Tag: بلتستان

اسلام آباد:سابق وزیر اعلی گلگت بلتستان حافظ حفیظ الرحمن نے سلیکٹیڈ وزیر اعلی خالد خورشید کی پریس کانفرنس کا رد عمل دیتے ہوئے کہا ہے کہ سلیکٹیڈوزیر اعلی گلگت بلتستان کی پریس کانفرنس جھوٹ کے پلندے کے سوا کچھ نہپں وزیر اعلی کے اپنی کابینہ کے ممبران اس کے ساتھ پریس کانفرنس میں بیٹھنے کے لئے تپار نہیں اور دو وفاقی جھوٹوں مراد سعید اور علی امین گنڈا پور کے ساتھ بیٹھ کر جھوٹ بولے گئے وزیر اعلی کا منصب ایک زمہ دارمنصب ہے اس کا تقاضہ ہے کہ عوام کو حقائق پہنچآئیں جائیں نہ کہ عوام تک باجماعت جھوٹ کا پرچار کیا

سابق وزیر اعلی حافظ حفیظ الرحمن نے کہا کہ وزیر اعلی خالد خورشید نے سراسر سفید جھوٹ بولا کہ گلگت بلتستان کا پچاس فیصد ترقیاتی بجٹ کاٹا گیا ہے وزیر اعلی کا یہ جھوٹ بھی عمران نیازی کے جھوٹ سیرئز کی طرح ایک سیریئز ہے حقیقت تو یہ ہے کہ جو بجٹ عمران خان کے دور میں گلگت بلتستان کو مل رہا تھا وہی بجٹ اب بھی مل رہا ہے سلیکٹیڈ وزیر اعلی خالد خورشید ہمت کریں اور عوام کو سچ بتائیں کہ گلگت بلتستان کے بجٹ میں کٹوتی عمران خان دور میں ہوئی گلگت بلتستان کے پی ایس ڈی پی منصوبوں کو عمران خان کے دور حکومت میں التوا میں ڈالا گیا میاں نواز شریف نے گلگت بلتستان کے سات ارب کے ترقیاتی بجٹ کو اکیس ارب تک پہنچایا تھا عمران خان نے بر سر اقتدار آتے ہیں اس بجٹ کو کاٹ کر چورہ ارب کر دیا میاں نواز شریف کے دور میں گلگت شںدور ایکسپریس وے کا منصوبہ ستائیس ارب کا تھا اسے پی ایس ڈی پی سے خارج کیا گیا دو سال کے بعد اب وہی ستائس ارب کا منصوبہ اکیاون ارب تک پہنچایا گیاہینزل پاور پراجیکٹ کا منصوبہ ہمارے دور میں ساڈھے نو ارب کا ٹینڈر ہوا تھا گنڈا پور نے اسے روک کر اب چودہ ارب کا ٹینڈر کر دیا ہمارے دور میں اگر سات ارب کے بجٹ کو اکیس ارب تک پہنچایا گیا تو اس کی وجہ بجٹ کا سو فیصد استعمال تھا بجٹ کے صحیح استعمال پر میاں نواز شریف نے پہلے تیرہ ارب کیا پھر اکیس ارب تک پہنچا دیا پاکستان مسلم لیگ ن کی حکومت جب ختم ہوئی تو اکیس ارب بجٹ تھا جیسے ہی عمران خان کی حکومت آئی اسے چودہ ارب کر دیا اب کس منہ سے بجٹ کٹوتی کا الزام موجودہ وفاقی حکومت پر لگا رہے ہیں

