Tag: بلاگ

الیاس سیتا پوری ، اردو کے عظیم کہانی نویس کی کہانی

اردو کے عظیم کہانی نویس محمد الیاس خان المعروف الیاس سیتاپوری 30 اکتوبر 1934 کو لکھنؤ (اترپردیش) ہندوستان کے ضلع سیتاپور میں پیدا ہوئے۔ ان کے آبا و اجداد کا تعلق فارسی، پشتو اور داری بولنے والے پٹھان یوسف زئی قبیلے سے تھا جو کابل (افغانستان) سے ہجرت کر کے شاہجہاں پور (اترپردیش) میں آباد ہوئے تھے۔ الیاس سیتاپوری نے اپنی ابتدائی تعلیم سیتاپور میں حاصل کی اور لڑکپن ہی سے کہانیاں لکھنا شروع کر دیں۔ ان کی پہلی تاریخی کہانی جس نے شہرت و قبولیت عامہ حاصل کی وہ ”خانِ اعظم کا تحفہ“ تھی جو ماہنامہ "سب رنگ” ڈائجسٹ کے 1971 کے ایک شمارے میں شائع ہوئی تھی۔

حرم سرا، راگ کا بدن، اندر کا آدمی، چاند کا خدا، بالاخانے کی دلہن، پارسائی کا خمار، آوارہ گرد بادشاہ ۔۔۔ ان کی مقبول ترین کہانیاں باور کی جاتی ہیں جو پاکستان کے ساتھ ساتھ ہندوستان میں شمع بکڈپو (نئی دہلی) نے شائع کیں۔
مزید یہ بھی پڑھیں؛
ایم کیو ایم پاکستان نے بھی سپریم کورٹ میں دائر نظر ثانی درخواست واپس لینےکا فیصلہ کرلیا
ایم کیو ایم پورے شہر سے الیکشن لڑے گی. مصطفی کمال
گرفتار ملزم نے اب تک 328 گردوں کے آپریشن کئے ہیں. نگران وزیراعلی پنجاب
نواز شریف کا استقبال؛ زیادہ بندے لانے پر ہونڈا 125 بائیک مگر پٹرول اپنا
پرینکسٹر یوٹیوبر کو گولی مارنے والے کو عدالت نے رہا کردیا
انقرہ میں دھماکہ کی تحقیقات شروع
ن لیگ کا انتقامی سیاست اور اسٹیبلشمنٹ سے ٹکراؤ کی پالیسی سے گریز کا فیصلہ
کہا جاتا ہے کہ الیاس سیتاپوری نے اپنی اہلیہ ضیا تسنیم بلگرامی کے نام سے مذہبی شخصیات اور پیشواؤں کے واقعات بھی تحریر کیے چاہے وہ انبیائے کرام کے حالات زندگی ہوں یا صحابہ کرام کی تبلیغ، مجدّدین کی جدوجہد یا اولیائے کرام اور مجاہدین کے کارنامے۔
یکم اکتوبر 2003 کو الیاس سیتاپوری کراچی (پاکستان) میں انتقال کر گئے۔ ان کی اولاد میں بیٹا کاشف اور بیٹیوں زنوبیا اور آسنا کے نام سے میں واقف ہوں۔

چاہت میں کیا دنیا داری عشق میں کیسی مجبوری
لوگوں کا کیا سمجھانے دو ان کی اپنی مجبوری

اردو کے معروف شاعر محسن بھوپالی ک 29 ستمبر 1932ء میں بھوپال کے قریب ضلع ہوشنگ آباد کے قصبے سہاگپور میں پیدا ہوئے تھے۔ ان کا اصل نام عبدالرحمان تھا۔ 1947ء میں وہ اپنے والدین کے ہمراہ پاکستان آگئے اور لاڑکانہ میں سکونت پذیر ہوئے۔ این ای ڈی انجینئرنگ کالج کراچی سے سول انجینئرنگ میں ڈپلومہ کورس کرنے کے بعد وہ 1952ء میں محکمہ تعمیرات حکومت سندھ سے وابستہ ہوئے۔

اس ادارے سے ان کی یہ وابستگی 1993ء تک جاری رہی۔ اسی دوران انہوں نے جامعہ کراچی سے اردو میں ایم اے کی ڈگری حاصل کی۔ محسن بھوپالی کی شعر گوئی کا آغاز 1948ء سے ہوا۔ ان کی جو کتابیں اشاعت پذیر ہوئیں ان میں شکست شب، جستہ جستہ، نظمانے، ماجرا، گرد مسافت، قومی یک جہتی میں ادب کا کردار، حیرتوں کی سرزمین، مجموعہ سخن، موضوعاتی نظمیں، منظر پتلی میں، روشنی تو دیے کے اندر ہے، جاپان کے چار عظیم شاعر، شہر آشوب کراچی اور نقد سخن شامل ہیں۔

