Tag: بلاول

پیپلز پارٹی کے چیئرمین بلاول بھٹو زرداری کو سب سے بڑا سویلین اعزاز نشانِ پاکستان دینے کا فیصلہ کیا گیا ہے۔

ذرائع کا کہنا ہے کہ عالمی فورمز پر پاکستان کا زبردست انداز میں مؤقف اجاگر کرنے پر بلاول بھٹو کو آج اعلیٰ ترین سول اعزاز دیاجا ئے گا ، اُن کے ساتھ وفد میں شامل ارکان کوبھی اعزاز دیا جائے گا۔

واضح،رہے کہ بلاول نے بھارتی جارحیت پر عالمی برادری کو پاکستان کے مؤقف سے آگاہ کرکے یورپی پارلیمنٹ میں پاکستان کا امن کا بیانیہ پیش کیا تھا،بھارت کے خلاف جنگ کے بعد وزیراعظم شہباز شریف نے بلاول بھٹو زرداری کی قیادت میں ایک پارلیمانی کمیٹی تشکیل دی تھی جس کا مقصد عالمی سطح پر پاکستان کے مؤقف کو بھرپور انداز میں پیش کرنا تھا۔

بلاول بھٹو زرداری نے بھارتی جارحیت پر عالمی برادری کو پاکستان کے بھرپور مؤقف سے آگاہ کیا۔ بلاول بھٹو زرداری نے یورپی پارلیمنٹ میں پاکستان کا امن بیانیہ پیش کیا،بھارت نے پہلگام واقعے کو جواز بنا کر پاکستان پر جارحیت کی جس کا پاکستان نے بھرپور جواب دیتے ہوئے ناصرف 6 بھارتی جنگی طیارے گرائے بلکہ کئی ائیر فیلڈز کو بھی تباہ کیا، 4 روزہ جنگ میں بھارت نے امریکا سے مدد طلب کی جس کے بعد دونوں ممالک کے درمیان جنگ بندی ممکن ہوئی۔

دریں اثنا بلاول بھٹو نے قوم کو یوم آزادی اور معرکہ حق کی مبارکباد دیتے ہوئے بیروزگاری، مہنگائی، غربت اور امتیاز کے خاتمے کی جدوجہد کو مزید تیز کرنے کا اعادہ کیا،جمہوری استحکام، 1973ء کے آئین اور پاکستان کے ناقابلِ تسخیر دفاع و خودمختاری پر کبھی سمجھوتا نہیں کریں گے۔

صدرِ مملکت آصف علی زرداری نے یومِ خواتین کے موقع پر اپنے پیغام میں کہا ہے کہ خواتین کو تعلیم، معیشت اور قیادت میں آگے لانا نہ صرف ایک اخلاقی ضرورت ہے بلکہ یہ پوری قوم کے مفاد میں ہے۔ انہوں نے مزید کہا کہ پاکستان خواتین کے حقوق کے فروغ کے لیے پُرعزم ہے اور اس عزم کو مضبوط بنانے کے لیے حکومت مختلف اقدامات کر رہی ہے۔

انہوں نے اس بات پر زور دیا کہ خواتین کو مساوی حقوق اور مواقع فراہم کرنا قومی ترقی کے لیے ناگزیر ہے، کیونکہ ایسا معاشرہ جو خواتین کو مساوی حقوق دیتا ہے، وہ زیادہ خوشحال اور پُرامن ہوتا ہے۔ آصف علی زرداری نے کہا کہ آج کا دن خواتین کی استقامت، محنت اور کردار کو تسلیم کرنے کا دن ہے۔ ان کا کہنا تھا کہ ہر خاتون کو مساوی حقوق اور مواقع تک رسائی فراہم کرنا ضروری ہے تاکہ وہ اپنی صلاحیتوں کا بھرپور استعمال کر سکیں۔

