Tag: بلیو ٹک

کیلیفورنیا: ٹوئٹر نے 8 ڈالر ماہانہ فیس کے بدلےتصدیق شدہ اکاؤنٹس کا بلیو ٹک حاصل کرنے کا پلان عارضی طور پر روک دیا ہے۔

باغی ٹی وی : ٹویٹر نےاس ہفتے کےشروع میں اپنی آئی فون ایپ میں سروس شروع کی تھی،جس سےصارفین کو ایک چیک مارک خریدنے کی اجازت دی گئی تھی جو پہلے یہ ظاہر کرنے کے لیے استعمال کیا جاتا تھا کہ اکاؤنٹ تصدیق شدہ یا آفیشل تھا۔ جمعہ تک، آئی فون ایپ اب ٹویٹر بلیو کے لیے سائن اپ کرنے کا آپشن بندکر دیا ہے-

ایلون مسک نے ٹوئٹر خریدنے کے بعد کمپنی کے دیوالیہ ہونے کا امکان ظاہر کر دیا

ٹوئٹر کی جانب سے 8 ڈالر بلیو ٹک سبسکرپشن پلان جاری کرتے ہی ٹوئٹر پر جعلی اکاونٹس کی بھر مار لگ گئی۔ رواں ہفتے پلان متعارف کیے جانے کے بعد ہر اس صارف کو بلیو ٹک دیا جارہا ہے جو ماہانہ 8 ڈالر ادا کرے گا۔

رواں ہفتے کے دوران جعلی اکاونٹس کی یلغار نے ٹوئٹر انتظامیہ کو چکرا کر رکھ دیا جس کی وجہ سے ٹوئٹر نے ایک ہی ہفتے بعد 8 ڈالر بلیو چیک سبسکرپشن پلان کو عاضی طور پر بند کر دیا ہے۔

ٹوئٹر پر جعلی اکاونٹس کی تعداد میں اس قدر تیزی سے اضافہ ہو رہا ہے کہ انتظامیہ کو جمعہ کے دن کئی لوگوں کو الگ سے آفیشل بیج بھی جاری کرنا پڑا۔

سروس کی فوری معطلی سے پتہ چلتا ہے کہ، کم از کم فی الحال، سی ای او ایلون مسک کا صارفین سے نئی آمدنی پیدا کرنے کا بڑا منصوبہ توقع کے مطابق کام نہیں کر رہا ہے۔

ٹویٹر پر سیلز کے ایک موجودہ ملازم نے کہا کہ کمپنی نے نقالی کرنے والوں کے جواب میں ٹویٹر بلیو تصدیق کو واپس لینے کا فیصلہ کیا۔

ایلون مسک کا ٹوئٹرپر پیمنٹ سسٹم لانے کا فیصلہ

ملازم، جس نے اپنا نام ظاہر نہ کرنے کا کہا کیونکہ وہ ٹوئٹر کی جانب سے بات کرنے کے مجاز نہیں تھے، نے کہا کہ فارماسیوٹیکل کمپنی ایلی للی سے مشابہہ ایک اکاؤنٹ نے اس وقت ایک سنگین مسئلہ پیدا کیا جب اس نے ٹویٹ کیا کہ ہم یہ اعلان کرتے ہوئے پرجوش ہیں کہ انسولین اب مفت ہے۔

ٹویٹ کو ہٹانے سے پہلے گھنٹوں تک سوشل میڈیا پلیٹ فارم پر موجود رہا۔ اصلی ایلی للی اکاؤنٹ نے بعد میں ٹویٹ کیا کہ ہم ان لوگوں سے معذرت خواہ ہیں جنہیں جعلی للی اکاؤنٹ سے گمراہ کن پیغام دیا گیا ہے۔

جھوٹے پیغام کے پوسٹ کیے جانے کے بعد ایلی للی کے اسٹاک کی قیمت میں تیزی سے کمی واقع ہوئی، اور اسی طرح ایب وی سمیت دیگر دوا ساز کمپنیاں، جن کی ٹویٹر پر نقالی کی گئی تھی۔ اس وقت، بازار میں تیزی کے درمیان، اسٹاک کے اہم اشاریے مثبت تھے۔

ٹوئٹر پر اکاؤنٹس کو 3 اقسام میں تقسیم کیا جائے گا

خیال رہے کہ اس سے قبل بلیو ٹک تصدیق کے بعد مشہور لوگوں جیسے سیاستدان، سوبز اسٹارز ، معروف کمپنیوں، سرکاری اداروں ، صحافیوں وغیرہ کو جاری کیا جاتا تھا۔

ایلون مسک کی جانب سے نیا پلان متعارف کروانے کے بعد فیس کے عوض ہر کسی کو بلیو ٹک جاری کیا جارہا ہے۔ جس کے نتیجے میں کئی جعلی اکاونٹس نے بلیو ٹک حاصل کیا ہے ۔ ایسے جعلی اکاونٹس میں ایلون مسک اور ٹیسلا کمپنی کے جعلی اکاونٹس بھی شامل ہیں-