سعودی عرب میں عمرہ کرنے گئے زائرین کی بس کو حادثہ پیش آیا ہے جس میں 5 افراد جاں بحق ہوگئے ہیں ۔
سعودی ریسکیو ادارے کے مطابق سعودی عرب میں عمرہ زائرین کی بس کو حادثہ پیش آیا ہے، عمرہ زائرین کی بس البدر سے مدینہ منورہ جاتے ہوئے ٹرالر سے ٹکرا کر حادثےکا شکار ہوئی۔حادثے میں 3 خواتین سمیت 5 افراد جاں بحق ہوگئے ہیں ۔سعودی ریسکیو کے مطابق بس حادثے میں متعدد زائرین زخمی ہوگئے ، جنہیں طبی امداد کیلئے ہسپتال منتقل کردیا گیا۔ذرائع کے مطابق ٹریفک حادثے میں جاں بحق عمرہ زائرین کا تعلق پاکستان کے ضلع بہاولنگر سے ہے۔
جاں بحق خواتین میں سے دو خواتین کا تعلق ضلع بہاولنگر کے گاؤں 228 نائن آر سے ہے اور تیسری خاتون کا تعلق بہاولنگر کے نواحی گاؤں 201 مراد سے ہے۔مردوں میں ایک بزرگ کا تعلق نواحی گاؤں 39 تھری آر سے ہے اور دوسرے بزرگ کا تعلق ڈاہرنوالہ شہر سے بتایا جا رہا ہے۔
اب شناختی کارڈ نمبر ہی ان کا میڈیکل ریکارڈ نمبر ہوگا،مصطفیٰ کمال
بارشوں اور برف پگھلنے سے پانی کی صورتحال میں بہتری آ گئی