Baaghi TV

Tag: بریکنگ

  • پریکٹس سیشن کےدوران اظہرعلی کو حارث رؤف کا باؤنسرلگ گیا

    پریکٹس سیشن کےدوران اظہرعلی کو حارث رؤف کا باؤنسرلگ گیا

    لاہور:انگلینڈ کے خلاف ٹیسٹ سیریز سے قبل پریکٹس سیشن کے دوران قومی ٹیم کے بیٹر اظہرعلی کو حارث رؤف کا باؤنسر لگ گیا۔اطلاعات کے مطابق ہفتے کے روز قومی کرکٹ ٹیم کے کھلاڑی معمول کے مطابق پریکٹس مشگول تھے، اظہر علی بیٹنگ کی پریکٹس کررہے تھے۔

    پریکٹس کےدوران اظہر علی کو حارث رؤف نے تیز رفتار باؤنسر کرائی،گیند ان کے ہیلمٹ پر لگی۔ گیند لگنےکےبعد ٹیم کے ڈاکٹر نے فوری طور پر اظہرعلی کا مکمل معائنہ کیا،یہ بھی اظہرعلی نے کچھ دیر آرام کے دوبارہ پریکٹس سیشن میں شرکت کی۔

    فیفا ورلڈکپ؛برازیلین ٹیم کو بڑا دھچکا لگ گیا

    واقعے کے بعد پی سی بی کے ترجمان نے کہا کہ اظہر علی بالکل خیریت سے ہیں۔پاکستان اور انگلینڈ کی ٹیموں کے درمیان تین ٹیسٹ میچوں پر مشتمل سیریز کا پہلا میچ یکم دسمبر سے راولپنڈی میں شیڈول ہے۔9 دسمبر سے ملتان میں دوسرا جب کہ تیسرا اور آخری ٹیسٹ میچ 17 دسمبر سے کراچی میں کھیلا جائے گا۔

    انگلینڈ کے خلاف 3 ٹیسٹ پر مشتمل سیریز کے اسکواڈ کا اعلان ہونے کے بعد پاکستان کرکٹ کے حلقوں میں ٹیسٹ بیٹر فواد عالم کو ڈراپ کیے جانے کے فیصلے کو اس وقت سب سے زیادہ موضوع بحث سمجھا جارہا ہے۔

    قومی ٹیم کے سابق ٹیسٹ کپتان شاہد آفریدی نے بھی اس بارے میں اپنی رائے کا اظہار کیا اور کہا کہ بائیں ہاتھ کے بیٹر کو اسکواڈ میں ہونا چاہیے تھا۔تاہم جب یہ سوال جیو نیوز کے پروگرام ’اسکور‘ میں چیف سلیکٹر محمد وسیم کے سامنے رکھا گیا تو انہوں نے کہا کہ فواد عالم ایک فائٹر ہے، اس نے طویل عرصے بعد قومی ٹیم میں واپسی کے بعد اچھی پرفارمنس دکھائی ہے۔انہوں نے کہا کہ تاہم حالیہ 3 سیریز میں وہ صرف ایک 50 کرسکے ہیں، قائد اعظم ٹرافی میں بھی انہوں نے اوسط درجے کی کارکردگی دکھائی جس کے بعد ہم نے سعود شکیل کو اسکواڈ میں رکھنے کا فیصلہ کیا۔

    مسلسل دو میچز میں شکست: میزبان قطر ورلڈکپ سے باہرہوگیا

    محمد وسیم نے مزید کہا کہ ہم اس بات سے بخوبی آگاہ ہیں کہ انگلینڈ کی کرکٹ ٹیم اب ٹیسٹ کرکٹ میں بھی جارحا نہ انداز کے ساتھ کھیلتی دکھائی دے رہی ہے اور یہ بات ہمیں یاد رکھنی چاہیے۔انہوں نے اس بات سے اتفاق کیا کہ ٹیسٹ کرکٹ میں ہماری ٹیم کو رن اوسط کے معاملے میں مزید بہتری لانے کی ضرورت ہے اور تیز کھیلنے کی بات ہمارے بیٹرز کے مفاد میں ہی ہوگی کیونکہ اب کھیل کا انداز بدل رہا ہے۔

    شہید پولیس اہلکار کے قتل میں ملوث مرکزی ملزم کا نامعلوم مقام سے وضاحتی ویڈیو بیان…

    چیف سلیکٹر نے اس بات کو تسلیم کیا کہ پاکستان ٹیم عموماً 2 سے ڈھائی رن اوسط کے ساتھ ٹیسٹ اننگز میں رنز بناتی ہے جبکہ اب ٹیسٹ کرکٹ میں ٹیمیں عموماً 3 سے ساڑھے 3 کے حساب سے بیٹنگ کر رہی ہیں۔