محسن بھوپالی کویہ منفرد اعزاز بھی حاصل تھا کہ 1961ء میں ان کے اولین شعری مجموعے کی تقریب رونمائی حیدرآباد سندھ میں منعقد ہوئی جس کی صدارت زیڈ اے بخاری نے انجام دی۔ کہا جاتا ہے کہ یہ کسی کتاب کی پہلی باقاعدہ تقریب رونمائی تھی جس کے کارڈ بھی تقسیم کئے گئے تھے۔ وہ ایک نئی صنف سخن نظمانے کے بھی موجد تھے۔

محسن بھوپالی اردو کے ایک مقبول شاعر تھے ۔ ان کی زندگی میں ہی ان کے کئی قطعات اور اشعار ضرب المثل کا درجہ حاصل کرگئے تھے خصوصاً ان کا یہ قطعہ توان کی پہچان بن گیا تھا اور ہر مشاعرے میں ان سے اس کے پڑھے جانے کی فرمائش ہوتی تھی۔ تلقین صبر و ضبط وہ فرما رہے ہیں آج راہ وفا میں خود جو کبھی معتبر نہ تھے نیرنگیٔ سیاست دوراں تو دیکھیے منزل انہیں ملی جو شریک سفر نہ تھے
17 جنوری 2007ء کو محسن بھوپالی دنیا سے رخصت ہوئے اورکراچی میں پاپوش نگر کے قبرستان میں آسودۂ خاک ہوئے۔

ابھی کچھ اور بھی گرد و غبار ابھرے گا
پھر اس کے بعد مرا شہ سوار ابھرے گا
سفینہ ڈوبا نہیں ہے نظر سے اوجھل ہے
مجھے یقیں ہے پھر ایک بار ابھرے گا
پڑی بھی رہنے دو ماضی پہ مصلحت کی راکھ
کریدنے سے فقط انتشار ابھرے گا
ہمارے عہد میں شرط شناوری ہے یہی
ہے ڈوبنے پہ جسے اختیار ابھرے گا
شب سیہ کا مقدر شکست ہے محسنؔ
در افق سے پھر انجم شکار ابھرے گا
(محسن بھوپالی)

۔۔۔۔۔۔۔۔۔۔۔۔۔۔

چاہت میں کیا دنیا داری عشق میں کیسی مجبوری
لوگوں کا کیا سمجھانے دو ان کی اپنی مجبوری
میں نے دل کی بات رکھی اور تو نے دنیا والوں کی
میری عرض بھی مجبوری تھی ان کا حکم بھی مجبوری
روک سکو تو پہلی بارش کی بوندوں کو تم روکو
کچی مٹی تو مہکے گی ہے مٹی کی مجبوری
ذات کدے میں پہروں باتیں اور ملیں تو مہر بلب
جبر وقت نے بخشی ہم کو اب کے کیسی مجبوری
جب تک ہنستا گاتا موسم اپنا ہے سب اپنے ہیں
وقت پڑے تو یاد آ جاتی ہے مصنوعی مجبوری
اک آوارہ بادل سے کیوں میں نے سایہ مانگا تھا
میری بھی یہ نادانی تھی اس کی بھی تھی مجبوری
مدت گزری اک وعدے پر آج بھی قائم ہیں محسنؔ
ہم نے ساری عمر نباہی اپنی پہلی مجبوری

۔۔۔۔۔۔۔۔۔۔۔۔۔۔۔۔

غلط تھے وعدے مگر میں یقین رکھتا تھا
وہ شخص لہجہ بڑا دل نشین رکھتا تھا
ہے تار تار مرے اعتماد کا دامن
کسے بتاؤں کہ میں بھی امین رکھتا تھا
اتر گیا ہے رگوں میں مرے لہو بن کر
وہ زہر ذائقہ انگبین رکھتا تھا
گزرنے والے نہ یوں سرسری گزر دل سے
مکاں شکستہ سہی پر مکین رکھتا تھا
وہ جوہری نہ رہا اب اسے کہاں ڈھونڈیں
جو لفظ لفظ میں در ثمین رکھتا تھا
وہ عقل کل تھا بھلا کس کی مانتا محسنؔ
خیال خام پہ پختہ یقین رکھتا تھا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ضبط کر اے دلِ مَجرُوح کہ اِس دُنیا میں
کون سا دل ہدفِ گردشِ ایّام نہیں
غمِ محبوب و غمِ دَہر و غمِ جاں کی قسم
ایسے غم بھی ہیں یہاں جن کا کوئی نام نہیں

