Tag: بسنت

بسنت 2026 کے موقع پر اسکولوں کی چھتیں استعمال کے لیے دینے کی تیاریوں کا آغاز کر دیا گیا ہے –

ذرائع کے مطابق ڈسٹرکٹ ایجوکیشن اتھارٹی (ڈی ای اے) لاہور نے 15 میں سے 2 سرکاری اسکولوں کی چھتوں کے لیے این او سی جاری کر دی ہے جس میں گورنمنٹ وکٹوریہ گرلز ہائر سیکنڈری اسکول اور گورنمنٹ اسکول دہلی گیٹ کی چھتوں کو بسنت کے لیے استعمال کرنے کی اجازت دی گئی ہے، دونوں اسکولوں کی چھتیں اسکول کونسل کی منظوری کے بعد نیلام کی جائیں گی،ابتدائی مرحلے میں اسکول کونسل کی جانب سے نیلامی کے لیے اشتہارات جاری کیے جائیں گے، جس کے بعد مقررہ طریقہ کار کے تحت چھتوں کی نیلامی عمل میں لائی جائے گی۔

ڈی ای اے لاہور نے دیگر سرکاری اسکولوں کی چھتوں کی نیلامی کے لیے والڈ سٹی آف لاہور اتھارٹی اور ضلعی انتظامیہ سے اجازت طلب کر لی ہے۔ اجازت ملنے کے بعد مزید اسکولوں کو بھی این او سی جاری کیے جانے کا امکان ہے۔

حکومت پنجاب نے بسنت، ہارس اینڈ کیٹل شو، میلہ چراغاں، بسنت اور مختلف مذہبی تہواروں کی بحالی کا فیصلہ کیا ہے-

وزیراعلیٰ پنجاب مریم نواز نے اپنے ویڈیو پیغام میں کہا ہے کہ بسنت ایک 800 پرانا تہوار ہے جو پچھلے کئی سالوں سے نہیں منایا گیا، بسنت بہار کی آمد اور نئی شروعات کی علامت ہے حکومت پہلی بار سرکاری سطح پر بسنت کا انعقاد کرے گی، جو 6، 7 اور 8 فروری کو منعقد ہوگا۔

مریم نواز کا کہنا ہے کہ پنجاب میں ہارس اینڈ کیٹل شو، میلہ چراغاں، رمضان کی تقریبات ہوں یا عید کی خوشیاں، کرسمس اور ہولی سمیت دیگر تہوار بھی جوش و خروش سے منائے جاتے ہیں۔ پنجاب کو ہر کسی کا صوبہ قرار دیتے ہوئے انہوں نے کہا کہ یہاں ہر مذہب، عقیدے اور فرقے کے لوگوں کو برابر کا حصہ ملتا ہے اور ان کے تہواروں کو بھی عزت و وقار کے ساتھ منایا جاتا ہے۔

انہوں نے کہا کہ بسنت کا سلسلہ گزشتہ کئی دہائیوں سے بند تھا، مگر اس تہوار کی تاریخ تقریباً 800 سال پر محیط ہے اور اسے بسنت پنچمی کے نام سے بھی جانا جاتا ہے،یہ صرف ایک تہوار نہیں بلکہ بہار کے آغاز، زندگی کی تازگی اور تجدید کی علامت ہے، پنجابی ثقافت نہ صرف پنجاب بلکہ دنیا بھر میں اپنی رنگینی اور خوشی کے جشن کے طور پر پہچانی جاتی ہے، اور اسی ثقافتی ورثے کو دوبارہ زندہ کرنے کے لیے حکومت نے بسنت کے دوبارہ منانے کا فیصلہ کیا ہے،ہر شہری کو یہ احساس ہونا چاہیے کہ وہ اس دھرتی کا اہم حصہ ہے۔

