یورپی دفاعی تجزیاتی ویب سائٹ "بلغاریہ ملٹری ریویو” نے انکشاف کیا ہے کہ پاک فضائیہ کے حالیہ جوابی حملے میں بھارتی فضائی دفاع کا انتہائی جدید اینٹی ایئرکرافٹ سسٹم ایس-400 تباہ ہو چکا ہے، جسے حالیہ کشیدگی کا ہائی پروفائل اور سنگین واقعہ قرار دیا جا رہا ہے۔
رپورٹ کے مطابق یہ واقعہ بھارت کے شمال میں واقع آدم پور ایئربیس پر پیش آیا، جو نہ صرف ایک اہم دفاعی مرکز ہے بلکہ سخوئی طیاروں کے اسکواڈرن کا ہیڈکوارٹر بھی ہے اور سرحد سے صرف 100 کلومیٹر دور واقع ہے۔ملٹری ریویو کا کہنا ہے کہ ایک اتنے اہم بیس پر روسی ساختہ ایس-400 سسٹم کی تباہی بھارت کے دفاعی نظام کے لیے ایک بڑا دھچکہ ہے۔ تجزیہ کاروں کا کہنا ہے کہ اس حملے نے بھارت کی فضائی برتری کے دعووں کو چیلنج کر دیا ہے، خاص طور پر اگر پاکستان نے اس حملے میں ہائپر سونک ٹیکنالوجی کا استعمال کیا ہے یا جے ایف-17 تھنڈر میں اسے مربوط کیا ہے، تو یہ پاکستان کی فضائی صلاحیتوں میں غیر معمولی اضافہ ظاہر کرتا ہے۔
رپورٹ میں یہ بھی کہا گیا ہے کہ پاکستان شاید چینی ہائپر سونک میزائلز کا مقامی ورژن تیار کر چکا ہے۔ اگر یہ درست ہے تو ایس-400 کی تباہی بھارت کے لیے صرف ایک عسکری نقصان نہیں بلکہ دفاعی حکمت عملی میں تبدیلی کا تقاضا بھی ہے۔بلغاریہ ملٹری ریویو کے مطابق ایس-400 سسٹم سیچوریشن اٹیک یا کمانڈ اینڈ کنٹرول سسٹمز کو نشانہ بنانے کی صورت میں کمزور پڑ جاتا ہے، اور یہ حملہ بھارت کے لیے ایک علامتی پیغام بھی ہے کہ پاکستان اب گہرائی میں جا کر حملہ کرنے کی قابلِ ذکر صلاحیت رکھتا ہے۔
بھارتی اپوزیشن کا مودی سے آپریشن سندور پر پارلیمنٹ میں وضاحت دینے کا مطالبہ
ہندوستانی خارجہ سیکریٹری اور بیٹیوں پر ہندوتوا ٹرولز حملہ، ایکس اکاؤنٹ پرائیویٹ کرنا پڑ گیا
ایرانی وزیر خارجہ کے خلاف بھارتی سابق فوجی افسر کا نازیبا تبصرہ، تہران کا شدید ردعمل
اعلی عسکری حکام کی پریس کانفرنس کا وقت پھر تبدیل، بریفنگ بھی متوقع