حافظ حفیظ الرحمن نے مزید کہا کہ پی ٹی آئی کی صوبائی حکومت اتنی نا اہل ہے کہ اسے بجٹ کے استعمال کا ادراک ہی نہیں اور سات ارب روپے کا ترقیاتی بجٹ واپس ہو چکا ہے بجٹ تو انہیں ملتا ہے جنہیں عوام پر خرچ کرنے کا طریقہ معلوم ہو اور ان کی ترجیع عوام ہو نہ کہ کواڈینٹروں اور مشیروں کی فوج ظفر موج رکھنے وفاق کے خلاف مہم جوئی کے لئے کروڑوں خرچ کرنے اور پی ٹی آئی کے وفاقی وزرا کو گلگت بلتستان کی سیر کرانے کے لئے خرچ کرتے ہوں اور مبینہ طور پر بنی گالہ کے لئے کروڑوں کا آٹا اور بکرے خرید کر پہنچانے کی زمہ داری ہو۔حافظ حفیظ الرحمن نے کہا کہ سلیکٹیڈوزیر اعلی خالد خورشیدپریس کانفرنس کر کے سفید جھوٹ بولنے سے پہلے ان سوالوں کا جواب بھی عوام کو دیں کہ آپ کے دور میں حکومتی اخراجات کے لئے گیارہ ارب روپے مختص تھے وہ کہاں خرچ کئے جبکہ ہمارے دور میں صرف تین ارب روپے تھے انہیں بھی ہم نے بچا کر ویسٹ منیجمنٹ 1122 جیسے ادارے اور اضلاع بنائے آپ نے کیا بنایا سوائے کواڈینٹروں کی فوج بھرتی کرنے کے؟ہم نے بجٹ کا پورا استعمال کیا تو ہمارا بجٹ سات ارب سے اکیس ارب تک پہنچ چکا تھا آپ کے بجٹ سے سات ارب کیوں واپس ہوئے کیا یہ آپ کی نا اہلی نہیں آپ کو کیسے ادراک ہو کہ گلگت بلتستان کے مسائل کیا ہے دو سال میں بارہ مہینے تو آپ اسلام آباد اور دبئی میں رہے گلگت بلتستان دورے پر آتے رہے جس اسمبلی کے آپ قائد ایوان ہیں اس اسمبلی کی بے توقیری کا یہ عالم ہے کہ رول آف بزنس میں اسمبلی کارروائی کےلئے جتنے دن مختص ہیں اس کا ایک فیصد وقت بھی اسمبلی کی کارروائی نہیں ہوئی کسی قسم کی قانون سازی نہیں ہوئی اس کے باوجود تیس کروڑ روپے کا بجٹ اسمبلی اخراجات کی مد میں پھونک دیئے جس اسمبلی کی کارروائی آپ کا اپوزیشں کا سامنا نہ کرنے کی وجہ سے چل نہیں رہی تو سوال بنتا ہے کہ اسمبلی کے نام پر تیس کروڑ کہاں خرچ ہوئے وفاق پر الزام لگانے اور تحریک انصاف کے وفاقی جھوٹوں کے ساتھ پریس کانفرنس کے نام پر جھوٹ کی منڈی سجانے سے قبل ان سوالوں کے جواب دیں

حافظ حفیظ الرحمن نے مزید کہا کہ گلگت بلتستان میں گزشتہ دو سال سے ایفاد جیسے عوامی فلاح کےمنصوبے جس کی مدد سے ہم نے دو لاکھ کنال زمین آباد کر کے عوام کو دی کو مفلوج کر کے رکھ دیا ہے کیا یہ عوام کے حقوق پر ڈاکہ نہیں ؟ اس کا جواب کون دے گا انہوں نے کہا کہ سلیکٹیڈوزیر اعلی خالد خورشید نے کتنا بڑا جھوٹ بولا کہ 2005سے اب تک گلگت بلتستان میں پولیس میں بھرتیاں نہیں ہوئیں عجیب بات ہے کہ ہم نے اپنے دور حکومت میں سپیشل پولیس یونٹ کے نام سے سات سو بھرتیاں کیں اور پانچ سال میں مجموعی طور پر دو ہزار کے قریب پولیس میں بھر تیاں ہوئیں وہ انہیں کیوں نظر نہ آئیں اتنے بڑے جھوٹ بولنے سے قبل انہیں سوچنا چاہئے کہ رسوائی ہوگی لیکن افسوس کہ تحریک انصاف کے وفاقی رہنماوں کی طرح انہیں بھی منہ کی بواسیر کا عارضہ لاحق ہے ورنہ سوچ سمجھ کر بات کرتے۔

اسلام آباد:وزیراعلیٰ گلگت بلتستان خالد خورشید اور پی ٹی آئی رہنماؤں نے کہا ہے کہ گلگت بلتستان سی پیک کا دروازہ ہے، ٹیکس فری زون ہونے کے باوجود واپڈا سے ایک میگاواٹ بجلی بھی نہیں مل رہی، بجٹ میں بھی 50 فیصد کٹوتی کی گئی، موجودہ حکومت نے ترقی کا سفر روک دیا ہے۔