صدر آصف علی زرداری نے کہا کہ پاکستان نے خواتین کے حقوق کے تحفظ کے لیے کئی اہم اقدامات کیے ہیں۔ ان اقدامات میں خواتین کے تحفظ کے لیے خصوصی عدالتیں اور ہیلپ لائنز کا قیام شامل ہے۔ ان کا مزید کہنا تھا کہ سرکاری اداروں میں خواتین کی نمائندگی بڑھانے کے لیے بھی اقدامات کیے گئے ہیں، اور معاشی سرگرمیوں میں خواتین کی شمولیت کے لیے حکومتی پالیسیوں پر کام جاری ہے۔انہوں نے اس بات پر زور دیا کہ پاکستان آئینی دفعات اور بین الاقوامی معاہدوں کے مطابق خواتین کے حقوق کے فروغ کے لیے پرُعزم ہے، اور اس عزم کا اعادہ کیا کہ آج کے دن ہر خاتون کو بااختیار بنانے کے لیے مزید اقدامات کیے جائیں گے۔

آصف علی زرداری کا یہ پیغام ایک واضح عزم کی علامت ہے کہ پاکستان میں خواتین کے حقوق کو مزید مستحکم کیا جائے گا، تاکہ وہ ہر شعبے میں اپنی صلاحیتوں کا لوہا منوا سکیں اور ملک کی ترقی میں اہم کردار ادا کریں۔

اس موقع پر وزیر خارجہ بلاول بھٹو زرداری نے بھی اپنے پیغام میں کہا کہ ہر عورت کی آواز سنی جائے، اس کی قدر کی جائے اور اسے احترام دیا جائے۔ انہوں نے مزید کہا کہ خواتین کو اب بھی مختلف چیلنجز کا سامنا ہے جیسے کہ تشدد اور امتیازی سلوک، جن کے خاتمے کے لیے مزید اقدامات کی ضرورت ہے۔ ان کا کہنا تھا کہ خواتین کو محفوظ ماحول فراہم کرنا، معاشی آزادی دینا اور کاروباری شعبے میں ان کے لیے مساوی اجرت فراہم کرنا انتہائی اہم ہے۔

پیپلز پارٹی کےچیئرمین بلاول زرداری نے کہا ہے کہ 26 آئینی ترمیم کو کسی نے رول بیک کیا تو نہیں مانیں گے، ساتھی ججز کو چیف جسٹس سپریم کورٹ کا ساتھ دینا چاہیے،

پارلیمنٹ کے مشترکہ اجلاس کے بعد میڈیا سے مختصر بات چیت کرتے ہوئے بلاول زرداری کا کہنا تھا کہ سپریم کورٹ کا ماحول افسوسناک ہے، بینچ چاہے آئینی ہو یا سپریم کورٹ کا، آئین و قانون کا احترام کرنا ضروری ہے اور ان کو ماننا لازمی ہے۔ بلاول بھٹو نے اس بات پر زور دیا کہ چیف جسٹس کے راستے میں مشکلات پیدا کرنے کے بجائے آسانیاں فراہم کی جانی چاہئیں تاکہ عدلیہ کا نظام مزید مستحکم ہو سکے۔ 26 ویں آئینی ترمیم پارلیمنٹ کے سوا کوئی بھی ادارہ ختم نہیں کر سکتا۔ ان کا کہنا تھا کہ اگر کوئی اور ادارہ اس ترمیم کو ختم کرنے کی کوشش کرے گا تو عوام اسے تسلیم نہیں کریں گے۔