    پاکستان کے لیے 18 ٹیسٹ 25 بین الااقومی ون ڈے کھیلنے والے محمد وسیم کا مزید کہنا تھا کہ انگلینڈ کے خلاف موجودہ ٹیسٹ اسکواڈ کو اس سوچ کو مد نظر رکھتے ہوئے منتخب کیا گیا ہے کہ ہم نے اسکور بورڈ کو بھی چلانا ہے اور آپ کو انگلینڈ کے خلاف سیریز میں یہ بات ہمارے بیٹرز کے کھیل سے بھی دکھائی دے گی۔

  • والد کا انتقال ہوا تو جنازے کے پیسے بھی نہیں تھے سلیم خان نے مدد کی، ساجد خان

    والد کا انتقال ہوا تو جنازے کے پیسے بھی نہیں تھے سلیم خان نے مدد کی، ساجد خان

    ممبئی: بالی ووڈ کے ڈائریکٹر اور بگ باس کے امیدوار ساجد خان نے انکشاف کیا ہے کہ جب ان کے والد کا انتقال ہوا تو آخری رسومات کے انتظامات سلمان خان کے والد سلیم خان نے کیے۔

    بگ باس میں ایک لڑائی کے بعد جذباتی ہوکر بات کرتے ہوئے ساجد خان نے بتایا کہ میں ہمیشہ سے امیر نہیں تھا۔ ہدایتکار نے کہا ’14 سال کی عمر میں میرے والد کا انتقال ہوگیا تھا، شراب پینے کی وجہ سے ان کا جگر پھٹ گیا تھا، میری آنکھوں کے سامنے ان کی ناک اور منہ سے خون نکلتے دیکھا پھر وہ ہمیں چھوڑ کر چلے گئے‘۔

    ساجد خان کا ساتھ دینے پر راکھی کو ملی سزا، شرلین چوپڑہ نے الزامات کی بھرمار کر دی

    ساجد خان نے بتایا ’میں روتا ہوا کبھی ایک رشتہ دار کے گھر جاتا، کبھی دوسرے، کیونکہ آخری رسومات ادا کرنے کے لیے میرے پاس پیسے نہیں تھے، ایک رشتہ دار کے ہاں گیا تو میں نے اپنے کانوں سے سُنا،انہوں نے اپنے ملازم سے کہا اسے کہو میں گھر پر نہیں ہوں‘۔ہدایتکارنے انکشاف کیا کہ ’اس وقت جنازے کے انتظامات سلمان کے والد سلیم انکل نے کیے اور جنازہ ہوجانے کے بعد انہوں نے میرے ہاتھ میں کچھ پیسے بھی دیے جن سے میں گھر کا راشن لے کر گیا اور بجلی کا بل ادا کیا‘۔

    سلمان خان نے جنسی ہراسگی کے الزامات کا سامنا کرنےوالےساجد خان کومنافق شخص قرار دیا

    یاد رہے کہ ساجد خان بگ باس میں بطورِ امیدوار شرکت کر رہے ہیں تاہم بھارت میں انہیں بگ باس کا حصہ بننے پر شدید تنقید کا سامنا ہے اورسب انہیں شو نے نکالنے کا مطالبہ کر رہے ہیں۔

  • بالی ووڈ سینئر اداکار وکرم گوکھلے انتقال کر گئے

    بالی ووڈ سینئر اداکار وکرم گوکھلے انتقال کر گئے

    پونے: بالی ووڈ کے سینئر اداکار وکرم گوکھلے طویل علالت کے بعد انتقال کرگئے۔بھارتی میڈیا رپورٹ کے مطابق وکرم گزشتہ کئی دنوں سے پونے کے اسپتال میں زیرِ علاج تھے انہیں حالت بگڑنے کے باعث وینٹی لیٹر پر منتقل کر دیا گیا تھا۔

     

    شہید پولیس اہلکار کے قتل میں ملوث مرکزی ملزم کا نامعلوم مقام سے وضاحتی ویڈیو بیان…

    قبل بھارتی میڈیا کا دعویٰ ہے کہ بالی ووڈ کی مشہور فلموں میں اداکاری کے جوہر دکھانے والے سینئر اداکار زندگی کی بازی ہار گئے ہیں۔کچھ دن قبل وکرم گوکھلے کی اہلیہ نے اپنے ایک بیان میں بتایا تھا کہ وہ وینٹی لیٹر پر ہیں قومے میں جاچکے ہیں ساتھ ہی انہوں نے مداحوں سے دعاؤں کی درخواست بھی کی تھی۔

    علی ظفر کا خواجہ سراؤں کو بھی اسٹائل ایوارڈز دینے کا مطالبہ

     

     

     

    یاد رہے کہ چند دن پہلے وکرم گوکھلے کی موت کی خبریں پھیلائی گئی تھیں ، جس کی تردید کرتے ہوئے ان کی اہلیہ کا کہنا تھا کہ وہ کومہ میں چلے گئے ہیں اور انہیں تشویشناک حالت میں وینٹی لیٹر پر منتقل کر دیا گیا ہے۔