ہم بتاتے ہیں کہ رانا شمیم کیا چیز ہےاوراس کے کارہائے نمایاں کیا ہیں:گلگت بلتستان…

اسلام آباد میں سابق وفاقی وزرا مراد سعید اور علی امین گنڈاپور کے ہمراہ نیوز کانفرنس کرتے ہوئے خالد خورشید نے کہا کہ پی ٹی آئی حکومت نے گلگت بلتستان کو ترقیاتی پیکج دیا تھا، اس سال ہمارا 45 فیصد ترقیاتی بجٹ بڑھنا تھا، وفاقی حکومت نے ہمارا بجٹ آدھا کر دیا، نواز شریف کی حکومت میں دو بلین کا خصوصی فنڈ دیا گیا تھا، عمران خان نے گلگت بلتستان کے 4 سو ارب کا خصوصی پیکج اناؤنس کیا تھا۔

ہماری حکومت کا بجٹ کئی طرح سے بہت بہتر ہے: وزیراعظم شہباز شریف

وزیراعلیٰ گلگت بلتستان نے مزید کہا کہ اس سال 4 بڑے منصوبوں کو منظوری کے باوجود وفاقی بجٹ میں نہیں رکھا گیا، گلگت بلتستان اپنا کوئی ٹیکس نہیں لگاتا، صرف وفاق سے ملنے والی رقم سے نظام چلاتا ہے، گلگت بلتستان میں بجلی نہ ہونے کی وجہ سے سکردو میں دو گھنٹے بجلی فراہم کی جاتی ہے، فنڈز کی دستیابی کی وجہ سے ہم لوگ سوشل سکیورٹی کی جانب جا رہے تھے۔

انہوں نے کہا کہ بجٹ میں جان بوجھ کر جی بی کا بجٹ 23 بلین لیکر آئے ہیں، اس سال کم از کم جی بی کیلئے 50 بلین روپے رکھے جانے تھے، گلگت بلتستان کے ترقیاتی بجٹ میں 50 فیصد کٹوتی کی گئی ہے، پورے ملک میں بجلی دی جارہی ہے لیکن گلگت بلتستان کو بجلی نہیں دی جارہی، گلگت بلتستان ٹیکس فری زون ہے، واپڈا سے ایک میگاواٹ بجلی نہیں مل رہی، جس پانی سے بجلی بنائی جاتی ہے اس کی اکثریت گلگت بلتستان سے آتی ہے، عمران خان نے جی بی کو انٹرنیشنل ایئرپورٹ دیا، پہلے سال میں عمران خان نے ہمیں 200 میگاواٹ بجلی دی تھی، سابق وزیراعظم نے ہمارے لیے آئینی حقوق کے دروازے کھولے تھے، اب ہمارا ملک دشمنوں کی نذر ہوگیا، سازش کے تحت حکومت گرائی گئی، ترقیاتی منصوبے گلگت بلتستان کا حق ہے، امپورٹڈ حکومت ایک مشن پر آئی ہوئی ہے، امپورٹڈ حکومت چھوٹے یونٹس کو تباہ کر رہی ہے۔

مزید مشکل فیصلے لینے ہوئے تو لیں گے، اس وقت چوائس نہیں،وزیر خزانہ

سابق وفاقی وزیر مراد سعید نے کہا کہ امپورٹڈ حکومت کے آنے کے بعد ملک میں مہنگائی آگئی ہے، امپورٹڈ وزیر خزانہ کہتا ہے پٹرول اور بجلی کی قیمتیں مزید بڑھیں گی، عمران خان کی معاشی پالیسیوں کی دنیا نے تعریف کی، 45 دن میں انہوں نے ملکی معیشت کا بیڑہ غرق کر دیا ہے، پٹرول اور ڈیزل کی قیمتیں بڑھنے سے ملک میں مہنگائی کی لہر ہے۔

