Baaghi TV

Tag: بم دھماکے

  • بھارت: گجرات کی عدالتوں کو بم دھماکوں کی دھمکیاں

    بھارت: گجرات کی عدالتوں کو بم دھماکوں کی دھمکیاں

    بھارتی ریاست گجرات کی مختلف عدالتوں کو بم دھماکوں کی دھمکیاں موصول ہوئیں جس کے بعد عدالتی کارروائیاں معطل اور عمارتیں خالی کرالی گئیں۔

    بھارتی میڈیا کے مطابق گجرات کی ہائی کورٹ سمیت ریاست بھر کی کم از کم 6 عدالتوں کو 5 اور 6 جنوری کے دوران ای میل کے ذریعے بم سے اڑانے کی دھمکیاں موصول ہوئیں،دھمکیاں گجرات ہائی کورٹ، احمد آباد سیشن کورٹ اور ضلعی عدالتوں کو موصول ہوئیں۔

    بھارتی پولیس، بم ڈسپوزل اسکواڈ اور دیگر قانون نافذ کرنے والے اداروں نے عدالتی عمارتوں کو خالی کرالیاسیکیورٹی فورسز نے ججوں، وکلا، عدالتی عملے اور سائلین کو بھی حفاظتی اقدامات کے تحت عمارتوں سے باہر نکال دیا اور مکمل تلاشی لی گئی۔

    حکام کے مطابق دھمکیاں موصول ہونے کے بعد سکیورٹی ہائی الرٹ کر دی گئی اور عدالتی کارروائیاں عارضی طور پر معطل کر دی گئیں اور عمارتیں خالی کرالی گئیں ڈسپوزل اسکواڈ اور پولیس ٹیموں نے عدالتوں کی مکمل تلاشی لی، تاحال کوئی مشتبہ شے برآمد نہیں ہوئی، تاہم سکیورٹی سخت رکھی گئی ہے۔

    پولیس نے ای میلز کے ذرائع کا سراغ لگانے کے لیے تحقیقات شروع کر دی ہیں اور سائبر کرائم یونٹس کو بھی متحرک کر دیا گیا ہےسکیورٹی صورتحال کا مکمل جائزہ لینے کے بعد ہی عدالتی سرگرمیاں بحال کی جائیں گی، جبکہ عوام کو افواہوں پر کان نہ دھرنے اور سکیورٹی اداروں کے ساتھ تعاون کرنے کی ہدایت کی گئی ہے۔

    یہ واقعہ ایک بار پھر بھارت میں حساس سرکاری اداروں کی سکیورٹی اور بڑھتے ہوئے سکیورٹی خدشات پر سوالات کھڑے کر رہا ہے۔

    پاکستان کیخلاف ٹی20 سیریز: سری لنکا نے اسکواڈ کا اعلان کردیا

    ترک صدر کی توہین کے الزام میں اپوزیشن رہنما کو قید کی سزا

    ‎لندن میں شدید سردی اور برفباری، اسکول اور ٹرانسپورٹ متاثر

  • افغانستان بم دھماکوں سےلرزاُٹھا: 16 افراد جاں بحق

    افغانستان بم دھماکوں سےلرزاُٹھا: 16 افراد جاں بحق

    افغانستان میں گزشتہ روز ہونے والے چار مختلف بم دھماکوں کے نتیجے میں اب تک کم از کم سولہ افراد جاں بحق ہو چکے ہیں۔ داعش نے ان بم دھماکوں کی ذمہ داری قبول کر لی ہے۔

    بدھ کے روز مزار شریف میں تین چھوٹی مسافر بسوں میں دھماکے ہوئے جن کے نتیجے میں کم از کم دس افراد ہلاک اور دیگر پندرہ زخمی ہوئے۔ ہلاک ہونے والوں میں خواتین اور بچے بھی شامل ہیں۔ نشانہ بننے والی بسیں صوبہ بلخ کے شمالی شہر میں شام کے مصروف اوقات میں مسافروں کو لے جا رہی تھیں۔