    کراچی:ڈکیتی مزاحمت پر ایک اور نوجوان قتل

    چند دن قبل موت کی افواہوں پر اداکار کی اہلیہ نے بھارتی میڈیا کو بتایا کہ وکرم گوکھلے 5 نومبر سے دینا ناتھ منگیشکر اسپتال میں زیرِ علاج ہیں ان کے دل اور گردے ٹھیک طرح کام نہیں کر رہے۔

     

     

     

    وکرم گوکھلے نے امیتابھ بچن کی فلم ’پروانہ‘ سے اداکاری کی دنیا میں قدم رکھا جس کے بعد انہیں مشہورِزمانہ فلم ’اگنی پتھ‘ اور ’ہم دل دے چکے صنم‘ جیسی کئی فلموں میں اہم  کردار ادا کرتے دیکھا گیا۔

  • وزیرخزانہ نے پاکستان کےدیوالیہ ہونےکی قیاس آرائیوں کو پھرمسترد کردیا

    وزیرخزانہ نے پاکستان کےدیوالیہ ہونےکی قیاس آرائیوں کو پھرمسترد کردیا

    اسلام آباد:وزیرخزانہ اسحاق ڈار کا کہنا ہے کہ بلوم برگ کے مطابق پاکستان کے دیوالیہ ہونے کے صرف 10 فیصد امکانات ہیں۔ٹویٹر پیغام میں وزیرخزانہ اسحاق ڈار کا کہنا تھا کہ اگلےایک سال میں دیوالیہ کےامکانات کو کم ترین سطح پر رکھا گیا ہے، پاکستان اپنے تمام مالیاتی وعدوں کی پاسداری جاری رکھے گا۔

    اسحاق ڈار کا کہنا تھا کہ ایک سیاسی رہنما نےملک کے دیوالیہ ہونے کے امکانات کو93 فیصد پیش کیا۔

     

    خیال رہے کہ آج اسٹیٹ بینک کی مانیٹری پالیسی کمیٹی کے اجلاس میں ملکی معاشی صورتحال کا جائزہ لیا گیا اور آئندہ ڈیڑھ ماہ کے لئے زری پالیسی کی منظوری دی گئی، اجلاس میں شرح سود 100 بیسس پوائنٹس یعنی ایک فیصد بڑھا کر 16 فیصد کرنے کا فیصلہ کیا گیا ہے۔

    واضح رہے کہ وزیر خزانہ اسحاق ڈار کے آنے کے بعد یہ دوسری مانیٹری پالیسی ہے، اس سے قبل بڑھتی مہنگائی کے پیش نطر مانیٹری پالیسی مسلسل سخت کی جارہی تھی اور اس پالیسی کے تحت رواں سال اب تک شرح سود میں 625 بیسس پوائنٹس کا اضافہ کیا جا چکا ہے۔

  • مسلسل دو میچز میں شکست: میزبان قطر ورلڈکپ سے باہرہوگیا

    مسلسل دو میچز میں شکست: میزبان قطر ورلڈکپ سے باہرہوگیا

    فیفا ورلڈکپ میں گروپ اے کے میچ میں سینیگال نے قطر کو ایک کے مقابلے میں تین گول سے ہرا دیا۔قطرسے ملنے والی اطلاعات میں بتایا گیا ہے کہ جمعہ کو کھیلے گئے میں سینیگال کی جانب سے پہلا گول 41ویں منٹ میں بولائے نے کیا جبکہ7 منٹ بعد ہی فامارا نے دوسرا گول کر کے ٹیم کو 2 صفر کی برتری دلائی۔

    تاہم میچ کے 78ویں منٹ میں قطر کے محمد منطاری نے گول کیا لیکن پھر 84 ویں منٹ میں سینیگال کے بامبا نے تیسرا گول داغ دیا ۔ مقررہ وقت تک اسکور 1-3 رہا یوں سینیگال نے میزبان قطر کو شکست دے دی۔

     

    گروپ اے میں قطر نے ابھی ایک میچ کھیلنا ہے پر مسلسل 2 میچز میں شکست کے بعد قطر کی ورلڈ کپ کے پری کوارٹر فائنل میں پہنچنے کی امیدیں دم توڑ گئیں۔قطر رواں ورلڈکپ سے باہر ہونے والی پہلی ٹیم ہے۔اس گروپ میں اگلے راؤنڈ میں پہنچنے کی دوڑ میں سینیگال کے ساتھ ایکواڈور اور نیدرلینڈز شامل ہیں ۔

     

     

     فیفا ورلڈ کپ میں نیدرلینڈز اور اِیکواڈور کے درمیان میچ 1-1 گول سے برابر ہوگیا۔

     

    خلیفہ انٹرنیشنل اسٹیڈیم میں کھیلے گئے میگا ایونٹ کے 19 ویں میچ میں نیدرلینڈز اور اِیکواڈور کے درمیان میچ 1-1 گول سے برابر ہوگیا۔نیدرلینڈز کی جانب سے کھیل کے چھٹے منٹ میں کوڈی گیکپو نے گول کر کے ٹیم کو برتری دلائی جس کو اِیکواڈور نے اینر ویلنشیا نے 49 ویں منٹ میں گول کر کے برابر کیا۔

     