انہوں نے مزید کہا کہ سی پیک پاکستان کی ترقی کا ضامن ہے، لیکن سی پیک کا دروازہ گلگت بلتستان ہے، انہوں نے جی بی اور ضم شدہ اضلاع کا بجٹ کم کر دیا، موجودہ حکومت نے ترقی کا سفر روک دیا ہے، جی بی کا بجٹ اتنا رکھا جتنا شہباز شریف کے چپڑاسی کے اکاؤنٹ میں آرہے تھے، پی ڈی ایم امریکی سازش کے تحت حکومت میں آئی ہے، گلگت بلتستان کو مقصود چپڑاسی سے بھی کم پیسے دیئے جا رہے ہیں، امپورٹڈ حکومت خطرناک راستے پر ہے، یہ مودی کی سوچ اور وژن کی تکمیل کیلئے آئے ہیں۔

سابق وفاقی وزیر علی امین گنڈاپور نے کہا کہ ہم گلگت بلتستان اور آزاد کشمیر کے لوگوں کو ان کا حق دلوائیں گے، موجودہ حکومت کے اقدامات سے گلگت بلتستان کے عوام خوش نہیں، گلگت بلتستان کو اس کا حق نہ دیا گیا تو سخت اقدام اٹھائیں گے، ماضی میں کسی نے جی بی کی محرومیوں کے ازالے کیلئے کام نہیں کیا، عمران خان نے گلگت بلتستان اور آزاد کشمیر میں بغیر کسی کٹ کے بجٹ کا اعلان کیا۔

انہوں نے مزید کہا کہ گلگت بلتستان کے لوگوں نے خود لڑائی کر کے آزادی حاصل کی، لوگوں کی پاکستان کیلئے بہت قربانیاں ہے، ہمیں فخر ہے ہمارا لیڈر عمران خان ہے، گلگت بلتستان اور آزاد کشمیر کا فنڈ ہم نے بڑھایا، بجٹ میں کم رقم کی وجہ سے گلگت کے جاری منصوبے مکمل نہیں ہوسکتے، اس سب سے صرف مودی خوش ہوا ہے جو ہمارا دشمن ہے، ہم گلگت بلتستان کے لوگوں کیساتھ کھڑے ہیں، سیاستدان الیکشن کا سوچتا ہے اور لیڈر قوم کا، عمران خان نے گلگت اور کشمیر میں ن لیگ کی حکومت کے باوجود بجٹ بڑھایا، اس زیادتی سے گلگت کے عوام خوش نہیں۔

پشاور:گلگت بلتستان میں پی ٹی آئی حکومت میں شدید اختلافات، پارلیمانی کمیٹی کا اجلاس طلب،اطلاعات کے مطابق گلگت بلتستان میں پی ٹی آئی حکومت کے اندر اختلافات سامنے آنے پر سابق وزیراعظم کی جانب سے پی ٹی آئی گلگت بلتستان کی پارلیمانی کمیٹی کا اجلاس آج پشاور میں طلب کر لیا گیا ہے۔

وفاق میں عدم اعتماد اور آزاد کشمیر میں تحریک انصاف کے اندرونی اختلافات کے بعد گلگت بلتستان میں پی ٹی آئی حکومت تقسیم کا شکار ہوگئی ہے۔پی ڈی ایم جماعتوں کے ممکنہ عدم اعتماد کے خلاف حکمت عملی اور پارٹی اختلافات ختم کرنے کیلئے چئیرمین تحریک انصاف عمران خان متحرک ہوگئے ہیں۔

گلگت بلتستان کی پارلیمانی کمیٹی کا اجلاس آج پشاور میں طلب کرلیا گیا ہے، چیئرمین پی ٹی آئی کی زیر صدارت اجلاس میں ناراض وزراء اور ممبران شرکت کریں گے۔ناراض اراکین کے مطابق عمران خان کو تمام تر تحفظات سے کو آگاہ کرینگے. ناراض وزراء اور ممبران نے کچھ روز قبل پی ٹی آئی سیکرٹری جنرل اسد عمر کو اپنے تحفظات سے آگاہ کیا تھا۔

یاد رہے کہ پرسوں صوبائی صدر تحریک انصاف گلگت بلتستان وزیر اعلیٰ خالد خورشید چیئرمین عمران خان کی کال پر حقیقی آزادی مارچ میں شرکت کے بعد گلگت بلتستان پہنچ گئےتھے۔مختلف مقامات پر پی ٹی آئی ذمہ داران و کارکنان بالخصوص انصاف یوتھ کی جانب سے ان کا والہانہ و پرتپاک استقبال کیا گیا ۔چیئرمین عمران خان، پی ٹی آئی اور صوبائی صدر کے حق میں فلک شگاف نعرے بلند کئے گئے۔