لاہور: صوبائی وزیر اطلاعات پنجاب عظمیٰ بخاری نے اعلان کیا ہے کہ لاہور میں صرف تین دن کے لیے بسنت منانے کی اجازت دی جائے گی، تاہم اس دوران سخت حفاظتی اور قانونی ضوابط لاگو ہوں گے۔

وزیر اطلاعات پنجاب عظمیٰ بخاری کے مطابق حکومت نے مینوفیکچررزکو مخصوص معیار کے مطابق پتنگ اورڈور تیار کرنے کی اجازت دے دی ہے جبکہ پتنگ کا ایک سائزمقررکردیا گیا ہے اس سے بڑی پتنگ تیاریا فروخت نہیں کی جا سکے گی، پتنگ اور ڈور صرف مخصوص پوائنٹس پر دستیاب ہوں گی، انہیں ہرجگہ فروخت کرنے کی اجازت نہیں ہوگی، اس اقدام کا مقصد غیر قانونی سرگرمیوں اور خطر ناک مواد کے استعمال کو روکنا ہے۔

انہوں نے کہا کہ ٹریفک اور ٹرانسپورٹ محکموں سے مکمل پلان طلب کرلیا گیا ہے تاکہ بسنت کے دوران شہریوں کی جان و مال کا تحفظ یقینی بنایا جا سکے حکومت کی کوشش ہے کہ ان تین دنوں کے دوران لوگ کم سے کم موٹر سائیکل استعمال کریں جبکہ کچھ حساس علاقوں میں موٹر سائیکلوں کے داخلے پرمکمل پابندی بھی عائد کی جا سکتی ہے، بسنت کے موقع پرعام تعطیل کا فیصلہ بھی جلد کیا جائے گا۔

وبائی امراض پوری دنیا کو متاثر کرتے ہیں:مریم نواز

عظمیٰ بخاری نےواضح کیا کہ جو افراد طے شدہ قوانین پر عمل نہیں کریں گے انکے خلاف سخت کارروائی کی جائےگی، اگر کوئی بچہ پتنگ اڑاتے ہوئے پایا گیا تو اس کے والدین کو جوابدہ ہونا پڑے گا، اور قانون کی خلاف ورزی پر پانچ سال قید اور دس لاکھ روپے جرمانے کی سزا دی جا سکتی ہے۔

سابق گورنر اسٹیٹ بینک شمشاد اختر چل بسیں

لاہور:شہر میں بسنت کیلئے ڈور اور پتنگ بنانے والوں کو ایک ہزار روپے رجسٹریشن فیس ادا کرنا ہوگی۔

ضلعی انتظامیہ نے بسنت کے لئے رجسٹریشن فیس کی تفصیلات جاری کر دیں،حکام ضلعی انتظامیہ کا کہنا ہے کہ ڈور،پتنگ مینوفیکچررزکی رجسٹریشن فیس ایک ہزار روپے مقرر کی گئی ہے،کائٹ فلائنگ ایسوسی ایشن کی فیس5ہزارروپے مقرر کی گئی،پتنگ سازوں،ڈورمینوفیکچررز رجسٹریشن کیلئےفارم اے،کائٹ ایسوسی ایشن فارم سی بھریں گے،پنجاب حکومت نے 6سے8فروری تک بسنت منانے کی مشروط اجازت دی ہے۔

واضح رہے کہ انتظامیہ نے رجسٹریشن کے لیے چار کیٹیگریز کے خصوصی فارم جاری کیے ہیں پتنگ ساز اور ڈور تیار کرنے والے افراد فارم "اے” کے تحت رجسٹر ہوں گے,رجسٹریشن کے بعد سرکاری سرٹیفکیٹ فارم "بی” کے ساتھ جاری کیا جائے گا، جس پر کیو آر کوڈ درج ہوگا,فارم "بی” میں جاری ہونے والا کیو آر کوڈ پتنگ اور ڈور پر لازمی طور پر چسپاں کیا جائے گا,یہی کوڈ پتنگ و ڈور فروشوں کی دکانوں اور بینرز پر بھی آویزاں ہوگا,دکان کے اندر فارم "بی” کا سرٹیفکیٹ نمایاں جگہ پر لگانا لازم قرار دیا گیا ہے۔