     

     

  • شہید پولیس اہلکار کے قتل میں ملوث مرکزی ملزم کا نامعلوم مقام سے وضاحتی ویڈیو بیان سامنے آگیا

    شہید پولیس اہلکار کے قتل میں ملوث مرکزی ملزم کا نامعلوم مقام سے وضاحتی ویڈیو بیان سامنے آگیا

    کراچی :شہید پولیس اہلکار کے قتل میں ملوث مرکزی ملزم خرم نثار کا نامعلوم مقام سے وضاحتی ویڈیو بیان سامنے آگیا۔تفصیلات کے مطابق ملزم خرم نثار نے اپنے وضاحتی ویڈیو بیان میں کہا کہ میرا نام خرم نثار ہے اور ڈیفنس فائیو فائرنگ سے متعلق کچھ وضاحت دینا چاہتا ہوں، میرے سالے کو علم نہیں ہے کہ بات اتنی بڑھ گئی ہے، میں نے اپنے سالے سے گھر سفری دستاویزات منگوائے تھے، جو کہ ایک عام بات تھی۔

    ملزم کا کہنا ہے کہ سالے کو میں نے کہا کہ میری لڑائی ہوئی ہے کوئی بڑی بات نہیں ہے میں جلد جا رہا ہوں ویسے مجھے جانا ہی تھا، عبداللہ شاہ غازی مزار کے قریب جو کچھ میرے ساتھ ہوا مجھ پر دو الزام لگائے گئے، ایک الزام یہ ہے کہ میری گاڑی میں اسلحہ موجود تھا کیا پولیس اہلکاروں کو میری گن نظر آرہی تھی؟ دوسرا مجھ پر اغوا کا الزام لگا۔

    خرم نثار نے کہا کہ پہلی بات میں بوٹ بیسن گیا ہی نہیں 100 سے 200 کیمرے لگے ہوں گے راستے میں، میری ایک بھی تصویر دیکھا دی جائے تو میں مان لوں، شاہین پولیس کے اہلکار کا کام ہی نہیں تھا مجھے روکنے کا، پولیس اہلکار پراپر یونیفارم میں موجود نہیں تھا، مجھے روکا گیا تو پولیس اہلکار کے ہاتھ میں گن تھی اور وہ کہہ رہا تھا کہ گاڑی کا گیٹ کھولو، پولیس اہلکار نے زور لگا کر دروازہ کھولا تو میں نے شیشہ نیچے کر کے پوچھا کون ہو تو جواب ملا پولیس والے ہیں۔

    ملزم نے کہا کہ میں نے اہلکار سے کہا اگر آپ پولیس والے ہو تو اپنا آئی ڈی کارڈ شو کرو، اگر آپ اپنا کارڈ شو نہیں کراؤ گے تو میں آپ کو پولیس اہلکار نہیں سمجھوں گا، پولیس اہلکار نے اسی وقت مجھ پر فائرنگ کرنے کی کوشش کی میں نے ہلکی سے گاڑی بھگادی اور کچھ فاصلے پر جا کر گاڑی روک دی۔

    ویڈیو میں ملزم کا کہنا ہے کہ میری گن لائسنس یافتہ میری گاڑی میں تھی جو میں پکڑ کر گاڑی کے باہر کھڑا ہو گیا، گاڑی کے باہر پولیس اہلکار میری ویڈیو بناتا رہا، میں نے پولیس اہلکار کو کہا کہ موبائل بلوالو کس تھانے جانا ہے میں چلتا ہوں، پولیس اہلکار مجھے تھانے لے جانا نہیں چاہ رہے تھے۔

    ملزم نے کہا کہ پولیس اہلکار جب تھانے جانے پر راضی ہو گئے تو راستے میں ایک پولیس اہلکار کہنے لگا تھانے کے بجائے کہیں اور جانا ہے، میں نے کہا تھانے جا کر مجھے یقین ہو جائے گا کہ تم لوگ پولیس اہلکار ہو لیکن بات نہیں مانی اور زبردستی دوسرے راستے لے گیا، راستے میں جیسے ہی یوٹرن آیا تو میں نے اسٹررنگ پکڑ کر گاڑی کو نیوٹرل کر دیا۔

    جاری کردہ ویڈیو میں ملزم کا کہنا ہے کہ میں گاڑی سے اتر گیا تو پولیس اہلکار کا کہنا تھا کہ ہم تجھے وہاں ضرور لیکر جائیں گے اور تیرے ساتھ بہت برا کریں گے، میں ڈر گیا اور کہنے لگا کہ میں نہیں جاؤ گا میری تھانے جانے کی بات ہوئی ہے جس پر پولیس اہلکار نے مجھ پر فائر کر دیا لیکن پولیس اہلکار کی گولی نہیں چل سکی۔

