روایتی عشائیے کا اہتمام کیا گیا جس میں بشپ آف گیلفورڈ ریورنڈ اینڈریو واٹسن بطور مہمان خصوصی شریک ہوئے، سیکرٹری جنرل کامن ویلتھ پیٹریشیا سکاٹ لینڈ، بشپ مائیکل نذیر علی، ڈاکٹر جیمز شیرا، مسیحی اور مسلم مذہبی رہنماؤں، برطانوی پاکستانی مسیحی برادری نے استقبالیہ میں شرکت کی۔

اس موقع پراپنےخطاب میں ہائی کمشنر معظم احمد خان نےکہا کہ کرسمس تزکیہ نفس،غور و فکراورخود شناسی کا دن ہے،حضرت عیسیٰ علیہ السلام کا پیغام محبت اور قربانی عالمگیریت ہے، مسلمانوں کا تمام انبیاء پر ایمان ہے اور ان کا احترام اسلامی عقیدہ کا بنیادی اصول ہے۔

ہائی کمشنر نے کہا کہ انسانیت کے نقطہ نظر کے تحت یکجہتی، یگانگت، تقویٰ اور ہمدردی کے جذبے کی ضرورت ہے۔

اس موقع پر ہائی کمشنر نے پاکستان کی تخلیق میں مسیحی برادری کے کردار کو سراہا اور ملک بھر میں تعلیمی اداروں، ہسپتالوں کی تعمیر اور سماجی شعبے کی ترقی میں ان کے کردار کی تعریف کی۔

انہوں نے اس بات کا اعادہ کیا کہ اقلیتوں کے حقوق کا تحفظ پاکستان کے بنیادی اصولوں کا حصہ ہے اور حکومت پاکستان اس سلسلے میں اپنی ذمہ داریاں نبھانے کے لیے پرعزم ہے۔

ہائی کمشنر نے یاد دلایا کہ کرسمس کے دن، پاکستانی بانی پاکستان قائد اعظم محمد علی جناح کا یوم پیدائش بھی مناتے ہیں اور ایک جمہوری ریاست کے لیے ان کے وژن پر عمل کے لیے عزم کا اعادہ کرتے ہیں، جہاں تمام شہریوں کو مساوی حقوق حاصل ہوں چاہے وہ کسی بھی نسل، مذہب اور مسلک سے تعلق رکھتے ہوں۔

پاکستان کے لیے سیلاب کی امداد پر برطانیہ کی حکومت اور اس کے عوام کی تعریف کرتے ہوئے ہائی کمشنر نے مہمانوں کو ملک میں سیلاب سے ہونے والی تباہی کے بارے میں بتایا اور سیلاب متاثرین کے لیے انفراسٹرکچر کی تعمیر نو کے لیے عالمی تعاون پر زور دیا۔

مقررین نے یسوع مسیح کی زندگی اور تعلیمات پر روشنی ڈالی، انہوں نے عالمی بھائی چارے اور پرامن بقائے باہمی کے لیے تہذیبوں کے درمیان بین المذاہب ہم آہنگی اور مکالمے کو فروغ دینے پر زور دیا، ایک جامع اور متنوع پاکستان کے لیے قائداعظم کے وژن کو بھی سراہا۔ مختلف گرجا گھروں کے متعدد طائفوں نے کرسمس کے گیت گائے جس نے جشن اور تہوار کی خوشی میں اضافہ کیا۔

اسلام آباد:مصطفیٰ نواز کھوکھر کا پیپلزپارٹی چھوڑنے کا اعلان،اطلاعات کے مطابق سابق سینیٹر مصطفیٰ نواز کھوکھر نے پاکستان پیپلزپارٹی چھوڑنے کا اعلان کردیا،

مصطفیٰ‌ نواز کھوکھر نے کہا کہ ڈیڑھ دو سال سے پارٹی کے ساتھ کچھ ایشوز چل رہے تھے، یہی وجہ ہے بطور ترجمان پارٹی بھی عہدے سے استعفی دیا تھا، بعد میں مجھ سے سینیٹ انسانی حقوق کمیٹی کی چیئرمین شپ واپس لی گئی۔

مصطفیٰ نواز کھوکھر کا کہنا ہے کہ سینیٹ نشست واپس کرنے کا کہا گیا تو میں نے استعفیٰ دے دیا، اب پارٹی چھوڑنے کا فیصلہ کرچکا، لیکن ابھی پارٹی کو باضابطہ خط نہیں لکھا۔