اسی دوران بلاول بھٹو نے پیکا ایکٹ پر بھی اپنے خیالات کا اظہار کیا۔ انہوں نے کہا کہ اگر اس ایکٹ پر میڈیا اور ڈیجیٹل میڈیا کے نمائندوں سے مشاورت کی جاتی تو صورتحال بہتر ہو سکتی تھی۔ بلاول بھٹو نے حکومت سے اپیل کی کہ کسی بھی قانون یا قدم کے حوالے سے اتفاقِ رائے پیدا کرنا ضروری ہے، تاکہ کوئی بھی فیصلہ تمام فریقین کے لیے قابل قبول ہو۔ حکومت کو فیصلے کرنے سے پہلے عوامی نمائندوں، میڈیا اور دیگر متعلقہ اداروں کے ساتھ مشاورت کرنی چاہیے تاکہ ملک میں جمہوریت اور آزادی اظہار کا تحفظ ہو سکے۔پی ٹی آئی کے دور میں بھی پیپلز پارٹی نے پیکاایکٹ کی مخالفت کی تھی ،پیپلز پارٹی کی اپنی سوچ ہے، حکومت کو مشاورت کرنی چاہئے،

بلاول زرداری سے سوال کیا گیا کہ :کیا شہباز شریف 5 سال وزیر اعظم رہ پائیں گے؟ جس کے جواب میں بلاول نے مسکراتے ہوئے جواب دیا اور کہا کہ انشاءاللہ،

بلاول نے ایک اور سوال کے جواب میں کہا کہ ہر ملک کی اپنی پالیسی ہوتی ہے، چین اور امریکہ کے مابین کیا حالات ہیں،چین کے صدر کو دعوت ملنے کے بعد امریکہ کے لئے ضروری تھا کہ بھارت کی بھی نمائندگی ہو، پاکستان کی پالیسی اپنی جگہ قائم دائم ہے،پاکستان کے نیو کلیئر اثاثے بھٹو کے تحفے،بینظیر کی امانت ہیں، پیپلز پارٹی کبھی بھی سودا کرنے کو تیار نہیں ہو گی، کچھ بھی ہو جائے، میری ٹرمپ کی حلف برداری میں جانے کی خبر جھوٹ تھی میڈیا سے پوچھیں کیوں چلائی، البتہ ناشتے کی دعوت پر میں جاؤں گا، میں حکومت کا حصہ نہیں ،اسلئے یہ آفیشیلی پروگرام نہیں ہے، ہم کابینہ کا حصہ بھی نہیں بن رہے،

قومی اسمبلی سے منظور شدہ پیکا ترمیمی ایکٹ 2025 مسترد کرتے ہیں۔لاہور پریس کلب

چاہت فتح علی خان کی متھیرا کے ساتھ نامناسب انداز میں تصویر پر تنقید

پاکستان پیپلز پارٹی کی مرکزی رہنما اور ممبر قومی اسمبلی شہلا رضا نے کہا ہے کہ سابق وزیراعظم محترمہ بینظیر بھٹو کے صاحبزادے، پیپلز پارٹی کے چیئرمین بلاول بھٹو زرداری، امریکی سابق صدر ڈونلڈ ٹرمپ کے ناشتے میں شرکت کریں گے۔ بلاول بھٹو اور ڈونلڈ ٹرمپ کے درمیان اچھے تعلقات ہیں اور یہ ملاقات دونوں ممالک کے تعلقات کو مزید مستحکم کرنے میں مددگار ثابت ہوگی۔

شہلا رضا کا کہنا تھا کہ پیپلز پارٹی کے لیے سب سے اہم پاکستان کی سلامتی اور وقار ہے۔ انہوں نے مزید کہا کہ بلاول بھٹو زرداری سیاسی اور سفارتی آداب سے بخوبی واقف ہیں اور وہ اپنے تجربات کی بنیاد پر ملکی اور عالمی سطح پر مثبت کردار ادا کر سکتے ہیں۔موجودہ پارلیمنٹ میں بلاول بھٹو زرداری ان سیاست دانوں میں شمار ہوتے ہیں جنہیں نہ صرف ملکی بلکہ عالمی سیاسی اور اقتصادی حالات کا وسیع تجربہ حاصل ہے۔ انہوں نے یہ بھی کہا کہ بلاول بھٹو پاکستان کے معاشی اور اقتصادی نظام کو بہتر بنانے کے لیے ایک تاریخی کردار ادا کر سکتے ہیں۔بلاول بھٹو زرداری کا عالمی سطح پر اثرورسوخ اور ان کی سفارتی مہارت پاکستان کی ترقی اور عالمی سطح پر اس کی پوزیشن کو مزید مستحکم کرنے میں معاون ثابت ہو سکتی ہے۔