    ملزم نے کہا کہ گاڑی سے باہر نکل کر مجھے باتوں میں لگا کر پولیس اہلکار اپنے انگوٹھے سے پستول کا چیمبر صحیح کرنے لگا تاکہ دوبارہ مجھ پر فائرنگ کر سکے میں ڈر گیا مجھے اپنے بیوی بچوں کی یاد آئی، میں نے اپنے دفاع میں پولیس اہلکار پر فائرنگ کر دی، میرا مقصد پولیس اہلکار کو مارنا نہیں بلکہ اپنی جان بچانا تھی، میں نے کیا اپنی جان بچا کر گناہ کیا میں اور کیا کر سکتا تھا؟

    خرم نثار نے کہا کہ مجھے نہیں پتا تھا کہ یہ اصلی پولیس اہلکار ہے بھی یا نہیں، مجھے مجوراً گولی چلانی پڑی، مجھے پولیس اہلکار کو مارنا ہوتا تو میں شروع میں ہی مار دیتا، جب شروع میں پولیس اہلکاروں نے زور سے گاڑی کا دروازہ کھولا تو میں سمجھا تھا کہ اغوا کار ہیں، میں اپنے بوڑھے والدین سے ملنے آیا تھا اور اکثر آتا جاتا ہوں۔

    ملزم نے مزید کہا کہ میری گن لائسنس یافتہ ہے اور گزشتہ 18 سال سے میرے پاس ہے، میں نے 18 سال میں کبھی بھی گن کا غلط استعمال نہیں کیا ورنہ میرا ریکارڈ نکل آتا، میں نے اپنی گن کا اپنی جان کی دفاع کے لیے استعمال کیا۔واضح رہے کہ کچھ روز قبل کراچی کے علاقے ڈیفنس میں ایک ملزم نے پولیس اہلکار کو شہید کر دیا تھا جس کو پولیس اب تک ڈھونڈ رہی ہے۔

  • کوئٹہ:اہل بلوچستان کےلیےشیخ محمد بن زید النہیان کا خصوصی تحفہ:انسٹی ٹیوٹ آف کارڈیالوجی کا افتتاح

    کوئٹہ:اہل بلوچستان کےلیےشیخ محمد بن زید النہیان کا خصوصی تحفہ:انسٹی ٹیوٹ آف کارڈیالوجی کا افتتاح

    کوئٹہ: آرمی چیف جنرل قمر جاوید باجوہ نے جمعرات کو شیخ محمد بن زید النہیان انسٹی ٹیوٹ آف کارڈیالوجی کا افتتاح کیا ہے، جو صوبہ بلوچستان کے دارالحکومت کوئٹہ میں قائم کیا گیا ہے ۔یہ عمارت 121,406 مربع میٹر کے رقبے پر تعمیر کی گئی ہے، اس انسٹی ٹیوٹ کی تعمیر عرب امارات کی حکومت کی پاکستان کے لوگوں کے خصوصی محبت کا منہ بولتا ثبوت ہے ، 27.30 ملین ڈالر کی لاگت سے ابوظہبی فنڈ فار ڈویلپمنٹ کے ذریعے اس انسٹی ٹیوٹ کی تعمیر ہوگی

     

    کوئٹہ میں انسٹی ٹیوٹ شیخ محمد بن زاید النہیان کی ہدایت اور نائب وزیر اعظم اور صدارتی عدالت کے وزیر شیخ منصور بن زاید النہیان کی خصوصی محبت اور شفقت کے ساتھ قائم کیا گیا ہے۔یہ منصوبہ انسانی ہمدردی اور ترقیاتی منصوبوں کے نفاذ کے لیے اسلامی جمہوریہ پاکستان کو متحدہ عرب امارات کی قیادت کی مسلسل حمایت کا نتیجہ ہے

    افتتاحی تقریب میں بلوچستان کے گورنر میر جان جمالی نے شرکت کی۔ حماد عبید الزابی، پاکستان میں متحدہ عرب امارات کے سفیر؛ عبداللہ خلیفہ الغفلی، ڈائریکٹر یو اے ای پاکستان اسسٹنس پروگرام ،ڈاکٹروں پیرا میڈیکل سٹاف اور سینئر سول اور ملٹری حکام بھی شریک ہوئے

    افتتاحی تقریب کا آغاز پراجیکٹ کے مراحل کے بارے میں بریفنگ اور اماراتی انسانی ہمدردی کے ترقیاتی منصوبوں کی پیشکش سے ہوا جو گزشتہ تین سالوں کے دوران بلوچستان کے علاقے میں جاری تھے

    اس کے بعد آرمی چیف جنرل قمر جاوید باجوہ نے سفیر الزابی اور عبداللہ الغفلی کے ہمراہ محمد بن زاید انسٹی ٹیوٹ آف کارڈیالوجی کے باضابطہ افتتاح کے موقع پر یادگاری تختی کی نقاب کشائی کی، اس موقع پر آرمی چیف نے کہا کہ میں اس موقع پر برکت، کامیابی، تندرستی اور لمبی عمر، اور متحدہ عرب امارات کی مزید ترقی، فلاح، خوشحالی، سلامتی اور استحکام کی خواہش کرتا ہوں۔

     

     

