کراچی: معروف گلوکارہ بلقیس خانم کراچی میں انتقال کر گئیں ان کی نماز جنازہ آج بعد از مغرب امام بارگاہ خیر العمل میں ادا کی جائے گی۔
باغی ٹی وی : پاکستانی فلم اور میوزک انڈسٹری کو لازوال گیت دینے والی بلقیس خانم طویل علالت کے بعد کراچی میں انتقال کرگئیں وہ مقامی اسپتال میں کئی روز سے زیر علاج تھیں۔لیکن پیراورمنگل کی درمیانی شب ان کی حالت زیادہ خراب ہوگئی تھیں جس کے بعد ڈاکٹروں کے مشورے سے انہیں گھر پر منتقل کردیا گیا تھا۔جہاں بدھ کے روز ان کی حالت مزید خراب ہوگئی ۔اور بعد میں انتقال کر گئیں ۔
21 دسمبر 1982 یوم پیدائش ماہرہ خان
بلقیس خانم کا شوبز حلقوں میں ایک بڑا نام تھا ان کی گائیکی نئے آنے والوں کے لئے مشعل راہ ہے، بلقیس خانم نے موسیقی کے ابتدائی تعلیم اپنے نانا استاد عنایت علی خان سے حاصل کی اور پھر منفرد انداز اپنا کر انڈسٹری میں اپنا مقام بنایا۔
انہوں نے گائیکی کا آغاز بہت کم عمری میں کیا تھا بلقیس خانم نے ریڈیو ، ٹی وی اور فلموں کے اکثر مقبول گیت گائےجن میں “کچھ دن تو بسو میری آنکھوں میں” ,وہ تو خوشبو ہے ہواؤں میں بکھر جائے گا”اور”انوکھا لاڈلا کھیلن کو مانگے چاند” قابل ذکر ہیں۔
صبا قمر کی 2023 کے لئے ایک خواہش
وزیراعظم شہباز شریف نے نامور گلوکارہ بلقیس خانم کے انتقال پر اظہار افسوس کرتے ہوئے کہا کہ گلوکاری کے فن میں بلقیس خانم نے اپنا منفرد مقام حاصل کیا۔
وزیراعظم کا کہنا تھا کہ بلقیس خانم کی وفات گلوکاری کی دنیا کا بڑا نقصان ہے، بلقیس خانم کی موسیقی میں خدمات کو تادیر یاد رکھا جائے گا وزیراعظم نے مرحومہ کی مغفرت اور اہل خانہ کے لئے صبر جمیل کی دعا بھی کی۔