واضح رہے کہ پاکستان پیپلز پارٹی کے چیئرمین، بلاول بھٹو زرداری کو نومنتخب امریکی صدر ڈونلڈ ٹرمپ کی حلف برداری کی تقریب میں شرکت کی دعوت موصول ہوئی ہے۔ بلاول بھٹو زرداری واشنگٹن میں ڈونلڈ ٹرمپ کی حلف برداری کی تقریب اور دیگر متعلقہ تقریبات میں شرکت کریں گے۔ ذرائع کا کہنا ہے کہ بلاول بھٹو زرداری کو ذاتی طور پر مدعو کیا گیا ہے۔نومنتخب امریکی صدر ڈونلڈ ٹرمپ کی حلف برداری کی تقریب 20 جنوری کو ہوگی،

ملزم نے قیمتی سامان کو ہاتھ تک نہ لگایا،سیف پر حملہ،کرینہ کا بیان ریکارڈ

بھارتی کرکٹ بورڈ نے نئے کوچ کا تقرر کردیا

اسلام آباد: پاکستان پیپلز پارٹی کے چیئرمین بلاول بھٹو زرداری نے زرداری ہاؤس اسلام آباد میں سبکدوش ہونے والے امریکی سفیر ڈونلڈ بلوم سے ملاقات کی۔

اس موقع پر دونوں رہنماؤں نے پاک امریکہ تعلقات اور دو طرفہ امور پر تفصیل سے تبادلہ خیال کیا۔چیئرمین بلاول بھٹو زرداری نے امریکی سفیر کی سفارتی خدمات کو سراہا اور ان کے دور میں پاک امریکہ تعلقات کی مزید ترقی کی تعریف کی۔ انہوں نے کہا کہ ڈونلڈ بلوم نے اپنے عہدے کے دوران پاکستان اور امریکہ کے درمیان تعلقات کو مزید مضبوط بنانے میں اہم کردار ادا کیا ہے۔اس ملاقات میں بلاول بھٹو زرداری نے اس عزم کا اظہار کیا کہ پاکستان اور امریکہ کے تعلقات میں مزید بہتری اور استحکام کے لیے دونوں ممالک کے درمیان تعاون کا سلسلہ جاری رہنا چاہیے۔ انہوں نے پاک امریکہ تعلقات میں مزید فروغ کی خواہش کا بھی اظہار کیا اور دونوں ملکوں کے مابین موجودہ روابط کو مزید مستحکم کرنے پر زور دیا۔

ڈونلڈ بلوم نے اس موقع پر چیئرمین بلاول بھٹو کا شکریہ ادا کیا اور پاکستان کے ساتھ اپنے ملک کے تعلقات کو مزید مضبوط بنانے کی اہمیت پر زور دیا۔ انہوں نے کہا کہ دونوں ممالک کے درمیان معاشی، تجارتی، سیکیورٹی اور دیگر شعبوں میں تعلقات کے وسیع امکانات موجود ہیں، جن پر مزید کام کرنے کی ضرورت ہے۔آخر میں، بلاول بھٹو زرداری اور ڈونلڈ بلوم نے اس بات پر اتفاق کیا کہ دونوں ممالک کے تعلقات میں مزید استحکام لانے کے لیے مشترکہ کوششیں کی جائیں گی، تاکہ پاکستان اور امریکہ کے درمیان پائیدار شراکت داری قائم ہو سکے۔

بنی گالہ شفٹ کرنے کی آفر گنڈاپور عمران خان کے پاس لیکر آئے،علیمہ خان

سلمان خان کے گھر کی سیکورٹی میں اضافہ،کرنٹ والی باڑ نصب