    پروجیکٹ ڈائریکٹرنے مزید کہا کہ اس طرح کے اقدامات فرد اور معاشرے کی جامع ترقی میں معاون ہوتے ہیں، پاکستان میں صحت کے شعبے کی صلاحیتوں کو تقویت دیتے ہیں اور اسے اپنے شہریوں کو صحت کی بہترین خدمات فراہم کرنے میں اپنا موثر کردار ادا کرنے کے قابل بناتے ہیں۔انہوں نے بتایا کہ ان اقدامات کے ذریعے، متعدد صحت کے منصوبوں کو لاگو اور مکمل کیا گیا، جن کی نمائندگی پاکستان کے مختلف علاقوں میں متعدد ہسپتالوں، کلینکوں، صحت کے مراکز اور نرسنگ انسٹی ٹیوٹ کے قیام، آلات اور دیکھ بھال کے ذریعے کی گئی۔

     

    یہ انسٹی ٹیوٹ بلوچستان کےپڑوسی صوبوں کے علاقوں اور شہروں کے تمام رہائشیوں کے لیے بیماریوں کی تشخیص اور علاج، دل اور کینسر کی تشخیص کے ح

    والے سے علاقے کے ہسپتالوں اور کلینکس کے لیے ایک حوالہ مرکز کے طور پر کام کرے گا،

    انسٹی ٹیوٹ سے صوبہ بلوچستان میں 12 ملین پاکستانی مستفید ہوں گے۔ دل کے مریضوں کی تعداد تقریباً 70,900 ہے جن میں سے 1,064 سے زائد سالانہ علاج نہ ہونے کی وجہ سے موت کے منہ میں چلے جاتے ہیں۔انسٹی ٹیوٹ روزانہ 500 سے زیادہ مریضوں اور سالانہ 182,000 مریضوں کو تشخیصی اور علاج کی خدمات فراہم کرنا شامل ہے، 350 نرسوں اور تکنیکی ماہرین کے علاوہ 136 ڈاکٹروں اور ماہرین کے طبی عملے کے ساتھ بہتر خدمات سرانجام دے رہا ہے

     

    انسٹی ٹیوٹ 17 عمارتوں پر مشتمل ہے۔ مرکزی عمارت میں آؤٹ پیشنٹ ڈیپارٹمنٹ، خصوصی کلینک، ایمرجنسی ڈیپارٹمنٹ، ڈینٹل ڈپارٹمنٹ، کارڈیک کیتھیٹرائزیشن روم، انتہائی نگہداشت کے یونٹس، اور 120 بستروں کی گنجائش والے داخل مریض سوئٹ شامل ہیں۔ اس کے علاوہ، 18 بستروں کی گنجائش کے ساتھ ایک ڈائلیسس ڈیپارٹمنٹ، ایک فارمیسی اور طبی معائنے کے لیے آٹھ خصوصی لیبارٹریز ،ایٹمی تابکاری، بائیو کیمسٹری، ہیماتولوجی، امیونولوجی، بیکٹیریا، مالیکیولر بائیولوجی پروڈکشن، اور کارڈیک کیتھیٹرائزیشن کے لیے دو دیگر شامل ہیں‌

    انسٹی ٹیوٹ میں ایک بایومیڈیکل شعبہ بھی شامل ہے جو جدید ٹیکنالوجیز کا استعمال کرتے ہوئے قلبی امراض کے معاملات پر طبی تحقیق اور سائنسی مطالعہ کرتا ہے۔اس میں آزاد انتظامی عمارتیں بھی شامل ہیں جن میں ڈاکٹروں، نرسوں اور منتظمین کے لیے رہائش، مسجد کے علاوہ، ادارے کی انتظامیہ کے لیے ایک عمارت، ڈاکٹروں اور ملازمین کے لیے ایک کلب، انرجی مینجمنٹ اسٹیشن، طبی جمع کرنے کے مراکز شامل ہیں۔ اور خطرناک فضلہ، ایمبولینس طیاروں کے لیے ایک ہیلی پیڈ، فائر اسٹیشن، کنٹرول ٹاورز، باغات، ایک بازار، اور پارکنگ کی جگہیں شامل ہیں

    افتتاحی تقریب کے دوران  آرمی چیف جنرل قمرجاوید باجوہ  نے متحدہ عرب امارات کے پی اے پی کے ڈائریکٹر کو ہلال پاکستان سے نوازا، جو انہیں  صدر پاکستان عارف علوی نے انسانی ہمدردی اور ترقیاتی منصوبوں کے انتظام اور اجرا میں ان کی کوششوں کے اعتراف میں دیا تھا۔

  • ناسانےچاند کی نئی تصاویر جاری کردیں

    ناسانےچاند کی نئی تصاویر جاری کردیں

    واشنگٹن: ناسا نے چاند کا چکر لگانے کے لیے بھیجے گئے اسپیس کرافٹ اوائن کی جانب سے عکس بند کی گئیں چاند کی نئی تصاویر جاری کردیں۔میڈیا رپورٹس کے مطابق بدھ کے روز امریکی خلائی ادارے ناسا کا اورائن کے ساتھ غیر متوقع طور پر رابطہ منقطع ہوگیا جو 47 منٹ بعد بحال ہوا۔ لیکن آف لائن ہونے سے قبل اسپیس کرافٹ نے چاند کی نئی دلچسپ تصاویر زمین پر بھیجیں۔