    گزشتہ روز ہی افغان دارالحکومت کابل کی ایک مسجد میں بھی بم دھماکا ہوا تھا جس میں چھ افراد ہلاک اور اٹھارہ کے قریب زخمی ہونے کی اطلاعات ہیں۔ دھماکا خیز مواد منبر کے نیچے رکھا گیا تھا جو مغرب کی نماز کے وقت پھٹا۔

    پولیس ترجمان خالد زدران نے ایک ٹویٹ میں کہا کہ دھماکا اس وقت ہوا جب لوگ حضرت زکریا مسجد میں نماز ادا کر رہے تھے۔گزشتہ برس طالبان کے اقتدار میں آنے کے بعد سے ایسے واقعات میں کمی دیکھنے میں آئی تھی تاہم رمضان کے مہینے سے داعش نے پھر اپنی گھناؤنی کارروائیوں میں اضافہ کر دیا ہے۔

     

  • افغانستان پھربم دھماکوں سے گونج اٹھا:4 خواتین سمیت 7 افراد جاں بحق اور متعدد زخمی

    افغانستان پھربم دھماکوں سے گونج اٹھا:4 خواتین سمیت 7 افراد جاں بحق اور متعدد زخمی

    کابل:افغانستان کے مغربی شہر ہرات میں بم دھماکے سے 4 خواتین سمیت 7 افراد جاں بحق اور متعدد زخمی ہوگئے بین الاقوامی نشریاتی ادارے کی رپورٹ کے مطابق صوبائی حکام نے بتایا کہ بم منی بس کے فیول ٹینک سے جوڑ دیا گیا تھا اور دھماکے میں 9 افراد زخمی ہوگئے.

    ہرات کے صوبائی ہسپتال کے سربراہ عارف جلال نے بتایا کہ جاں بحق افراد میں 4 خواتین بھی شامل ہیں منی بس پر بم دھماکے کی ہرات کے انٹیلیجنس دفتر کی جانب سے بھی تصدیق کی گئی ہے انٹیلی جنس دفتر کے ترجمان ثابت ہاروی کا کہنا تھا کہ ابتدائی رپورٹس سے معلوم ہوتا ہے یہ دستی بم تھا اور مسافر بس کی فیول ٹینک سے جوڑ دیا گیا تھا.

    ہرات کی صوبائی پولیس اور محکمہ ثقافت نے بھی بم دھماکے کی تصدیق کی بم دھماکے کی ذمہ داری تاحال کسی گروپ نے تسلیم نہیں کی خیال رہے کہ افغانستان میں دو دہائیوں سے زائد عرصے تک جاری رہنے والی امریکا کی سربراہی میں نیٹوفورسزکی جنگ کے بعد گزشتہ برس اگست میں طالبان کی واپسی کے بعد واضح کمی آئی ہے تاہم کابل اور دیگر شہروں میں اس طرح کے حملے ہوتے رہتے ہیں.

    ملک بھر میں ہونے والے اکثر دھماکوں کی ذمہ داری دہشت گرد گروپ داعش کی جانب سے قبول کی جاتی رہی ہے داعش افغانستان میں 2014 سے موجود ہے اور کئی بدترین حملے کرچکی ہے، جس میں ہزارہ برادری پر ہونے والے بدترین دہشت گردی کے واقعات بھی شامل ہیں.

    داعش کی جانب سے مسلسل ہزارہ برادری کو نشانہ بنایا جاتا ہے اور آج ہونے والا دھماکا بھی ہزارہ برادری کے اکثریتی علاقے میں بس اسٹیشن کے قریب ہوا ہرات افغانستان کا تیسرا بڑا شہر ہے، جو ایران کی سرحد کے قریب واقع ہے لیکن حالیہ مہینوں میں پرامن رہا ہے.

    قبل ازیں 11 جنوری کو افغانستان کے صوبے ننگرہار میں بم دھماکے سے 9 بچے جاں بحق اور دیگر 4 زخمی ہوگئے تھے ننگرہار میں طالبان کے گورنر نے بتایا تھا کہ پاکستان کی سرحد کے قریبی مشرقی صوبے کے علاقے میں ایک بم دھماکا ہوا جس کے نتیجے میں 9 بچے جاں بحق اور 4 زخمی ہوئے. .