وزیر اعلیٰ سیکرٹریٹ میں مختصر خطاب کے دوران وزیر اعلیٰ خالد خورشید نے کہا کہ جماعت کے تمام ذمہ داروں اور کارکنوں کو اکٹھا کرکے باہمی اتفاق اور نظم و ضبط کے ساتھ پی ٹی آئی کو گلگت بلتستان کی مضبوط ترین سیاسی قوت بنائیں گے۔ انہوں نے والہانہ استقبال پر تمام ذمہ داران و کارکنان اور یوتھ کا شکریہ ادا کیا۔

انہوں نے کہا کہ رایئونڈ کے ڈوگروں نے گلگت بلتستان کا بجٹ کاٹا ہے گندم کی سبسڈی میں کٹوتی کی ہے اگر اس کو واپس نہ لیا گیا تو ہم خاموش نہیں بیٹھیں گے۔ انہوں نے کہاکہ پی ٹی آئی کو گلگت بلتستان کے کونے کونے میں ہر سطح پر منظم کریں گے۔رانا ثناء اللہ کے خلاف ایف آئی آر کے اندراج کیلئے کورٹ کا فیصلہ خوش آئندہ ہے۔ رانا ثناء اللہ نے بدترین ہتھکنڈے استعمال کئے۔پی ٹی آئی کو گلگت بلتستان میں منظم کرنے کے حوالے سے سابق رہنما حشمت اللہ خان، راجہ جلال مقپون ، مرحوم جسٹس(ر) سید جعفر شاہ اور فتح اللہ خان کا کردار لائق تحسین ہے۔

گلگت بلتستان:جشن نوروزجوش و خروش سے منانے کا سلسلہ جاری ،اطلاعات کے مطابق مختلف سماجی اور ادبی تنظیمیں بھی رنگارنگ تقریبات منعقد کررہی ہیں، اسی سلسلے میں بہت سے تقریبات جاری ہیں اور اس تہوار کو منانے والے بڑے پرُجوش نظرآتے ہیں‌

ایران، تاجکستان، افغانستان اور دنیا کے دیگر مختلف مقامات کی طرح جشن نوروز آج بلتستان بھر میں شایان شان اور جوش و خروش کے ساتھ منایا جارہا ہے۔ مختلف مقامات پر جشن نوروز کے سلسلے میں خصوصی تقریبات کا اہتمام کیا گیا ہے، بچے رنگ برنگے انڈے لڑانے کی تیاریوں میں مصروف ہیں، جبکہ بڑے عمدہ لباس زیب تن کر کے عزیزوں اور رشتہ داروں کے گھروں میں عید ملنے میں مگن ہیں۔

جشن نوروز کے موقع پر اسکردو میں تقریبات کا اہتمام بھی ہے۔ اس کے علاوہ مختلف سماجی اور ادبی تنظیمیں بھی رنگارنگ تقریبات منعقد کررہی ہیں، جس میں بڑی تعداد میں لوگ شریک ہوں گے۔

اس سے پہلے کل نئے سال ‘نوروز’ کی تقریبات کے سلسلے میں موسم بہار کو منانے کے لیے، PNCA نے بروشاسکی ریسرچ اکیڈمی کے تعاون سے 17 مارچ 2022 کو ایک رنگا رنگ شام کا اہتمام کیا۔

تقریب جی بی کے مختلف باصلاحیت فنکاروں کی طرف سے جشن کے گانوں اور ڈانس پرفارمنس پر مشتمل تھی۔ تقریب کو مزید پروقار بنانے کے لیے PNCA کے لان میں کھانے اور دستکاری کے کچھ روایتی اسٹالز بھی تھے۔

سامعین نے PNCA میں ایک انتہائی رنگا رنگ اور خوشگوار شام کا مشاہدہ کیا کیونکہ یہ تقریب گلگت بلتستان کے فنکاروں اور فنکاروں کے ساتھ تہوار، روایتی لباس اور جشن بہاراں سے بھرپور تھی۔