    فوج کی نئی قیادت سےتوقع ہےکہ وہ آئینی حقوق کی بحالی میں کردارادا کرے گی: تحریک…

    مشرقی معیارِ وقت کے مطابق اورائن کے ساتھ رابطہ صبح 1 بج کر 9 منٹ پر منقطع ہوا جس کے بعد ٹیمیں زمین پر مسئلے کو حل کرنے میں لگ گئیں۔ تاہم، مسئلے کے سبب کا تعین کیا جانا ابھی باقی ہے۔اورائن اسپیس کرافٹ نے گڑھوں سے بھرپور چاند کی سطح کی یہ تصاویر چاند سے صرف 130 کلو میٹر کی دوری سے 8210 کلو میٹر فی گھنٹہ کی رفتار سے گزرتے وقت لیں۔

    فیفا ورلڈ کپ؛ جنوبی کوریا اور یوروگوئے کے درمیان میچ بغیر کسی گول کے برابر

    جمعے کے روز اس اسپیس کرافٹ کا انجن چلایا جائے گا جس سے اسپیس کرافٹ چاند کے گرد مدار میں پہنچ جائے گا۔ اگر سب کچھ منصوبے کے مطابق ہوا تو اورائن اس مدار میں آئندہ ایک ہفتے تک رہے گا اور پھر یکم دسمبر کو زمین پر واپسی کا رخ کرے گا۔واپسی پر اس اسپیس کرافٹ کا 11 دسمبر کو 25.5 دنوں کا مشن مکمل کرنے کے بعد بحرالکاہل میں اترنا متوقع ہے۔

  • پی ٹی آئی مارچ، راولپنڈی کے تمام اسپتالوں میں ایمرجنسی نافذ:ٹریفک کےلیےمتبادل راستوں کاپلان جاری

    پی ٹی آئی مارچ، راولپنڈی کے تمام اسپتالوں میں ایمرجنسی نافذ:ٹریفک کےلیےمتبادل راستوں کاپلان جاری

    راولپنڈی: تحریک انصاف لانگ مارچ کے پیش نظر راولپنڈی کے تمام بڑے اسپتالوں میں ایمرجنسی نافذ کردی گئی۔جبکہ ٹریفک کے لیے متبادل پلان بھی جاری کردیا گیا ہے،اسلام آباد اتنظآمیہ کی طرف سے پیغام میں کہا گیا ہے کہ فیض آباد میں مری روڈ پر ٹریفک کے دونوں اطراف کے لیے ڈائیورشن ہے۔متبادل طور پر اسلام آباد سے راولپنڈی میں داخل ہونے کے لیے پرانی ایئرپورٹ روڈ اور اسٹیڈیم کا استعمال کیا جا سکتا ہے۔

    پی ٹی آئی مارچ؛ اسلام آباد کے 5 اہم مقامات کو آج سے بند کرنے کا فیصلہ

    ایکسپریس چوک اور نادرا چوک سے ریڈ زون کا داخلہ اور باہر جانے کے راستہ بند ہے۔متبادل طور پر مارگلہ روڈ، ایوب چوک اور سرینا چوک کو استعمال کیا جا سکتا ہے۔اس کے علاوہ اسلام آباد کی تمام سڑکیں ٹریفک کے لیے کھلی ہیں۔

    دوسری طرف ڈپٹی کمشنر راولپنڈی کی جانب سے جاری ہونے والے ہنگامی الرٹ کے بعد چاروں اسپتالوں میں پہلے سے طے آپریشن موخر کردیے جبکہ تمام سرجن ڈاکٹر اور عملے کی چھٹیاں منسوخ کرتے ہوئے انہیں ہر صورت ڈیوٹی پر آنے کی ہدایت کردی گئی ہے۔

    وزیراعظم شہباز شریف کل 2 روزہ سرکاری دورے پر ترکیہ روانہ ہوں گے، دفتر خارجہ

    انتظامیہ نے فیصلہ کیا ہے کہ اسپتالوں کے آپریشن تھیٹر کو ایمرجنسی کے لیے استعمال کیا جائے گا جبکہ ایمرجنسی ڈیپارٹمنٹ میں بیڈز کی گنجائش کو بڑھا دیا گیا ہے اور ادویات، ضروری آلات، بلڈ بینک میں تمام گروپ کا بلڈ جمع کرلیا گیا ہے۔

    ڈپٹی کمشنر کے حکم نامے کی روشنی میں ڈاکٹرز، نرسنگ اسٹاف اور دیگر معاون عملے کی چھٹیاں بھی منسوخ کردی گئیں ہیں جبکہ چاروں ہسپتالوں میں ایمبولینس سروس دستیابی کو یقینی بنانے کیلیے اقدامات مکمل کرلیے گئے ہیں۔