مزید یہ بھی پڑھیں؛
ورلڈکپ کے لئے کمینٹیٹرز کے پینل کا اعلان
سانحہ جڑانوالہ پر جے آئی ٹی نہیں بنائی جائے گی,محسن نقوی
آئی ایم ایف کا انرجی سیکٹر میں اصلاحات میں بہتری کا مطالبہ

ملکی سیاسی جماعتیں پارلیمنٹ ہائوس کو ہی جمہوریت کی فتح قرار دیتی ہیں۔ سیاسی جماعتوں اور سیاستدانوں کی طرف سے قومی انتخابات آئین کے مطابق کروانے کامطالبہ بھی کیا جارہا ہے۔ حیرت ہے ملک کا سب سے بڑا صوبہ پنجاب جہاں بلدیاتی انتخابات کی صدا کوئی بھی سیاسی جماعت بلند نہیں کرتی۔ بلدیاتی نظام کو جمہوریت کی نرسری کہا جاتا ہے آخر جمہوریت کی دعویدار آئین کی دعویدار جماعتیں پنجاب میں بلدیاتی انتخابات کروانے سے کیوں راہ فرار ہیں؟ کیا ملک کی سیاسی جماعتیں قوم کو بتا سکتی ہیں کہ آخر پنجاب کو بلدیاتی انتخابات نہ کروا کر کس جرم کی سزا دی جارہی ہے۔ بلاشبہ ملک میں مہنگائی ہے عام آدمی کا گزارا مشکل سے ہورہا ہے جبکہ دوسری طرف لاہور‘ راولپنڈی‘ اسلام آباد کے فائیو سٹار ہوٹلز‘ بیوروکریسی‘ اشرافیہ‘ صنعتکار‘ تاجر ‘ سرمایہ دار‘ شام کا ڈنر ان مقامات پر کرتے دیکھے جاسکتے ہیں۔ بلا شبہ پٹرول مہنگا ہے مگر سڑکوں پر قیمتی گاڑیوں سے لیکر چھوٹی گاڑیاں دوڑتی نظر آتی ہیں۔ ملک کے تمام بڑے اور چھوٹے شہروں میں شاپنگ پلازوں میں عوام کا رش نظر آتا ہے۔ آخر سوشل میڈیا‘ الیکٹرانک میڈیا‘ پرنٹ میڈیا‘ سیاسی بونے‘ اس وطن عزیز کو عالمی سطح پر غربت غربت کرکے اس ملک سے کون سے بدلہ لے رہے ہیں۔

الیکٹرانک میڈیا اور دیگر میڈیا پاکستان کا مثبت چہرہ کیوں نہیں دکھاتا؟ غربت کے مارے لوگوں کو ضرور دکھایئے مگر خوبصورت شاپنگ پلازوں ‘ بڑے بڑے ہوٹلز‘ فوڈ اسٹریٹ‘ بڑی بڑی سڑکیں‘ خوبصورت مقامات کو بھی دکھایا جائے۔ پاکستان ایک خوبصورت ملک ہے گلیشیئر‘ پہاڑ‘ دریار‘ سمندر‘ ریگستان‘ گلگت کا سرد ریگستان باعث کشش ہے۔ پاکستان کی ثقافت تاریخ‘ ہنرمندی‘ خوبصورت مذہبی ہم آہنگی اور جدید پاکستان کو اجاگر کیا جائے۔ پاکستان دنیا کے چند ممالک میں ہے جہاں صحرا‘ پہاڑ‘ ریگستان‘ میدان‘ نخلستان اور چٹیل میدان موجود ہیں۔ پاکستان سرمایہ کاری کو فروغ دے سکتا ہے اپنی بندرگاہیں موجود ہیں لاکھوں ایکڑ رقبے موجود ہیں۔ پاکستان کے کھانے دنیا بھر میں مشہور ہیں۔ پاکستان کے پھلوں کی دنیا بھر میں مانگ ہے۔ ملک کی کپاس بہترین کپاس ہے۔