انتظامیہ نے پتنگ اور ڈور کے سائز، میٹریل اور معیار کے لیے سخت ہدایات جاری کی ہیں ،پتنگ کا سائز 40 انچ سے زائد نہیں ہوگا،”گڈا” کی چوڑائی 30 انچ سے زیادہ نہیں ہو گی،ڈور کاٹن دھاگے سے تیار کی جائے گی،مانجا میں صرف گلو، سادہ رنگ، آٹا اور کمزور شیشہ استعمال کیا جا سکے گا،ڈور کے لیے صرف پنے کی اجازت ہوگی، چرخی کی تیاری ممنوع ہے،تیز مانجا، تندی، دھاتی تار اور کیمیکل مانجا مکمل طور پر ممنوع قرار دیے گئے ہیں،جبکہ کائٹ فلائنگ ایسوسی ایشنز کی رجسٹریشن فارم "سی” اور "ڈی” پر کی جائے گی۔

لاہور:پنجاب میں بسنت کے تہوار سے قبل پتنگ اور ڈور بنانے والوں، فروخت کنندگان اور کائٹ فلائنگ ایسوسی ایشنز کی باضابطہ رجسٹریشن کا آغاز کردیا گیا ہے۔

محکمہ داخلہ پنجاب نے پتنگ سازی، ڈور سازی اور ان کی خرید و فروخت کے لیے جامع ضابطہ کار تشکیل دے دیا ہے، جس کے تحت تمام افراد اور اداروں کے لیے مخصوص فارم لازمی قرار دیئے گئے ہیں، پتنگ یا ڈور بنانے، بیچنے یا خریدنے کے لیے فارم اے جمع کرانا ضروری ہوگا جبکہ تصدیق شدہ افراد کو سرکاری سرٹیفکیٹ فارم بی کے ساتھ جاری کیا جائے گا،جبکہ کائٹ فلائنگ ایسوسی ایشنز کی رجسٹریشن کے لیے فارم سی اور فارم ڈی مقرر کیے گئے ہیں، جن کے ذریعے ان کی سرگرمیوں، ارکان اور انتظامی ڈھانچے کی مکمل تفصیل حاصل کی جائے گی۔

محکمہ داخلہ حکام کے مطابق ڈوراور پتنگ کا سائز، میٹریل اورمعیارشیڈول ون کے مطابق مقررکیا جائے گا جبکہ غیر معیاری، کیمیکل یا دھاتی ڈور کی تیاری اورفروخت مکمل طورپرممنوع ہوگی، رجسٹرڈ ایسوسی ایشنز ضلعی انتظامیہ خصوصاً ڈپٹی کمشنرکی نگرانی میں بسنت کے انتظامات میں معاونت کریں گی تاکہ تہوارمحفوظ اورمنظم اندازمیں منایا جا سکے، ضابطہ کارکی خلاف ورزی پررجسٹریشن منسوخ کرنے کیساتھ ساتھ قانونی کارروائی بھی ہو سکتی ہے،محفوظ بسنت کے لئے ضابطہ کار کے پہلے مرحلے کو مکمل کرلیا گیا ہے جبکہ اگلے مراحل پر بھی تیزی سے کام جاری ہے۔

چین:سرکاری ادارے کے سابق اعلیٰ عہدیدار کو رشوت لینے پر سزائےموت

اوکاڑہ: ستھرا پنجاب مہم کے تحت صفائی انتظامات کی چیکنگ، اسسٹنٹ کمشنر کا متعدد علاقوں کا دورہ

سیالکوٹ: وزیر اعلیٰ اعزازیہ پروگرام کیلئے 2500 آئمہ کرام کی رجسٹریشن مکمل، امن کمیٹی اجلاس میں اہم فیصلے