    فوج کی نئی قیادت سےتوقع ہےکہ وہ آئینی حقوق کی بحالی میں کردارادا کرے گی: تحریک…

    بینظیر بھٹو جنرل اسپتال کے آفیسر وارڈ خالی کرالیا گیا ہے، اسپتالوں میں مسلسل رہنے والے ڈاکٹرز اور عملے کو عارضی رہائش گاہ پر منتقل کردیا گیا ہے جبکہ سینٹرل آکسیجن سسٹم کے مکمل فعال ہونے اور سلنڈرز میں آکسیجن کی موجود گی یقینی بنادی گئی ہے۔

    بینظیر بھٹو جنرل اسپتال، ہولی فیملی اسپتال ایمرجنسی الرٹ پر رہیں گے جبکہ ڈسٹرکٹ ہیڈ کوارٹر اسپتال، یورا لوجی انسٹی ٹیوٹ بھی ایمرجنسی الرٹ پر ہونگے۔واضح رہے کہ وفاقی حکومت نے پنڈی جلسے کے حوالے سے الرٹ جاری کرتے ہوئے پی ٹی آئی سے اپیل کی ہے کہ وہ اپنا پروگرام منسوخ کردے۔

  • کراچی:وفاقی اردو یونیورسٹی میں بحران سنگین ہوگیا

    کراچی:وفاقی اردو یونیورسٹی میں بحران سنگین ہوگیا

    کراچی: وفاقی جامعہ اردو کی انجمن اساتذہ نے صدر پاکستان و چانسلر وفاقی اردو یونیورسٹی سے اپیل کردی کہ اردو یونیورسٹی میں جاری بحران کا نوٹس لینے کا مطالبہ کردیا۔اسی حوالے سے وفاقی جامعہ اردو کی انجمن اساتذہ (عبدالحق کیمپس) نے صدر پاکستان و چانسلر وفاقی اردو یونیورسٹی سے اپیل کردی کہ اردو یونیورسٹی میں جاری بحران کا نوٹس لیں اور مسائل کے حل میں اپنا آئینی کردار ادا کریں۔

    ملک بھر میں میٹرک اور انٹر کے امتحانات اپریل اور مئی میں ہونگے

    انجمن اساتذہ کے جنرل سیکریٹری روشن علی کی جانب سے جاری بیان میں کہا گیا ہے کہ اردو یونیورسٹی میں سلیکشن بورڈ 2013 اور 2017 کے تحت تقرر کیے گئے اساتذہ کو گزشتہ پانچ ماہ سے تنخواہوں کی ادائیگی نہیں کی گئی اور 30 سے زائد اساتذہ آج کی مہنگائی کے دور میں بغیر تنخواہوں کے اپنے تدریسی فرائض انجام دے رہے ہیں۔
    بیان میں مزید کہا گیا ہے کہ مذکورہ سلیکشن بورڈ کے تحت ترقی پانے والی اساتذہ کی بھی اب تک پے فکسیشن نہ ہونے کے باعث انہیں سابقہ عہدوں کی ہی تنخواہیں ادا کی جارہی ہیں جو سراسر زیادتی ہے۔

    پی ٹی آئی مارچ؛ اسلام آباد کے 5 اہم مقامات کو آج سے بند کرنے کا فیصلہ

    سینیٹ کے خصوصی اجلاس منعقدہ 15 ستمبر 2022 میں صدر پاکستان و چانسلر نے ہدایت کی تھی کہ پے فکسیشن کے تمام معاملات فوری طور پر جائزہ کے لیے ایچ ای سی ارسال کیے جائیں اور چیئرمین ایچ ای سی کو پابند کیا تھا کہ وہ یہ جائزہ ایک ہفتہ کے اندر مکمل کر کے یونیورسٹی کو واپس بھجوائیں تاکہ اساتذہ کو نئی تنخواہیں دی جا سکیں۔ جس کے بعد اب 2 ماہ گزرنے کے باوجود اس پر اب تک کوئی مثبت پیش رفت نہ ہونا بھی تشویش کا باعث ہے۔

    روشن علی کا کہنا تھا کہ نئے منتخب ہونے والے لیکچرار کو بھی اب تک تقرر نامے جاری نہیں کیے گئے جبکہ اب تک 2013 اور 2017 کے باقی ماندہ سلیکشن بورڈ کا انعقاد بھی نہیں کیا گیا جس کے باعث ترقیوں کے حقدار اساتذہ انصاف کے منتظر ہیں۔

    ان کا مزید کہنا تھا کہ ان مسائل کے حل میں اب بظاہر کوئی رکاوٹ دکھائی نہیں دیتی، انجمن اساتذہ نے قائم مقام شیخ الجامعہ سے مطالبہ کیا ہے کہ وہ اپنی تمام توجہ محض تبادلوں اور پوسٹنگ سے ہٹا کر اساتذہ کے مذکورہ دیرینہ اور جائزمسائل کے حل میں اپنی اہم ذمہ داری ادا کریں ۔