پاکستان کی کاٹن انڈسٹری دنیا کو لیڈ کرسکتی ہے۔ عالمی دنیا کو پاکستان کا مثبت چہرہ دکھانے کی ضرورت ہے سفارتخانے‘ بیوروکریٹ اور دیگر ادارے اگر مثبت کردار ادا کریں غیر ملکی سرمایہ کاروں کو راغب کرنے کی ضرورت ہے۔ دنیا کا واحد ملک ہے جہاں نوجوانوں کی بڑی تعاد پڑھی لکھی ہے ان نوجوانوں کو گمراہ کیا گیا ان پر خصوصی توجہ کی ضرورت ہے۔ ملک کے نوجوانوں کو صنعتی شعبے میں استعمال کرکے انقلاب برپا کیا جاسکتا ہے۔ سیاسی جماعتیں نوجوانوں کو گمراہ نہ کریں اپنے اقتدار اور اختیارات حاصل کرنے کے لئے خدارا ابھی بھی وقت ہے۔

اب شہر کے اندر بھی تو ہر روز ہے ہجرت
کیا ایسے میں کوئی باندھا ہوا بستر کھولے

تحریر ۔ آغا نیاز مگسی ۔

تاریخ پیدائش :14 ستمبر 1951ء
تاریخ وفات:24 اکتوبر 2017ء

اردو شاعر 14 ستمبر 1951 کو کوئٹہ میں قاضی مظفر الحق ظفر کے ہاں پیدا ہوئے ابتدائی تعلیم بھی کوئٹہ ہی میں حاصل کی میٹرک 1968ء میں کیا۔ شاعری آپ کو باپ دادا سے وراثت میں ملی آپ نے آغا صادق حسیں نقوی سے اصلاح لی پھر ان کی وفات کے بعد اخگر سہارنپوری سےبھی اصلاح لی آپ نے شناختی کارڈ کے محکمے سے عملی زندگی کا آغاز کیا اور ڈپٹی ڈائریکٹر کے عہدے پر ریٹائرمنٹ لی پھر صحافت کے میدان کو چنا آپ روزنامہ زمانہ کوئٹہ۔اس کے بعد روزنامہ جنگ کوئٹہ اور اپنی زندگی کے آخری ایام میں جنگ میگزین کے انچارج تھے آپ کانعتیہ کلام دریائے نور 2011ء میں منظر عام پر آیا اسکے بعد دوسرا شعری مجموعہ جو غزلیہ شعری مجموعہ ہے سیل جنوں 2015ء میں شائع ہوا۔ آپ کی پہلی شادی 1971ء میں ہوئی۔ اس شادی سے آپ کے چار بیٹے اور ایک بیٹی ہیں پہلی اہلیہ کی وفات کے بعد آپ نے دوسری شادی ممتاز شاعرہ تسنیم صنم صاحبہ سے کی۔ آپ کو استاد الاساتذہ ہونے کا شرف بھی حاصل تھا۔ آپ پختہ گو شاعر تھے۔ حمد۔نعت۔غزل۔نظم۔رباعی۔گیٹ۔ ہائیکو جیسی اصناف سخن پر مکمل عبور حاصل ہونے کے ساتھ قطعہ تاریخ میں خصوصی مہارت حاصل تھی۔ ان کا انتقال24 اکتوبر 2017ء میں ہوا۔
مزید یہ بھی پڑھیں؛
کولمبو ، پاکستان بمقابلہ سری لنکا،میچ میں ایک بار پھر بارش کی انٹری
انتخابی عمل کو پاکستان کے قوانین کے مطابق آگے بڑھایا جائے،امریکا
پوری قوم دہشت گردی کے خلاف جنگ میں متحد ہے،نگران وزیر داخلہ
ڈیفالٹرز سے ریکوری مہم ،لیسکو نے دوسرے روز21.26ملین کی وصولی کرلی
اسٹیٹ بینک نے مانیٹری پالیسی کا اعلان کر دیا
غزل
۔۔۔
دیوار میں امکان کا اک در کوئی کھولے
اوجھل ہے جو آنکھوں سے وہ منظر کوئی کھولے
اب شہر کے اندر بھی تو ہر روز ہے ہجرت
کیا ایسے میں باندھا ہوا بستر کوئی کھولے
رقصاں ہو تو پھر نیند سے اٹھنے نہیں دیتی
اس بادِ صبا کی ذرا جھانجھر کوئی کھولے
جب ان سنی ہر بات کے ہونے کا یقیں ہو
کیوں اپنی شکایات کا دفتر کوئی کھولے
آسیب کے آجانے سے کچھ پہلے عزیزو
ممکن ہو تو اس دل کا ہر اک گھر کوئی کھولے
اب شہر کے ہر شخص کی خواہش ہے یہ صائمؔ
جو باندھ کے رکھا ہے سمندر کوئی کھولے