خیال رہے کہ 8 نومبر کو پاکستان پیپلز پارٹی(پی پی پی) کے سینیٹر مصطفیٰ نواز کھوکھر نے کہا تھا کہ میں بخوشی سینیٹ کی رکنیت سے مستعفی ہونے پر رضامند ہوں کیونکہ پارٹی کے سینئر رہنما نے مجھے بتایا کہ پارٹی کی قیادت میرے ’سیاسی مؤقف‘ سے خوش نہیں ہے۔

سماجی رابطے کے ویب سائٹ ٹؤئٹر پر جاری پیغام میں مصطفیٰ نواز کھوکھر نے کہا تھا کہ آج پارٹی کے سینئر رہنما سے ملاقات ہوئی اورانہوں نے پیغام دیا کہ پارٹی قیادت میرے مؤقف سے خوش نہیں ہے اور سینیٹ کی رکنیت سے میرا استعفیٰ چاہتی ہے، میں بخوشی مستعفی ہونے کا اعلان کرتا ہوں۔ان نے مزید کہاتھا کہ بطور سیاسی کارکن مجھے عوامی مفاد کے معاملے پر اپنی رائے کے اظہار کا حق ہے۔

سینیٹر مصطفیٰ نواز کھوکھر نے کہا تھا کہ پارٹی قیادت کا مشکور ہوں، جنہوں نے مجھے سندھ سے سینیٹ کی نشست دی، اختلافات اپنی جگہ، ان کے ساتھ سفر شان دار رہا اور ان کے لیے نیک خواہشات کا اظہار کرتا ہوں۔

کراچی:سندھ ہاؤس اسلام آباد بے ضابطگیوں کا گڑھ بن گیا وزیراعلی سندھ، گورنر سندھ اور وزراء کے کمروں کے پردوں کی دھلائی پر لاکھوں رپے خرچ کئے گئے کیڑے مارنے کی دوائی پر 17 لاکھ جبکہ وال فریم 9 لاکھ کا خریدا گیا۔

وزیراعظم کی مہنگائی کے پیش نظر خصوصی پیکیج تیار کرنے کی ہدایت

آڈٹ رپورٹ 2017 سے 2020 میں میں بتایا گیا ہے کے سندھ ہاؤس اسلام آباد میں وال فریم 9لاکھ روپے کا خریدا گیا، جبکہ سندھ ہاؤس کی مرمت کےدوران گاڑیوں کےفیول کی مد میں ایک کروڑ روپے خرچ کئے گئے۔

رپورٹ کے مطابق فیول لینے والی بیشتر گاڑیاں سندھ ہاؤس کےزیر استعمال بھی نہیں، آڈٹ رپورٹ میں انکشاف کیا گیا ہے سندھ ہاؤس اسلام آباد میں تکیے، کمبل لاکھوں روپے میں خریدے گئے، آڈٹ رپورٹ میں بتایا گیا کہ خلاف ضابطہ بھرتیاں بھی کی گئیں دیگر صوبوں کےڈومیسائل کےحامل افراد کو سندھ ہاؤس میں بھرتی کیا گیا۔

توشہ خانہ کیس ؛عمران خان کے ساتھ ساتھ ان کی اہلیہ بشریٰ بیگم کا نام بھی سامنے…

رپورٹ میں کہا گیا ہے کہ سندھ ہاؤس کی گورنر، وزیراعلی انیکسی دیگر کمروں میں کیڑے مار اسپرے پر17لاکھ روپے جبکہ وزیر اعلی سندھ اور گورنر سندھ ، وزراء کے کمروں کے پردوں کی دھلائی فی کھڑکی 7500 روپے میں کرائی گئی۔

آڈٹ رپورٹ میں کہا گیا ہےکہ 2017 سے 2020 کے دوران سندھ ہاؤس میں صفائی کے لئے 5 لاکھ روپے سے زائد کا سرف لیا گیا، آڈٹ حکام نے سوال کیا کہ سندھ ہاؤس میں دھوبی گھاٹ موجودہے صفائی باہر سے کیوں کروائی گئی، 2020 میں بھیجےگئے سوالات کا جواب دیئے بغیر سندھ اسمبلی میں آڈٹ رپورٹ پیش کردی۔